明廚小炒私房菜 (已結業)

黑蒜茶樹菇三黃雞燉湯係全晚最有驚喜嘅菜式，唔好諗住黑蒜茶樹菇呢啲普通嘢就冇乜特別，真係冇諗過可以咁香，一拎到入嚟揭開個蓋已經香氣撲鼻，而且非常足料，啱晒我呢啲鍾意食湯渣嘅人，呢個燉湯真心推介。原個菠蘿咕嚕肉造型精美味道不錯，咕嚕肉嘅size比較細但係又做得到外脆內軟，另外嗰個豬肉似乎係新鮮豬肉，所以味道特別好。荷香古法蒸白鱔做得好好，食得出白鱔好新鮮，肉質有彈性而且無泥味。椒鹽賴尿蝦$120一隻又真係幾大隻幾新鮮鹽焗奄仔蟹就有少少失望，可能未係時候，過多一兩個月食奄仔蟹應該更加理想，不過我係揀咗平嗰隻奄仔蟹而唔係揀貴嗰隻。魚扣脆骨腩煲係朋友推介一定要試嘅，真係非常之精彩，魚扣再加脆骨腩呢個配搭真係冇得輸，雖然佢個汁煮得好入味，但係又冇掩蓋到佢嘅鮮味，真係好考廚師功夫。佢個魚扣雖然已經切細粒咗，不過估計到佢原先嘅size係非常之大嘅，所以個口感煙韌得來亦充滿咗骨膠原。臘味煲仔糯米飯又係好正，淨係臘腸同潤腸已經值回票價，佢哋選用嘅臘味質素非常之高，食得出廚師同埋老闆對自己嘅出品都非常有要求，唔會求求其其煮啲嘢出嚟俾你食。另外再加了椒鹽豆腐同啫啫通菜煲，都好食。

兩星期前訂枱為朋友生日，但到前一天追寫菜時，才通知大廳所有枱已滿，剩下角落一處给我地三人枱！無選擇之下，勉強接受！寫菜甚混亂，有些餸突然話四位起，寫個餸都四百幾起，睇個 menu 又冇乜好選擇！當今天上到去，仲話開酒要收$100一支，續支計！叫得私房菜，都冇乜地方會收錢，或 灼量收費。跟個老板娘講多兩句，我哋到好多出名餐廳酒樓，甚至酒店，都冇跟她們咁嚴緊！佢啲態度簡直嫌我哋麻煩，冇需要再試！最终起身轉場，到了另一間食得開心，又不收開瓶費的！幸好冇留低受氣

係openrice穩間餐廳吃飯，看到菜式圖片和環境都五錯，但得一個評論。剛好朋友小聚，就前往試下。吃左第一次，味道超出預期，於是再邀請朋友過來嘗試。兩次就餐就餐體驗，推薦幾個菜:1.芝麻雞，十分香脆，飲酒絕配！5⭐2.聖子+米粉餅，比較創意搭配，甜美汁用心，味道很讚。海鮮價錢都略貴，味道都值5⭐3.水煮牛肉，上菜就香氣四溢，鐘意吃辣既朋友，五可以錯過。4.魚扣煲，皖魚做得香甜翠口，味道驚艷。5星推薦嘗試5.豆腐，外脆裡嫩。4⭐6.贈送甜品，第一次紅豆沙中規中矩，第二次腐竹薏米很讚！整體味道和環境都幾好，得一個評論似乎未能體現實際水準！

新開的私房菜，環境清靜，食飾物質素頗高，尤其是明廚三寶:原個菠蘿咕嚕肉/脆皮鹹豬手/薑蔥脆骨腩煲.咕嚕肉外脆內軟，仲有麥芽糖伴碟，睇得食得.豬手香脆有肉汁,伴酒最適宜.脆骨腩煲魚肉香脆,薑蔥惹味，食過之後好難忘…

喺灣仔既樓上私房菜，近北海中心，喺附近返工可以當飯堂係一間隱世餐廳，環境闊落，lunch hour唔洗同人迫✨ 電梯🛗二樓一出，推開左邊門就係餐廳入口，如果人多記得提前訂位，今日2個人嗌左2個小菜同2個餸✨推薦🐷麻辣鴛鴦耳👇🏻麻辣味好香，鍾意辣的可以另外拎辣椒油，黑木耳同豬耳都好入味！！🐂鹵水牛展👇🏻完全無牛肉既臊味，好軟稔～🐓避風塘雞翼👇🏻雞翼炸得好脆，雞翼入邊都好滑，趁熱食，外脆內軟！🥬海鮮雜菜煲湯好甜，菜嘅份量好多，兩個人都食唔晒～下次再黎試下其他菜式

今晚朋友介紹灣仔一間新開的私房菜，大家雙約一齊光顧。地標座立在灣仔以前大公報，交通也十分方便。當到達店內設備簡潔，同時備有多間獨房間，以供客人聚餐之用。服務方面也非常滿意，出品的質素也很有水準。食品的種類繁多，各式俱備。今次就試食了以下的菜色，足夠了五人晚飯進食了。以上各式小菜不需等太耐，出品也熱辣辣，味道也十分野味，價錢也很合理，相信不久會來再光顧一次。