星小館

营业中

休息中

第一次食《星小馆》，说实话感觉真系一般。先讲讲服务，无论佢有其他客定冇其他客，叫佢地加茶真系叫得好辛苦，永远走来走去，系咪咁钟意《扮工》？我地一嚟到叫定左《冬瓜盅》，好味足料清甜，味道真系一流既。不过分左6碗之后，一直冇人问过我地有冇需要添不特止，竟然过左阵有个阿姐话帮我地收返入去，What??，当然我地唔俾啦，之后佢帮我地分多左5碗出嚟，到底发生了甚么事？《脆米》花竹虾，脆米好味既，不过虾就不够鲜甜爽口。《通菜煲》味道够香够浓，菜不会太老。《水煮鱼》味道正常发挥，够香麻够不会太辣，不过鱼片同水晶粉偏少。《榄角一口金沙骨》甜香俱备，够香脆，一口size方便食，呢个无得输。《椒盐双脆》，鱿鱼酥出色，另一款normal。《蒜心猪腩片》，唔知点解佢用左豆角？😅，算，系好食既，味道香浓，猪腩片爽口。《豉油王炒面》，没有预期般既水准，只属一般。豉油亦不够香，镬气都争咁啲。