昭拍耶

营业中

休息中

喺九龍城揾緊泰國嘢食，見呢間好似幾新幾光猛就入去試試。兩個人叫食叫咗一份生蝦，燒豬頸肉，馬拉盞炒通菜，椰子雞湯，蒜蓉包同薄餅各一份。講真我哋係有食晒嘅但兩個人食就真係太多太飽啦。生蝦係食泰菜必點嘅，呢間嘅生蝦一客有6隻，每一隻都有粒蒜同紅辣椒。係新鮮嘅，可試嘅，大概80蚊一份。但汁唔辣。值得一讚，每隻蝦都有跟蝦頭，而且係炸咗挺有心思。一份燒豬頸肉嘅分量係幾多下，有跟醬汁，見嗰汁係幾深色諗住個汁重味兼幾辣下。但原來係唔係好辣接近唔辣。見好多人有推介椰子雞湯就滿心期待叫咗，但個人認為只係有椰子味嘅冬蔭公冇好特別。我哋叫咗個細嘅，上嘅時侯有一個椰青裝滿湯另加一碗用碗裝嘅，店員話因為個椰青唔夠裝(漏咗影抱歉)咖喱雞係完全唔辣，可以俾小朋友食。雞係彈牙嘅呢點正。整體黎講呢間泰菜嘅嘢食可能偏貴，不過量多質素ok。

想食泰國菜好自然會聯想到九龍城，事關有好多泰國餐廳都扎根係呢度好多年，隆姐、小曼谷、黃珍珍，隨口講都幾間。今次我就想寫下呢間昭拍耶。昭拍耶呢間餐廳有2間店鋪，第一次認識佢係因為開咗係隆姐附近，而且裝修好靚，係等位嘅時候，個姐姐提議我哋去另一間店，可以唔駛等位。果然；我哋一去到就可以坐低，唔駛等。我哋分別點咗蝦醬炒飯、豬頸肉生菜包、同埋椰青雞湯。蝦醬炒飯唔太重蝦醬味，不過上面隻雞蛋邊炒到金黃色，令到炒飯挽回唔少分👍🏻平時食生菜包都係生菜配粒粒豬肉（打泡豬）估唔到生菜配豬頸肉又夾到，而且豬頸肉本身有小小酸汁，加咗生菜後令人食唔停口。不過講到最驚喜嘅係椰青雞湯。叫嘅時候都抱有懷疑，擔心椰青甜同雞嘅鹹唔夾，但當我飲嘅時候，原來個湯用咗青檸嘅酸中和，令到呢個湯同時出現甜、酸、鹹嘅味道，而飲落去又會令你感覺呢三種味道都好平均。必食之選！

之前成日去馬來西亞同泰國，返到嚟都仲係成日恨食船麵，有一晚瞓唔着，係咁上網睇吓香港有冇好味嘅船麵，點知比我係一個網頁入面搵到全香港10間好味船麵嘅推介，其中一間排名都幾高嘅就係我屋企附近，九龍城既昭拍耶，第二日即刻要去食啦！招牌船麵下午茶只係28元一碗，抵食！非常正宗，湯底好濃郁炸豬皮好香脆，完全就係我想要嘅味道不過喺泰國食，會更加洗碗，我每次都食10碗老公帶咗呢個另一款下午茶，辣辣嘅湯底幾惹味，不過都係我個碗船麵最好食另外再追加一份炸豬皮，炸得好香脆，完全唔會覺得油膩另外嗌多個咖喱雞配薄餅，感覺還可以我諗不久嘅將來我又會走去食船面下午茶，應該都食到三碗

今次聽朋友介紹黎食 我地3個人2點半左右食因為朋友生日所以我買左個蛋糕去 個侍應都好醒目幫我收埋個蛋糕一開頭叫左生蝦 有6隻 d蝦頭都有炸過 我朋友都有食埋d蝦頭 生蝦都好新鮮 個汁都唔算辣因為午餐既關係會有得叫set 估唔到星期六都有setset係一個飯/麵 再加杯野飲可以再加錢叫炸蝦餅同酸辣無骨鳳爪 大概20$一份我地午餐叫左個泰色豬手飯($58)豬手都算多而且砌成一小粒 可以一啖一舊 而且仲比左好多菜 豬手好腍 個皮好好食 忍唔住係咁食 加左個炸蝦餅 但係得2件 廿蚊黎講就真係有點貴不過都夠熱夠脆夠彈牙 之後叫左船河($28)裏面有d 炸豬皮 豬肉 肉丸 香草 芽菜 個面就好似金邊粉 個湯好濃郁 但又唔覺得佢有落味精 我地仲拎d湯黎撈飯食仲叫左個肉碎生菜包 不過不失啦另一個午餐係濕炒肉片河 味道同平時出面食既差唔多 冇乜特別 但都算多料再加左個無骨鳳爪幾好食 汁唔算多 但略嫌鳳爪既份量比較少最後同我朋友切蛋糕 個侍應都好醒水 會留意我地係咪就黎食完 同我打眼色睇下幾時拎蛋糕出黎 仲係餐廳播生日歌 我地話想要泰文版 佢仲幫我地搵 哈哈最後3個人每人除番大約130蚊 仲唔洗切餅費添

星期日約左幾個朋友黎到食泰國野，因為係下午所以有好多店都未開，之後就簡左依間泰國菜食。佢門口係淺藍色，好容易見到，夠搶眼。星期日都有啲套餐，叫左個豬手飯加$22就有炸蝦餅，好抵食仲有$28特式船河都係必叫，唔算大碗但湯底好濃同加左炸豬皮係面生菜包普通，但份量多，建議可以多啲辣就仲好依到啲生蝦都好特別，除左蝦身，仲有會炸埋蝦頭一齊上，蝦頭仲有好多肉同膏因為朋友生日，買左個蛋糕，店員仲有播生日歌，之後再問下發現有泰文版，好難忘

因為椰青雞湯，所以同fiancé 又再幫襯第二次！椰青雞湯飲落除左再酸辣味之外，重有有好清新既椰青味，不過第二次飲無第一次咁濃椰青味，椰青唔夠新鮮？！入面有啲雞、秀珍菇同車厘茄。船麵同我係泰國買既船麵醬味道8成似，$58碗唔抵食好少。第一次食椰青海鮮焗飯，椰汁甜甜地加埋啲飯一齊食充滿椰香。咖哩南瓜軟殼蟹係呢度必點！真係正呀！軟殼蟹就咁食都已經好好食，點埋啲汁簡直係好食到心心眼。南瓜香甜，咖喱汁完全唔辣。重叫左份薄餅點汁食好正呀！食晒啲薄餅同軟殼蟹先發現無挖到啲南瓜肉黎食，最後唔好浪費拎左返屋企第晚煎蔥抓餅點黎食！抵呀😂食足兩餐！個豬頸肉生菜包炒得好香，充滿住濃濃既香料味，食到好濃香茅，正！老闆娘見我地就快食晒啲生菜，但重有肉淨，好窩心咁送多碟生菜俾我地，確灌car🙏🏻🙏🏻

因工作關係要不停試泰國菜 所以就嚟到最多泰國餐廳嘅～～九龍城打頭陣嘅就係呢間昭拍那 門面幾靚用餐嘅時候都有唔少睇落係泰國人嘅人客入嚟叫碗船麵食 我地都叫左兩碗試下船麵size細細碗份量唔多 同埋唔貴 湯底好濃 問過店面姐姐話係用豬肝整嘅 最高質係佢放面嘅炸豬皮呀！ 少少辣咁 我當日仲試左好多間船麵 呢碗我比最高分呀仲試左個冬蔭公 好鮮味～ 同埋叫左個蝦沙律但我就無試到 因為怕生冷 但同行同事都話唔錯😆因為夠曬清新呀總結嚟講我都幾推薦呢間餐廳！

“昭拍耶 “響九龍城有兩間.我一路都深信另一間係呢間既2.0 . 呢間1.0比較傳統啲 . 特別係裝修同陳設上!之前次次都去 2.0 ！俾我發現有一樣野係2.0冇得食嘅就係泰國船面啦. 今日就會一會佢 ! 響泰國食船面真係好抵食 , 幾蚊港紙就有得食 .呢度50幾蚊味道都算唔錯 ,有正宗嘅炸豬皮,豬肉,豬肉丸等等 ..相比起泰國嗰啲就大碗啲啲 !另外就叫咗黃咖喱雞髀同埋必叫嘅薄餅 🤟🏿🤟🏿食咖哩一定要配飯或者薄餅, 如果唔係嘥咗啲汁lu 最敗筆嘅就係個雞髀啲肉實在太鞋😖 椰青都係必點嘅 🙃最好雪到冰冰的🤩必點嘅芒果糯米飯甜品今日就冇食到啦😛感覺上好似1.0嘅價錢相宜啲 其實兩間都好食嘅不過可唔可以有人話俾我知究竟兩間同名舖係咪有關係嘅呢？

今日約左朋友返九龍城, 佢同我講最近食左間好正宗嘅泰國菜, 一齊去食下下午茶😋去到門口嘅時候我都好怕怕, 因為門口完全係其貌不揚😂😂不過之後就令我跌眼鏡啊Menu 方面, 因為下午茶關係, 所以暫時只提供下午茶餐, 但係其他時間相信會有 a la cart menu👍我同朋友2個人, 一人叫左一杯野飲, 我飲泰式奶茶, 好甜❤(因為我鍾意飲甜野)而甜之中又唔會失左茶味。青檸梳打都合格, 冇咩特別~首先係冬陰公湯河, 我都鍾意食濃味同辣野! 呢個湯底好濃郁, 又有 D 辣味, 而帶少少椰汁甜味 河粉好食又唔會煮得太林~再加 D 入晒味嘅秀珍菇, 好正!而朋友嘅金邊粉, 雖然只有一隻蝦同條蔥放得好搞笑😂😂😂不過味道亦好好, 每條粉都有醬汁, 加埋爽口嘅芽菜, 剛剛好~😊最正係估唔到佢會有糖水送😆😆南瓜西米, 唔會太甜, 仲啖啖南瓜~真係 good 啊！總結: 2個人食嘅下午茶餐 total HKD104 (我地加左錢飲野) 呢個價錢食到高質野食! 大家可以去試下啊😆😆

一個人的午餐 11:45 包場環境下的海南雞飯 。星期一至五的午餐時段是不用加一的 ，有比較特別的飲品選擇 龍眼冰 雞的部份非常嫩滑 配上的醬汁小辣 ，店員的服務很好 環境也很整潔衛生

香港是一個飲食多元化的城市，匯聚世界不同的特色美食，而泰菜是其中一種香港人熱愛的菜色，愛它辣得來又有清新的感覺，確實令人回味無窮。在香港只要想吃泰國菜，首先定會想到九龍城，因為該區是香港泰國僑民和泰式餐廳的集中地。位於龍崗道的泰國餐廳「昭拍耶」，泰文的意思是「河流之母」，是指泰國最大的湄南河。這店名由老闆娘Linda的媽媽那代已開始沿用，意思希望餐廳像運河一樣，有它的地方，就會愈來愈多人聚集。別看這小店相貌平平，實質它來頭不少。它已屹立九龍城多年維持高企的人氣。泰國人老闆娘Linda 23歲跟着媽媽來到香港，一切由零開始，不過Linda媽媽有一手好廚藝，當年她有份開設98年結業全港最大的同名泰國餐廳昭拍耶。來到Linda兒子這一代，他決定承繼婆婆的精神，以同一店名在九龍城開泰國餐廳，與媽媽Linda一同經營。 店家招牌菜包括南瓜咖喱軟殼蟹、泰式鐵板蠔餅、柚子沙律、生蝦等等，還會不時創出新派泰國料理，在傳統上加了一點新意。餐廳最近限定推出的平價船河絕對是一大亮點，湯底是Linda媽媽留下的家傳秘方，以豬骨熬製，加入黑豉油、芫荽頭、八角、桂皮、南薑，上一代的食譜果然內外兼備，$28一碗

實在太掛住佢個船河，冇隔好耐又來食過。除咗食船河我仲叫咗酸辣肉醉河粉，仲有青咖喱雞髀，馬拉盞炒椰菜苗同埋芒果糯米飯。呢一間泰國菜除咗食湯粉，炒菜同芒果糯米飯。其他都好一般，唔會介紹俾朋友。今次個肉碎湯河，味道同喺泰國食嘅一模一樣，唔同嘅只係俾貴三倍價錢，但係都係只係＄28一碗！分量都係同泰國一樣，食一碗係唔夠飽嘅。同埋佢啲粉麵係即叫即整，每一次都要等好耐先來，我等呢碗野等左成半個鐘🤦🏻‍♀️我仲叫咗個芒果糯米飯，糯米飯又係即刻整，熱辣辣加埋椰汁超好味。至於個雞髀，係雪藏雞髀，完全唔入味，千祈唔好叫。P.s. 抵食嗰個五星只係俾「湯河」，其他嘢食偏貴，喺九龍城有大把更平嘅泰國菜選擇。

去親九龍拋必食泰國嘢，今次朋友帶路，話食呢間，話係開左好耐，曾經停過一排，之後原班人馬再開番。唔理咁多，試下先平日六點半去到，唔洗book位，可以慢慢吹住水食。店面同餐廳擺設都好有泰國風情。食物唔太貴，價錢合理，食物質素好得必推，南瓜咖哩軟殻蟹，首先軟殻蟹炸得啱啱好，唔太乾身。咖喱好香濃，南瓜好甜，焗得啱啱好。成個南瓜都食晒，剩番一推皮另外，叫左份蒜蓉包配咖哩，蒜蓉包啱啱焗起既，幾香脆燒雞半隻配糯米飯，個擺設靚，燒雞夠滑，點埋佢既醬汁，同糯米飯一齊食更好味明爐烏頭，香草肉碎生菜包都好食尾聲再叫多個橄青海鮮焗飯，嘩，好食喎。佢係用左橄青水同橄青去煮個飯，所以好有清香既橄味飲品都好飲，大杯，料足，不過唔記得影相十分推介，會再去食

我從來都無話好鍾意食船麵, 只係有一日同朋友去左samsen食船麵, 佢地好雀躍咁話要試下其他, 而咁岩有又有雜誌online有報導, 咁我地又去試下佢佢真偽啦~個船麵只需$28, 唔夠飽叫2碗都係$56, 比起samsen百幾蚊碗, 我覺得呢間滿意同收貨, 碗麵有炸豬皮, 豬肉, 肉丸, 豬潤, 通菜, 細細碗岩晒細食嘅女士, 而我呢, 緊係要食2碗啦~

(^▽^)夜晚同班朋友食飯，係打邊爐同泰國菜之間，最終都係泰國菜贏左於是其中一個朋友就推介呢一間了我地一行七個~多人食嘢就可以叫多d唔同嘅餸菜食去泰國菜當然必食生蝦 但呢間餐廳嘅特別之處係會有埋炸嘅蝦頭，雖然我本身唔食蝦頭，但佢炸完之後再加入面都有啲肉，個感覺好特別都幾好食!特別佢係熱辣辣嘅呢個生菜包肉，係我朋友最鍾意食嘅餸我覺得還好啦~但係可能因為我唔食得辣，所以唔太識欣賞了途中見到呢個歁水嘅壺，覺得好特別另外我哋都叫咗個金邊粉，同埋蛋炒飯兩個嗰味道都唔錯，份量亦都好夠最後當然唔少得甜品啦叫左個芒果糯米飯啲芒果係好甜嘅，而且個糯米飯熱辣辣，兩者加埋個口感好正最終埋單我地每人都係120蚊咋~