昭拍耶

营业中

休息中

這天的下午突然想去九龍城吃泰國野我們是想吃地道細細間的店舖但下午時間大多的店舖還未開門 最後選擇到這一間吃 因為之前在這間吃過一次晚餐 覺得不錯這次就試試lunch會是怎樣吧我們點了海南雞飯，它附送的汁用來點雞非常好吃，一貫水準! 我們還加錢要了兩款小食，雞腳真的好好吃，好夠辣，好夠味，非常推介!!還點了蝦餅，熱辣辣的端出來，真的很吸引!反而對冬蔭公湯河有點失望。不辣，但有很重的茄膏味。最後，每人都有一客甜品。吃了大量濃味的東西再吃涼粉，感覺好清新。有一個泰國每應，笑笑口，服務態度好好!三個人吃，已經很飽。這個價錢，都算抵食!

九龍城出名多泰國菜,絕對是總有一間在左右,今次入到龍崗道的昭拍耶!我地有4個人, 店面都好乾淨, 是家族式經營.剛好是星期日, 很快就有位, 但過多陣就開始爆場~炸蝦餅好正!新鮮即炸, 好燙口夠彈牙, 味道相對有點淡不過OK!如果加上醬味道更好更豐富!椰青椰汁好甜, 裡面的肉又好滑嫩.青咖喱(豬)+薄餅初初食落去唔太辣, 但過多陣就開始感到辣了~椰香味唔太夠, 但配埋薄餅就好正包埋塊豬肉一齊食, 一流!不過怕辣既朋友就食唔到咁多蠔仔蛋蠔夠晒大粒, 不過就唔夠蛋香感覺無咩蛋咁底個度仲有芽菜墊底, 溝埋一齊食都幾正嫁生菜包(豬)本身都好鐘意食泰國野, 特別係生菜包呢間D菜同豬肉都好岩岩好, 唔會話食完菜仲有一堆豬肉但呢個生菜包真係幾辣!想食既朋友要留意一下其實還有個酸辣鳳爪, 不過沒影相但鳳爪真係好辣, 鐘意食辣的朋友可以一試~注意: 店舖只收現金

九龍城有太多泰國餐廳，但同屋企人黎一定會食呢間.乾淨企理，價錢又唔貴，小店家族式經營。最好假日都有set lunch ,唔使散叫。4個人，兩個午餐再散叫d主菜。冬陰功湯，香葉同配料都好足，個人比較喜歡呢度既湯。唔會太酸，又唔會太辣。加埋d菇同蕃茄仔，剛剛好。明爐烏頭條魚好大條下，仲啖啖肉，最貼心既係佢幫你介好曬，可以一片一片魚肉起出黎，又唔會整到d魚似散曬。湯稍為酸左d，但食落好開胃，加埋少少肉碎，可以飲多兩啖。豬手飯。燜得好淋好入味。同係其他店食既唔同，唔會太甜。豬皮好煙韌，d肉充滿滷汁，送飯一流。另外仲叫左蠔仔蛋同柚子沙律。唔知係咪轉左師傅，蠔仔蛋濕左d，同埋無咩蛋味，但蠔仔大粒得黎都新鮮既。柚子沙律就明顯地落多左魚露，好咸，雖然酸味可蓋過，但可以再改善。

本身想試新鋪，可惜暫時星期一休息，唯有食番舊鋪。由於自己記錯地方認錯路，兜左個好大既圈先搵到昭拍耶，不過都值得既。可能係閒日既關係，成晚都係得三四台客左右，不過相對就係坐得舒服Ｄ，可以靜靜地同朋友傾下計。雖然三個人食，但係都叫到成台野，當然全對冇浪費！－　生蝦刺身得六隻小左Ｄ，但係每隻件頭都大Ｄ，味道一般－　南瓜咖哩軟殼蟹果然係招牌菜，真係幾好食，咖哩好香，加上唔係好辛口，唔食得辣既朋友都喜歡－　生菜包叫左小Ｄ辣，相對冇咁香口，清清地都唔錯－　馬拉盞炒椰菜苗估佢唔到咁好食，Ｄ菜好鮮甜，同佢汁好夾－　椰青海鮮焗飯椰呼好濃，料好多，而且椰青肉焗過都幾好食－　雞／豬串燒呢個就真係有Ｄ差，汁一般，肉又唔新鮮，口感都麻麻

一班人去九龍城必食泰國菜試左咖哩鍋同軟殻蟹南瓜仔細細好特別，配上蛋咖哩，不辣又夠香蟹炸得香酥有夠海鮮味，真的一晱一隻木瓜沙律也很好吃，木瓜新鮮，而且汁很鮮甜,酸味加上九層塔的香草味，十分之配合

正宗泰國菜(人均$150)九龍城出名多泰國菜，司令食過唔少架。今次就介紹尼間比大家啦。入到去，裝修都唔錯架，店員全部都係泰國人。揀左冬陰公、明爐魚、黃咖哩雞、南瓜海鮮飯，份量好足，味道都非常泰國風味。最特別係南瓜海鮮飯，一開始司令以為好似菠蘿炒飯咁，點知係焗飯喎，食落比較黏，有少少似糯米飯，面頭仲有椰漿，係比較新奇既菜式。

九龍城★昭拍耶每次心思思想食泰國野就諗起九龍城既昭拍耶 哈哈，好似已經幫襯過4-5次喇，次次都keep到水準！無無聊聊又多手介紹下……·鮮蝦柚子沙律：大大舊柚肉&蝦肉&青木瓜&花生 = 足料，新鮮，開胃之選。·生蝦：個個都異口同聲要點既野 連埋辣椒同蒜加泰式醬汁一齊放落口，正。哈哈蝦頭都唔好sai炸埋比你食。·秘製蝦醬炒飯：第一次嗌，原來個飯炒到咁香咁惹味如果襯熱食應該仲不得了…·咖喱南瓜軟殼蟹：每張枱都會見到南瓜既蹤影甜甜地加左椰汁既咖喱，怕辣人士都食得。最緊要係“不”d南瓜肉出黎食，perfect match·蒜蓉包：咖喱雖好都要有麵包索汁個包仲要係熱辣辣送上黎！·脆肉炒椰菜苖：第一感覺係好靚。d菜苖食落好爽口·椰青：飲極都飲唔完既靚椰青，仲有好多椰肉可以食（今次太飽已經食唔落最愛既芒果糯米飯……）4個人食到抱住個肚$640埋單，好滿足P.S.1. 佢次次都話機壞無得碌卡，建議都係帶定現金。2. 星期五六日無得book位之餘要人齊先入得嫁，想食就咪遲到喇

是日又身水身汗走到嚟九龍城食晏.九龍城最多泰菜食肆, 不過好多都只做晚市的, 呢間有午餐, 間唔中我都會嚟食我食嚟食去得兩樣: 海南雞飯/豬手飯  今次食雞飯嘞~真的有啲响泰國水門雞飯的風味喎.  好多時食海南雞飯, 都係偏向新加坡口味的, 呢間真係做到泰式風味, 雞好滑, 個飯亦有雞油香味, 辣汁的辣度適中, 個湯就唔夠胡椒味, 不過都好飲.泰式奶茶味道淡了啲啲, 不過都合格.

今日為了慶祝細佬生日所以特登出去食餐飯 果頭有幾間都係泰國菜不過我地就簡左泥間 入到去我地五個人坐左四人台(佧位舒服d嘛) 我地叫左三個椰青(算👌) 一杯泰式奶茶(甜左d不過份量夠我同細佬share) 生蝦(好味) 雞翼(不過不失) 柚子沙律(難食到嘔) 鳳爪(酒樓果d仲好食d) 炒通菜(不過不失) 炸雞塊(還可以) 燒魷魚(果個好似唔係魷魚似八爪魚多d.麻麻地好食)仲有一個唔知叫咩青菜包乜乜(泥個還ok)同埋一個炒飯(無食到) 好似仲有食其他 不過我唔太記得了~食物賣相麻麻地 所以無影到相 不過就影左一張第一個上嘅生蝦(全名唔記得)埋單果陣時係890 五個人算係咁 又唔算飽 所以過左對面食甜品😑😑比五分啦 總之唔會再去 寧願試其他

來到九龍城食泰國菜，真的好多選擇，我們選了這間出名食南瓜咖哩軟殼蟹的店。大約7點到，幸好時間尚早，不用等位，裡面只有三四枱客人。打開餐牌，款式很多，價錢算是中等偏一點點高，而餐牌背面更印有中泰文的對照，有些發音好有趣。我們只是簡單地點了個南瓜咖哩軟殼蟹，蒜蓉包和phat Thai ! 南瓜咖哩和軟殼蟹是分開上的，所以軟殼蟹能保存脆口但有點偏鹹了一點。咖哩裡面亦有不少洋蔥青椒，而咖哩是完全不辣的，配上南瓜肉還帶點甜，南瓜肉軟林林好可口。再配上脆脆的蒜蓉包，非常match , 南瓜肉和咖哩成為了這晚餐的重點！另外phat Thai 味道也不錯而且份量也很多， 花生碎不會混在炒麵裡面，不愛吃花生的朋友也能吃這phat thai, 個人覺得如果加點辣，味道更佳！ 餐廳環境不錯，在九龍城來說，算是坐得舒服，員工好友善亦有不停為我們添水！不錯不錯！

好耐冇食過泰國菜，咁岩約左朋友係九龍城，於是朋友就介紹話九龍城泰國菜好正，搞到好耐冇食過既我都想心郁郁想食下，但行咗幾轉，見到好多間泰國菜，都唔知入邊間好，最尾朋友就話佢之前食過呢間昭柏耶幾好食，最後就入咗去。因為得兩個人，而且朋友係女仔，所以叫嘅嘢食唔多，叫咗三樣就算，諗住唔夠再叫但係最後竟然食唔哂...第一樣：黃咖哩軟殼蟹其實覺得間間黃咖哩都差唔多，呢間都無咩特別，正正常常咁，唔同嘅係呢間食落有小小辣，對於驚辣嘅我都還可以接受，幾惹味。軟殼蟹則唔係太熱，好似翻炸過咁，不過都還可以。第二樣：薄餅食泰國嘢一定要叫咖哩，叫完咖哩就一定要搵嘢送，是常識吧！薄餅雖然平平無奇，但點完咖哩就好似好似畫龍點睛，為一幅畫加多個絕頂標題一樣，食到我lamlam脷！第三樣：椰皇海鮮焗飯以為係平凡嘢，但原來係堅料，椰味十足，不過等候需時，果陣食完薄餅已經勁飽，但因為太好味，個胃頂到上頸都食埋佢！總分：75/100

昭拍耶河在泰語的意思是河流之母，也即是泰國最大的河流。取此其名在九龍城開設泰國菜的生意人，已是店舖第三代的接班人，在前段不久日子更在同區發展第二間分店，氣勢一時無兩，歷史悠久，也可謂是九龍城泰菜之母。大年初四，大多人趁在紅日假期四出拜年，以泰菜來吃團年飯的不多，所以是日光臨的客人也廖廖可數。餐廳大多用二人枱拼湊成長方枱和大圓枱，獨立的二人枱則沒有。不過這天人客不多，兩個人變相坐六人枱，小妹坐也坐得較舒適寬敞。冬蔭公湯(小$78，大$118)單點了一客小的冬蔭公湯($78)，酸酸辣辣的感覺正好呼醒沉睡的味蕾。冬蔭公湯以凸狀鐵鍋端上，底下放置火精膏淆滾著，以保持冬蔭公湯熱烘烘的狀態。色澤偏淺橙黃，鍋邊並沒有黏附明顯一層紅色的辣味精油，一看就知辣度不足。用湯匙一撈起，鍋中的材料全部都是草菇及蝦頭，蝦身卻完全不見，而蝦頭霉得變黑。至於配料，香茅、韮茜切碎混上，份量少得也嗅不出獨特的泰式茅香。呷一口，湯頭不夠酸也不夠辣，酸辣度只停留在淺層，未能深入刺激味蕾，即使鍋湯繼續發熱地滾著，辣度仍然沒有滲出，什至最高精華的椰汁，店舖也沒有放下。材料只有蝦頭的湯，也根本嚐不到那裡的鮮，就只有單單嚐到泰式辣醬

先前同班朋友去九龍城夜晚諗左好耐都唔知食咩好但一場黎到，又想食下泰菜，九龍城出名嘛:^p諗得到都宵夜時段啦，唔好啦掛？堅肚餓喎！最後我地幾個就決定去風評甚佳既昭拍耶一嚐:^DDD我地去既係舊店，環境裝潢係比較家庭式不過坐得舒服，同埋一大堆人一齊黎坐大圓枱個幾溫馨有別於走型格路線既新店，個人認為中意親近感覺既可以去番呢間服務都冇特別要講既最重要都係大家溝通到，冇爭執，冇錯單，冇漏上……態度方面都係有耐心，職員又都係頗為親切既因此我地吹水傾計都好安心好放得開，唔會話坐立不安，坐如針氊昭拍耶拼盤　$158我地話哂都咁多人，點個拼盤大家分黎食就啱哂可以試多款式，又唔怕食到厭都仲要夾硬清哂同一款食品店方已經將小食對半切好先上枱，份量恰當，仲點會驚食淨喎xd由左上起，雞卷頗是紥實，味道帶有雞肉肉香，冇俾香料味道遮哂咬落去係偏肉稔感覺，並非想像中似魚蛋既彈牙感春卷香脆非常，外皮薄身又唔會吸油至完全半透明入面既餡料幾足，調味剛好，沾上酸辣帶甜既雞醬，十分惹味炸魚餅外皮炸後有焦香，不過唔算極度乾韌既咀嚼間則是彈牙夾爽，稍滲香茅清香炸蝦餅用料叫幾大方既，至少睇到入面係有爽彈既蝦肉，唔係得一大堆凝固既粉漿炸

聽很多友人一直推介這間名字比較特別的泰國餐廳 昭拍耶今天中午剛好經和友人相約九龍城就決定一戰步入小店,雖然沒有很多的裝潢,但也給人很COZY的感覺,可能被黃黃的燈光和BOSSA 式的泰文歌影響坐下後,就有一位頗英俊的年青人送上一份SET LUNCH MENU原來他們也有LUNCH SET的選擇也算是多的,價錢尚算合理來泰國餐廳當然要試PAD THAI, PAD THAI 算是泰國國技,也是定一家泰菜館好味與否的一個準則PAD THAI($48) 來到,有少許焦的金邊粉和滿有鑊氣,應是即叫即炒的, 再加新鮮青檸和花生碎伴食,入口先酸後甜,不錯跟餐就選了青檸梳打,味帶點青檸皮的甘,有可能是用新鮮青檸汁調的(餐飲+$3)友人就叫了他最愛的豬手飯,小弟當然要試試,帶甜的滷水味,豬手的皮和肥膏有膠質,入口也不覺肥膩跟餐泰式奶茶,味道略甜,但也不失茶香,真的有點像泰國的味道總括:友人沒有介紹錯地方,但環境略迫,等餐時間比較耐(人手不足?)

餐廳個名由泰文譯成香港拼音，幾特別可能晚上9點食晚餐，所以唔需要等位 侍應大部份係泰國人，識講廣東話。小菜：1.馬拉盞炒通菜有種類似魚味既味道，同平時食既有D唔同。我個人對呢道菜麻麻地。2.泰式炒金邊粉整體好大碟，2個人都食唔唒。好香。好多配菜-豆腐乾，芽菜，蝦都有2至3隻 3.串燒-雞翼，花枝丸，雞肉雞翼及雞肉：燒到好乾身，但保留番D肉汁係度花枝丸：係呢度唯一既丸類，不過不失。沙嗲醬：椰奶味好重，個人不喜歡。飲料：青檸冰超好味，成杯都好似思樂冰咁，飲完好開胃 珍多冰好耐未試過飲過禁正宗既飲品，綠豆粉條好彈牙 但飲到一半已經飽 清潔方面比較污糟 張櫈有D食物殘渣筷子冼得唔乾淨