是蛋

营业中

休息中

黎到長洲行下，黎之前就上網睇下有咩好食，搵到呢間「是蛋」，個名幾得意。星期日兩點幾黎到，仲有一張枱，好彩唔洗等位😀叫左兩樣野食，加杯野飲，唔想食到太飽，諗住留肚再食其他長洲小食😝土製炸蛋配薯條其實就姐係蘇格蘭蛋，外層有啲餣左既肉再炸一炸，味道略嫌淡左啲。入面隻蛋岩岩好，半熟既狀態。松露是蛋炒配心機薯餅😋😋好喜歡呢個薯餅，佢將薯仔切絲再煎一煎，好香！松露既味唔算太濃，炒蛋都算滑既，好食😋點一點茄汁就更好味喇！

食物方面黑松露炒蛋配薯餅薯餅係用薯仔刨絲再煎比較薄身超脆勁香口👍🏻但比較油黑松露調味唔錯冇好重gas味👍🏻炒蛋亦冇過火冇好老真心推介卡邦尼意粉芝士係上檯既時候先刨落去所以芝士既份量可以自己較睇落幾好睇個汁比較傑身亦好濃意粉軟硬度我覺得係偏硬我個人比較鐘意依種硬度整體很不錯👌🏼環境方面可能比較近民居幾靜三五知己食飯傾計幾好但座位比較少大概得三、四檯服務方面老闆娘招呼很好、好nice有時仲會傾下計價錢方面：幾抵食既西餐（好似$7x/意粉）最重點：佢黃架💪🏻

炎炎夏日，係一個風和日麗既周末，同友人去長洲hea遊特別開心。由於筆者鐘意扮下文青，於是就揀左一間隱世餐廳，享受一下，嘆下世界。首先欣賞下餐廳既環境先，餐廳以白色為主調，配合溫暖柔和既燈光，充滿家的感覺。餐廳周圍放了些小盆栽，配合以大自然主題既掛畫作裝飾，增添一些小清新。餐廳個名都好特別，叫做“是蛋”，但食物質素一d都唔是但，幾高質。講明叫是蛋，大廚最自豪既就係以蛋為主題既美食。先介紹呢個卡邦尼意粉，雖然卡邦尼意粉十分普遍，但係呢度食到既絕對係出面唔易揾，因為係用左傳統既方法黎整。個汁係用新鮮生蛋混和而成，原汁原味，再配合老闆娘親手即磨靚芝士，煙肉亦十分香口，肥瘦適中，香滑幼嫩既意粉配合惹味既煙肉真係無得頂!此外，呢度既all day breakfast 真係好豐富，筆者見到都已經流哂口水。除左豐富之外，每一樣食材都係用心製作。d薯餅真係幾正，薄得黎又炸得好香脆。餐廳既主打係蛋，個炒蛋果然唔同d，好香滑。筆者好貪心，乜都想食，所以加左parma ham，d parma ham 甘甜芳香，味道細緻，而且肉質好柔軟，只係加十幾蚊，cp值超高。另外，值得一提係個麵包，個包好香麥味，又煙煙韌韌

Chill Chill day in 長洲☀️☀️Nice food and nice☕️☕️Make My Dayyyy🤤🤤🤤🤤好彩今日黎到唔洗排隊✌🏻•Real Carbonara pasta 🧀🧀呢個一上枱就興奮到相都唔記得影啦...🧀🧀係即刻係枱到直接刨落意粉到架❤️身為芝士迷既我笑到合唔埋口...心心眼而店員會好細心咁提醒我地意粉要趁熱食喔！因為用左蛋黃所以等耐d先食會冇咁creamy的喔🤤意粉口感夠煙un👍🏻味道唔似平時食開好heavy好滯既味道～每啖都有濃濃既蛋香！Real Heart Ho Ho May! Must try😬*太胃食唔記得影🙈不過要打卡既你地..刨芝士之前好準備定電話啦～落雪咁好正正der❤️❤️•Pasta A.O.P.P味道唔錯夠開胃😆👍🏻辣辣地咁平時都怕食好乾個d雞肉...好彩keep到個口感...不過個人都係鍾意carbonara Dor D☺️•Hottt Mocha ☕️🍫味道唔會太濃但係都飲到咖啡香味...鍾意呢杯既原因係飲完都唔會覺得好飽好滯..朱古力味...有！咖啡味....都有！飲落整體個感覺同平時coffee shop有d分別係呢杯感覺會清新一d..

#是蛋.由於晚餐之後想食長洲車仔檔牛肉粥，就選了西式Coffee Shop類的，不吃太多。入到門口探完熱，重有搓手液提供，隻味好香，研究左好耐咩排子，好想買😂.餐牌有標明幾款素食的選擇，正好係想食既野，就叫了一個是日湯配麵包、黑醋田園沙律、蕃茄羅勒意粉。餐湯用蕃茄打成，點麵包食好開胃。田園沙律全部蔬菜都好Fresh，重有好多對面小姐好鍾意既火箭菜，佢食得好滿足。.然後到我超級推介的意粉。蕃茄同羅勒都係我最鍾意既食物，所以見到有呢個意粉就即刻決定好食咩。蕃茄加羅勒打成茸，再加上橄欖油，真係非常之香冇得輸。配埋我同對面位女士都好鍾意既扁意粉真係冇得輸。皆因我同佢都唔鍾意圓形既意粉，覺得普遍都硬骨骨乾爭爭，呢個扁意粉軟得尼重有啲煙韌，十分推介！.味道 1.7 / 2.0環境 1.7 / 2.0服務 1.8 / 2.0衛生 1.8 / 2.0價錢 1.6 / 2.0總分 8.6 / 10.0.#長洲 #咖啡店

襯放假，同男朋友去長洲行吓，search到間新店，比個名吸引咗，就「是蛋」去立即試試🤣。呢間小店嘅菜式係以蛋🍳🥚做主題，咁我亳不猶豫叫咗我見到就必點嘅scotch egg🍳 “土製炸蛋”, 呢個有驚喜, 因為呢個菜式好高難道，要啲豬肉熟曬而個蛋又keep住流心非常高技巧，佢做到呢點之外、個肉又好濃香草味亦都又juicy, 的確有驚喜👍🏻👍🏻👍🏻之後我叫咗個卡邦尼意粉， 超吸濃郁蛋香味！！ 仲有即刨芝士喺面🤤🤤 老闆（我估係）講解下知道原來無落忌廉或奶，非常正宗地只用蛋、芝士同意粉整，我真係第一次食😳男朋友叫咗個All day breakfast 份量非常大， 特別要一提嘅係，個薯餅係用薯仔絲煎，好有美國食到嘅風味👍🏻再叫咗香港本地手工啤酒飲，食到真係好飽🤣🤣 2個人叫左1個小食🍗2個主菜🥘🍝同2罐啤酒🍻超飽超滿足！😌🤘🏻價錢亦唔貴🤘🏻下次再入長洲會再試埋其他菜式， 希望到時有再多啲手工啤選擇～🤪🤪

難得平日放假就同朋友入長洲覓食，小巷中發現一間以蛋為主題嘅cafe,今次試左松露是蛋炒配心機薯餅，松露蛋好滑，最特別係個脆卜卜薯餅好有心機，出面好少有，個口感配搭好出色。另外，仲叫左香辣蒜香雞肉意粉，陣陣蒜香帶點辣，意粉軟硬適中，雞肉好滑，份量岩岩好，好味道。總括嚟講，CP值高，下次嚟會再試埋其他😌