星加坡餐廳 (已結業)

去尖沙咀接老公仔放學,行咗去亞士厘道揾嘢食,就去咗星加坡餐廳,由於無乜人,所以都有卡位坐.嚟得呢度食,當然會叫海南雞飯,飯都不算太硬,雞也有不少,可惜肉質普通,整體上只是一個十分普通的海南雞飯. 另外叫了個蝦球伊麵,這個不錯,蝦很大隻,亦很爽口,又有好幾條菜,不會太老.

上星期五同3個同事本來想去天與地食四川菜, 點知無位, 噤行開呢度附近見呢間價錢唔太貴就上咗去喇, 最後4個人食到Y哂樣囉.第一樣嘢係飲肉骨茶, 叫餐+$18有一盅, 嘩一D肉味都無, 好似飲苦茶噤.第二樣煎蝦餅, 佢唔講我以為佢比咗碟日式吉列帶子我(即係橙色嗰D呢), 重要炸到乾哂, SIZE細過$5, 一D蝦咪都無, 問個WAITER有無嘢點, 佢話無喎, 要咪比D甜酸汁你囉(態度唔係噤好), 點知佢比咗碟點海南雞嘅醬我, 唉算喇.第三樣焗田螺, 呢個叫OK喇.第四樣乾煎咖哩雞飯, D雞乾到好似食魷魚絲噤, 有幾塊炸麵包, 油到滴得出油.第五樣串燒, 唔難食囉, 但我哋張枱唔夠擺, 重有2串未食, 佢無嗱嗱收咗碟沙爹醬, 我話唔該我哋要嫁, 佢話噤我比過碟你囉, 我食緊嘢, 佢攞到嚟就隊喺我面前, 我當時岳咗然, 我D FD重笑話, 你話要嘛, 佢咪隊比你囉, D態度真係差到爆呀.總括嚟講, 食物唔好食, WAITER態度其差, 一間食市最重要嘅2樣嘢都無, SO BAD...

早几個月前同友人去mk 嗰間星加坡餐廳食~~已經話過以後都唔會再去食~~~尋晚係不知情況下~~~朋友們約左黎食飯~~諗住比多次機會佢~~~~一上到去拉門~~~對門重過咩~~又冇人幫我拉~~還以為對門鎖上左~~入到去~~地方大~~但好少人係到~~~~朋友們一早已到~~~佢地已叫左第一輪野食~~包括~~朋友a: 套餐a , 兩杯啤酒(未叫餐飲) 朋友b: 凍0 茶 朋友c: 凍0 水我等我男友黎都開始叫第二輪野食~~我: 法國蝸牛牛柳餐 (包湯和餐飲)~~~凍0茶朋友b 套餐a (+15包湯和餐飲)~~餐飲另叫不久~~~d 野食上枱~~白湯???我似係到飲糊狀熱水法國蝸牛牛柳?????四粒田螺+几片薄牛扒(大家樂早餐嗰d 薄牛扒)咁就拎左我72蚊+10%~~到結帳了~~朋友們先忘記了自己叫左餐飲未~~所以人比張單我地查下~~侍應拎住張單~~~睇下我地枱面d 野齊唔齊~~因為我地叫左兩輸野~~d 野都收得七七八八~~我問左佢拎張單比我睇~~~講左三次以上~~佢先比我睇~~因為第一輪我地叫兩杯凍0茶~~諗住當計餐飲~~解釋左數分鐘~~侍應先明白

本來約左frd去吐司工房到食我餐生日飯, 點知去到居然無晒主食, 轉場又唔知轉去邊, 居然行到入亞士厘道見到呢間野 "好似" ok, 9點之後又有discount所以朋友就揀左呢間. 之前去過旺角只係覺得佢哋d野麻麻, 不過9點我又唔想食油淋淋既沙x王, 所以就決定揀呢間.上到去, 佢安排我哋坐係卡位. 睇過meau之後我哋就叫左個牛排餐, 星加坡薄餅, 參也蝦米粉, 肉骨茶, 同埋串燒雞.首先, 牛排餐我個frd叫左五成熟, 佢黎到都真係五成, 唔會話熟得濟. 肉骨茶都ok, 普通味精湯囉!!佢嗰到有幾個星加坡汁既米粉同麵. 基本上3個都唔知係咩, 不過諗住黎得星加坡餐廳無理由唔試d地道菜, 所以我哋都叫左個參也米粉. 如果星加坡既地道菜都係咁既話. 我諗我以後都唔會再去星加坡囉. 個汁同個米粉雖然係同一個碗入面, 但係兩樣野好似水同油咁, 味道都混唔埋一齊既.... 我只可以話我食左參也(如果正常既都係咁既味) and 米粉而唔係參也米分囉. 另外.... 我之前係其他星加坡餐廳食既過既星加坡薄餅係類似手東手抓餅咁, 好好味, 不過我今次食呢個.... 黎到油冧冧既圓形一塊野...

呢間野肯定係黑名單三甲......冇上黎睇comment之過, 尋晚我去左食晚餐, 叫左三樣野: 1) 西冷扒餐2) 椒鹽雞軟骨3) 三色沙爹串燒 (雞, 牛, 豬各一串)而我得到既野分別係:1) 石頭餐包 + 牛油, 算正常d既羅宋湯 唔熱, 唔好食疑似西冷扒 + 冷飯 正常好差果隻苦澀 "鞋"口凍檸茶2) 沙爹水串燒(d 肉好"梅", 分唔到雞同豬, 牛肉好似落過梳打粉o甘)3) 個人認為好咸既椒鹽雞軟骨 野食差好多地方都有, 但係services"好"得過呢間我就真係未見過,通常一搬services差既地方有既特點佢全部都有, 例如: 舉到手都斷冇人理當你透明,好唔耐煩o甘同你落單(呢間仲要係稔多半秒都唔得果種), 漏單追極都唔黎 (我見隔離檯全檯食完飲緊餐飲, 但係有一個仲未有得食, 追極都未黎)但係呢間野有一絕真係好少見, 話說我想埋單啦, 冇人理好正常, o甘我見之前同我落單個呀叔係附近, o甘好啦, 我行出去同佢講話我要埋單, 佢都示意聽到, o甘我坐返埋位等啦, 我一路留意住佢, 因為佢係我同佢講完埋單之後不停o甘拎住自己部手機行黎行去講電話, 唔知

亞士厘道呢條尖沙咀食街,夜晚就好旺,朝早就幾冷清,大部份嘅食肆都無開門,見到佢地話早餐減$3又好似幾抵就試吓.早餐都好多款揀,食咗羅宋湯通粉,配雞扒,煙肉同奶茶($23).羅宋湯好濃帶少少辣味,正!雞扒本來煎得幾脆可惜浸淋咗.煙肉同奶茶都好普通.不過坐得幾舒適,慢慢歎報紙都得.隔籬坐咗個老外同佢香港人老婆,唔想叫套餐,想食煎蛋,腸仔,多士,麥皮,其實係D好普通嘅野,點知柜面話要收$50大元,連伙計都話唔合理,叫佢食兩個早餐都無咁貴.咁樣做生意,鷓鴣咩,唔怪得咁冷清.

自從數年前剛剛搬上樓幫趁過兩次之後（第一次覺得吾得，數月後俾多次機會，幫趁多一次，結果一樣），星加坡餐廳已經列入我黑名單之首，如果要俾個時限，將會係“一萬年”，如果有人問我食吾食得過，我會答：吾好試。一間餐廳，只要食物，環境，服務，是但一樣吾係差得好緊要，都會留到客。星加坡餐廳真係好野，過三關，三樣都無，尤其服務（除本人經歷外，可參考其他食評） 。真係想再俾多一次機會都吾得。（真有0的可惜，未搬時我間吾時都會幫趁下架）

上星期六和朋友行完尖沙咀已經10點幾唔知食乜好. 行入亞士厘道其實有好多餐廳選擇, 但由於朋友仔又餓又累, 見呢間星加坡餐廳個樣好好地, 又唔貴又有咖哩食就中左入去. 上到去有個阿叔招呼我地, 唔知係咪夜啦趕住收工, 所以佢好似吹我地快d揀野食. 於是我地就叫左份串燒, 一個咖哩羊, 一個馬拉盞通菜. 個串燒加上d沙嗲醬味道還可以, 但係凍的 =.="個咖哩羊跟白飯上.....d飯凍冰冰 個羊就幾好味最衰係個通菜!!! 我地係叫馬拉盞通菜的 但上菜時變左通菜炒牛肉仲有個白飯tim =.=" 明明係叫馬拉盞通菜 點解會有肉架. 之後搵個人問 果個唔男唔女的侍應話 "我地D馬拉盞通菜係有肉架喎!" 真係俾佢吹漲!!! 好明顯佢係落錯單囉!!!

There is nothing Singaporean about the food served in this derelict they call Singapore Restaurant. Haven't tasted enough to jump to a conclusion, but from a recent visit's afternoon tea set, there wasn't much to shout about. The fried chicken wings we ordered arrived unfried, but (under)cooked in a sickly brown gravy. Absolutely unappetizing from the looks department. The special gwai tiu (broad flat noodles) didn't fare any better. Bland, salty, plain fried gwai tiu coated in oil and curry sau

原本到了星加坡餐廳，特別點了喇沙，誰知喇沙裡除了米粉和雞肉便什麼都沒有了。喇沙裡面的配料全都沒有。還點了肉骨茶，但茶裡味道不夠，材料也不夠，實在太差勁！waiter態度也太差，只要求冰水也沒有。

很懷念以前金馬倫道和亞士厘道地鋪嗰兩間"星加坡餐廳"，現在金馬倫道的已結業，而亞士厘道地鋪則搬了去斜對面一樓。餐廳很明顯已轉了手：風趣有人情味的老伙計們不見了，現在全都是寸爆仔。以前裝修暗暗幾懷舊吓，有啲星馬特色，現在平平無奇但用盡"地積比例"。加上叫星加坡餐廳，但揚聲器大大聲播着的卻是強勁廣東話流行曲....... 是迎合客人的口味還是仔員工的喜好？感覺上似去了旺角仙踪林多一點！馳名海南雞飯曾幾何時是我的多年至愛，現在不再味美滑溜了，變了美心切雞飯一樣。這裡令我想起特區政府對舊建築物的所謂"保育政策"，只留下空殼一個，內裡卻掏空挖淨。這樣沒有誠意、沒靈魂之作，不做也罷了。以前的"星加坡餐廳"去了那裏呵？？？

是晚有幾個家庭一大班小朋友開生日會, 所以 環境嘈雜. 如果對食物有要求的人, 請三思再來. 餐前白湯, 像糊仔"傑達達", 紅湯很稀. 主菜湯麵及牛脷意粉, portion巨型, 質素差劣. 餐飲, 檸檬水像甜爺爺的白開水, 檸檬片切得很薄. 最奇怪是餐廳的服務生很多, 我們埋完單步出門口之際卻被服務生阻止, 因為他們發覺有人沒有埋單就離開, 所以他們要問客人剛才坐號., ..當我們想發火之際, 忘記了埋單的一對人就出現...

星期３黎。。不算多人。。可以坐卡位！我們分別叫了：煙鴨寬條面＄６３，以為是鐵板上，原本唔係，厚厚的煙鴨一早已切好，味道和賣相都不錯。星加坡薄餅$18，男朋友說一定要試試.沒什麼特別.同係超級市場自己買回家煎的沒什麼大分別!最失敗是沒有汁跟上的,薄餅加上咖哩汁先是最好的配搭!星加坡麻薯燒$22,見佢寫住是新的.就試試.裹面的紫色麻薯賣相不得.似胡仔般!沙爹串燒,怕不飽叫多了個串燒,只可叫雙併,我們要了雞加豬,伴上沙爹汁!雞和豬味道分別不大!沙爹汁花生味較重!這時沙爹汁可跟薄餅一起食了!!

我們周圍揾嘢食, 望見2樓好像不錯全部是卡位所以上去試下了, 叫左2個餐, 羅宋湯夠辣有味好好飲, 但餐包就像隔夜硬的可以擲人....服務員d 態度差到死呀, 我老婆的餐飽食了一半, 問都唔問就給人收走了, 我頂! 我們都未食完......咁的餐廳還未關門真是奇蹟呀! 我就食了個星洲炒米粉, ok 的咸咸地微辣...而我老婆食了個星加坡飯, 蕃茄汁, 幾好食, 有雞蟹柳魷魚豬肉片蛋, d 炒飯本身已經有一種味道, 咸咸的, good. 但唔記得同d 服務員講我只是要星加坡飯, so 這間餐廳的廚房私人醒了張膠紙落我們的炒飯度……真係唔該哂!另外, 我地額外叫了一個肉骨茶share 嚟試飲, 有藥材味有鮮味, 唔苦, 好正, 但老婆話喺馬來西亞嗰d仲好飲, 隔條街都聞到陣香味好引人!

我並不是時常外出食午飯的人, 因為工作地點是尖沙咀, 中午時段一般都比較人多.今天因同事提起, 在亞士厘道有間"新加坡餐廳"幾好食, 於O 和同事一行3人去午饍上到去, 12時45分左右, 並不是太多人, 個侍應生問了我們一行多少人之後就指了個方向叫我們行去座.落左單, 餐湯同餐包o黎時, 個包有點像隔夜餐包加水再加熱, 仲要是不熱的那一種.個湯味道普通, 飲完個湯, 其中一位同事的餐送到.==千島煎龍俐柳沙律==- 明明個名是寫"煎"龍俐柳, 但是來到的是"炸吉列"龍俐柳.- 個千島醬勁似假千島醬, 味道不討好.等了20分鐘左右, 跟侍應追單後, 另一同事的午餐終於送到.==燴葡國雞飯==- 個飯等得耐, o黎到時明顯覺得是碟頭飯.- 賣相差, 雞件是似1/4隻雞斬開4件, 重點是只有雞殼沒有肉!!!- 個葡汁的味道也不討好, 好"杰"再過了10分鐘左右, 終於有人發現我個餐還沒有送來! 再追單......又等了5分鐘左右, 有另一位外貌似比較高級的女侍應行過來.女侍應:我:女侍應:我:女侍應:等了2分鐘左右, 經理終於出現.經理:我:經理:我:經理:個經理拿張單出來, 同事在對單.