昭隆美食

营业中

休息中

已經準時十二時下樓，去到昭隆街約12:15，竟然也要等位了。本身的座位已經很少，而且每個位也設計得很窄。這兒外賣或堂食都全部使用用完即棄的飯盒和餐具，感覺上就不太環保。下次再去至少我會帶自己的環保餐具。服務：爽快，非常快。基本上由買票到取餐都不用怎樣等的。價格：以$27為中位數的各式飯款，選擇很多，而且價格算是中環一帶有良心的價錢。食品：三個人，叫了以下東西：我的鳳爪排骨飯算好食，送多而且排骨好多肉，不是靠一些骨來充撐。同事意見：班腩飯OK，菜就一般。椒鹽骨惹味，肉排炸得香透好吃。我和同事的椒鹽骨飯都落了鼓油，這鼓油應該係店自家處理過的，味道帶點甜味。衛生：一般茶餐廳質素，沒有好挑剔。不過呢度座位緊張，坐底霸位等同事買飯時已被人問了三次，吃到一半已經有兩個人站在旁邊等位。吃罷急急腳要走人了。以不包餐飲的價錢，食物質素也中上水準，應該會再幫襯。

又是要來到中環做野的一天, 是日早餐, 又來到昭隆街, 再享昭隆街有兩間昭隆的昭隆美食.明顯的昭隆美食是以快餐店, 外賣店形式經營. 成間野, 佔了兩個鋪位, 一邊是大外賣counter, 加車仔麵檔. 一邊是堂食卡位. 不過鋪雖大, 位真係唔係幾多. 呢一度, 同樣是先購票後自取的冇服務. 我叫了一個公仔麵餐, 也就是五香肉丁麵, 加多一條腸仔咁簡單. 不過係唔係外賣都俾膠製餐具你, 非常之不環保. 五香肉丁, 肉立方完整大粒. 肉丁的辣香混合了湯底, 辣香味從湯底中滲出來. 而且肉丁浸得夠才俾人, 食落唔會凍冰冰. 感覺不錯. 奶茶, 則是普普通通, 沒有什麼評語.這兒夠快, 繁忙的中環, 快....是最重要, 好食是其次.....

星期六要返工都有好處，早餐人少少唔駛等，返晏啲慢慢食，今日一心去昭隆度食早餐。以往係中環返工，舊公司同事鍾意叫下午茶昭隆美食碗仔翅，小妹試過都真係幾好。點知今次個早餐就真係 … 大失所望。去到昭隆座位不算多，得幾個客，望望餐牌都唔知食乜好，唔係好吸引，諗住揀碗火腿雞絲通粉穩陣啲，要多杯凍奶茶。這兒嘅食品全用即棄餐具，都幾唔環保。火腿雞絲通粉用外賣碗裝住，感覺已經細份好多，全碗粉都嘅得兩條雞絲咁多，仲有火腿絲同青豆咁，啲湯又無乜味，真係非常之「清淡」囉。食完同無食過分別唔大，唉！凍奶茶奶茶茶味一般，不過不失咁；比起碗粉好好多啦。以呢個價錢咁嘅份量，大家樂果啲抵佢好多，又唔駛行咁遠。阿爸成日講，香港人食嘢好嘴刁，查實邊度人都一樣，分得出你啲菜色係咪用心整，有無求求其其，是是但但算了，想蒙混過關絕對不易。

是日落住大雨，又趕住時間上半山，上去之前要搵d野食先，經過呢度都懶得搵，就求其入左去呢度食啦。由於可能落緊雨，所以店內都好多人。這裡相信是外賣為主，內裡有少數位置可以堂食。快餐形式，先俾錢，之後再拎食物返回坐位食。食物提供炒粉麵飯，三文治，車仔麵等，最後我地兩個人要了一個三餸車仔麵，另外加一個叉燒煎蛋飯，就係是日午餐啦。不過黎呢度食飯就會令我充斥住另一種罪惡感，由於這裡外賣為主，所以所有東西都係即棄。盛載食物既係發泡膠，用既用具係即棄如木筷子，膠湯匙，紙杯等，我心想這裡再好吃我大概也不會來的了。結果這裡食物不過不失，不算難吃的，但就也是沒什麼特別，純用來填飽肚子的吧。車仔麵三餸要了牛筋腩，牛肚和蘿蔔，湯底偏淡沒什麼味道，牛肚頗多，弄得夠淋夠入味。不過其實只有很少牛筋腩，唯一好處也是不算靱吧~~ 至於蘿蔔不錯，幾清甜又無渣，快餐價錢來說份量味道算是差不多了。叉燒煎蛋飯其實算是OK的，蛋煎得好吃，生熟度剛好，一拮開蛋黃漏出來，撈飯最正~~ 另外加上豉油汁整個飯算是惹味，不過唯一要說是那些叉燒真的瘦得不得了，而且它煎得有點過火，所以吃落是"乾爭爭"的感覺，如果有點肉汁而且不要切那麼薄就好了。

改了地頭黎昭隆街買早餐, 左鄰右里都試過, 又找找新目標, 昭隆街呢間話就是燒味, 但早餐三文治一樣唔錯. 叫了腿蛋, 牛油落得好重, 所以好香, 仲要搞到我成手油.....早餐不能缺少的香濃奶茶, 我可以俾高分, 中環尋早餐, 要識入巷仔, 大把好野食.