星君冰廳

营业中

休息中

今日好饿，所以揾一间餐厅食个下午茶餐。拣左一间港式茶记，近工厂区所以价钱好抵。双拼下午茶连餐饮大约$36。叫左炸鱼拼沙律，炸鱼外脆内多肉汁，有鱼味，好新鲜。沙律多生果及蔬菜粒，有口感又好味。今次仲叫炸批拼西多，炸批要加钱，非常大件，味道好好，外皮够脆，内里鸡肉多汁嫩滑，又够入味，即叫即炸，热热的，好正！西多系三粒，中间好多花生酱，重口味。糖酱自己加，同牛油都可自己控制份量。上次食炸猪扒，块扒大过半只碟，好抵食。另外瑞士鸡翼都正，够晒入味，鸡翼入面的鸡肉好嫩滑。饮品方面叫左热奶茶，多奶好香滑。冻柠茶甜度适中，唔错。下午茶来讲，价钱好抵，算系超值，服务好好，坐得又好舒服，又唔驶等位，一定会再来食。