影片
港铁佐敦站 D 出口, 步行约9分钟
继续阅读
开饭介绍
餐厅原名为「松」，主打Omakase，菜式精致，寿司饭呈独特的粉红色，打卡一流；装潢时尚有格调，是情侣或三五知己享用美食的好地方。
继续阅读
营业时间
星期一至日
全日休息
以上资料只供参考，请与餐厅确认详情
食家推介
相关文章
: 𝗠𝗮𝘁𝘀𝘂 𝗝𝗮𝗽𝗮𝗻𝗲𝘀𝗲 𝗥𝗲𝘀𝘁𝗮𝘂𝗿𝗮𝗻𝘁 𝗮𝗻𝗱 𝗕𝗮𝗿🏠🤍📍: 𝗧𝘀𝗶𝗺 𝗦𝗵𝗮 𝗧𝘀𝘂𝗶, 𝗛𝗼𝗻𝗴 𝗞𝗼𝗻𝗴 🇭🇰 🌟This is my first Omakase in Hong Kong!🤩🤩 Celebrating my uni best frd’s bday at Matsu located in Tsim Sha Tsui!🌟The chef is nice and put a lot effort to explain the dish and food one by one📝 Nice place for family/friends gathering 🙆🏻♀️ I really like their decorations and the appearance of the appetizers 🥰🌟We have ordered their lunch Omakase menu and the portions is perfect for boys but a bit too much for girls haha but who can resist the sashimi getting into your belly😆🤰🏻Toro is always my fav🤤 It was amazing!! Melting in my mouth🥹🥹🌟All in all, I would love to visit again and I hope they have scallops next time🥺 The price is reasonable and worthy!! Highly recommend to Omakase lovers💖⭐️: 𝗟𝘂𝗻𝗰𝗵 𝗢𝗺𝗮𝗸𝗮𝘀𝗲 𝟭𝟴品💰:💲𝟴𝟴𝟬👅: 💎💎💎💎(4/5)
继续阅读
女朋友生日 終於儲夠錢同佢食omakase喇🤓首先前菜已經驚艷到我地 溫室蕃茄 甜度食落似用糖煮過 南瓜完全扭轉左本身對呢樣食物既諗法 恰到好處 甜 唔會太硬/太爛 小魚乾配合桃食落過癮開胃之後上茶碗蒸 配料有黑松露 日本白蝦 黑松露香口 食落口有淋有脆好有趣 撈均食簡直想伸條脷落去奶乾淨個碗仔😜其次到刺身 師傅建議唔好點豉油食 從來只係食開比較平既日本餐廳刺身既我地聽到有d不敢相信 但試過後的確係食緊最原汁原味既鮮選食材 唔同以前淨係識點勁多豉油wasabi咁重口味最期待既壽司到喇 終於有飯入口🤣 聽講大部份omakase都係會由淡到濃咁食 但現場師傅做法係一件濃一件淡咁食 好似同條脷玩遊戲咁 今日師傅主打做吞拿魚 夾住其他有 雪魚 鰻魚 鵝肝 和牛等 當日因為閒日下午時間師傅得閒淨係服侍我地 做一件食一件 本身有社交恐懼症既我地有d尷尬癌發作 但成個過程師傅好似一個好nice既教書老師咁一路介紹一邊出下問題考考我地 有傾有講好似朋友咁 亦增長左小小對日本魚既知識 師傅唔單止表演得好睇 仲好識得同客人互動 我同女朋友都食得好開心放鬆食完飯後飲左個湯之後又食飯喇😮最後既主食係松葉蟹丼飯 夾有其他刺身 本身聽個名以為就咁用匙羹食好似d日式丼飯咁 但師傅安排左d紫菜俾我地 除左把口郁之餘我地對手都有d野可以玩下🤓拎起塊紫菜自己包料俾自己食 絕對過癮最後有個雪糕甜品 有精美既朱古力生日祝福之餘店內仲有專業既攝影服務 氹得我地勁開心☺️第一次食omakase 本來抱住一個貴夾唔飽既諗法黎食 我地都無食早餐 最後竟然捧住個肚出門口🤣師傅話9-11月會有特別魚食 絕對會番轉頭再試🤓
继续阅读
🍣 𝙏𝙨𝙞𝙢 𝙎𝙝𝙖 𝙏𝙨𝙪𝙞 / 𝙃𝙞𝙢𝙞 Yay 做嘢咁辛苦梗係要食返啲好嘢 獎勵吓自己🤪 今次就去咗尖沙咀嘅日見 @himi.hktst 度食Omakase🥰 餐廳環境富有神秘感 而師傅好細心咁講解每道菜式🤤 overall小編幾推介🇯🇵 $888 Lunch Omakase 🍅前菜 前菜好開胃✨ 首先食咗豆腐配加咗啲酸汁嘅三文魚籽 之後食番茄伴龍珠果 最後先食海膽魷魚🤤 🥚茶碗蒸細細碗蒸蛋入面有齊唔同食材🥰 包括三文魚籽 香菇 仲有蟹肉😍 蒸蛋夠晒嫩滑 口感亦豐富🤤 ✨紫菜夾紫蘇葉拖羅 清新又有獨特香味嘅紫蘇葉 包住面頭灑有少許竹炭鹽嘅拖羅 可以中和返咁肥美嘅拖羅帶出嚟嘅油膩感 小編幾中意🤤 ✨海鰻手卷油脂豐富嘅海鰻以火焰處理 令佢更香🤩 ✨北海道牡丹蝦 呢道真係睇得又食得😍上層嘅牡丹蝦將蝦膏畢晒出嚟 再滲返落去蝦身到 蝦味好rich亦重膠質🦐 而下層就做咗煙燻 一打開隻碟 啲煙就散晒出黎 岩晒打卡📸 ✨ 車海老壽司 小編好鍾意呢個🦐!! 半熟嘅車海老晶瑩剔透 爽彈鮮甜 ✨金線鯛壽司熟成咗十日 食落鮮味 而且口感肥而不膩 ✨ 赤海膽軍艦赤海膽肥美豐腴 撒埋淡雪鹽係面頭 令味道更上一層樓🤤 ✨平目/ 左口魚壽司唔似右口魚 左口魚通常薄切晶瑩剔透 入口首先覺得魚味清淡 之後魚油嘅甘香會慢慢散發出嚟 ✨深海池魚壽司魚味濃郁 肉質細緻爽口帶油份👍🏻 ✨ 真鯛壽司真鯛屬於白肉魚 師傅今次做咗「湯霜」將啲油脂逼返出嚟🤤 詳細嚟講 湯霜即係喺魚皮身上淋上熱水 咁樣可以軟化魚皮同時令皮下脂肪風味更加明顯 之後迅速放入冰水入面 以防餘熱擴散至魚肉內部 而真鯛有層皮係到 所以係有少少筋嘅 ✨活赤背壽司新鮮赤背帶有光澤 食落肉質爽厚 鮮味🥰
继续阅读
日見係尖沙咀嘅🇯🇵日式料理店，Lunch Omakase Set👨🏻🍳性價比高，其🍣壽司飯加入咗獨門秘方，以🇯🇵日本水日本米製作，粉紅色💗嘅壽司飯好睇又好食，仲有助通血管同埋降血脂🍎，有賣相又夠健康👍🏻！💮Lunch Omakase 原價$688 特價$588有齊🥗前菜、🦀茶碗蒸、🐟刺身、🍣壽司、🍜烏冬、🍵湯物同埋🍧甜品！🥗前菜三點南瓜沙律、辣味帶子群邊、合桃小女子，以甜、辣、鮮去warm up味蕾🤩！🦀松葉蟹肉海鮮蒸蛋🥚蛋夠滑，而且勁多🦀蟹肉，鮮度十足！🐟刺身三點擺盤用心✨，食材新鮮！有肥大肉厚嘅🎌北海道King Size帶子、香口嘅🔥炙燒鰆魚、同埋肥美嘅🐟鰤魚！🍣壽司非常欣賞師傅👨🏻🍳著重呈現魚料本身味道嘅手法，不需要過多同埋太花巧嘅Toppings😍！🍣赤伊佐木 - 魚肉有點爽口，淡雅嘅甜味令人心情開朗🥰！🔥炙燒真鯖魚 - 比普通鯖魚更肥美👍🏻！🍣葉血引 - 艷紅色🔴嘅魚肉相當誘人！🍣蜜柑鯛 - 細嚼下滲出🍊🍋橘子類嘅清香！🔥炙燒銀鱈魚 - 魚油香郁美味，勁正😍！♨️炙燒煙燻金目鯛 - 以櫻桃木輕輕煙燻♨️一分鐘，魚肉更顯爽彈甜美！🔥炙燒左口魚邊 - 滑溜兼夾勁香魚油味💦，配少少黑松露醬更清新！🔥炙燒腦天 - 吞拿魚頭頂肉🐟魚脂多而且魚味濃厚，可媲美大拖羅😋！🍣吞拿魚面頰肉 - 有點爽口，魚味同樣濃厚😝！🔥炙燒白鰻 - 白鰻火炙🔥至外脆內綿，暖暖哋咁同🍣壽司飯完美結合！👨🏻🍳Chef's Special - 入口先是鱈魚脆片嘅咸香，再嚟係🐟吞拿魚肥美嘅魚油，最後🇯🇵北海道根室雲丹濃厚鮮甜味持續衝擊味蕾，大滿足🤪！🍜迷你昆布湯烏冬湯底甜美，烏冬滑溜，有大量🦐櫻花蝦提鮮！🦀蟹肉麵豉湯充滿蟹肉🦀嘅麵豉湯，既濃且鮮！🍵抹茶奶凍甜度啱啱好👍🏻！🍱汁燒雞扒飯 $128日見同時供應🍣Sushi Set 同埋熟食嘅Lunch Set，同樣有齊🥚茶碗蒸、🍵湯物及🍨甜品！
继续阅读
❤️第一次帶女女食omakase🍣， 佢好開心, 因為認識到好多唔同魚嘅特色，同埋欣賞到師傅嘅手勢😊我鍾意食omakase😋，因為可以食到平時少啲食到嘅魚，師傅話🇯🇵日本有二萬幾種魚，但係香港人食到嘅10份之1都無。餐廳喺魚嘅品種方面有特色啲，而壽司飯都幾特別，係粉紅色💗， 因為加入了一種有降血脂功效嘅植物， 而且係用日本溫泉水💧製作。前菜三品： 合桃魚仔 、醃水雲青瓜、辣左口魚邊🥢3款刺身牛鰍魚、鰆魚、 北海道帶子，帶子超大隻。😍🦀松葉蟹茶碗蒸： 食到一絲絲嘅蟹肉，蒸蛋嫩滑。🍣壽司：🥢伊佐木肉質爽口， 師傅話佢嘅做法主張少調味， 食到魚原本嘅鮮味👏✨🥢鯖魚好新鮮，一啲腥味都冇，加左薑汁，再🔥火炙令油份更特出。🥢 鱸魚 加咗青檸調味。🥢深海池魚池魚生長於岩石間，要潛水打魚。肉質彈性高，配酸汁食。🥢銀鱈魚平時一般都係西京燒食法，較少做刺身， 師傅話要細條嘅先做到刺身😊🥢秋刀魚宜家係時令魚，下個月就啦。超級新鮮，師傅話條魚到達店鋪只係2小時，就畀我食落口啦😋🥰🥢真鯛 喜慶日子食既魚，煙薰處理，令魚肉放鬆，吸收煙味再拉扯，更好食，只適合纖維密集既魚類。🥢白鰻魚同坊間一般用既海鰻不同，呢款會較少骨。🥢中拖肉質嫩滑🥢特級拖羅大拖對上位置， 更滑但無甘油膩。🌟 吞拿魚手卷，用上日本得獎紫菜，真係格外香脆可口👏🌟✨🥄 蕃茄豆腐湯🥢 迷你昆布烏冬，幼身既稻庭烏冬非常爽滑。另外仲叫咗個🐔汁燒雞扒飯畀阿女，佢好鍾意食😋甜品：🍵抹茶奶凍及🍧焙茶雪糕😍食完真係飽曬，難忘嘅一餐omakase💯
继续阅读