日月堂

营业中

休息中

見到openrice 咁多好評就黎試吓，點知好失望！非常中伏既一次體驗。下午黎，間店得幾個人，成間鋪好空，無咩客人，已經感覺唔係好對路，完全唔係好似d正評話好受歡迎，好多人，好滿座咁。兩個有鄉音既阿姐做店員，本身我以為間餐廳係好港式，點知又唔係。不過唔緊要啦，最重要都係食物。叫左個芝士雞扒便當，睇食評話好好，所以試吓。嘩，個雞扒超乾，又硬，又鹹（唔係出面鹽酥風味果種好味鹹），真係超難食，我食左一舊就無辦法繼續食落去。仲叫左個柯仔煎，呢個又係好伏，味道酸縮咁，質素好差。個雞扒我食淨好多，無點郁過咁，張台淨低好多野食，個阿姐都好快走黎問我食完未，收走d野食。好似趕人走咁，但明明成間店都無乜人。總括嚟講呢次咁差既體驗令我對工廈餐廳好無信心，我之後都係去返商場食穩陣d啦，今日浪費哂食野quota.

今日是星期日假期，我約同好友去位於觀塘興業街14號永興工業大廈4樓C2室的日月堂食台灣菜。環境寬敞開揚，坐得舒服，今日人頭湧湧，好熱鬧呀。我點左牛三寶麵 $80，好友點左清燉半筋半肉麵 $75，小食係家鄉水餃 $40及起司肉鬆蛋捲餅 $40，飲品係凍百香果紅茶 $14（跟餐），凍茘枝綠茶 $15（跟餐）。牛三寶係牛腱肉、牛筋及牛肋條。半筋半肉是牛筋和牛肉各半份。牛腱肉炆得軟腍好味，牛筋有咬囗，牛肋條煮得入味及有口感，牛肉味濃好食。家鄉水餃好味又好食，起司肉鬆蛋捲餅煎得香口，熱辣辣好味，凍百香茶紅茶和茘枝綠茶都係好好飲。

今日去開觀塘行街，喺附近搵嘢食，search到e間人氣幾高既台式小店，即刻去試一試🤤😙小食叫左肉鬆蛋捲餅和酥炸魷魚：蛋捲入面有滿滿嘅肉鬆，而魷魚亦都炸得香脆可口😜😗麻辣牛肉冬粉個牛夠晒厚身，亦好夠軟淋👍🏻麻辣味道勁香，帶有微甜，冬粉就索晒啲麻辣味，真係超好味😋😗牛三寶麵入邊有牛腱肉，牛筋和牛肋條，份量好足，舊舊都係厚切🫡，麵又彈牙，牛肉湯都好香濃，加埋紅蘿蔔🥕甜甜地，非常入味🥹🫖飲品方面叫左熱桂圓薑母茶和凍鳳梨綠茶，特別鍾意薑母茶🤗，夠薑飲完暖笠笠，啱晒養生嘅我🥰

知道朋友喜歡食台灣菜，今晚揀咗日月堂食，7:00已經坐左八成滿，幸好有位😂在枱上有紙有筆可以填在台灣的時候，我都必食蛋捲，見到有即刻想食😂叫咗肉鬆蛋捲餅：蛋皮煎到好香，好有蛋香味，我覺得食落去口味同台灣食的一樣，而且包滿晒肉鬆，又鹹又甜紅燒豬腳拌麵：豬腳煮到好淋，好入味充滿豐富骨膠原，而粗麵都好彈牙，唔想食咁熱嘅湯麵，可以選擇拌麵清清地加咗烚青菜：白菜仔凍鳳梨紅茶：茶味香濃，台灣鳳梨都係出名黑糖珍珠奶茶，珍珠食落去有啲Q彈，飲落去有種回味愛玉凍：食落似啫喱，加入青檸，酸酸甜甜，甜品劃上完美的句號雖然張枱不算大，但係食完都好快收碟👍🏻

平民CP值超高飯堂！次次黎觀塘都想食一次！因為又抵食份量又多，次次黎親都好爆人絕對唔係冇原因😳牛三寶麵牛腱牛腩牛筋，巨多牛大大舊～好軟嫩入味😍仲有紅蘿蔔！調味成個湯底都好濃！咁多餸都係$80😳起司肉鬆蛋捲餅個皮唔會好粉感，入邊既餡料非常足料！超多芝士，肉鬆多到就黎流晒出嚟😳食蛋捲餅一定係我食灣野菜必叫首選🤣酥炸魷魚好酥脆，個炸皮唔會太厚，亦唔會太乾魷魚肉質好彈牙，味道都好惹味豬腳便當豬腳好軟腍，膠質豐富，而且個汁好濃郁，配埋滷肉飯，有蛋有菜有滷肉，仲加左啲梅菜黃瓜，成個便當配搭都好豐富又開胃🫶🏻熱黑糖珍珠奶茶｜凍鳳梨綠茶黑糖珍珠奶茶叫左熱既，令到成個奶茶香氣更加濃郁💓鳳梨綠茶清爽甘甜，兩杯份量都好大杯夠晒送飯送麵😆

Lunch想同同事食台灣野，同事search到呢間好似評價幾好，於是就走去試見到個餐牌好多樣野我都想食，最後我揀左紅燒牛肉麵，佢配左個前菜，而飲品我半價轉左百香果綠茶（無影低，不過反正個杯都唔係透明，睇唔到入面）。個牛肉麵湯底好濃味好足料，d 紅燒牛肉亦好夠入味好淋麵嘅口感好彈牙又唔會太厚。白蘿蔔同紅蘿蔔亦好淋，一d 渣都無飲品亦唔錯，無覺得太甜但成個過程我覺得d 侍應態度都幾麻麻，甚至可以話有個人d 態度差過茶餐廳侍應除左個收銀好少少。個好評完全係俾d 野食，唔係d 職員態度。

去到觀塘行完街，朋友話想食台灣野就諗起日月堂，呢間餐廳成日都爆滿，好彩今晚算早，入到去仲有少少位🍱起司雞排便當 $63金黃嘅拉絲芝士鋪滿雞扒，非常吸引，雞扒煎得表皮香脆，肉質嫩滑，啖啖肉🐥 滷肉飯材料豐富，滿滿滷肉，肥瘦適中，滷蛋入味，配埋醃蘿蔔一齊食都好惹味滷雞腿便當 $65滷雞腿滷得好入味，size都幾大隻，肉質軟腍，配埋滷肉飯食都好好味燙青菜 $24白菜仔淋上滷水汁都好好味，爽口鮮甜蚵仔煎 $42非常足料，每隻蚵仔都大大粒好飽滿，甜甜地嘅醬汁都好開胃珍珠奶茶 $28 香芋奶茶 $262款飲品甜度適中，珍珠Q彈有咬口

日月堂終於試到呢間位於觀塘工廈既得獎餐廳佢地拎左最優秀開飯「東南亞菜餐廳」獎同最優秀「觀塘區開飯熱店」獎食完覺得果然冇令人失望!而且價錢又實惠真係叫多幾款野食都唔會心痛~1.牛三寶麵（牛筋、牛腱肉、牛肋條）$80湯底勁濃郁! 刀削麵彈牙得泥又滑身最驚喜係個牛腱! 係超級厚切同軟腍筋同肉既比例係完美!牛肋條同牛筋都好出色2.傳統豬腳便當 $68豬腳大大舊煮得好入味係滿滿冒骨膠原感~而個魯肉飯都好用心魯肉肥瘦比例啱啱好!好正!3.蚵仔煎 $42蚵仔煎好有台灣風味蚵仔勁多同好肥食落滑溜溜再配埋佢地個醬好似去左台灣夜市咁4.酥炸魷魚 $48炸到好酥脆香口而且呢個價錢份量咁足仲抵食過D小食店呀!食到咁上下可以配埋佢地既梅子粉加左之後甜甜地好特別!整體嚟講，今次呢餐好滿意❤️工廠大廈入面有咁高質嘅台灣嘢都算係驚喜「縱未知明日福禍，仍約定你下月平安相聚。」約定你快D泥試下啦!~

༺日月堂༻日月堂的台灣菜十分正宗😚味道好而且不太貴～ 午市套餐更抵食，好適合在觀塘工作的人去食！🪄︎︎◝✩ 𝙁𝙤𝙤𝙙 𝙍𝙚𝙫𝙞𝙚𝙬 ⤵➳ 麻辣鴨血刀削麵（$70+5轉刀削麵）好多件鴨血，軟嫩入味！味道好夠麻辣😆 刀削麵薄身的，有台灣風味😚➳ 炸鹽酥雞($48）鹽酥雞份量多，外香脆內嫩juicy🥰另外可以加鹽酥雞粉，但本身已經夠味～➳ 桂圓薑母茶($20)好飲好暖胃😚不會太甜，而且好大杯！

牛肉麵嘅牛肉超級多，份量有起碼其他餐廳1.5倍嘅份量，所以食完之後真係超飽。牛三寶有牛筋、牛腩、牛展。三樣都好好，又夠腍、又夠入味，但又唔會太腍，仲有少少咬口，係我認為最啱嘅軟硬度，所以建議鍾意食牛肉嘅人可以揀牛三寶多個半筋半腩。湯底非常濃郁，鍾意飲湯嘅就啱晒，不過有少少鹹咗啲。鹽酥雞同埋酥炸魷魚都好好食，炸粉好有味，雞肉同埋魷魚仲keep到好滑。叫咗黑糖珍珠鮮奶，甜度剛好，珍珠彈牙，唔硬。總結：價錢抵食，食物好食，服務好，推介。

這間台灣餐廳的牆上掛著旅行照片，燈光柔和，工業風色彩搭配和諧。播著台灣歌，好有fu🤣.🐷滷水豬腳 $45豬腳色澤紅亮，香氣四溢，燉煮得非常軟爛，膠質豐富。每一口都充滿濃郁的肉香和醬汁的鮮美。配上些許蔥花增添了清爽的口感，讓整體不會過於油膩。😍.🍳肉鬆蛋捲餅 $49肉鬆蛋餅外皮酥脆，內餡軟嫩。蛋餅的蛋香🍳和肉鬆的鹹香完美結合，每一口都能感受到多層次的口感。蛋餅外層的酥脆和內層的柔軟形成鮮明的對比☺️讓人一口接一口停不下來。搭配少許甜醬，更增添了味覺的豐富性💕🍜牛三寶麵 $80🍜清燉牛肉麵 $70牛三寶有牛肋條、牛腱肉、牛筋🐄麵湯頭濃郁，牛腱肉燉得入味且軟爛，入口即化。台灣麵條彈牙有嚼勁，吸滿了湯汁的美味。湯底中加入了紅蘿蔔和青菜，增加了營養和口感的豐富性。.🧋珍珠奶茶🧋仙草奶茶.📍 日月堂 (觀塘)觀塘興業街14號永興工業大廈4樓C2室

今日放工嚟咗日月堂度食飯 估唔到全場爆滿最後等咗20分鐘先入到座 建議想食嘅朋友最好book定位先牛三寶麵三寶姐係牛腱肉 牛筋同牛肋條 煮得軟腍入味 麵條好有嚼勁 湯底亦好重牛肉嘅鮮味炸排骨便當排骨炸到好酥脆 滷肉飯相當有驚喜 滷肉份量足而且肥瘦相間炸鹽酥雞食台灣野又點少得鹽酥雞 無骨嘅鹽酥雞咬落啖啖肉酥炸魷魚灑上咗胡椒粉嘅炸魷魚食落好香口荔枝紅茶食咗咁多炸物最啱飲茶解下油膩感 有淡淡嘅荔枝味珍珠奶茶珍珠夠哂煙韌而且奶茶嘅甜度啱啱好

成日聽人講日月堂台灣菜，今日終於黎左試， 上到去見到咁多人，都知係好食又抵食！叫左主食，小食同飲品，每人都係$130左右，仲要係好夠飽！嘢飲嘢食全部都係新鮮送上，熱飲係熱辣辣！份量大，好夠食，麵同埋小食都好有份量。紅燒半筋半牛肉麵，麵質夠滑而麵條闊度適中易入口 ，又有嚼頭。嘅闊度適中好煙靭，湯有牛肉鮮味偏甜有掛汁 ，牛肉半肥瘦適中，而且夠冧入口，怕吃肥肉的都好啱食。麻辣雲吞撈麵，麵底煙靭有干蒜同埋櫻花蝦，入口香口但略為較辣，如果唔能夠食辣嘅人可以建議小辣，配有滷蛋同埋五粒雲吞菜肉雲吞，用料足，餡多汁！ 酥炸花枝丸，個炸皮同一般不同！ 唔會好油膩同厚！ 鹽酥雞香口，炸粉唔重唔厚，食多兩舊都唔覺得Heavy！同埋好香口，有椒鹽味！鳳梨綠茶走冰勁大杯，鳳梨味重唔算太甜，同綠茶好夾好好飲，加左珍珠，煙靭有咬口。值得一讚menu內，除了有紅茶綠茶等一般台式飲品選擇，還有一款係鮮奶加上黑糖珍珠供選擇，好適合怕飲完茶睡不著的人，算是很貼心的服務。

話說我平時都鍾意食台灣菜，幾享受果種既美食，所以以耐唔耐都會搵一間新既台灣美食去試下😆今次比我發現左，觀塘有呢間隱世台灣美食，朋友都好推薦，於是就黎幫襯下✌🏻🌈紅燒半筋半肉麵 $75紅燒既煮食方法的確好夠火候，肉味完全香噴噴到極致！🌈清燉半筋半肉麵 $75估唔到肉味又不輸紅燒！夠咸之餘仲可以用另一個角度品嘗佢既牛肉鮮味👍🏻🌈蚵仔煎 $42蚵仔🦪既濃味，同煮蛋既香味融為一體，相輔相成嘅效果冇得彈！🌈台灣香腸 $40肉質好爽，好埋又好彈牙。用黎做小食同朋友share最合適不過！🌈黑糖珍珠奶茶奶（凍）$34未攪拌既時候飲，可以享受到清香既奶茶味。攪拌之後，黑糖加強左奶茶既香濃味道，冇得頂！🌈桂圓紅棗茶 $20最鍾意香甜既桂圓味道，用黎襯托呢一堆台灣美食一流，食得更加滋味😜

位於觀塘永興工業大廈嘅❣︎日月堂❣︎主打食台灣菜嘅餐廳，聽啲網友話成日要排隊先食到架🫢呢度地方都好大，座位好闊落，價錢大眾化，款式選擇多，好岩鍾意食台灣菜嘅朋友。❣︎炸排骨滷肉刀削麵❣︎$70炸排骨好大塊😍香脆可口，刀削麵條有嚼勁，夠Q彈，滷肉份量多，lunch餐會送餐前小食及冬瓜茶，前菜有地瓜，炸魚條同青瓜。❣︎台式滷雞腿飯❣︎$65滷雞腿鹹香油亮，滷肉鬆軟跟埋半隻滷蛋，黃瓜同甜酸菜，好豐富。❣︎湯青菜加配❣︎$15加左滷水湯汁去煮嘅白菜仔清甜嫩滑。❣︎滷水豬大腸❣︎$39淡淡滷水香，口感柔而不韌。❣︎凍黑糖珍珠奶茶❣︎$34奶茶入口幼滑，黑糖珍珠煙韌彈牙，甜度適中。❣︎凍黑糖珍珠鮮奶❣︎$34鮮奶厚滑，味濃而不膩。