日昇海鮮菜館 (已結業)

其實都黎過幾次多數都係深夜時段係香港大牌檔真係買少見少大碟又有鑊氣炒到大牌檔風味真係唔多開頭早黎真係無乜特別點知發現佢啲食物愈夜愈有水準椒鹽鮮魷香脆爽口必食干炒牛河大碟有鑊氣少油必食沙嗲金菇炒肥牛別有一番風味中菜又有中式牛柳都唔差通常食大牌檔都諗住呃錢多估唔到有間做到水準又唔呃錢今日又帶新朋友黎試下佢地都大讚食物有水準5人份量6碟炒野5支酒叫野完全唔洗睇價錢每人平均消費都唔洗200蚊真係物有所值，值得一試再試！

大排檔可算是香港最有特色的食店之一，坐在沒有冷氣的地方，吃著大堆頭的小炒，的確很地道。以前還沒有甚麼fine dining前情侶們拍拖都會經常吃大排檔，想不到現今成了港男給女友的考驗！Put aside 這種無聊的想／說法，小妹偶然都fancy一餐豪氣的大排檔晚餐，只是現在global warming 太厲害，要趕在炎夏來臨前大快朵頤！是晚跟MP跑到元朗來，無意中就坐下。這家餐廳的消費指數很相宜，一般小炒平均$40-$60一碟，適合我等倆口子來吃。當晚吃大排檔的原因是小妹忽然想吃炒蜆，所以一坐下就先要一碟。蜆殼和蜆肉的比例尚算很平均，沒有殼多肉少的問題。鑊氣則不太強，是普通之作。$50不到的椒鹽瀨尿蝦很抵吃size雖然不大，然而份量也不少。椒鹽沒有太熱氣的感覺，其實即等於鑊氣不足，但以這樣的價錢，其實也交足功課了。只吃兩味海鮮實在不夠喉，所以再追加了西檸肉排肉排果然啖啖肉，幸好沒有雪味。西檸汁做得很流身，生粉下得不多，所以不會太杰，比較合口味。姍姍來遲的是蝦醬通菜超多蝦醬，很惹味，不過通菜有點過老。在大排檔吃飯總少不了一支大啤冰凍的一支啤酒，甚麼熱氣味精在當時都立刻解了！一直都有大風扇

在我人生中.我係咪好乞人憎.我末搵到工之前,好想搵到工講俾我最重要的人知..而我覺得佢係想知的..今天我真係搵到工..只想賺一句祝福都唔肯...?難道我食評頂個段文字係最後一次...難道我搵到個份工唔係專業人仕..對方唔想識我..人間真係咁現實??神俾左一個假希望我......有錢有感情原來係事實....呢件事令我人生觀有的變,,我呢位朋友共患難...共唔到富貴???不過我唔會變的..我都會尊師重道...佢唔願意同我聯络.都無可勉強有緣的要在街上見?我講完心事.心事係要講出來...哈!!回正題..元朗呢個冬菇亭.晚晚坐無虛席.皆因..有些店以四菜一湯吸引人客.有些以大件吸引人客...食大排檔,第一件事...當然係飲啤酒.....例湯:係免費,唉..我係咪好乞人憎..要向店員三吹四請先肯送...如果看呢碗湯的外觀,好似唔夠火喉.事實上...味道清甜..唔錯 蒸鱔:鱔肉新鮮.個汁又唔會太鹹.肉質爽口..唔錯....炸大腸:炸得好脆..而且好大碟...肥膏好香...雖則呢個菜不健康.也令人回味....菠蘿酸排骨:大碟...我只嫌肉有點過硬....而個汁唔入味...有點差.....埋單180元

雖然應承朋友仔去食西餐，但心血來潮想食返d草根野，見呢間係YL最多笑既大排檔，加上次次經過都幾多人，一於黎試試。可惜，試完以後都未必再黎。黃瓜雞湯送的。份量頗多，大概都有7.8個小碗。入面有兩舊小小既黃瓜，再加舊雞頸同兩小片陳皮。味道過得去，至少，我都飲左4碗。馬拉棧炒通菜雖然係特價小菜，但都幾大碟。少辣，惹味，撈飯最岩。當然，油好多，每條菜都亮晶晶，所以望落真係好翠綠。係成晚最滿意亦唯一滿意既菜。豉椒炒聖子本來點豉椒炒蜆，傳菜既姐姐明明睇左我地張點菜單先擺低，等我地以為是日無蜆而改上聖子。點知食左一半又擺碟炒蜆黎，我地先至知自己誤會。立即同阿姐講之前上錯菜，問佢聖子要幾錢(menu無寫價錢)。佢話唔知道，總之一定貴過蜆。之後就拎走碟豉椒炒蜆。下次自己真係要小心D。比較下，聖子份量比蜆仔多一倍，而且蜆仔好多都係得個殼，蜆肉唔知沉左落d汁定早就甩出黎。之不過，聖子無鑊氣無火喉，明顯係白灼完再同d豆豉撈幾撈，所以隻碟勁多汁。成碟菜反而係配角--洋蔥粒同紅青椒絲先食得落口。馳名蒜香燒雞本想試下小炒皇，但見menu話係馳名菜色，一於試試啦。點知最失望最唔掂既就係呢碟。雞，半隻左右。勁老勁乾勁鞋

由下白泥出到元朗,都已經晚上7點多了.本身上開飯搵到幾間位於元朗餐廳,最後都無去到(大多人).行了半小時,沿途的餐廳都好難搵位>_<最後行到千色廣場對出那堆大排檔,轉了半個圈,見到某檔的檔邊欄有一張二人檯吉出,諗左十秒就飛去坐下~看看小菜牌,九成小菜的價錢都十分相宜.(我以為好鬼貴架).另外有廿幾款做特價添,特價那堆大部份都岩我們食.最後點了三特價,一正價的餸.冬瓜豬骨湯.這是我們點餐後阿姐就奉上.我們都打了個’突’.份量有半個湯碗.冬瓜件和豬骨都有給幾舊你吃下,湯很清甜,意料之外的不油不濃咸.好似我阿媽煲咁.我鐘意.本來以為此湯會計在茶錢上,埋單時先知原來不用計錢的.正~本來我們點是京都骨$40,點知店方整錯了沙律骨,其實分別是多了一劈沙律醬而已,無謂要人家再整,我們照要.因為我不吃沙律醬,所以先刮走才放入口.肉排邊就軟淋淋,中間都叫做有咬口.醬汁好香好足味,夠甜又夠酸,醬汁味醃到入到肉外,連肉都變成橙紅色了.蒜香雞$30,是例牌份量.吃不到有蒜香喎,只不過是普通的炸子雞而已.雞胸肉乾淨淨,只有近骨位的肉才叫沒有咁’嚴重’. 雞肉淡淡的.感覺一般.但如果連同雞皮吃的話

今晚我為39寸白朱古力胸安排了一頓簡單而不隆重的歡送晚餐。好感恩俾我地係呢間公司相遇上。我們點了共五個菜：1) 白灼蝦 – 肉質尚算可以，不算特別鮮甜。但以此環境此價錢絕對是可以接受的。朋友仔告知除蝦殼是連尾除掉的，我也是。2) 炒花甲 – 味道不俗，肉質鮮甜。謝謝服務員的推介。也謝謝朋友仔在我走開時為我留了一堆花甲，還要是已經起肉的。3) 西檸牛仔骨 – 未試過西檸牛仔骨，黑椒牛仔骨就不知食過多少次了。西檸配牛仔骨這個配搭其實唔錯，只是西檸味道蓋過了牛仔骨本身的味道。4) 炒芥蘭 - 芥蘭是新鮮的，但以馬來醬炒出來的味道就不是我杯茶了。5) 椒鹽鮮魷 - 椒鹽沒有蓋過鮮魷本身的味道，不算爽脆，但絕對過得到我對椒鹽鮮魷的要求。難得朋友仔接受我用手去感受鮮魷的味道，謝謝你！希望朋友仔你不會介意你的歡送晚餐沒有豪華的菜單沒有美酒沒有舒適的座椅沒有隆重的環境氣氛，但是在大牌檔可以大聲說放聲笑隨意坐。忘卻戰戰兢兢的心情，只要放鬆和輕鬆。只是萬一你讀完此食評後並不是如我所想，我會好好反省的。完結，就是為了有更好的開始。

今晚又無無聊聊一大班人去日昇食飯,叫左幾碟小菜同啤酒,食吓野,吹吓水,我地今晚叫左碟蒜蓉蒸勝瓜,黃金茄子同大鱔煲,都幾妤味.

價錢相宣,老細招呼又好,仲有最好食的豬潤蟹粥任你配搭,總之你講得出,都可以煮比你食,仲會問你煮得好唔好,招呼絕對O.K.

夜晚呢度好熱鬧。四個人來吃，食四碟送，以海鮮為主，好平，平均都係$40-50/碟，有D小菜仲係＄28/碟添。坐出路邊吃好有風味。我地仲叫左好多啤酒飲，我因為夜，又唔想影響返工，所以都無飲。哈。四味之中，最鍾意個鹹檸烏頭同埋個粉絲蒸蝦。由九點幾食到成十二點。

如果唔係住天水圍城的友人告之,原來元朗建業街附近,有個冬菇亭,夜夜生意興隆.幾個檔口火光熊熊,食客在露天位進餐,彷彿大笪地重見天日.見到邊度有位就坐下.坐下望個餐牌,原來這邊是"日昇海鮮菜館"之環頭.心想間間水準,應該差不多.再掃掃個餐牌,沒有什麼花臣菜式.只有傳統的大排檔小炒,價錢相宜,每道大約$38-$50.兩個人四個小菜,再加特價$10一支的森堡啤酒.坐在人來人往的冬菇亭,豪氣干雲.上菜前奉送的老火湯,合掌瓜豬骨湯,小弟一向不好合掌瓜,感覺一般.蒜茸開邊蒸中蝦,中蝦有肉味,肉質爽甜.面頭的蒜茸用來送啤酒.豉油雞例牌,雞肉都算幾嫩滑,亦有雞味.豉油亦入味.叫得啤酒當然要一味半味椒鹽菜式,此味椒鹽九肚魚,甘香鬆化.魚肉都叫得嫩滑.薑荵魚頭煲,魚頭面額肉夠嫩,因為爆得火光熊熊,所以吃不到丁點泥味.很不錯.不經不覺幾支到肚,夢遊狀態下走路,差點與友人一起入天水圍.