星巴克咖啡 (已結業)

喺海港城等男朋友，順便想搵個地方坐低溫書~就咁啱去咗呢間Starbucks，試咗佢哋新出嘅草莓杏仁麻糬丹麥酥同埋士多啤梨Green tea latte ~食物味道都係咁上下，士多啤梨有啲甜 普通抹茶鮮奶會好飲啲咁~店員都幾好禮貌 特別係個男店員👍🏻👍🏻餐廳都幾好坐 好安靜好舒適，相對來講，張凳唔係好乾淨 不過都唔關店員事，應該係本身設計問題🤣🤣我記得好多年前去過海港城lcx位置嘅Starbucks係有海景睇，唔肯定係搬咗鋪定係咩原因所以而家冇🥲

Throwback 食評✍🏻Starbuck @LCX tst試食指數⭐店舖衛生⭐⭐⭐侍應態度⭐⭐⭐⭐((每項5⭐️為滿分)) ·呢間長期冇位加上大時大節更加唔使諗住可以等到位我哋都企咗38分鐘有多才等到位原因係bb瞓咗覺💤我哋搵個地方休息下·年初一有幸運餅🥠送我實在太為食連張幸運紙都食埋😂唯有叫隊友慢慢食俾我拍番條片先🤣

又是期待已久的happy Friday! 一般來說，每逢星期五，我會獨個兒悠閒地吃個long lunch，享受一下寧靜的時光，再在附近逛一會街，然後才回家午睡，今天也不例外。我今天沒想到有什麼想吃的，於是打算逛到LCX那邊再算。途中經過一間韓國餐廳，這家炸雞我以前覺得很美味的。看到門外的電子告示牌說現在不用拿籌等位，原本我正想入內光顧，但當我走近門邊時，發現裡面超級嘈雜的。雖然還未滿座，但已吵得和街市無異，在入面吃飯應該享受不了寧靜的時光吧！是我放棄這韓國餐廳繼續往前走，最終來到LCX盡頭的Starbucks咖啡店。 在LCX 一直前進，遠遠的就能看到Starbucks的招牌。這裡通常較少客人堂食，也許因為這邊商場一向較少人逛，而附近一帶又太多其他Starbucks分店了吧。對我來說，這情況就再好不過了。唯一可惜的是，餐廳隔離的玻璃窗是磨砂的，看不到窗外的風景。我order了一個新出的煙肉蛋酥 ($29) 和碎朱古力星冰樂 (Grande $41)。由於客人不多，我等了不用三分鐘就能取餐了。 用焗爐翻熱過的煙肉蛋酥外形十分漂亮，烤得焦香的酥皮和煙肉圍著中央金黃色的太陽蛋

經常係無乜精神時叫杯 Starbucks 既咖啡提下神，前排公司同事請左我食呢個布丁 cheesecake, 一試愛上，好滑又唔會太甜，每次心情唔好都買件來慰勞自己，雖然貴左少少

收工落雨, 所以就去行LCX等雨細d先啦...行到盡頭既Starbuck見到Frappuccino有新味就順便想試埋...香蕉系列分別有朱古力, 莓, 同芒果味...(上年其實都出過)我叫左既係Banana Mango Frappuccino, 但係因為本身無跟Cream...所以就額外加左cream...Cashier亦有提醒我可能會太漏... Banana Mango Frappuccino + Cream: Whipped cream 夠味, 但係份量唔夠. 而且Pipe得唔靚, 斜哂, 又出左杯蓋...Frappuccino放左原條蕉落去打, 食到有少少溶左既蕉...唔夠碎冰, 味道似維他芒橙汁...我覺得regular既朱古力味好飲過呢個好多...不過呢個味Light d, summery d...呢間Starbucks: 無咩人執枱, 味道無話特別好, service都OK既, 不過最正既係個景...雖然落雨, 但都有另有一種風味...

今日天文台話得返15度，於是我鼓起勇氣喺呢間Starbucks叫咗杯grande chocolate chip cream，相比起平時樂富飲開嗰間，海運大廈呢間沖得相對少啲冰，飲起上嚟唔會卡住卡住感，又或者飲到最後得返冰，想啜都啜唔到-_-值得一讚嘅係佢啲chocolate chip真係好鬼死大粒，勁有口感！

難得有時間出去尖沙咀食個下午茶朱古力意大利芝士蛋糕蛋糕分左兩層，面層係意大利芝士蛋糕，下面就係Brownie朱古力粉香得黎帶少許苦甘味，配上細滑甜香既芝士部分自然冇咁膩:^)芝士其實都偏實，感覺似奶凍，唔係好似平時tiramisu既cream咁綿柔底部既朱古力brownie同上層緊緊接合，唔會搞到斷開兩截少許濕潤，朱古力香濃郁，仲要有d碎果仁，脆口又有質感對比呢個蛋糕真係食得過，重點係果日我都坐曬太陽既位，佢仲係保持到稍凍不溶:^DDD環境真心不錯係尖沙咀LCX果邊對住海景:^)雖然出面係地盤，但隔音幾好，唔會好嘈吵不過呢邊靠窗位經常係滿座，入面既位都搶手

每次逛海港城經過LCX的Sarbucks，從來都不會有空席。今日卻只有7成的入座率，是因為窗外在工程影響了景色的緣故嗎？還是因為遊客少了的緣故呢？最近飯後總會覺得很睏倦，正好在這兒休息一下。在Starbucks習慣只喝Green tea latte和Hot chocolate，其他的都不會選擇。今次選了熱朱古力多cream，面層厚厚的鮮奶cream非常清爽，那股奶香是四月最喜歡的，不過平日許多時候都只能叫外賣帶走，等到返回公司再品嚐的話，那層奶泡已經完全溶掉了。朱古力質感很厚，可可味濃郁，不會過份甜膩，對我來說是很好的提神飲品。在這兒跟男友share耳筒聽歌，就這樣平平淡淡的消磨一個下午。有渣打咭的朋友如需要在海港城消費而又過了$500的話，記得去換領$25現金卷，如果是星期六日，現金劵更會雙倍，四月後知後覺才知道，最後走去換了Starbucks的coupon。另外，現時做推廣，如果同時在現場下載Breeze good life的app，更可以額外多送一1張Starbucks的$25現金劵，的確是雙重驚喜。

早晨coffee, 美式coffee, 25蚊最細size淡淡的,苦苦的因為無奶無糖, 想飲下齋啡.夠熱,唔夠香,淡與苦就是整杯coffee的感覺都係expresso感覺比較好 

約左朋友在海港城食飯，時間還未到，見有少少餓咪坐底食件蛋糕飲杯野囉好似位置都給強國人佔領，好不容易先搵到個位坐下夏日炎炎出了一系列的星冰樂，一於試下啦！不二之選，當然是紅豆跟抺茶的配合啦紅豆抺茶星冰樂~~好多紅豆呀！而且紅豆蓉甜度適中配上香濃的抺茶真係好GOOD雜菜牛油蛋糕~~~ 一件都幾飽肚的蛋糕，牛油味稍微欠左D，吃下一口好似食緊PIZZA咁架！都幾得意，蛋糕內有蕃茄乾心感覺都幾特別紅豆抺茶星冰樂我會再ENCORE

完成了一星期的工作，Happy Friday的放工時間一定要relax下來！避開擠迫的地下鐵車廂，慢慢坐船過海，吹吹海風，看看日落。到了尖沙咀，又走來海港城這家小小的海景Starbucks ：＞位子不多，幸好今次只花了大約五分鐘便找到位，而且還是窗口的位置呢！試新推出的Dark Mocha White Chocolate Pudding Frappuccino (名字很長的說)，超級濃郁的朱古力味！夾帶著Mocha的香味，與甜滑的白朱古力布丁，再跟一些黑朱古力碎，冰Mocha的新感覺，實在太好飲～ 對我來說，這杯星冰樂沒有過甜，有cream還是冇cream就關係不大。夏季期間，大約七時才日落呢！一邊看著如此美麗的海景日落，一邊享受冰涼美味的星冰樂，太幸福了 ：Ｄ第二天還試了同系列的綠茶白朱古力布甸星冰樂，綠茶味比普通綠茶星冰樂較為濃，但又沒有green tea latte這般香濃，但跟白朱古力布甸一起飲上來，也是感覺新鮮，同Dark Mocha一樣飲到停不了！

別說是別的星期天，萬人送別大黃鴨的這一個，海港城是特別多人的，竟然找個地方坐坐卻不是妄想，就是要走到 LCX 最「篤篤」的 Starbucks。「攝」埋近窗的窄窄走廊位，坐擁麗X遊輪大海景，雖然見不到鴨鴨，但坐窗邊位就見證了由晒到死到落大雨的變化。吃什麼其實沒有太多揀擇，畢竟吃了這麼多年；Broccoli Cheese Pie 配 Fruit Salad 加杯 Tall drip coffee 簡單的綠色組合就好。重點是,個批吃的時候，記著把茄汁擠到綠色的西蘭花裡混著一起吃才過癮。鮮果沙律內有罐頭水蜜桃，單是它已經搶哂鏡。咖啡？星記的咖啡還有什麼可說啦？

我要在海港城渡過12日的工作天.下星期一就完結.今個星期趁自己習慣.放飯時.用15分鍾找食.海運大廈的Starbucks.有落地玻璃,對住海景.如果不是工作.是閒聊.行街就好.服務員態度也友善的.雞肉磨菇批23元:Starbucks主力是賣咖啡.餅.包,蛋榚,是放置一段時間.點菜後叮熱的,皮不夠香口鬆脆,入口十分乾身.雞肉硬硬的,味道盡失,磨菇香味也薄弱,我覺得難食的.當然風景很美.無奈的係我工作末完.坐了20分鍾又要返工.下次再臨,我會飲咖啡

香港很少會有Red Velvet Cake(紅色天鵝絨蛋糕), 而我也是第一次在Starbucks見到有買了回家吃, 不錯, 面層的糖霜最好吃! 整體蛋糕甜酸剛好也有很香的朱古力味, 唯人不足就是蛋糕硬了點, 不夠質感

Starbucks 40周年推出咗咁多新野食，可是我只會係每個星期日先會去門市坐低慢慢試新野啦，平日去食都唔會試新野嘅，因為星期日感覺特別Relax可以慢慢坐嘆住食嘛。所以呢，明明係３月８日已經有新野食推出，我都要係去到４月先試得多Ｄ......之前講過，我最想試嘅係＜40周年朱古力蛋糕＞啦，那當然第一樣試咗佢先喇，再唻就係＜Coffee Cake Pop (White)＞同＜中東豆蓉素菜卷＞。＜40周年朱古力蛋糕 40th Anniversary Chocolate Dome ($32)＞真係比呢個朱古力蛋糕外表吸引咗！！好靚仔，好似酒店勁貴果Ｄ樣添，最頂更有片白朱古力Starbucks Logo，啱哂我呢Ｄ Fans啦！不過我買呢件Cake埋位時發現佢Ｄ朱古力未包滿整個蛋糕，即時覺得流咗，唔夠細心........我最鍾意先叉開佢睇吓佢裡面係乜野樣？有乜野料？整得靚唔靚？有冇層次.....等。今次呢件蛋糕，本來見到＄３２覺得好貴架，不過食落又覺得算抵喎，除了外形有酒店靚仔水準外，原來都好有內涵由最外層的朱古力包住咖啡慕司、海綿蛋糕、榛子醬，仲有一層微酸的香橙果醬，即時覺得件蛋糕冇咁甜