日月星快餐 (已結業)

今日和朋友走一轉九龍灣. 之前聽過友人言談間談過炸脾, 我就向他們推介日月星的炸脾飯+螢光汁. 朋友聽到後眼睛都亮了. 說到做炸脾好食的, 我只食過這間吧. 難道大快樂那些就叫好食嗎?我對雞肉其實麻麻, 趁今天星期三就索性叫晚餐吉豬飯好了. 朋友側試炸脾. 我之後都很後悔沒有叫呢, 因為朋友切了些給我, 真的很好食! 即叫即炸, 很燙口, 外皮很脆, 雞肉夠滑, 實在天衣無縫! 不過好像加了價, 前1,2年我記得散叫連飲品都不超過$24, 今次要$27.我的吉豬飯就$24 連汽水, 兩片薄薄的吉豬, 沒什麼肉可言, 好在滿滿炸粉食落都不是很油. 再配埋我最愛的螢光汁, 很快就撈了成碟飯. 我覺得哩度食野真係幾平, 只是沒有冷氣而已.

今天係九龍灣行一陣, 突然想食炸雞牌, 而且這裡的雞牌都幾出名, 就試下啦~這裡的座位只有兩張摺"木台", 10個位都無~點了炸雞脾餐+炸豬扒餐~炸雞脾餐: 老闆會比對膠手套, 都幾衛生~大大隻炸雞脾, 跟餐真係抵~係大x樂食都唔止$20啦....(75分)炸豬扒+沙律: 炸豬扒都唔錯, 都幾大件(70分)飲埋杯凍檸茶真係正到暈!!!我們嘆緊下午茶途中, 都好多人打電話叫外賣~可想而知, 這裡真係平靚正呢

今日難得出到九龍灣，當然要一嘗生炸雞脾不得不提，第一次去有些難找，因為間舖係條巷仔到，不小心就會miss了！只有幾張枱，大約6個位，數個街坊在吃午餐。搵到成身汗，緊係即係叫隻生炸雞脾黎試下啦叫左唔夠一分鐘就有了，所以生炸是沒有可能吧？大概是翻炸，不過也很好味！整完阿姨霸氣叫左2次炸雞睥，嚇到我即刻跑過去拎拎住大大隻炸雞脾食，真係好滿足！炸雞脾炸得酥脆，外皮不會太油，依然有些黃色的肥膏，但只有很少，雞肉炸得有點乾身，不過不是大問題，咸味適中，挺惹味有機會會再造訪

今日諗住叫個下午茶麵餐食下啦(外賣速遞 )見到日月星快餐，未試過，試下先叫個回鍋肉出前一叮 火腿蛋 凍奶茶送到黎，回鍋肉變左雪菜肉絲，出前一叮就漲哂，奶茶又無落糖水叫佢換番個回鍋肉黎，仲話要收多我一蚊，因為要用多隻碗喎你D野難食兼送錯，仲要charge我，呢個咩道理！？呢間咁既野真係唔black list 唔得!!!

首先講d唔關事既野, 我唔明呀, 點解星期一寫既兩篇食評到今日星期五都仲未批到, 但禽日寫個d又出哂la wor?! 搞到d 時序亂哂, 唔鍾意 想試炸雞脾好耐, 今次終於試到la堂食只有六個位, 但黎呢度食既人多數都係買外賣, 所以唔駛等就有位la要左個雞脾餐, 飲凍奶茶~ 個餐好豐富, 除左雞脾之外, 仲有一份兩件腿冶, 都只係$21, 凍飲加$2, 非常抵食!仲以為要等好耐tim, 見佢甘多外賣單, 點知唔駛5分鐘就所有野都到齊哂! 真好!先食腿冶, 味道當然無咩特別la, 但有驚喜位 – 塊包入面搽左牛油! 所以食落去唔會好乾雞脾好大隻, 炸至金黃, 賣相唔錯!大啖甘咬落去, 好美味好滿足呀! 雞皮脆卜卜, 平時我唔多食雞皮, 就算KFC個d 我都鍾意 “mi”走塊皮, 但呢度實在太好味la, 唔食實在對唔住件雞脾兼對唔住自己! 肉質未算嫩滑, 但一定唔係 “鞋”! 呢隻雞脾正!除左雞脾, 凍奶茶都係佢地既招牌, 果然無令人失望! 好滑, 奶味香濃, 無苦澀味, 但略嫌茶味未夠出, 我諗叫 “少甜” 可能會好d! 甘既價錢甘既質素, 去邊度搵? 唔食你走寶!

依間鋪頭專做外賣,,,要叫滿80蚊先可以外賣速遞,,,等既時間都幾耐下...同埋,,,找錢個陣先知,,,已經加左價...同外賣紙價錢唔同...唔理嚕...肚餓,,,開飯先...足料油膩高卡餐!!!成日食都唔係幾好...飲野方面...同平時一樣,,,叫杯茶走...搞笑既係... 佢毫然唔寫邊杯打邊杯...要一杯一杯咁搵...總括黎講,,,算麻麻啦...

一間便宜的街坊飯堂，主打外賣，店鋪也有數張枱可堂吃。日月星的雞脾的值得一讚，無論炸或鹵水，雞脾也不會有一塊塊黃色的肥膏，雞肉嫩滑有雞味。個人認為出名的生炸雞脾是ok：做到皮脆。但因他們是預先炸好，客人落單時再翻炸，所以有一點炸過頭，肉有點乾身和實，但可接受。反而個人較喜愛他們的鹵水雞脾：鹵得很入味，雞肉很嫩滑，咬下會有鹵水汁和雞油溜出來！雞脾的茶餐跟腿治和飲品，飲品方面，這個餐跟可樂的話就最有feel，好像學生時代的肥仔餐："叔叔，要炸雞脾可樂，唔該!" 我要了奶茶，奶茶奶味偏重，很滑，ok!腿治有一點求其，各位可要求轉奶油多、腿蛋治等(沒有留意加多少錢...)雖然他們出菜較慢(平均等10分鐘，因很多order)，但他們會留意有沒有人客等得太久，然後作自我摧促，這是值得一讚；而且，如吃雞翼雞脾，他們會跟膠手套，真的很貼心! 另也推介魚香茄子飯，外貌和一般市面的淡色(看到時以為不好吃)，但吃下的味道是很對版！很欣賞他們真的會落鹹魚粒，現在不是很多餐廳會落的。

嘩!天時暑熱，可以的話，還是別在日月星快餐店選擇堂吃，因為真的好悶熱! 是日，我和老公叫了生炒牛肉飯，薑蔥魚腩飯，凍奶茶和凍檸茶• 生炒牛肉飯: 份量很小，只適宜女士吃;至於味道就ok，不過不失•薑蔥魚腩飯: 炸魚腩有點腥，沒有想像中那麼好味道‧凍奶茶: ok•凍檸茶: ok•

自從在openrice知道這間街坊快餐店以「生炸雞髀」聞名之後，一直想去試試，但苦無機會一試，假如要特地前去，又覺費時失事。直到這天......這天早上因事要到九龍灣，既然順道，於是早點出發來這裡看看吃不吃得到這裡的招牌「生炸雞髀」。原來這裡的確是一間很港式，充滿懷舊味道，活脫脫很七十年代風味的快餐店，店子小小，店前只有三數張檯可供客人坐下吃東西。像許多七、八十年代的港式快餐店一樣，這店的牆上滿是各款不同的套餐海報，無論早餐、午餐、下午茶餐、常餐、快餐、晚餐都有，簡直令人目不暇給。放眼望去，這裡的早餐除了價錢特別相宜、抵食之外，款式似乎無甚特別，都是一般的茶餐廳早餐，心中不禁一沉，莫非來得太早，一心來吃的「生炸雞髀」還未有得吃。幸好，當再細心搜索之後，竟給自己發現原來這裡除了早餐外，還有三款全日供應的茶餐，當中正好有一款有「生炸雞髀」在內，此外還有火腿三文治和汽水，既然這樣，當然不用多想，立即要這款茶餐當早餐啦！其實這份茶餐相比起這裡的其他早餐來說是沒有那麼抵食的，因為這裡的早餐最便宜的只是$12，較貴的也不過是$15~16，但這茶餐卻要$20，要是下午才來吃，也只收$17而已，不過為

上次吃完它的炸雞脾飯之後一直對它念念不忘,巧遇星期二套餐又有炸雞脾飯,二話不說就來一個配茄汁,還送羅宋湯。雞脾飯有多好吃不用說,驚喜的是羅宋湯好足料,夠成意喝得出不是罐頭湯溝水滾幾下就算,味道用料都很好,很快便喝完一碗呢下次要來試試它的星洲炒米和炒公仔面而且一定會再叫羅宋湯PS.可能是主打外賣關係,店舖面積細小而且沒有冷氣,堂食有點辛苦,很熱很熱,不過這樣的價錢這樣的食物已經抵過

Had a nice breakfast at the restaurant. Lucky not many people were eating there however there were lots of calls for delivery.The owner of the restaurant weas very good to his staff becaue he treats his part time delivery staff very well. While I was eating my breakfast a part time delivery staff was reporting for duty. The owner went to explain the rules and regulations to the delivery staff. The regulations were very fair and very good towards the staff.1) report the work on time, if sick cal

一次偶然下俾我係OPENRICE見到呢間舖頭既食評, 唔少人都推介呢度既炸脾小弟對炸脾唔係有太多既研究, 分唔出生炸同唔生炸既差別, 只本著"脆", "香", "味美"去評是日有機會食到, 點左茶餐, 有炸脾, 腿治同汽水, 都只係17大元, 好難想像可以佞低過$20既價錢食到一個咁豐富既茶餐腿治仲要係一份(2件), 唔係半份!!先食腿治後食脾, 隻脾攤左一陣都仲好熱, 咬落都夠脆, 而且仲有少少肉汁, 無話炸到"乾爭爭"隨餐仲附送膠手套一隻, 咁體貼既服務係只有小店先有大啖大啖咁咬, 食完再一口氣飲埋杯汽水, 呀~又係一個滿足既表情掛面.........

人人追求雞脾都係為左新鮮同脆呢間有做到新鮮炸出黎但係唔夠脆囉...如果大大隻可以更加吸引佢既份量吾可以同出面個d小食店比-,-其他都吾錯,,但係食物選擇小左d又抵食,,大家經過可以試下..但係位置就偏左小小

來這裡就是為那隻正點雞髀，就點了一個雞髀腿治餐，等了一會後就送上來，一拿起雞髀就忍不住要放下，實在太熱了﹗立即就吃隨時連膠手套也溶掉，所以就先向腿治埋手。這腿治雖然不是烘底，但也是微暖的，裡面有塗上牛油所以吃起來很香，火腿也有輕輕煎過，比起白灼火腿白麵包自然香味得多。再拿起雞髀，咬下去非常卜卜脆，而且沒有過多的油滴出來。一般在吃雞髀時總會遇到一舊很黃的雞油，但從圖可見這些雞髀炸得很好把那些雞油都逼出來，自然不用擔心可以大口吃。雞髀自然是冰鮮貨，但吃起來絕不會食之無味棄之可惜，反而因為沒有經過醃製所以更能吃到雞肉的原味，另外從圖亦可見雞髀很夠滑，看不到一層層的雞肉，吃完不用找牙籤撩牙。再加上一杯夠冰涼的汽水，"Er"一聲，條氣順晒熱氣冇晒﹗

幾個月前吃過日月星生炸雞脾，皮脆肉嫰，念念不忘！下午約咗朋友一齊去食返當日的正靚雞脾茶餐：閒日 4:00PM 無咩人，可以喺細細的店舖入面坐，我同朋友一人叫咗一個 A2 下午茶餐：生炸雞脾 + 三文治 + 凍檸茶 / 水，都只係 17 蚊 + 2 蚊凍飲 正！邊到有咁平咁抵食的嘢？幾個月前幫襯，我同朋友都等咗十分鐘或十幾分鐘左右，因為雞脾係生炸，係未熟之前，放咗熟油喥炸，所以製作需要！ 但今時唔同往日了... 今日嚟食返個「生炸」雞脾，落咗單一兩分鐘，阿姐已經放咗上我哋枱... 「生炸」雞脾去咗邊？眼前呢碟炸脾，好難唔令我懷疑，到底依家係咪已經恰熟咗個脾先去炸... 一咬落口，極盡失望... 個「生炸」雞脾肉鞋到非常... 好似恰咗好耐的雞脾..皮係脆，但成隻雞脾淡茂茂，無咩味... 最奇怪係：皮係熱，但係裏面的骨同深層肉係微暖..當日令我念念不往的「生炸」雞脾已經風光不再，今日我同朋友呢兩碟一分半鐘即製的「生炸」雞脾... 到底係異數？定係日月星「生炸」雞脾已經失蹤咗，都係無從稽考... 過海食雞脾，換嚟咗失望的下午餐茶餐... 真係好失望.