春和樓餃子店 (已結業)

記得第一次去這間店時是2005年的暑假，和一班朋友做暑期工時去食過最後一次是和男朋友第一次約會時去的，其實有D餃子是好好味，如果你地唔好叫得好多花款就OK昨日打算和男朋友去懷念一番，點知結業了有點可惜

味精很多，要飲可樂。但很久以前在旺角女人街的店好食得多。不明白開多幾間味道變了？

有晚同女朋友去食, 叫左一客齊齊餃, 一籠小籠包, 重有一杯豆漿. 首先講一下, 樓面位小姐(樣貌)真係幾得, 態度都可以接受. 不過成間舖頭咁鬼大得一個樓面, 落單, 出菜, 打雜至收錢都係佢, 覺得佢都幾超人... (坐左一個鐘後就當然覺得原來唔係果回事啦~) d菜都出得算快, 小籠包出到黎冇幾耐, 齊齊餃都出到黎. 個樣都好似幾吸引咁, 不過食落就... d齊齊餃好似食極都係差唔多, 話明30隻, 每款3隻架嘛~ 點解好似得3款咁嘅? 感覺係有2款每款3隻加埋1款24隻... 點解咁講呢, 因為有一款比較辣, 唔食得辣嘅一定會噴火, 另一款就有一陣酸味, 唔知係唔係d肉餡有問題... 而第三款就可能比較清淡, 淡到感覺唔到有味. 不過佢地三款都有異曲同工之妙, 就係皮厚肉實... 再講果籠小籠包, 真係俾佢呃左我, 佢新鮮出籠係個籠裡面出哂煙, 當然拿拿聲去夾啦! 常識中, 小籠包裡面係好似女性面部皮膚咁充滿水份嘅, 所以一定要好小心翼翼咁夾佢, 唔好太大力就夾爛左就漏哂d水出黎... 點知, 唔知係我太唔小心定係女性面部皮膚老化, d水份完全蒸發人間空氣中... 唉... 好彩

從來沒想過，餃子會這麼不好吃，從來沒想過，餃子店的豆漿是用豆漿粉開的。最近很想吃莞茜豬肉餃子，但找了許多地方也沒有。今天路過這間油麻地的春和樓餃子店，突然發現餐牌中有海帶莞茜豬肉餃子，於是滿心歡喜地入去吃，怎料...晚上8時多入店，竟然沒有什麼人。坐下後也沒有人招呼，算了吧！看餐牌。最後決定要海帶莞茜豬肉餃子、銀絲卷和熱豆漿。叫妹妹仔寫野，點知讀完個咁長的餃子名後，個妹妹仔就走左去...我仲未叫完野食呀！即刻趕快叫埋個炸銀絲卷和熱豆漿...第一款來的是熱豆漿，一睇顏色就有點不對路，點解會有點透明...一飲落口就幾乎想吐出來。不是吧！咁大間餃子店，豆漿用豆漿粉來開？看看店來有豆漿機的，但已沒豆漿在內，好像已很久沒用般。沒豆漿的話便告訴我，飲豆漿粉的感覺實在很差。雖然說豆漿粉極平，但也不用這樣謀利吧？等了10分鐘，餃子來了，一口咬下去，怎麼會沒有味道的，我在吃什麼呢？海帶很多但沒味，莞茜豬肉味就更加沒有。醬汁又不吸引，究竟是什麼樣的餃子店。銀絲卷等了差不多半小時才有，幾乎想走人。油味很重，不過卷身是暖...不是熱。沒什麼好說，找不到吸引的地方，勉強說的話是便宜吧...絕不推介朋友去吃，除非

以家要睇冷門電影…似乎百老匯電影中心係首選，所以最近經常會踏足油麻地。今天睇完波叔就走左去春和樓度食餃子，好肚餓…所以一坐低就急不及待叫野食，但係全店居然得一個待應…得個女孩子又收錢、上茶、執、落單、上菜…一腳踢，我都唔忍心催佢。(1)白菜豬肉餃($20/10隻)：味道淡，皮略淋、涵少…一般(2)生煎包($18/4個)：非常油膩，皮勁厚…等如為食飽而食野…差(3)炸菜肉絲湯面($16)：湯得個咸字，d料又唔好食…(4)九菜豬肉餃($20/10隻)：有九菜味囉…好在九菜香囉…全晚最好味(5)炸銀絲卷($13/4件)：其實銀絲卷真係好難會難食…但係依度好乾(6)豆漿($6)：好多豆渣，連豬頭人都唔飲，可想有幾難飲。除左食物麻麻之外，店內環境亦不見得好，真係唔明點解會甘多人黎，唯一可取既係價錢平~ ~

1.狀元餃10隻$35~食落好似臭臭哋咁,好怪好難食.2.家常餅$18~煎得好燶.3.菜肉包$6~好大個的,扺!但有時間先好叫,因為要等20分鐘.4.酸辣米線$18~夠辣,但米線居然未熟就上枱比客.米線表面那層雖然入得口,但中心仲係好硬,點食呀?離譜.5.蝦醬通菜$22~OK,但炒得過熟.

下課後在走去巴士站途中朋友說還沒吃晚飯﹐便陪她來這裡吃點餃子了。我其實之前在麥奀忠記已經吃過晚飯﹐不過幾個餃子還是可以的。進去坐下才發現原來幾年前有朋友帶我來過一次的。那次吃了個餃子拼盤﹐有10 種不同味道的餃子﹐不過因為都混在一起﹐根本就分不出那種是那種﹐不過都好吃就是了。這次我們要了一客10 個餃子﹐可以加$2 要雙拼的﹐我們這麼多心﹐當然選擇雙拼啦﹗這裡的餃子餡料的選擇非常多﹐最終我們要了京蔥羊肉餃和沙爹牛肉餃。這裡的是蒸餃﹐另外會跟一碗清湯。我再要了一杯凍豆漿。等了一會餃子來了﹐10 個餃子放在一起﹐又是分不清牛肉跟羊肉的。先吃一個﹐沒有羊肉的騷味﹐也沒有沙爹牛的沙爹味﹐吃得我有點迷惘﹐究竟是不是兩個的味道都差不多的呢﹖吃第二個﹐這次分得到了﹐有羊騷味嘛﹗我挺喜歡這個﹐不過我朋友就嫌太騷了點。再吃第三個﹐這次細嘗之下終於嘗到那淡淡的沙爹味喇﹐不過真的是很淡囉﹐不留意就很容易錯過了的﹗p.s. 坐下就有人送上清水兩杯﹐服務ok 喎。剛好我又口渴﹐拿起就想喝喇﹐怎知水上面浮著一層油﹗水杯都會有油﹖那裡來的呢﹖有點耐人尋味﹗p.p.s. 見到餃子太興奮了﹐居然忘了影相﹗>.

昨晚路過, 心血來潮試下餃子.兩個人, 叫左個齊齊餃, 一個酸辣湯, 一個蔥油餅.1) 齊齊餃有三十隻($68), 有十款餃子, 唔知點解客人唔可以自選餃子, 由大廚決定邊十款, 結果食到有d唔鐘意食既...整體黎講,d餡幾特別, 有皮蛋餃子, 有南瓜餃子, 有辣味的餃子等. 不過所有餃子味道都普普通通, 無一隻係食完覺得好好味既, 以佢專門賣餃子黎講, 呢個質素真係唔係好得.2)酸辣湯: 雖然顏色係橙色既, 不過飲落去好辣, 所以我都只係飲左小碗. 或者鍾意辣既會覺得好飲.3)蔥油餅: 呢個叫幾好味啦, 熱騰騰, 夠香脆, 上面仲有好多芝麻.質素普通, 又只有一個侍應做曬所有野, 招呼麻麻, 係周圍咁多選擇下, 我下次都唔會幫襯.

小籠包:十足十隔夜(肉飽子),睇唔出亦食唔出係小籠包...湯餃子:一般,冇驚喜雞絲粉皮:味道一般,賣相唔多好麵:算把啦!以前食過幾次印象唔係太差的; 但尋晚再去時,D野差左好多,好冷清,得幾台客,得一個女侍仔,落單,傳菜,埋單都係佢,幾靚女,仲有絕招係工作時手電永遠講緊,勁呀!講真睇黎呢間鋪唔捱得幾耐...

我想回應一下有關大部份食評有關皮厚的問題. 事實上, 北方餃子的皮是比較厚身的. 不過, 我都覺得大部份餡料的味道都相似...

第一次食野食到嘔, 唔係飽到嘔而係食完之後唔舒服而嘔. 佢o地o既餃子無論係話乜野餡, 味道都可以係一樣冇分別, 而且皮厚, 難食. 炸餃子仲得人驚, 有一陣油膩味, 食唔出餡料. d阿姐上菜唔會講呢樣係乜野, 要問至知, 真係鬼知你呢碟係乜野, 款款餃子都一樣架啦, 佢又唔講清楚係邊款.... 不過後黎至知佢講唔講都冇分別, 因為根本款款個味都一樣o既.希望佢快d執, 難食到死.

很難食, 餃子皮厚冇鮮味, 環境非常唔掂, 服務態度更加唔得, 搞到我好似去乞食咁, 唔知呢間野幾時會執

星期六下午,男友到油麻地有點事要辦。本想試橫綱,但人太多。店外張貼很多報章介紹,便隨便一試。點了魯肉飯(本以為是台式那種){$28},炸醬冷麵{$25}和招牌餃子(蒸){$39}。魯肉飯,我挑了番薯飯的配搭。好肥,是我對肉的評語。魯肉的汁料尚可,而番薯飯亦可試。炸醬冷麵,不推介。可以說難食。好油且有煙味,難吃。招牌餃,原說明有幾種料的。但我與男友食了全部,也只有芹菜豬肉/雞肉的組合。料一般,皮厚。粉嶺的山東餃子比這裡好吃得多,且價錢亦便宜一點。真不明白是如何的作招牌,如何的蔡瀾讚好?!

朋友介紹黎呢度食餃子話好好味,姑且一試…招牌餃子皮唔薄,有些乾,無湯汁！唔算特別，點樣招牌？！反而沒有油的紅油抄手令我們飽飽都叫了兩次！！好滑，配埋醬汁，味道是一層層的！而且唔會太油！Very Unexpected!! 最好味竟然係呢碟！夠香口嘛！豆漿好香豆味！我未去過紅磡個間，但好多人都話唔好，搞到我都唔想試！

朋友介紹黎呢度食餃子,話好好味,姑且一試…叫左爆牛肉煎餃,又幾鬼抵,一客有成十隻咁多,味道方面唔算特別,但係好味,而且唔會太油;另外叫左小籠包,水準唔算好,皮唔薄,有些乾,無湯汁;反而個雞絲粉皮幾好味,尤其粉皮,好滑,配埋醬汁同青瓜絲,最好味竟然係呢碟小食!不過咁,兩個人食到飽飽都唔使一百蚊,真係算係咁!