星加坡餐廳 (已結業)

Honestly, I've been to this Singapore Restaurant in TST a long time ago, and it was a fond memory.But last night when I revisited it for a quick dinner, it was simply as bad as it could possibly get.First of all, in the heat of this summer, the air-conditioning was minimal. I was sweating through the whole meal.Secondly, I wait for almost 3 minutes waving before a waiter saw me and came to take my order.Thirdly, the Hai Nan Chicken rice set was unsatisfactory in every aspects: chicken was partia

今天要加班，所以可以食下午茶餐，選了蛋白蟹肉炒飯，加我至愛的凍檸檬茶。蛋白蟹肉炒飯： 炒飯粒粒分明，選用蛋白比較健康，而且唔係太油，味道一般啦。餐廳環境舒適，有卡位，吃完飯後，看看書，玩玩電話，渡過一個悠閒的下午。

自從它由地舖搬上樓便一直沒有光顧，地舖時的食物幾有水準，所以搬上樓後要一試。誰知道竟然會差得咁遠~~~~~~~海南雞飯套餐($58) : 超級無味雞 雞肉叻沙米粉($42): 葡汁撈米粉，完全唔係星加坡的叻沙風味越食越熱! 冷氣不足! 慶到相都無影!一句：沒有下次!

因今日lunch食得唔夠盡興,所以經vicky介紹,0係尖沙咀九龍公園某大廈行上2排樓梯即到那條街,原來果條街有好多餐廳,酒bar,比較寧靜呢~有好多餐廳都係樓上經營 我地就去星加坡餐廳試試看~ 5pm到達,當然仲有tea set~ 共28款~真的相當多選擇 我地坐窗邊的卡位,環境幾好,人流都幾多~唔見主菜menu,因為想看看主菜menu,其實起初想試試咖哩款式的,但朋友話有d辣,所以唔試... 而我點左1客好耐無食o既西炒飯 配熱檸水上飲品先~之後都幾快上主菜~職員仲好好地幫我地移開桌上的飲品,才放下主菜於各人桌前的位置~真的很貼心 聽朋友話呢道o既職員好多都係星加坡人呢~所以都幾正宗喔!! 碟炒飯都幾大碟,又夠鍋氣~可惜全部粟米也較為燶....基本上無乜邊粒可以食落口... 炒飯幾好味~又唔會oily!有雜菜粒,腸仔,火腿粒~每啖也有茄汁的味道呢~ 見朋友點的雞扒烏冬的雞扒係一整塊,好大塊喔~如果切開2件會比較方便食用呢~ 又另1朋友的 豉椒肉片炒可也是不錯似的~ 雖然見其他食家認為呢間餐廳麻麻地,但我為求食簡便的港式下午茶,又覺得不錯呢~

開頭以為係食地道星加坡野. 點知入到去睇個餐牌. 發現其實佢咩都有 有得剧扒. 炒粉麵. 湯麵. 港式茶餐廳飯. 只係掛羊頭賣狗肉. 哈最後我地叫咗 肉骨茶 好難飲. d 味好奇怪.......飲咗一啖就放底咗. 好彩18蚊啫海南雞飯. 普普通通. 雞當然都係冇雞味. 例湯亦有加味精. 但唔係難食蒜茸牛油雞翼. 都炸得好香口. 幾好味. 但又唔似牛油雞翼. 薄餅原價18蚊. 加5蚊可以有咖喱汁. 個餅一般般. 反而個汁幾好味. 咁早知食咖喱飯啦 ! (佢D 咖喱係冇散叫ge. 全部都跟飯)鐵板蝦球炒麵呢個反而好好味. 又夠熱.d 蝦係炸過ge. 雖然油咗d . 但成碟都好好味. 而且份量都夠多不過雖然話d 野係ok . 唔難食. 但都係一次就夠lu

當日下午，約咗個姊妹去 Harbour City shopping，放工我直接走去尖沙咀食嘢！起初，我想走去開業不久嘅 <一風堂>，點知試業期間直至 2:30 ，下場要等到 6:00！ 當時，已經 2:30 有多！真失望！唯有下次啦！記得有條亞士厘道，呢條街有不同菜色餐廳；又要預計買嘢！所以，唔想食咁貴！一看下午茶 Menu 好鬼抵！ 絕大部份廿幾 $ 有交易！啱哂附近返工嘅 Sales 呀！上到去，度門真係要好大力先開到， 餐廳範圍幾大！靠窗一排卡位，又有特色嘅燈、還有一些掛畫。我正是坐卡位，可望吓街景！我發覺窗邊經常有隻烏蠅飛嚟飛去！ 衛生麻麻地！幸好無飛向碟炒貴刁！秘製貴刁 $24 ( 加一服務費 ) > $26 ~ 我要求走辣等咗大約 10 分鐘，終於上枱！一大碟炒貴刁！ 雖然係下午茶，但係份量都唔少！以咖哩粉炒，貴刁炒得均勻，每條都染黃咗！香氣四溢！ 配料有芽菜、淡而無味嘅雪藏蝦 & 腩肉切絲。咸味剛好，味道 OK ！熱好立克與一般茶餐廳貨色不相伯仲，稀了一點，奶味稍遜！ 埋單 $26 確實好超值！

多年無來星加坡餐廳，原來比以前地鋪時代差了許多先說環境，個冷氣跟本就一d都唔凍，唔知佢為左省電費定做咩，總之間野就熱到死，完全影響胃口，出面陰天29度，我地坐左入去由頭坐到尾都無涼過，而望下前前後後好多人都覺熱要撥涼叫左Lunch既咖哩牛腩飯，個飯量比同類型餐廳少很多，而個咖哩牛腩跟本就無咖哩味，好似煮完d牛腩跟住就咁放落d汁度咁。行入間餐廳時見好多人都淨飯食唔哂，上菜個時仲心諗點解佢地會食唔哂，後尾明白原來d野又唔好食，間野又熱，真係無胃口食得哂。仲有我地食個時間野40%滿，但除左湯之外，其他野都慢到咩咁，上餐飲又唔比飲管，要問先有，總之以後都唔使返黎，同區打把價錢相近又好好多既餐廳

5人行, 黎到星加坡餐廳食下飯傾下計,朋友黎過, 話呢度D野食唔係樣樣好食, 要睇運氣咁我地就叫左幾樣SHARE食.肉骨茶 - 味道幾好, 好濃, 好少可有D咁濃味既肉骨茶西冷牛扒 - 75一個扒餐算係經濟, 可選意粉/飯, 白/紅河, 肉質林, 大件, 鐵板上.串燒(牛,豬,羊) - 都係鐵板上, 有12串, 各4串, 味道一般薯容焗田縲 - 很一般, 冇味, 薯容唔香. 自己整仲好食....海南雞 - 味道淡, 肉質幾滑, 最可惜都係D醬料唔好食....咖哩牛腩 - 冇咩咖哩味既咖哩墨西哥薄餅 - 好明顯係搵微波爐丁熱...2塊. 味道一般, 後來有個朋友拎左黎巻牛扒食, 反而唔錯春巻 - 一般貨色. 你地都黎試試運氣吧我地呢一餐都算OK仲飲埋野傾埋計坐到11點.<<<PS. 只收現金~ 記得拎夠現金喇~~>>>

唉，第一次去呢間餐廳，坐低先至發覺晚市冇乜選擇，只係得印o係面前張墊台紙o個十幾款，而且部份選擇的價錢原來冇改到。我起初點了其中一個，侍應話加o左價喎，問我仲要唔要........我個朋友問點解加o左價唔改？佢答話經理冇吩咐.....離哂譜。最後點了個「咖哩乾煎雞飯」，成$48 (另加一服務費)，D雞好明顯唔係乾煎，而係走過油，出o黎o既效果好油，又好脆，好明顯係炸而唔係煎。就算紅椒青椒伴碟鋪得幾精美都好，都令我對呢間餐廳好失望。朋友點的是最普通不過的「焗肉醬意粉」($42 + 10%)，成碟都係油，肥膩到見到都冇哂胃口.......好唔愉快o既一餐晚飯，仲要係價錢同質量不相稱，不知所謂。

朋友仔來到尖沙咀接放工, 適逢星期五, 好多度都好多人見呢間無咩人, 咁就上去食喇, 點知, 惡夢由始而起我地兩個女仔點左:蒜蓉牛油雞翼 (6隻)第一眼見到呢D雞翼已經知道一定係反炸, 不過都算, 竟然食落口係好硬之餘仲要係滴晒油, 超難食, 超肥膩椒鹽雞軟骨椒鹽? 第一口食落去, 多油之餘, 仲要係無味, 唔知係度食緊咩, 最後要退單西冷扒等左成二十幾分鐘, 份扒竟然係凍, 明明叫八成熟, 竟然會血流成河吉列龍利柳第一眼見佢好大塊, 一切之下, 眼見D炸粉成寸厚, D魚都唔知有冇二毫米, 仲要係超喊, 好難食, 最好食係個沙律服務放面:落單個條友仔, 好似唔想做咁, 黑口黑面無水洗面咁, 咁唔鐘意咪唔好做囉最經典係, 我地後面個張枱, 有個侍應係度收緊野, 竟然會有一支匙由後面張枱飛來我地張枱, 個侍應無道歉之餘仲要對我地笑住咁話, 咩你地咁好彩呀, 嘩, 我真係唔知比咩反應好, 咁都可以笑住咁講唔怪之得, 其他地方咁多人排隊, 寧願排隊都唔來呢間野喇, 原來係有咁嘅服務, 咁嘅食物... 有生之年一定唔會再來

下午茶有很多選擇，點了兩份，分別為洋葱豬扒意粉配凍奶茶及雞翼沙律配凍檸茶。豬扒肉嫩而煎得香，因為已配上洋葱汁，加上茄汁意粉，味道感覺有點不太配合；炸雞翼香脆，沙律用上幾種蔬果，新鮮清甜，酸度恰當。飲品方面，奶茶奶味較重，檸茶有輕微的茶澀味。

我個人都唔再想返黎幫襯，但大多同學仔都建議重臨依度，因為趕時間、較近、無咩人實有位，咁無法啦，比多次機會佢啦 ﹗但係 .......... 服務都係咁啦，普普通通；廁所都係一般茶餐廳格局啦。啲出品就真係無止境的差囉 ﹗海南雞飯套餐，啲菜芯老過您阿媽，成口渣﹗油味飯，真係得油味喎 ...... 味精節瓜湯，又幾好飲喎。海南雞，有雞味、唔太嫰滑、口感偏哽，普通過普通，三種雞醬料全部罐頭貨，咁重要既野居然唔自家製。廚房無 heart ？定係老闆無良心 ？勁差 ﹗

回想都有十年無黎星加坡餐廰，以前係地舖，所以最初搵唔到係邊，原來搬左上樓。坐一坐便落 order，全部侍應都比我感到十分生手及混亂，好唔熟識餐廳既食品、飲品、餐牌、價錢同運作，有數個員工都是操大陸口音，無緊要，落單啫，不過都感到佢地都有努力過召乎既，雖然未如理想。食完埋單，出奇地不接受信用咭付款。依家搬左上樓，我都唔知係咁我以前食開間星加坡餐廰，真係懷疑係反板，食物同服務質數真係差天共地。羅宋湯 ( bortsch )，幾好啦，可接受，大路穩陣口味，飲得過。T 骨扒配黑椒汁跟意粉 ( T-bone steak with black pepper sauce )，港式醃製牛扒，鬆肉粉的口感、過腍無咬口。味道略咸，加埋黑椒汁更咸，因個汁只微辣而且偏咸。個烚意粉都好有心地搵香草撈過，但烚到過晒龍，叉都叉唔到，一叉就斷，煮到差不多變返粉團，食兩啖已放棄。意粉烚七八分鐘，攞去過冰水冷河，落少許橄欖油係鑊度炒兩炒，已可以完全去除多餘水份同白烚滾水味，再落少少香草已經好食到不得了。成碟野最好食係配菜，烚脆肉瓜 ...............

今日晏晝同老媽子去尖咀hea, 三點幾見餓餓地, 咁o岩海防道有星加坡餐廳人在派宣傳單, 價錢ok, 就拉隊上去。我叫左個牛柳炒意粉($23連飲品), 老媽子叫左海南雞飯($27連飲品), 味道ok份量亦算大，而且環境一流, 坐成粒鐘慢慢嘆傾下計都好正, 而眼見有好多情侶一邊食一邊談心, 都幾romantic!二人埋單連埋加一都係$55, 除番每人$27.5, 大佬, TST Ashley Rd喎, 抵到爛!

後悔沒有看看這家餐廳的評分便貿然光顧... 只能說這家餐廳的服務實在有待進步。很平常的日子，很平常的一個午飯套餐，結果只給了我一個紅湯，等了45分鐘加追了3次我的午餐都沒有上桌。我當然明白在這麼忙的地方工作有一定的壓力，但員工們，有沒有想過就是因為你們敷衍了事的態度而令我沒有了一個午飯，還餘下半天的工作有待去完成。良心建議：要不改善一下工作流程，要不請縮小餐廳的範圍，因為實在看不出你們有能力順暢地運作一家食肆。(味道: 只喝了一個下了很多胡椒的紅湯; 環境: 很吵; 衛生: 都還蠻乾淨的; 抵食: $40左右大大份一定飽)