是蛋

营业中

休息中

去長洲，大魚旦就食得多，炸蛋你又試過未？💛 土製炸蛋用豬肉包住流心蛋，豬肉有好重嘅香草味，而流心蛋煮得啱啱好，切開蛋黃流晒出嚟，連埋薯條一齊食，熱氣程度x100000🔥 💛 松露是蛋炒配心機薯餅平時喺Cafe食嘅薯餅通常都係急凍薯餅，但呢度嘅薯餅係新鮮製成，食到一絲絲嘅薯條，不愧係”心機薯餅”。炒蛋有松露味，但係炒得老咗啲，略為扣分。💛真卡邦尼意粉平時食嘅carbonara用忌廉煮成，呢度嘅carbonara用正宗嘅手法去煮，用蛋黃代替忌廉，加埋用意大利嘅豬面頰肉代替煙肉，上菜嘅時候，店員喺客人面前即席刨巴馬臣芝士喺意粉，味道唔錯，但意粉可以捲得再靚啲。店內嘅枱數量較少，要食嘅話記住早啲去，如果唔係就可能要等吓先有得食。.味道: 🌕🌕🌕🌖🌑服務: 🌕🌕🌕🌕🌑環境: 🌕🌕🌕🌖🌑價錢: 🌕🌕🌕🌖🌑📍 是蛋 (長洲)長洲北社街49號前座地舖.#tiufufoodie在長洲 #hkfoodie #hkfoodlover #食到長洲 #長洲美食 #黃店 #長洲黃店 #yellow長洲 #黃色經濟圈 #好味黃店 #懲罰黃店 #香港foodie #食好西 #香港食評 #香港食好西 #foodlove

夜晚大部份長洲嘅餐廳都close🤣, 所以最後黎咗呢間食個light dinner~✨是蛋意式肉醬意粉配溫泉蛋🍝 💰68💫評分: 7.5/10📝handmade打嘅牛肉蕃茄🍅肉醬, 原來佢地會炒香再慢煮8hrs😌, 撈埋蛋🍳正🥰~✨Parma Ham黑醋汁risotto 💰88💫評分: 7.2/10📝鹹香嘅ham😌, 酸酸地嘅黑醋🤣+濃郁嘅芝士🧀, 幾特別嘅combination~𝕊𝕚 𝔻𝕒𝕟 是蛋📍長洲北社街49號前座地舖💫評分: 7.4/10💬小店環境好舒服😌係長洲dinner嘅好choice~

本身前一日已經嚟咗但因為好多人 所以就試唔到第二日特登早d嚟佢寫12點半開門我哋大概12點就到了不過佢係遲咗大概10分鐘開門嘅感覺雖然係小店但就唔太憂做個薯條配咗意大利蕃茄醬、咖哩蛋黃醬、蒜蓉蛋黃醬2個蛋黃醬都好特別 好好味咖哩蛋黃醬真係喺第2度無試過薯條就新鮮熱辣啦呢個松露炒蛋好驚艷配埋底下個薯餅 我比120分有機會會想再食而且仲好扺食份量十足 先至58蚊all day breakfast就正常啦好食係好食嘅不過就唔夠第一個咁驚喜同埋已經飽左ice americano就正常 晨早飲杯凍齋啡係好醒神嘅青檸梳打就覺得略甜

遊走咗長州半日..想食埋個dinner先走.比我地無意中搵到哩間小店.雖然等開門都等左半個鐘.（佢地4:30-6:30係休息時間）但都一場黎到..就等埋佢.一於試下！一夠鐘入去店員即刻安排我地就座.店面唔大..大概6張2人台，部分可以合併4人台.入座時基本滿座..可見老闆都有唔少老顧客黎開..切開有d驚喜.肉質唔錯.有醃過的味道.火腿過鹹.偏凍..但個飯好食.肉丸同啱啱炸蛋嘅肉係醃同一隻味.但有番茄汁同芝士溝埋中和好多！

非一般嘅all day breakfast,一般都係用急薯餅即炸而成,但係睇得出佢係用人手刨薯仔絲再慢火煎香,才令到塊薯餅好香脆另外香辣蒜蓉雞肉意粉都好出色, 辣度同蒜蓉好夾提昇左成蝶意粉嘅香味,雞肉亦都好嫩滑,而且價錢實惠親民,下次入黎長洲一定會再食｡

All day breakfast + smoked salmon $90平時去cafe最鍾意食all day，有冇發覺呢個all day有咩咁特別呢？👀冇錯，就係塊薯餅，係超級大塊又好食既。另外，雖然隻蛋既味道稍淡，但係枱上係有鹽同黑椒，照顧到唔同朋友既口味。整體上真係性價比好高，去長洲玩可以順便幫襯呢間黃店喇！川寧薄荷綠茶 $26如果你鍾意飲啲稍濃但非常香既茶，就一定要試下呢個茶嗱，離遠已經聞到好香既茶味，薄荷味亦都好足，而朋友鍾意淡味啲既茶，嗌左凍既川寧伯爵茶，亦都話好好飲！

我地有做功課先去搵食既，今次要試呢間因為睇中佢有scotch egg我印象中有食過既，但一定係一兩次咁，但睇得多飲食野就好想係知認識完佢係咩既情況下再試! 所以我地一見到就話要黎試呢間XD(其實個日我地有諗過係碼頭食左got beef先再入長洲，因為好肚餓XD 同埋... 佢。無。開!)Any肥~講番個“土製炸蛋”先，呢舊野好呢！不過我覺得... 出面層肉要再咸多少少，真係少少就得!不過又可能因為我唔太鍾意香草味，覺得太濃香草食唔到肉味... 但炸完都仲有少少流心，呢個係推介啊！ 同堆$48仲有真係薯仔做既薯條幾條，值啦！然後再點左樣 “是溫泉蛋也是薯蓉(配松露醬及自家麵包)” 老老實實啦，呢個咁邪惡既組合真係好好食! 姐姐仔放低時有話話會“辣手”要小心個樽仔，所以應該係成樽野焗個薯蓉加溫泉蛋，我其實都有諗過呢個組合好膩，但食落又唔覺，仲好夾好好味!其實都已經飽，但去親長洲我地都係咁食XD我見隔離既情侶有少少彈個“真。卡邦尼意粉”就轉叫“是蛋意大利野菌意粉(配溫泉蛋)”~ 我自己覺得個菇有少少酸味(可能天氣熱，壞開始變壞)，男人話唔覺，但我話哂都係一個毒人，真係酸呢... 好少但都足以

好耐冇寫食評但係呢個真係唔寫唔得！佢個保濕豬扒咬落去啲肉勁鬆軟，配埋個蛋黃醬真係好正😍😍重點係佢個薯蓉真係好creamy 好香奶味😭份量亦都好大兩個人食完都夠飽！個土製炸彈亦都夠晒特別！炸皮入邊包住肉碎，再包住流心蛋😍😍層層口感都好正 總之就係好食啦🤣🤣🤣推薦推薦推薦(⁎⁍̴̛ᴗ⁍̴̛⁎)

入夜後，長洲回復一種寧靜感，而今晚男友訂咗呢間小餐廳食晚飯。由碼頭行過嚟約5分鐘，係其中一條橫街內，遠處已經見到光亮既門面。餐廳大約有12個座位左右，計埋我地只有2枱客，接近包場😝餐牌有小吃、意粉、主食同甜品。男友一早已經諗到食咩，就係土製炸蛋、真卡邦尼意粉同慢煮豬扒。好可惜，炸蛋售罄😭，所以我地惟有轉叫松露炒蛋配薯餅。而男友當然有叫啤酒，出面少見既本地啤「Carbon Brew」，口感乾淨清脆，帶有穀物風味，不錯👍先上松露炒蛋配薯餅，薯餅係切絲煎薄身，少香口，而個炒蛋雖然唔係滑溜，但有蛋味加埋黑松露，冇得輸。至於個真卡邦尼意粉，店主表明要吃傳統卡邦尼意粉係唔加忌廉，因為吃的是蛋黃及芝士的味道，加忌廉把所有味道也蓋過了。上枱後先加芝士片，撈勻晒，試第一啖後覺得個蛋黃汁真係好香濃，每一條意粉都充滿蛋黃汁，而同樣做到creamy既效果！而慢煮豬扒如果我冇記錯係加拿大既豬，連骨煮，上枱見到已經切開一片片，嫩嫩既粉紅色，食落肉味夠同嫩口。而個邪惡薯蓉亦都好好食，並唔係開粉整個d假薯蓉。本身想試埋佢個焦糖燉蛋但係呢三樣嘢已經令我哋兩個超級滿足。如果大家入到黎長洲諗唔到食咩嘅，呢間小餐館都會係一個

喺ig見到呢間打卡cafe，入黎長洲玩，就梗係要順便一試呢間全部菜式都有我最愛食嘅🥚嘅cafe😍兩個人叫左total 4個野食，飽到捧住個肚走🤣第一個小食：松露炒蛋配薯餅🍳薯餅煎到外脆內軟，薄身，炒蛋唔太重黑松露味，蛋蛋入口少少實身，配埋個薯餅一啖咁放哂兩樣野入口，大滿足！另一個小食：土製炸蛋🥚🍟用鋪頭自製嘅豬肉包住成隻蛋咁拎去炸，切開左中間隻蛋蛋都仲係做到流心嘅效果（但我無影到🤣）包住隻蛋出面個層肉厚實，香草味都頗為重，啱啲鍾意香草味嘅朋友。同時要讚下嘅係啲薯條好好食！凍左都仲好脆，佢係我食過咁多間餐廳啲薯條，最好食嘅一間之一主菜：慢煮保濕豬扒餐廳職員介紹佢地嘅慢煮豬扒係先煎後慢煮，所以啲肉嘅顏色係好嫩嘅粉紅色（望見都覺得會好淋滑）豬扒入口淋滑軟熟，朋友直頭話豬肉口感似燒腩仔😂 望落件數唔多，但兩個人食哂其實都幾濟個薯蓉又係另一抵讚嘅位，超creamy超香，口感唔似食緊薯蓉，佢係直頭滑到可以sir落喉嚨😂仲叫多左個pasta：真·卡邦尼意粉但無影到相，因為店員話要趁熱食😂 唔係啲蛋黃醬就會變得好傑，痴埋一pat野咁呢個pasta其實得意粉，煙肉同蛋黃醬，上到枱即場刨芝士絲。無落白醬，

🍳真•卡邦尼意粉 $78⋯卡邦尼似是煮西餐入門之作，但愈簡單的菜式其實愈看出廚師的用心。Menu特別加上「真」字，是因為小店按傳統製法，用生雞蛋作醬汁，而不是加上忌廉等非正宗煮法，口感幼滑，蛋味濃濃，加上肥瘦適中的煙肉，令意粉更香口而不油膩。意粉份量適中，價錢亦合理。⋯冇得出外旅行，離島變咗好多人的後花園，漫無目的閒閒逛逛，揀一間小店享受無時限的午餐。長洲被譽為最黃小島，要搵間黃店其實唔難，其中「是旦」絕對是值得推介的高質黃店！店主兩公婆是80後，毅然裸辭入小島追夢，希望為島民遊客帶來誠意美食，餐牌上七八成都是用蛋為材料的菜式，所以蛋迷真要試一試。誠意小店不在大街大巷，但白色純樸風的裝修，更有清靜慢活的感覺。⋯推薦指數：🌟🌟🌟🌟🌟

睇清楚餐廳個名，係「是蛋」唔係是旦！佢哋嘅食物一啲都唔是旦！想放假入長洲抖抖嘅話，去是蛋Chill一Chill就啱晒你喇！ 😋 慢煮保濕豬扒配野菌溫泉蛋汁、甘荀及薯蓉 $158 呢份豬扒係經過慢煮再煎香，外皮有少少脆但肉質超滑超鮮嫩，脂肪比例平均令到有少少入口即溶嘅感覺🤤 豬扒下面係溫泉蛋汁，點埋一齊食都幾夾。甘荀就煎過嘅，但煎完之後入面嘅甘荀都好腍。薯蓉真係勁surprise，超creamy！呢個set真係超水準咁好食！😋 土製炸蛋 $48 呢份就包埋薯條，全部都即炸嘅。個炸蛋係用漢堡扒包住隻溏心蛋嚟炸，外面炸得好脆！薯條就一樣外脆內軟，薯味勁香😋 😋 手工肉丸配茄汁及芝士 $118 呢個肉丸嘅肉就即係土製炸蛋個面，不過無炸脆到同換咗茄汁同芝士，啲芝士新鮮到可以拉絲㗎🤣 大大粒都幾飽肚～ 因為每樣食物都係即製，而呢間小店又真係一間小店嘅關係，等食時間都會耐少少，但話到明係入長洲抖抖，香港人放鬆吓啦！食物嘅水準話畀你知等待係值得嘅😍 

黎到長洲行下，黎之前就上網睇下有咩好食，搵到呢間「是蛋」，個名幾得意。星期日兩點幾黎到，仲有一張枱，好彩唔洗等位😀叫左兩樣野食，加杯野飲，唔想食到太飽，諗住留肚再食其他長洲小食😝土製炸蛋配薯條其實就姐係蘇格蘭蛋，外層有啲餣左既肉再炸一炸，味道略嫌淡左啲。入面隻蛋岩岩好，半熟既狀態。松露是蛋炒配心機薯餅😋😋好喜歡呢個薯餅，佢將薯仔切絲再煎一煎，好香！松露既味唔算太濃，炒蛋都算滑既，好食😋點一點茄汁就更好味喇！

食物方面黑松露炒蛋配薯餅薯餅係用薯仔刨絲再煎比較薄身超脆勁香口👍🏻但比較油黑松露調味唔錯冇好重gas味👍🏻炒蛋亦冇過火冇好老真心推介卡邦尼意粉芝士係上檯既時候先刨落去所以芝士既份量可以自己較睇落幾好睇個汁比較傑身亦好濃意粉軟硬度我覺得係偏硬我個人比較鐘意依種硬度整體很不錯👌🏼環境方面可能比較近民居幾靜三五知己食飯傾計幾好但座位比較少大概得三、四檯服務方面老闆娘招呼很好、好nice有時仲會傾下計價錢方面：幾抵食既西餐（好似$7x/意粉）最重點：佢黃架💪🏻

炎炎夏日，係一個風和日麗既周末，同友人去長洲hea遊特別開心。由於筆者鐘意扮下文青，於是就揀左一間隱世餐廳，享受一下，嘆下世界。首先欣賞下餐廳既環境先，餐廳以白色為主調，配合溫暖柔和既燈光，充滿家的感覺。餐廳周圍放了些小盆栽，配合以大自然主題既掛畫作裝飾，增添一些小清新。餐廳個名都好特別，叫做“是蛋”，但食物質素一d都唔是但，幾高質。講明叫是蛋，大廚最自豪既就係以蛋為主題既美食。先介紹呢個卡邦尼意粉，雖然卡邦尼意粉十分普遍，但係呢度食到既絕對係出面唔易揾，因為係用左傳統既方法黎整。個汁係用新鮮生蛋混和而成，原汁原味，再配合老闆娘親手即磨靚芝士，煙肉亦十分香口，肥瘦適中，香滑幼嫩既意粉配合惹味既煙肉真係無得頂!此外，呢度既all day breakfast 真係好豐富，筆者見到都已經流哂口水。除左豐富之外，每一樣食材都係用心製作。d薯餅真係幾正，薄得黎又炸得好香脆。餐廳既主打係蛋，個炒蛋果然唔同d，好香滑。筆者好貪心，乜都想食，所以加左parma ham，d parma ham 甘甜芳香，味道細緻，而且肉質好柔軟，只係加十幾蚊，cp值超高。另外，值得一提係個麵包，個包好香麥味，又煙煙韌韌