日月星快餐 (已結業)

上次食唔到，一直都打算再嚟！點知一等就兩個月...時間尚早，可以食到下午茶餐，當然係炸脾餐啦！餐飲要咗奶茶，夠奶夠茶味，飲完唔會成個口嚡晒，證明茶底幾靚。等咗十分鐘左右，熱辣辣炸雞脾送上。炸得好透，唔油兼唔會實的的，雞皮又炸得脆口，想減肥都要等陣先。配腿治本來覺得有o的怪，食落原來o的味又夾得到喎！唯一要彈，唔係好夠味，如果有樽淮鹽o向枱面就正斗...不過，已經係好少機會食到o既極品喇！

牛頭角下邨清拆在即…所以就和一班食友在假日橫掃牛頭角大小食店~希望在最後限期之前在這裡留下我的腳印~第一站雖不在牛頭角下邨的清拆範圍內…但這裡的炸脾遠近馳名…作為第一站實不為過~炸脾~…其實我通常都吃油脾~因為總覺得油脾會比炸脾嫰…而且沒那麼熱氣的~我和sheep分享了一隻炸脾~炸脾size很大…看起來好像很好吃似的….外表炸得脆脆的~肉汁雖不多但冒著熱氣的雞脾肉十分嫰滑…不過唯一可改進之處是外皮的味道爭少少…可能少了點淮鹽吧…所以少了點惹味…極速地吃掉一隻大炸脾~本以為這裡可以稱得上是超高質素的炸脾~可是在牛頭角下邨內…一山還有一山高呢~

日月星的炸脾一向極有水準，今日路過又口痕想吃點炸物，瞥見餐牌上有魚柳包，寫著7 元正，炸脾要14 元，明顯是包包較抵，便要了一個。誰知老板娘居然說：魚柳包12 蚊，小妹心想：與M記價錢相差不遠，塊魚柳都應該有返咁上下SIZE 啦！照殺！　不過餐塊上明明寫著7 元，真有點被騙的感覺等了一會終於到手，連忙打開紙袋拿出魚柳包，我塊魚柳呢？！魚柳小的可憐，面積居然只有一個普通嘉X　漢堡包(即是Ｍ記那隻)的1/3 !!!　沙律醬也明顯不足，雖然魚柳炸得極好，夠脆夠香口，炸粉又夠薄，但縮水情況這麼嚴重，小妹完完全全是被呃錢，以此價錢我絕對可以到Ｍ記買一個極多醬的魚柳包，而且魚柳一定與包身同樣大小！ 真的要給喊面，不過希望這次只是意外吧！

雖少炸粉 卻仍大份見到咁多人讚呢間野所以專登走來一試叫了椒鹽雞翼 + 炸脾其實兩者的味道分別不大所以若要來試味...只叫其一便可通常呢類的快餐店...d 炸脾都會有好大舊的炸粉用意旨在充大頭鬼等大家覺得大件d....抵d但係呢間就唔同喇大大件.....卻是堅大份果隻絕無虛構成分而且因為佢係即叫即整的所以 全部野都熱膝膝佢d 椒鹽味完完全全的係呢d 熱氣之中 噴出雖是雪雞...但係都可口非常總結行經附近都可以買隻尼做小食~

平時不愛食脆口東西的我, 於幾天前到日月星.. 哇, 間野真係都幾細下.. 咁我就企左一陣先坐低咁我同朋友都各叫左個餐,星期五飯-----咸魚雞粒炒飯, 例湯 $22下午茶餐-----炸雞批, 火腿治, 凍奶茶 $19咁首先黎左杯凍奶茶, 好快手, 都唔駛三分中就到了~再黎係例湯 ~ 蕃茄薯仔馬蹄湯, 唔水, 唔知有冇味精, 幾好飲之後就到個飯, 睇落去麻麻多, 食落去完來都幾飽 ~.~之後就到雞批, 哇,, 我見到好厚- - 又好油.. 都吾知點食好..咁我就開始食啦..食落去好脆口- - 但食食下都幾好食喎~咁到個火腿治, 都0k喎, 完全唔油, 唔多厚, 唔會好濟..

午餐本是要到牛頭角蘭香園的。車子經過九龍灣站，想起個多月前在OR試食局自己提過這兒的炸肶，登時掛念不已。於是馬上走出車廂，順步走來重温舊夢可也....時間尚早，店子人不多，小弟的那隻炸肶，自然就能慢工出細貨了不來已久，價錢已從十二加到十五大洋，加幅可算是極高。但吃過之後，仍是覺得物有所值的...未吃前光是看色水便知是極美味。吃上口更是不得了 ---- 皮脆得喀喀聲作響，肉不嚡之餘還保留着點肉汁。單是這兩點，其他普通快餐店的出品已是望塵莫及了....最重要是每次去吃的水準都十分穩定，而且有點感覺是，一次比一次好。這一點，極難得若然有所謂平民版的米芝蓮，這兒的炸肶必在小弟的選擇之內.....

由於要欣賞陳綺貞演唱會的關係, 肥妹終於有機會到九龍灣一遊, 順道品嘗大家推介的"日月星"炸脾.食物:1. 雞脾飯配茄汁炸脾可謂色香味俱備, 肥妹連皮都啃掉,因為雞皮竟然沒有常見的黃色肥膏圍邊/墊底,而且雞脾切開了才炸, 炸得很均勻.可惜飯沒有半點飯香, 茄汁味亦不夠濃郁. 2. 煙肉火腿飯朋友要了一客煙肉火腿飯, 依肥妹看, 賣相一般, 朋友說味道還可以.3. 凍奶茶奶茶比一般茶餐廳遜色, 奶粉味太重.如果下次再到九龍灣, 肥妹一定會再來 ^_^ 不過我只會RE-ORDER炸脾.

lunch得0個幾個字食飯，當然要又快又急，所以又係叫呢間野外賣。每日的兩款快餐是必然之選，只係$20仲包野飲，如果散叫可能要成$30。今日的是雞扒腸仔蛋飯配茄汁，飯盒一打開是差不多滿瀉的，賣相當然不好，不過份量取勝。雞扒有幾件，食落當然係雪藏野無咩雞味，不過仍算嫩滑不太o鞋口，是落鑊煎過的所以不是太肥，再加岩岩熟既荷包蛋一隻及微煎了的腸仔一條，足夠送哂成盒大白飯﹗地盤工人也吃飽，飯盒來說叫做ok的了﹗食完仲可以小睡一會，這是今天的午膳時間了﹗

多數都會食呢道既下午茶餐 // 有2隻chicken wings + hot dog/油多 + 飲品 $16 chicken wings 真係好好味 .. 應該唔洗用好多味粉淹 .. 不過炸出黎又唔多油 .. 好好味 ..多數我都會chioce hot dog .. 因為又多條腸仔 同埋有salad sauce ..不過呢道唔好就係冇位坐 ...好彩成日都係叫上男友hm食 ^^

十月廿六日(星期日)從上海回來後,我們還未一起吃過lunch!今日到九龍灣來!先來個lunch!之前(出發前)來過,但是找不到日月星,原來上次行錯了方向!今次老公帶路!...終於找到了!要自己開檯的!.....多數做外賣,所以不要要求好的環境了!我要了個芙蓉蛋飯!...老公要了個茄汁炸比飯!加了凍奶茶!先來的奶茶味道一般,奶味不重!飯很快就送到!先來的是老公的飯炸比看來吸引非常!吃下去!很熱的呢!差點回燙了咀仔呢!味道很好!雞比肉很滑呢!果然是招牌呢!而我的芙蓉蛋飯就一般,如果鼓油是淋上面的會比較好呢!最好也是吃炸比吧!

經過自修室一輪拚殺後, 疲累不堪, 於是到附近的食肆買個外賣返歸吧, 聞說這裏大件夾抵食, 就嚐一嚐; 見到下午茶餐炒粉麵飯一律$20兼包熱飲, 真係幾抵, 仲有炸魚柳、炸雞脾餐都好吸引, 經一輪掙扎, 肚子太餓只好叫了乾炒牛河意粉版+凍奶茶($22): 打開, 裏面真的是滿滿一大碟; 用料算足, 牛肉價格上漲但仍可找到十多片牛肉, 真是童叟無欺, 但整體而言, 味道只屬一般大路貨; 反之杯凍奶茶需要改善, 不論奶味茶味均缺乏, 唔明點解咁多人讚整體而論, 係就係大件夾抵食, 但味道只屬一般; 環境服務衛生等不可強求, 是舊式坐喺街邊打疐的, 非常有港式style. 下次想試試馳名的炸雞脾, 應該更出色!?

係人都知0係呢頭開工的話我都會行遠一點去日月星叫外賣返地盤食，而每個星期四亦都係一個特別令我記得的時間﹗因為套餐有芙蓉蛋飯食﹗飯盒一打開，件芙蓉蛋真係多到滿瀉，最緊要的是這個塊蛋餅是經過摺疊的，即係話如果攤番開佢可能有兩三個飯盒咁大﹗蛋餅炒得乾身，拌以大量牙菜、蝦、火腿等配料，都唔知佢用左幾多隻蛋來炒了﹗20蚊仲要有奶茶，食完之後飽到七點，咁既時日仲去邊到搵？

老婆大人說要吃炸雞肶﹐終於試了。炸雞肶金黃色﹐真係幾好味﹐不過。。。。我們2人都食後都覺得好口渴﹐ 是太多味精﹖下次再試多次先

薯條易得,好肶難求!唔知幾時開始茶餐會有炸肶/翼+薯條這個組合隨著老外漢堡店越來越普遍,不同既薯條亦登陸香港!不過連連鎖快餐都改為燒肶, 一般茶餐廳亦多數用翻炸放法去做, 炸肶前景..哎約朋友在附近飯局, 友人提議食美味炸肶, 滿心懷疑不過抱住即管一試心態跟住食!由於到日月星時已是下午茶時間,就叫左個炸肶+腿治餐(餐係無得改組合),嘩! 炸肶一上已覺不得了, 除左金黃色既外表外, "晒士"亦比普遍的大!食落去更加另人讚歎--外脆內嫰, 肉汁保持得很好, 肶炸得剛熟但亦無血水!雖然腿治都交到工課,不過炸肶真係超班!(其實以前幾乎每間茶餐廳都做到)埋單唔洗廿蚊, 就可吃到記憶中的炸肶--超值!下次真係想會一會時新炸肶

前幾日..晏晝3點幾..成日都未食過o野..行遠o左少少買日月星食.買o左個雞扒餐...25蚊..一大盒飯+雞扒+煙肉+腸仔+火腿+煎蛋要o左個粟米汁 仲有杯可樂...樣子平凡...材料都好平凡..但大件夾抵食....其實都幾好食的~>w<可惜我住得遠...如果唔係我會叫外賣...囧"""舊式快餐店萬歲...\\(^口^)//"""