春和樓餃子店 (已結業)

很難食, 担担麵唔似担担麵, 求其一pat醬加落麵就叫担担麵, 麵唔彈牙也唔香, 煎招牌餃也不甚attractive, 非常求其, 咁既餐廳都生存到既?!

以前成日行過,都想試下佢d餃子....點知一試就出左事.....我同bf叫左雞絲湯麵,海帶xx水餃湯麵(兩個都改波菜麵),and一籠小籠包..雞絲湯麵裡面混執左好多肥雞皮...一d雞味都冇. bf個水餃裡面"霉"架...一d新鮮豬肉味都冇, 可以話係冇味囉...d波菜麵重衰...超硬...食到我頂住呀..小籠包好差...個皮淋得滯..一"gap"就爛, d豬肉好唔新鮮...好似急凍左好耐"lor"番出黎賣甘...我同我bf都俾O分呀!!!

未入去呢間野之前都覺得佢\\\個外形﹙即係裝修﹚唔多掂，已經唔係好想入去，但係由於附近ｄ鋪頭都收得七七八八，重見到佢\\\有上過報紙，所以心諗都唔會差得去邊啦。唔講環境﹙因為完全唔掂﹚，講下食ｄ咩，我同友人叫左一碗招牌餃子麵同埋南瓜××餃子麵，點知‧‧‧佢\\\話就話係拉麵，但係似食車仔麵ｄ油麵多ｄ囉，重有好求其，碗麵ｄ餃子５隻裡面有３隻爛開，ｄ餃子淡到冇味咁滯。但係有樣野讚囉，就係好扺，兩碗麵加埋＄５０都唔使﹙好似係＄４６﹚，但係我寧願俾多ｄ錢食好ｄ囉，我一定唔會再去。

星期六同朋友出旺角, 正猶疑唔知去邊度食晏, 經過呢度朋友話成日行過都未食過, 所以就走入去試吓. 一行入去就即刻有d後悔, 佢d裝修真係勁大陸feel, 連d侍應姐姐都十足十大陸(北京個隻)feel. 我地叫咗香茜海帶餃子麵, 炒菜心, 小籠包(要等十分鐘左右)同一杯豆漿.佢地係餃子專門店, 以為餃子會好掂, 點知個餃子麵d餃子d皮厚過乜, d麵竟然係油麵, 炒菜心都算ok, 不過好油, 等咗好耐既小籠包, 睇個樣都ok, 我朋友好小心咁夾佢怕會穿, 點知一夾起先知跌落地打幾個'關斗'都仲得丫, 豆漿就冇乜味. 總括而言冇樣得, 真係好失望, 以後都咪攪. 早知睇吓食評先啦.

我之前都係處講過，蔡生係我地指路明燈，佢話親好食的，你都信二成好過！依間春和樓，我都食過，裝修勁有70,80年代大陸食店的風格，味道就屎到震個隻！

18/9晚同個朋友食飯,經過呢間見好似ok,又係蔡瀾先生推介,就諗住試o下啦,點知就換來一肚火。我o地兩個人叫o左:1.兩杯豆漿2.紅油炒手3.小籠包4.酸辣湯麵我o地o既評語:1. 冇豆味,有薄荷味o既豆漿你飲過味?可能係新口味，但我唔欣賞囉!2.紅油炒手唔係用餃子，而係用o的差唔多得塊皮o既雲吞。3.小籠包o既皮厚過你塊面，入面係冇肉汁，即係一塊厚皮包住o的瘦肉。4.食咁多間上海鋪，相信你都唔僧再搵到一間有咁難食o既酸辣湯麵，你淨係食到o的好"叔"o既醋味!當我o地同個女侍應(係一個鄉音好重o既女人)講個酸辣湯麵o的味好怪,同一般o既好唔同,佢就答我o地"出面食o既係點",我話o的湯有o的"叔"味，佢就話我頭先點解唔同個經理講。o下??我鬼知邊個係經理呀!我話咁我同經理講啦!佢就好大聲話:經理!!6號檯有人搵你!!! (大聲到拆樓咁!)之後我o地同個經理講o的o野食好難食,佢答我o地佢o地不嬲都係咁煮，冇客投訴過，個紅油炒手menu入面都有相影，係雲吞o黎。個酸辣湯咪用豆板醬囉..之後都費時同佢講，我o地食都唔食,埋單走人!其實蔡瀾生介紹o既鋪頭，我試過好多都係唔掂當!

我地一行5個人又成3點幾, 諗住士蛋找d野食, 就去左一間極差既鋪頭, 我地叫左:-(1) 一個蒸餃子---可以(2) 一個海鮮煎餃子---有d唔係既新鮮(3) 一個梅窩肉麵---極之咸, d豬肉仲咸到苦, 同食三匙 鹽落口冇分別(4) 一個擔擔麵- 都極之咸我地立刻話比個士應知個麵好咸, 她就話換個另外一款比我地, 我地諗住好鬼肚餓, 就士蛋. 點知突然水吧既人就叫入去廚房處, 咸就加水啦, 唔洗換呀. 話~~~~~~~~~~仲成世界既, 咁既服務態度仲得既. 同咁既野食都可以比人吃, 現在既人都講健康, 所以我要寫出黎話比所有人都知, 有望有警惕.仲話係蔡蘭先生十大推介, 但仲差過大排檔, 雕臉!唔該唔好影響蔡先生既面子啦!!!!!!!!!!!!!!!!!!

If 俾裝修呃到就弊la ,好似我lor..,難為佢仲show 蔡瀾張pic出黎...好心收埋la..cheating people gum. 真係難食到嘔...

今日我最後一日番學,d 同學仔同我送別,由於人太多,見呢間鋪多位坐,容納到我地咁多人,所以揀左呢間食野。間鋪比我o既感覺係....好唔乾淨,d 餐牌油林林...我地一行13人,個個七嘴八舌,d 亞姐o既領悟力又差,好不容易先落晒單。豆漿機壞左,攪到冇豆漿飲,令大家有d 失望。上菜時,一次過o黎成7碗麵....我地都唔識分邊碗打邊碗,問d 亞姐,佢剩係話,咪白菜豬肉law(我地有6個人叫白菜豬肉餃拉麵)咁我地發現多左一碗麵,好心話番比佢聽o既時候,佢先話,有一碗係酸辣餃ma,跟住就行開左....其中一個同學咬左一啖"白菜豬肉餃"後面露難色說："我知邊碗係酸辣餃喇....唔好意思,我食左你o個碗"不過我地用肉眼睇,真係睇唔出該酸辣餃同白菜豬肉餃有咩分別...我地仲叫左5,6 款煎餃(咩海陸空煎餃、狀元煎餃、沙爹牛肉煎餃...)，不過好多我都食唔出有咩特別law,有d 得個酸字...d 皮又太厚,總知食完都唔知自己食左d 咩啦....

大约七、八年前，當時和太太還是拍拖階段，在旺角區行街、睇戲兼食飯，少不免總愛到女人街舊店的春和樓祭肚，當時的春和樓規模比較細，當你一邊食餃子，老细就在你附近的另一張枱包餃子，而且係一家大细家庭式製作，我和太太二人最喜歡叫一窩為數三四＋隻的什餃，一人加杯豆漿或汽水，經濟又好食。但後來經食家蔡瀾一揮神來之筆，一切也改變了。先是將女人街舊店結業，在油麻地重開，規模也變大了，红磡區又有分店，老细一家人自不言會招架不來一大班冒名而來的食客，開始請伙記來幫手。而因為地點不像以前就腳和結婚後又多數在家煑飯，甚少出外吃，已有好幾年沒有光顧春和樓。直到舊年十月一次偶然經過，不用多說就一定入去懷緬一番，晚上七時多，店內只得小貓幾枱，老細就不見了，只見當年還是細路如今已長大成人的太子女在店内和幾名職員。我和太太就依樣葫蘆叫了一碗什餃加豆漿。可怕的事情發生了。當年好吃的餃子完全變了質，湯底不夠熱和餃子吃落十分油腻。這次和春和樓敍舊確令我失望。短期內我決不再去，希望下次會有改善。

住嚮附近, 加上我喜歡食餃子, 所以我都黎過好多次, 已經試過所有款式的水餃. 食物水準唔差, 但唔算好. Service麻麻, 我試過有一次流鼻水, 剛巧又沒有紙巾, 於是問佢攞一張紙巾, 點知佢答我"紙巾兩蚊包"! 坦白講, 出去食飯, 好多餐館都會比張紙巾給食客(同D餐具放埋一齊), 點解呢度連一張紙巾都慳番?

有乜好講，可能我唔食牛羊啦。入去之前，印象就好。入去之後，看看餐牌，就....

慢無目的由佐敦行到油麻地搵食，早知去廟街d大排檔佢好過佢。十分十分之後悔走入o黎，係我近期覺得最難食的食肆。叫了一個餐包任揀一款餃子、炸菜肉絲、雪菜肉絲同擔擔麵都係任揀兩款，然後送兩杯豆漿。餃子揀左酸甜蕃茄餃，得個甜味，冇酸味道更加唔覺有蕃茄味；兩碗麵都好唔掂，擔擔麵唔辣又唔麻，都唔知係咩湯底，雪菜肉絲又冇味，雪菜唔得爽脆，買相似霉菜，d麵似係車仔麵個d油麵，同其他舖頭食個d簡直兩回事。另加碟清炒白菜仔，似係油浸多d。d人服務態度又唔好，愛理不理，得一、兩個人係樓面，見其餘d人入晒去水吧同廚房唱歌，真係有冇搞錯!

又講到自己既餃子幾特別幾好味,點知食完覺得俾人搵笨囉!一d都唔好食,仲有少少覺得難食添呀!連我媽咪同細妹都一致贊成!屋企附近一d小店仲好過佢!咁搞法,點做落去?奉勸唔去為妙!總之我唔會再去啦!

千祈唔好食辣肉餃，鹹到死！服務好差！碗筷污糟！打死都唔會再去！