舊果香林豆腐花

营业中

休息中

今日專登由沙田出發，陪媽咪去梁9記買嘢，順便帶佢去品嘗平靚正豆腐花。去到先知舊舖已搬遷，好彩喺原先位置轉角搵得返😀至愛薏米豆花，雙拼都只係10蚊，真心高質又抵食！😋 旁邊有3款糖水＆黃糖任意配搭，一次過連食兩碗，好滿足呀！跟手媽咪買咗一樽大腐乳，皆因店員姐姐話佢哋呢款可媲美"廖👯記"喎😎 咁就試試佢咯！

大埔某豆腐花熱店長期人龍不斷，食客絡繹不絕👯‍♂️但其實大埔還有其他一樣平靚正的豆腐花店👍🏻而這間舊果香林更是大埔街坊朋友極力推薦，說是他從小吃到大的真正no. 1豆腐花🥇———————————————————————這店供應多種不同口味的豆腐花，全部劃一賣$10，非常佛心🥹桂花冰糖味就是原味豆腐花，旁邊有黃糖和糖漿供食客自由添加😇豆腐花豆香味十分濃郁，口感非常滑溜，果然如朋友所說，十分高質😋花奶加豆腐花這個組合十分特別🤩本人都未曾在其他店舖見過這種配搭。花奶口感順滑，與同樣滑溜的豆腐花非常配合👍🏻亦為原本已經充滿豆香的豆腐花加添一份奶香😊紅豆沙甜度輕微🤏🏻入口有淡淡陳皮香味，與豆腐花混合後都未會蓋過豆香，反而令味道更加豐富，兩者相得益彰🥰芝麻糊芝麻味淡，未夠香濃😗而且磨得未算幼滑，入口仍有少許芝麻渣，影響了豆腐花順滑的口感😕本人較為不推薦這個配搭🤨———————————————————————舊果香林的豆腐花香滑有豆味，不比其他豆腐花店遜色，而且口味上亦有多款選擇，絕對值得更加多人留意🤓

平時黎開大埔都會幫襯另一間熱門既豆腐花店，早兩日見有YouTuber介紹話呢間都唔錯就黎試試～豆腐花店店面唔大，所以佢地只係做外賣，夜晚7點幾去到已經見到有幾個人排緊隊買。佢地既豆腐花配搭都算幾多，可以淨食配桂花冰糖、薑汁、咸醬油，又可以雙併配其他糖水，例如薏米白果、紅豆沙、綠豆沙、黑芝麻等，最貴都係11蚊，都算幾抵食。今次就叫左黑芝麻豆腐花試試，拎上手熱辣辣，啱晒呢幾日咁凍既天氣食，先就咁試左面既黑芝麻糊，芝麻味好香，質地夠濃又唔會太甜，再就咁試埋個豆腐花，豆腐花好滑，食到豆味，認真唔錯😋 加埋一齊食芝麻味會蓋過豆味，但整體依然係好味既～下次黎大埔食豆腐花就可以有多個選擇喇～

話說早前有日突然間好想食紅豆沙，但行嚟行去都揾唔到，到我發現呢間嗰時已經食飽飽無位啦。當然心有不甘啦，過多幾日就特登留肚食 🤣🤣🤣 嘩一食食到果皮香味，然後起晒沙，蓮子鬆化，個人覺得有點偏甜但可接受。如是者，我呢排經過個肚有位都買一碗兩份食淺嚐，有時放肆啲就一碗紅豆沙一碗芝麻糊 🙈🙈🙈噚日同朋友行山講起，佢哋都有興趣試，咁啱行完山話入大埔食飯，佢哋梗係要試埋啦，排緊隊嗰時 3 個朋友計算緊買幾多碗返屋企，我就提醒，係我個人覺得好食，未必啱佢哋口味，跟住我提議佢哋買嚟即場試完先決定係咪外賣，結果 3 位女仕試咗一啖即刻加單外賣，堂食每人一碗，另外總共買多 6 碗外賣 🤭🤭🤭呢度嘅堂食即係企喺街邊食 😆噚晚我試白果腐竹豆腐花 👍👍👍，終於明白點解紅豆沙會偏甜，因為有啲人點兩溝，豆腐花無加糖要由紅豆沙啲甜味搭返 🤔🤔性價比非常高嘅糖水店 ❤️❤️❤️

經開大埔舊墟都會去食🥣豆腐花 ，呢間位置無咁當眼無咁出名既，店員姐姐總都會問要唔要糖水呀、要唔要黃糖呀（雖然係好正常不過的事）佢既豆花比較有豆味，薏米豆漿都係我喜愛。

本身想去隔離嗰檔豆腐花，點知夜晚7點已經賣晒。所以就試試呢間，見佢keep住有人排隊，點知豆腐花一啲都唔滑，糖水又唔好食，唔推薦…價錢就$9一碗，街坊價，不過無下次。

#20230106 🤍📍 豆腐花 大埔大埔墟大明里22號龍騰閣地下———————————————————————#薑汁豆腐花 $9#薏米豆腐花 $11#芝麻糊豆腐花 $11💭呢間豆腐花🐷一直都覺得又抵又好食，絕對入到🐷豆腐花list既頭3甲，佢啲豆腐花好滑身，無石膏味，配料都好多味可以揀，鐘意佢無論揀咩配料，糖水都可以揀薑汁🤩雖然要企係街邊食，不過香港風味有時就係咁，凍冰冰天氣拎住兜熱既豆腐花，食完成個人暖晒☺️其實天時暑熱果陣食碗涼浸浸既都好正😎.#大埔美食 #🐷_食

☘️上個禮拜入大埔，響街市食完出名嘅鴻發牛腩之後，本來想去阿婆豆腐花食佢嘅招牌豆腐花，點知去到竟然賣晒，只淨几樽豆漿😂。朋友心念必須要食個甜品，唯有即刻上OpenRice 搜索吓，見到呢間唔係好遠嘅豆腐花舖仔，就一於嚟碰吓運氣，因為心知豆腐花呢樣嘢多數一早賣，賣晒就收檔！☘️去到竟然見到條小人龍，三幾個人咁唔係好多，即刻埋去叫咗個紅豆沙豆腐花，朋友揀薑汁豆腐花，個豆腐花真係好滑，都有豆味，我個紅白味道剛好唔會太甜，價錢仲好抵，兩碗加埋至二十蚊，不過冇坐位要企喺度食，當係重溫細個時嘅回憶😜 我哋响度食睇住一直有人嚟買豆漿豆花外賣，生意都好好，估計街坊都好熟品質有保證👍。 ☘️下次一於早啲去試阿婆豆腐花，比較吓先😜

參加完慈山寺嘅山林療癒，放下日常的負能量，回應山林的邀請，完成整個人如釋重負的感覺。難得去到大埔，大埔友介紹我食埋碗豆腐花再走，店子小小，主要是賣豆腐花，但朋友提醒提醒再提醒我食紅白。🔸 紅豆 $11$11一碗真係好抵，豆腐花都有豆香，但重點去咗紅豆沙，有陳皮味又起哂沙，好值得去食一碗。現場有幾張膠櫈畀大家坐住快食，都唔少街坊幫襯。仲有綠白、黑白及豆腐花，真係好想樣樣都試一碗，可惜肚皮位置有限呀（飲恨）～

秋風起 出街行下真係好舒服 頭先係隔離食完個煲仔飯 屋企人話隔離街有間豆腐花好好食 之後緊係去試試 飯後甜點是正常吧 不過由於都晏喇就唔堂食喇 所以就外賣返屋企食叫咗個熱綠白同熱薏白 返到屋企個豆腐花都仲熱熱地 佢有提供埋外賣裝黃糖 不過個人食綠白就覺得夠甜 個豆腐花真係好滑 都有豆味 不過平心而論市面上都有好多哩個水準嘅豆腐花 大家有機會踩單車食完飯經過一試都無妨 我諗堂食應該仲正 熱辣辣豆腐花遇上秋風 坐o係街另一風味 另一寫意

從未飲過好似日本3.6牛奶咁濃郁咁滑，非常好飲👍👍👌😋豆腐花仲有好多味道選擇，最特別就係有薏米豆腐花，而家喺市區好難搵到有啲啲咁好味又有豆味又香滑嘅豆腐花，就算喺市區揸車入嚟都係值得👍👍

醜婦終須見家翁 ，隻牙唔痛到發炎，都唔去處理隻，牙肉好痛，荷包更痛。牙痛到去睇牙醫，發現已經發炎，要剝牙，要同隻智慧齒byebye 啦！完成智慧齒手術 好像得到了解脫！但隨著麻醉藥力過後，庳痛就開始，而且初期仲食唔到野，只能夠食流質食物，唯有食碗豆腐花醫下肚先！成日經過都有買番屋企食，而且通常都會好快咁食晒成碗。但今次剝完牙之後，根本就不能大口大口地吃，反而能夠慢慢咀嚼每一啖豆腐花😅第一次慢慢地感受到豆腐花的豆香同軟滑🤭

一直食開另一間豆腐花，朋友話原來大埔仲有另一間都好出面，所以行完街就去食返碗-佢舖面無位坐，只可以企係度食，或者夜左佢會擺啲紅色膠櫈出黎比大家坐😗-價錢真係好抵，仲有幾款豆腐花唔使$10就有交易🤩size仲無因為價錢要少咗~-薑汁豆腐花 $9我揀嘅嗰個係典型嘅薑汁豆腐花，同平時食嘅差唔多真係好好食，最鍾意薑汁呢個組合🥰豆腐花都好好，好有豆味又唔會太碎，豆腐花係一層層嘅，唔會好似出面嗰啲搞到未食已經爛晒😋唯一覺得如果啲薑汁再薑啲就好啦-花奶豆腐花 $11我就第一次食花奶配豆腐花呢個組合啦，估唔到又唔錯，仲以為用花奶會好甜，點知甜到啱啱好👍🏻但兩樣野夾埋算係好有突破嘅味道，但想試新野嘅絕對值得一試-豆腐花 (大埔)好味度:7.5/10抵食度: 10/10回頭度: 8/10

今天去大埔吃完串燒，我便到街上走走看看有沒有甜品吃，然後上網找一找，原來大埔都有很多甜品店，我便走了去一間很多人排隊的店子去試一試，因為晚上的關係很多鋪頭都關門了，街上冷清清的，我們走到一條街道只有一間店舖還亮着燈光，已經差不多10時了，很多店舖的員工都忙着關門做清潔，只有此間店的老闆娘店員默默地製造甜品給客人，當看見他的餐牌很簡單，價錢非常優惠，在市區裏都用不到這個價錢吃一碗豆腐花或一碗甜品，我就普通點了一碗經典黃糖豆腐花，味道不錯沒有什麼太大的驚喜，但是他其他品種的種類非常多大家可以來一試

20190628 今日揸車入嚟大埔探朋友， 順便食下大埔美食，朋友介紹話一定要食呢間豆腐花叫咗個原味豆腐花（$8），因為天氣太熱，食咗兩啖先記得影相 豆腐花好滑好細緻 冇加糖食，都覺得個豆味好重價錢只係$8一碗 真心推介大家去食