星巴克咖啡

营业中

休息中

今天中午是我第一次踏足南昌站的V-Walk商場，感覺好新鮮! 雖然V-Walk商場嘅商舖主要是遍佈二樓長走廊，但由港鐵站扶手電梯上來，第一眼就見到一間很開揚嘅Starbucks! 雖然這間Starbucks坐位不算多，但這裡樓底很高，旁邊又有商場嘅落地大玻璃來採光，所以在非繁忙時間坐在這裡靜靜地飲咖啡，傾下喫，都幾舒服!由於時間趕急關係，我就好快order左杯Skim Milk Latte and Black Truffle Cream Sauce Croissant，Staff 好efficient又有禮貌，咖啡同Croissant嘅溫度與味道都很fresh! 雖然只是坐了短短30分鐘，但我已經覺得好recharge! 下次要約朋友quick catch up，這間Starbucks 也是一個好地方!

又需要咖啡提神但又想喝甜甜的朱古力時Mocha 就是最好的選擇Skim milk 雖然較健康但沒有奶香，會顯得mocha的朱古力苦味比較突出所以今次都係叫番正常whole milk有層次感，能完美混合咖啡同朱古力正

我真的中伏了我揀咗呢個凍鮮奶泡沫特濃咖啡一開始就知道係有奶泡， 估計都係好似平時嗰啲咁嘅啫 ， 一杯嘢飲冇咗四分一就預咗 不過真係冇諗過呢杯嘢恐怖得咁誇張見到杯嘢飲，八成都係奶泡拎上手直情係覺得輕飄飄因為我太想知道最尾會變成點樣，所以一直都喺度等八分鐘後:12分鐘後:淨番三分一杯 去到最尾咁樣都試下佢咩味啦真係估佢唔到，飲落去竟然係甜甜地冇諗過冷萃咖啡加奶加冰會變咗咁嘅味道非常古怪 九秒九即刻whatsapp畀其他咖啡朋友千祈唔好買呢個完全中伏

是日要做野，中間有個幾鐘頭空檔時間緊係去食個早餐。而家慣左每日都要飲咖啡，所以選擇去starbucks，因為之後做野地點就响隔離。本身想要麥包底，但佢跟呑拿魚我唔想食，想食雞芝士多啲，雖然個麵包底冇咁like，都係點左 Buffalo chicken cheese ciabatta, 另外加杯cappuccino with extra shot of espresso and extra hot. 食飽後溫下書等開工，不過商場啲music都幾嘈.

Starbucks has a new drink with a cherry blossom theme and I thought of trying it for some time. Given V walk had some cherry blossoms decorations, I decided to give it a shot today.It does look quite dreamy with its pink and white swirls. However, the dream was overall was too sweet and there was only a hint of strawberry flavor in the drink.

行行下街想飲杯野所以行左入starbuck到揀野飲。今次揀左朱古力星冰樂，平時唔特別中意飲太甜嘅我，今次覺得杯星冰樂岩岩好，唔會太甜，仲有少少苦朱古力嘅味道，成個感覺好易入口，仲有上面啲cream，好綿，同下面啲朱古力好夾，會再買

假日早上，當然要對自己好啲啦！去到V walk Starbucks ，座位隔坐圍板，感覺多一層保護，店舖以開放式設計，商場樓底開闊，空間流通，真係好舒服；好早既關係店內仲未有人，點餐後搵咗個位置寧靜地嘆一份休閑既早餐，平時飲開Mocha，今次就試咗新出既焦糖燕麥奶咖啡，奶味比咖啡重，新口味黎講，值得一試，然而相比起全脂奶，燕麥奶的確健康啲，一杯咖啡邊夠飽見到推出咗多款特色三文治🥪，隨便揀咗一款黎試，口感偏乾，但真係要熱食，凍咗會偏硬，邊食邊睇書滿足地打開我假日享受既時光。

今日去Starbucks點了(南瓜咖啡星冰樂)特大杯，沒有想過杯南瓜咖啡超級甜極難入口，要店員加水後才能夠飲用，當然加水後一定令味道淡了，但總算不會太甜能夠可以飲，向店員問及為何這麼甜，回覆是因為落了糖漿，所以會甜，我再問可否走甜或少甜，店員竟然回覆說是根據公司標準調校，完全是外國人喜歡的口味，不可以少甜或走甜，我不回應離開了。在香港做生意，不是因應香港人口味或者每個人的口味去調校，而是根據外國人口味及公司標準去調校，以後我會考慮是否再去幫襯。

星巴克除了咖啡好喝外他的蛋糕也好有名這次剛好到深水埗見客時間尚早便去了星巴克吃個蛋糕這間星巴克位於新開的深水埗v walk商場地下由於商場新開人流不算太多一進去就有位置而且空間感足地方寧靜十分適合談生意或工作的人這次點了兩個蛋糕分別是雙重碎朱古力蛋糕和香蕉蛋糕星巴克的朱古力蛋糕出名朱古力味濃不太甜膩而且每一口都有豐富的朱古力粒喜歡吃朱古力的我可是一口接一口的吃另外多叫了香蕉蛋糕由於香蕉蛋糕看似很容易制作但其實很難這個蛋糕濕潤吃起來不會乾乾的重點是吃得到香蕉味絕對不是香蕉精油的香蕉味！星巴克果然名不虛傳！

身為一個咖啡控每日飲一杯咖啡已經成為左我嘅習慣真係一日吾飲一日都冇哂精神🤣係香港，愈黎愈多咖啡店而我係芸芸Coffee Shop 中最中意係Starbucks👍每次都只係飲Latte😂今次當然就買左意式特濃鮮奶咖啡咖啡味道香濃每口都散發著濃郁嘅牛奶香又帶有回甘口感柔滑，唔會有苦澀味😍 .布利芝士火腿牛角包🥐牛角包烘得非常香脆裡面夾住芝士同火腿每啖都有酥脆嘅牛角食濃郁嘅芝士香同火腿嘅鹹鮮味真係好正👍

去到深水埗，估唔到開咗新的商場，裏面開咗Starbucks ，想找個地方野飲，便去咗耳熟能詳嘅Starbucks。叫了一杯朱古力咖啡，店員態度十分親切，感覺咖啡的味道比平常濃厚，有朱古力和咖啡混在一起，朱古力和咖啡各一半，十分提神。適合一些想喝咖啡但又不想太多咖啡因，或太濃厚咖啡味的人喝。另外叫了一杯雜苺希臘乳酪杯，藍苺的份量十分足料。 混着乳酪的牛乳味， 配上餅碎，10分開胃，感覺10分健康。希望下次會再來。

已經食過Starbucks好多年，基本係讀書時溫書，同朋友high tea、傾野，或者等人時，都會黎呢度。今次黎食早餐，心血來潮寫佢🤣美式咖啡☕️唔想飲奶時，或者最近減肥，都會叫返杯美式。因為齋啡對於加快身陳代謝同埋降脂都好好。加牛奶例外。因為食牛角包，比較油，又可以降下油膩感（說好既減肥呢）布利芝士火腿牛角包🥐我都幾鍾意食佢個牛角包。可以叫佢加熱，外皮會酥脆啲，加埋啲溶溶地既芝士，同埋好香既火腿，好邪惡好滿足🤤

連續兩天都經過這個商場，諗住有時間就隔幾天逐一試均這個商場的新餐廳，大概這就是吃貨的日常吧😂 行左一陣見唔到邊間比較適合一個人hea一下的地方，最後都係揀左Starbucks, 老地方有情意結。內面semi open area都設計得幾靚，坐得幾舒服。行去櫃度睇下有咩食，本來想叫蛋糕，但最後都揀左個包食，夠飽肚呀嘛。買左杯焦糖咖啡同一個布利芝士火腿牛角包🥐牛角包食時仲係外脆內軟架，非常感動。其他分店食的有時會好乾，呢間唔錯！

今日約左frd去深水埗食飯，但因為早左成個鐘到，於是就去左Starbucks 等一陣。呢間商場睇落好新，應該係新開。我叫左一杯鮮奶咖啡，都係一貫好飲，好香濃既咖啡味，拿捏得岩岩好。因為之前出左去做野，有少少肚餓，所以都另外叫左杯香蕉楓糖乳酪杯，份量岩岩好，又唔會太飽太甜，加埋有少少cereals ，有少少咬口當小食都唔錯。總括黎講，呢間Starbucks 都幾大間，用黎hea時間，或者同朋友係到傾野相當唔錯。

平時又無乜收入無乜錢 所以都唔係好捨得閒時買杯starbucks咖啡飲下咁 今次見出糧就食好啲 係新商場到搵咗間starbucks 就嚟咗starbucks飲下咖啡 嘆下三文治 坐下hea下 享受下自己一個獨處時嘅美好時光叫咗一杯熱嘅鮮奶咖啡 latte平時都鐘意飲啲甜甜地嘅咖啡 唔太飲到苦 所以配latte飲都幾好 帶點咖啡香 又有香滑嘅奶味三文魚忌廉芝士三文治 半份嘅三文治就大約廿幾蚊到啦 佢嘅麵包類似係到香草製麵包 幾特別 三文魚配芝士都好好食