明星皇宮

营业中

休息中

鴨腳扎腐皮芋頭同豬肉都對辦，係隻鴨腳唔得，有輕微雪藏味。蝦腸好食，蝦好新鮮，不過又係嗰朝改用長條形碟其實就係將原先三條腸粉嘅份量減少咗。蝦餃ok，不過快蝦餃皮就略為厚咗少少。今日嗌嘅點心入面可能最好食就係燒賣。小籠包中規中矩。粗糧糕味道還可以啦。鍋貼就麻麻地，最主要係鍋貼入面啲餡麻麻地，仲有就係煎得唔夠香。叉燒餐包真係做得差，拗開個包入面好多空位，冇乜餡冇乜叉燒。高力豆沙都係做得差，入面啲豆沙少到爆，啲糖粉又唔夠香甜。

聽說這日立多年的酒樓剛進行裝修，樓面大廳畀以前明亮，點菜也全部改為手機qr code落單，食物味道跟從前沒有太大分別，不過價錢好像提高了一些。蝦餃味道不錯，餃皮不算厚，入面的蝦也新鮮。鴨腳扎正常水準，鴨腳偏硬，有魚肚，芋頭味道不錯。蝦腸用了長碟放一條，就是價錢不變份量也少了，幸好用的蝦仁亦新鮮。鮑汁鳳爪的汁很香，不過鳳爪比較瘦削，煮得夠淋。即場推銷的巨型煎堆味道很好，始終新鮮就是好食，尤其是這裏炸物。鍋貼質素也不錯，沒有苦味，因為鍋貼的底沒有尖至太燶。小籠包畀想像的份量多，竟然有六隻，味道還可以的，相比一般酒樓吃到的更好味。

約左朋友小聚，太和站落車好飲選擇不多，就揀左明星酒樓，幾近太和火車站。好多酒樓都已經無左蝦角食，明星依然仲有不得只，仲炸得好好味，其實點心選擇好多，而且都叫做係即叫即蒸，order左係啲耐性等下嘅，最好食最好食就炸野一流好味，同埋炸野嘅選擇真係好多款，我地叫左3款炸野，除左蝦角外，仲叫左炸春卷同埋炸咸水角，都係即叫即炸嘅，好正。好小飲茶叫炒粉食，太肚餓所以叫個乾炒牛河，都係即炒，幾夠鑊氣，確係好味，同埋叫左個好小酒店午市會有嘅生炒排骨，都係好鬆脆同埋好夠味，其他點心都係即叫即蒸，叫左都唔小野，好味。

今天約了姐姐一家和爸爸媽媽吃飯，一行共7人，相約到了位於榮輝花園商場的明星皇宮吃海鮮。共叫了10款菜式：🥢 孖寶 （蒜蓉開邊蒸中蝦 + 乳香藕片爆豬爽肉） $168$168有兩款菜，性價比算高吧，但是蝦不是很新鮮，有點梅，扣分了。豬頸肉也只是不過不失吧。🥢 片皮鴨（一食） $138份量ok！鴨沒有燒到很乾，肉和皮的比例我覺得還好，可是每次吃片皮鴨都覺得配菜不是很足夠。🥢 鮮果生炒骨 $118酸酸甜甜的，不錯，不乾身，有肉汁，但是生炒骨我還是覺得配上菠蘿比較好。🥢 爆蒜萵筍味菜炒豬頸肉 $98這個外貌不是太吸引，但是吃下去還真的是不錯！！豬頸肉很爽口，萵筍也炒得很好吃，姐姐家的小孩對這款菜式評價很高。🥢 清蒸沙巴仔（特價） $78這個價錢有一條清蒸沙巴仔，真的很抵吃！這次蒸得剛剛好，淋上豉油汁很好吃。🥢蒜蓉炒白菜仔 $78🥢 蒜蓉炒通菜 $78沒什麼特別的兩個菜式，沒有很油膩，菜也沒有很老，不錯的。🥢 蒜蓉粉絲蒸扇貝 $68這個要點讚！$68 有6隻，每次size也不少，蒜蓉粉絲也很足夠，蒸的時間也控制得很好，如果豉油可以多一點就會更好吃。🥢 紅燒BB鴿 $48Size真的很BB，對比起

明星都寫有無搞錯，不過佢個腸粉又真係有驚喜woo，所以都寫一寫啦。估唔到明星的蒸腸粉一D都唔鞋，而且有彈性，兼且唔會一pat pat黏埋一齊，質素真係唔錯，如果佢D麻醬可以用隻靚D嘅就可能可以更加香同更加好食。叉燒包都OK，D叉燒餡絕對有進步空間。煎蘿蔔糕就純粹貪得意叫黎試吓，味道正常啦，就係一般酒樓食到嗰D煎蘿蔔糕咁樣law。另外仲叫咗釀尖椒同埋釀茄子，搞到好似食緊煎釀三寶咁。

點心價錢唔貴，因為其他地方已經好貴！店員服務差，侍應態度差，乜都差！燒腩仔，$70 ！塊皮唔覺鬆脆，啲肉有啲鹹有啲乾。家鄉炒米粉好抵食，唔使$20 ，附近粥舖都唔止，都多材料，真係OK！菜心就正常發揮啦香口小食，春卷同埋腐皮卷都OK，起碼你溫度係暖笠笠嘅，如果熱辣辣更加好。最搞笑係上點心嘅姐，嫌我哋食得太多嘢，阻住張枱，仲好惡啊！不過見佢一把年紀就算啦！嚇到我唔敢再叫嘢食！跟住見張枱嘅點心，清咗少少，就叫埋個沙律哈哈同埋甜品🍮而家去飲茶，食多啲嘢都會俾夥計鬧，做人真係難！飲茶，買單都要千$5。

落咗單欠個點心半個鐘都唔嚟，經過三個人跟單，都係唔到，到最後有個經理埋嚟問我地取唔取消D食物，我話其實都等咗咁耐，如果差唔多就食埋先，佢答：可以取消嘅！咁即係之前追過三次都無落單？而同樣聽到附近D枱又上錯食物，D亞姐又企埋一齊傾偈，枱面無水又唔理，揮手又無乜人見到，真係好嘢，大埔咁多選擇，明星可以拜拜👋🏻除咗帶位員工比較好之外，其他員工服務態度真係唔好，食物味道不過不失

媽咪前幾日已經想食片皮鴨今晚同媽咪去左酒樓食晚飯喺酒樓門口已經見到多個優惠餐單去到見到差唔多台台都有嗌澳洲龍蝦伊麵我地2個人就叫咗四個餸⋯（太多食唔哂拎左返屋企做宵夜）叫左10分鐘菜職員上左第一道菜《紅燒妙齡乳鴿》賣相細隻又乾⋯味道偏鹹皮不太脆《片皮鴨一食》好大份😀皮脆肉嫩👍值得一讚就係呢個mormor分成左兩份女士們可以唔使食太多澱粉質都可以食多幾舊《鹹魚煎蓮藕餅》媽咪一嚟到已經想點～就怕食唔晒一直唔點趁佢唔為意偷偷點咗俾佢食食得出係新鮮豬肉但係略嫌唔夠鹹魚糖蓮藕味道偏淡《芝士龍蝦伊麵》芝士味淡但係龍蝦好新鮮伊麵碎濕濕😔《北海道奶凍》呢一個甜點係成餐飯最好食嘅一味入口即溶甜度剛剛好有奶味一分錢一分貨都算係咁啦

行入去想買外賣，點知一入去，那個著西裝的男職員就大叫要掃安心出行！ 佢係大聲到嚇左我一跳。我解釋清楚「我係來買外賣的。係咪買外賣都要？ 」佢好兇地答「要！你快點掃！」 明星酒樓係味唔識法律的？ 買外賣係無需要掃安心出行的。我掃安心出行沒所謂，但唔該唔好咁兇惡地同客人講野。我地係來洗錢，唔係來受氣的。我掃完安心出行之後，走左去買外賣，點知佢要我等半小時！ 總結係：明星酒樓的侍應態度差，室內污糟，食物一般，同埋好慢。以後唔會再入去。

放寬社交距離措施後的第一個外出家庭聚餐，到了在家附近的明星酒家去慶祝母親節。見到以下的的餐牌，有三款母親節餐。選了敬母餐A，只為了吃冰鎮飽魚。值得一提的是(1) 冰鎮飽魚要下訂時就要講明，否則會比蒸飽魚; (2) 早一天落訂會送一支紅酒。可能是放寬社交距離措施後的第一個節日，當天非常多人，我地下午6時到逹，酒樓已經有唔少人 (後話:我地大約8點半走，當時酒樓是全部滿座)。唔係所有野食都有影相，將有影相個啲show出來1) 乳豬: 不過不失，皮是脆的，但有啲厚切得濟。(2) 蟲草花雲耳浸時蔬碟菜好大碟，有魚湯，正常味，無乜特別。(3) 上湯焗龍蝦今日的MVP，出奇地好多龍蝦肉，是每一舊都有龍蝦肉，唔係得個殼。上湯味都好食，唔會太咸，芡汁亦結浠適中。(4) 清蒸東星斑唔好食，魚唔太新鮮，啲肉係晦的，啲肉一夾就散。(5) 蟠桃OK好食，連蓉好食，唔太甜。(6) 冰鎮鮮果南非飽魚點解會放係蟠桃後面先點評? 因為佢真係最後先來。係等左好耐，先至來到。不過其實對佢好失望。呢個冰鎮飽魚，好好好韌，好難咬。用刀切都要好用力先切到。相反，個水果好食過個飽魚，最好食係火龍果，夠甜。(但生果唔係廚師的功勞)

家中兩老習慣每朝飲茶，碰巧在附近睇醫生，這裡是惟一最近的酒樓，在無選擇下便光顧一次。疫情下對食肆的衛生變得敏感，我正往洗手間洗手的途中被我親眼目睹以下情景：1）沿路經過小食部，員工將一碟碟炸雲吞和煎茄子等煮好的食物放在櫃枱上，但全部都沒有蓋上蓋子，亦沒有膠板遮檔；2）在洗手間等候期間，見到數名員工，其中一人全程戴著出餐時用的膠手套，即是如廁前後至洗手過程全沒除下，那麼戴手套的意義何在？3）不止一位員工如廁後求祈用清水沖一沖對手就出去，有一位仲要抺返落自己件衫度4）不久後見到剛才的員工推著三層手推車送食物，同樣地，除了有蒸籠的點心，其他廚部食物全部沒有蓋上蓋子，一路遊街一路吸箘我忍唔住已經將以上情況向部長反映，當然，未知部長會否認真處理，還是這已是他們慣常工作模式。

假期又係同屋企飲下茶相信明星到冇人會唔識🤣依家係由細到大都食開嘅酒樓！依然係保持水準，最鍾意係食個鹹水角外脆內軟蝦餃好大粒蝦，同埋好鍾意食雞粥好足料！同埋陳皮牛肉腸都係我嘅至愛😋😋😍

啲嘢食好好食,但係攞位既制度超趕客。一個人疫情下去食唔想搭枱就千祈唔好去食 ,每次想去食個瀨粉,去攞位,都會等到冇曬耐性走人,因為係一個人,只可以坐2人枱,4人枱就算有位都唔會俾,而2人枱佔既比例大概有5%啦(其實未必有添),然後就會見到2人以上嘅一入去就有得食(呢個先係最令我都反感嘅地方),而自己就揸住張是傻等,等到唔耐煩走人,就發現自己純粹喺度嘥時間。啲嘢再好食都唔會一個人再去食,都係等埋屋企人先好去。*其實2人以上優先我理解,但係有4人枱淨都唔俾我就真係有啲嬲,而且2人可以坐2人或4人枱,1個人就只可以坐2人枱,同埋冇記錯搭枱係唔會有板隔住第二個人

今天和家人到明星皇宮飲茶。人流多，氣氛熱鬧。蠔皇鮮竹卷一共3卷，卷的質感因材料豐富而變得厚實，卷不會一夾即散，甚有份量。鮮竹的豆香清新，配以鮮味的餡料，使食物味道甚有層次。皮蛋瘦肉粥方便，粥上有青蔥及花生，不單賣相佳，也為了粥提了味。粥夠熱，夠香，以肉也鮮甜，皮蛋味亦是香醇。雞包仔的包十分軟綿，包身熱且香軟。餡料多，當中有薑絲提升肉的味道，整個包味道層次分明，使人難忘。燒賣一籠四件，燒賣肉質彈牙，而豬肉肉汁豐富，滋味非常。燒賣上的蝦為整顆燒賣加添了美好的點綴。

尋晚一家人中秋節去大埔呢間明星皇宮食晚飯，因為限聚令焗住9個人分開坐3張檯，啲經理行開晒冇人落單，我企咗好耐都冇人理我😒見到個紮髻女經理同人吹緊水 social, 仲講咗好耐😡我等佢吹完水行過去🚶🏻‍♀️落單，我叫咗1隻3斤十両嘅長腳蟹🦀、1份片皮鴨🦆、1碟白灼蝦🦐、1份桶蠔🦪、1碟椒鹽炒鮮魷🦑、1煲冬瓜煲老雞🐔🥣，吩咐咗佢要分3份上3張檯，佢哋好快上菜，一嚟就嚟3碟白灼蝦🦐🦐🦐、3份桶蠔🦪🦪🦪同埋3碟椒鹽炒鮮魷🦑🦑🦑😱😱😱，吓！？ 乜叫1碟全部變3碟？？ 咁如果我叫1隻乳豬咪嚟夠3隻？？？🤡🤡🤡🐷🐷🐷我見狀立即同佢哋講清楚，我哋係要1碟分開3份上3張檯，佢哋話只可以改1碟蝦，而桶蠔同椒鹽鮮魷就唔可以 cut, 一定要我哋要晒佢，咁都唔係錢嘅問題，係根本食唔晒，會浪費食物，啲侍應同經理諗唔到？完全唔覺得有問題？？🤡😮之後又走咗個男經理出嚟話隻長腳蟹好瘦，叫我哋唔好要，咁我叫佢取消咗佢，改返張單，佢走咗去冇咗件事，最後仲要我叫另一個男經理改單，後尾去廁所見到隻蟹唔見咗，都唔知係咪俾咗第二個食😡😡成間酒樓啲侍應同經理都唔 make sense, 完全老屈，咁樣做生意都有嘅😒😒我第一次去明星，