映月樓

营业中

休息中

美心集團的酒樓，當然不會太差啦。但又是算太好，味精下得不算少。吃完後，口渴了整整一個下午。坐擁無敵海景，再加上挺豪華的裝潢，更又屬美心集團，貴一點，也不覺得肉赤。若味精少下一點，當更受人喜愛。

飲早茶,剛好有窗邊位,望到海景炸雲吞-本人就覺得唔錯,但老媽子就話雲吞皮唔夠鬆脆煎堆-味道OK南乳炆豬手-一般雞扎-勁難食服務普通,食物麻麻,價錢唔平唯一可取只有海景

keep到水準, 不錯不錯.點心選擇都算多. 唯一唔好既係有d點心可能唔係日日有, 就唔印係點心紙, 要你問佢或者有人拎出黎. 例如我地見隔離有燕窩蛋撻就叫佢落order, 又例如叉燒餐包佢係搵人拎出黎, 但我個時已經食左叉燒包lu. 下次去會醒d ~ hehe.上圖右1係紅油炒手; 右2係紅豆糕, 右3係忌廉咖啡糕(呢個一定要試, 好好味!) 左2係鮮奶紅豆羊羹(呢個都推介)同下面既燕窩蛋撻.

因為有張"良朋歡聚宴"券....所以有一圍免費餐食....咪以為免費會食cheap 野....個餐都好見得人....仲好多野食添....份量又大....個個都捧住個肚走....燒味拼盤- D叉燒同雞都好好味...帶子雞球西蘭花- D帶子好鬼大粒...炸蝦球拼炸鮮奶- 炸蝦球不過不失...但炸鮮奶好得....翅- 同去飲果D差唔多....但係好似唔係好多翅....鮑片生菜- 一般XXX蝦- 極好味...我諗我一個人食左半碟/半斤都有...但係都清唔到碟.....XXX魚- 掛住食蝦..冇食到...炸子雞- D雞好滑....又入味...干燒伊麵/ 鴛鴦飯- 個飯好好味...合桃露- 唔太甜...同桌好多人都讚好..但我麻麻..美點雙輝- 有迷你芝士蛋糕同XX酥...太飽..冇食到...經理仲送果盤...飽到唔郁得...叫左幾罐啤酒...連埋服務費埋單$2XX.....抵到爛....有幸成為座上客之一....

今日去左"映月樓"飲下午茶!下午茶超抵!!哎左大概10樣野,都幾好味!牛肉球(唔會好似出邊果d咁散)牛柏葉(好滑,未食過咁滑既)鳳爪(好入味,豆豉辣椒好夠)香煎芋頭糕(無出邊咁粉,都算okay)香煎蝦米腸(d醬汁好特別,可以試下)翡翠蝦粉粿(好新鮮,好爽,皮薄)蛋撻(酥皮,好好味,好新鮮,有蛋同奶味, 正)蛋散(好酥化,好薄,好似薯片咁薄=) 流沙奶皇包(真係流沙,而且好味道,蛋黃味好濃)奶紫米露(奶味好夠,都算okay)3個人去食好抵,食左$12x而且睇到海景,同對面海中環nice view美中不足就係出邊搭緊硼,所以睇到d景都係1格格

這是我和男友第一次拜訪映月樓，本滿懷希望，卻失望而回。映月樓的裝修非常舊式，水晶燈尤其過時，海景有是有，卻給反光度極高的落地玻璃遮擋了。Service非常一般，侍應無禮貌，像是沒被train過似的。食物更不值一提，我和男友隨便點了兩個家常小菜：菜遠牛肉($68)和鮮茄什菌炒蛋白($75)。這裡的小炒portion非常細，鮮茄什菌炒蛋白味道超油「益」，尤其蛋白，搞到我要揾滾水去油才可下嚥。賣相又奇差，伴碟紅蘿白絲唔擺好過擺，charge$75蚊實在過份！菜遠牛肉亦非常油膩，菜心老，牛肉cheap，canteen飯都好味過佢。

是日3:30黎飲下午茶, 已過繁忙時間, 所以食客不多. 但係我地坐低後等左十分鐘都無人擺檯同沖茶, d阿姐好得閒但我地叫極都唔理我地, 已經有d掃興. 終於等到有茶, 但又無menu, 叫阿姐佢好唔耐煩咁叫我地等陣. 終於等到有點心紙, 快快手手o係4:15 last order前落單, 叫左:1) 蜜汁叉燒酥: 好快上檯. 酥皮幾脆, 但唔夠熱.2) 流沙奶皇包: 新鮮蒸起, 夠晒熱, 流沙有好濃蛋黃味, 唔錯, 不過都係海都好食d.3) 燕窩蛋撻: 酥皮蛋撻上放上一小匙燕窩, 真材實料, 不過蛋餡無味, 太淡口.4) 蜜汁燒鱔: 鱔好厚肉, 但骨太大太硬, 而且蜜汁太稀唔夠味.本身仲想叫芝士三文魚撻, 但係賣晒.賣單$144, 唔貴, 但係服務o係美心集團內真係差到貼地.

周日到不同的酒樓嘗試各處的特色點心,已成了我們近年的習慣,今次選擇了這裡.席間見到有數對准婚男女正在此處籌備婚事,想必定是被眼前這個無敵維港景色所吸引.曾幾何時,我倆亦為婚事四出張羅,期間幾經波折才能成事. 渴一口剛沖好的鐵觀音,雖不及老店專業.但新鮮濃郁的茶葉透出陣陣甘甜,精神亦為之一振,就好比結婚初期,新鮮與刺激感覺時刻存在.直到濃茶慢慢被沖淡,茶香不再時,才是婚姻係最大的考驗. 是日點了淮掦灌湯包,做得相當出色,不單皮薄,內面濃濃肉汁夾雜著鮮甜上湯,太太一向不好多肉點心,但此正是我所好,通常她只嚐其皮,肉則由我全包 沙薑鳳爪,價錢頗貴且只得數隻,但沙薑味濃,有嚼勁得來亦蚊得甚’淋’,一向我都不大好此點心,總覺是街邊貨色,不值在此品嚐. 蜜汁差燒腸,長長一條,賣相特別,差燒不單新鮮且粉皮極滑.蓮蓉炸刺蝟,其實是炸蔓頭包著蓮蓉,再把蔓頭挑成刺蝟模樣,甜點不錯之選, 多年來都相信,只要能互相稍微調節一下個人口味,遷就對方,飲啖茶食個飽都可以安安樂樂..最後,濃茶當然會淡如開水,但白開水就不正是生活所須麼?

一貫的美心食物水準, 蝦餃、燒賣、帶子腸、奶皇包、叉燒包...質素尚可。唯見他們於食物賣相上費了心思, 很有特色。蒸腸粉不是一成"品"字狀擺放, 而是一字型, 傳統腸粉馬上變得"in" 很多。又例如, 約3/4吋闊的春卷, 1 支支插在玻璃中, 加點甘筍作將飾, 精美! 全場最吸引的, 要算是那個維港靚海景。當天風和日麗, 望著靚海景, 吃個叉燒包, 巳使一向不愛飲荼的我吃了一頓很滿足的午餐。

家姐大婚之日,係到bk左3檯食lunch,同家姐換完婚紗之後,就係註冊之前趕黎食小小野未黎之前,d兄弟姊妹已經叫到成檯都係點心,已經唔記得食過d咩,不過印象中味道都不錯,環境乾乾淨淨,不過檯同檯之間有小小迫下次黎慢慢嘆茶先~

星期日下午三時許,位於YMCA.打算跟友人下午茶,於是到眏月樓飲茶.到達門口時,上前跟知客小姐查詢是否還有茶飲.知客小姐好像有點累,並沒有太多的笑容，好像缺乏了丁點待客的熱情。只是工事工辦的應了便算,當然還寫了一張坐位編號給我們。坐下後點了荷葉,叉燒包，一豌粥和一份甜点點,食物頗新鮮及味道不錯。但是可能正在準備晚市的setting,服務態度不够熱誠。如果是一間普通的街坊酒樓,可能對它沒什的要求.但是位於尖沙咀遊客區，而且還是大集團經營.對它的服務及品質有點要求亦不算過份。相信以此店的位置,也許有不少遊客光顧,以此服務水平,很難想傢像它是如何面對遊客的?真的有點失望。盼經營者能多點提高服務水平。

勁舒服...服務又快捷.....d野食一路都係好有水準叫左碟菜心....下午茶時段$20一碟...長春卷啦...百花釀青椒,同百花魚肚....男朋友食左個菏葉飯...細細個咁...唔洗食左佢就飽晒...馬碲糕啦,流沙奶皇包(好熱,好好味), 最後一人一個甜品我要左鮮奶合桃露...唔太甜..又好香男朋友食左Mango pudding

我昨晚到映月樓與一班同事聚餐，嘗了一個名為貴賓宴，價值$1,380，巳包括了加一及茶芥，但美中不足是不包飲品，不過以這個價錢，我巳覺得很超值。我們一行十二人(七男五女)，大部份人七時到達，但有一位要到八時半才到，所以我們便閒聊了個半鍾，才點菜，但他們的服務很好，不時為我們加茶，又不會催促我們點菜。而且發覺酒樓剛剛裝修完，環境很好又寧靜。致於菜色包括：白灼蝦–睇落幾新鮮, 我冇食呀！脆奶椒鹽軟觳蟹–我只食了脆鮮奶，可以啦！醬爆碧綠雪花蚌–我祗是試了翠玉瓜, 因我皮膚敏感, 不可以食海鮮。玉環瑤柱脯–都可以啦！砂鍋雲吞雞煲翅–有很多雲吞，有一半人可以添食。鮑菇皇翡翠–個樣很有睇頭，鮑菇很像鮑魚。同事還以為是鮑魚。一品蒜花雞–很正，侍應還聲稱這味菜是得獎菜色。錦繡炒飯–不油，個飯炒到烚到好處。甜品是椰汁紫米海底椰–很香滑。整體而言，以這個$1,380的價錢食飽12人，而且菜色並不粗製攬造，環境又好又寧靜，抵抵抵！唔知係唔係我細食喱, 還食唔晒添。埋單只是$1,413。何解？有兩蝶小食花生魚仔，每蝶15元連加一，價值$15.5，所以要加多33元。每人都是120元。最開心係一班同事都大讚我攪這次

今日星期日一家人黎飲茶, 之前以為要等位, 點知唔駛^^ 建議大家十一點零鐘到, 就包有位。荷葉飯: d料好足, 有蝦同冬菇, 不過就太salty麻茸包: 雷沙湯圓餡咁的味, 太甜。瓜圃蝦球: 幾fresh, d蝦幾爽。紙鍋菜肉雲吞: 第一次見到燒唔著的紙----日本火鍋紙, 好新奇有趣。d湯好好飲。蓮蓉西米焗布丁: 必食, 好香奶味。

14/9下午三點幾來飲茶,叫了:榴槤酥-幾重榴槤味,個酥都做得唔錯,我同小熊就最like lee款甜點,勁正勁好味,如果鍾意食榴槤一定要試下呀花旗參糕-唔太重參味(我鍾意呀),清清地好味焗西米布甸-都唔錯,不過甜左d魚肚-唔係好記得係咩魚肚啦,不過都好好味燒賣-ok啦牛柏葉-一般la西生菜魚肉-d魚肉腥腥地,d西生菜唔新鮮,lee款唔得環境都唔錯,有海境又唔嘈,服務我就覺得推車仔個d嬸嬸好好人,野食我覺得甜品比較好dlee到下午茶時間2:30pm-4pm大中小點一律$15,不過其他特點頂點就要三十幾蚊,無特價就唔係好抵,埋單$200