時代冰室 (環球工商大廈) (已結業)

九龍灣人必到🥰時代冰室🧡好耐冇食過懷舊冰室，呢間裝修過後嘅冰室俾我感覺乾淨咗同靚咗😍主打懷舊電影風🎬會見到唔少發哥同六七十年代嘅電影海報，幾有特色🥰招牌王牌雜扒$88包括有：豬扒，雞扒，煎蛋🍳，香腸，火腿🍖如圖，份量真係好多，一個女仔一定食唔曬，跟餐仲有湯，飲品同飯/意粉🍝/薯菜送😂你都咪話唔飽豬扒好厚切同大塊，而雞扒都有用香料醃製過，雞皮煎得香脆，其他配料質素正常🧡比較喜歡意粉嘅義式茄汁🥫蕃茄味🍅唔假，比較酸個一種，令到成個扒冇咁油膩😙知足。男人的浪漫煲🌹$88（枝竹火腩煲）本來以為呢啲煲一定好頹，正諗住失望嘅時候，上菜竟然有驚喜！😱火腩真係五花腩，唔係餸頭餸尾‼️係啖啖肉仲要冇骨唔咸個隻‼️而豆腐都大大舊，好滑。其他支竹都好入味。成個小菜唔太咸，而且又係份量好多，仲有得添飯🍚人情味滿分💯環境有特色，而且幾乾淨。仲要價錢咁平，有咁多份量嘅野食，水準中上，都冇咩可以挑剔😜小編覺得茶餐廳🍴冰室黎講，水準絕對係中上👍🏻有機會經過九龍灣諗唔到有咩食都可以試下🥰人均消費:$100以下地址: 時代冰室 (環球工商大廈) (九龍灣)九龍灣常悅道20號環球工商大廈地下1B號舖

時代冰室可能係近期九龍灣人最愛呢度嘅厚切豬扒真係好足料 件件都大大件 又厚又肥美 絕對唔會乾爭爭 最鍾意食佢哋嘅早餐 厚切豬扒蕃茄湯通粉 火腿奄列配牛角包 熱茶走咁多嘢都係$38 外賣送丁黎都係$39 一個餐都送 真係沒有不吃的理由

同事同朋友都強力推薦呢間時代冰室今日lunch一於去試下menu好多選擇 揀左好耐先揀倒🥺蔥油厚切豬扒配叉燒炒蛋飯跟餐有例湯同野飲塊豬扒真係勁厚切勁大塊！d鼓油都好好味 夾埋d蔥油不得了啊🤤叉燒炒蛋飯好似芙蓉蛋飯咁 叉燒炒蛋舖係面都幾多叉燒 所以真係超級豐富食到一半已經飽飽地🤣 好滿足！覺得飽就飲兩淡例湯再繼續🤣熱奶茶都好濃茶味 唔錯架朋友就叫左蔥油豬扒配三蛋飯真係三隻蛋 煎得好靚兩個食到勁飽下次要再試其他嘢！

朋友話我知, 九龍灣既時代冰室質素好唔錯, 叫我一定要黎試下。今日就趁lunch time 過黎幫襯。佢個餐牌好多選擇, 我選擇困難症又發作, 都要睇左好耐先決定到食咩。點完餐後, 店員姐姐隨即送上一碗例湯。L007 堅鮑魚花菇花膠滑雞石鍋濃湯烏冬 +熱檸檬茶 ($65) -  雞湯味道濃郁, 雞肉份量都幾多, 肉質嫩滑, 仲有2隻鮑魚仔同蟲草花, 感覺好滋補養生。其實淨係飲個雞湯已經好夠飽, 但烏冬一定要食, 因為非常彈牙, 有咬勁, 配上雞湯一齊食勁好味, 直到食到最後, 個雞湯都仲係熱辣辣, 正 !檸檬茶係正常茶記味道, 茶濃但不澀口, 唔錯。 時代冰室九龍灣常悅道20號環球工商大廈地下1B號舖港鐵九龍灣站B出口, 步行約11分鐘

時代冰室 - 飽到傻嘅特餐🤣時代冰室係九龍灣難得嘅高質茶記，都係我嘅半個飯堂咁濟，佢啲野食真係大件夾抵食😋特餐：瑞士雞全翼撈麵 配 火腿奄列+牛角包，凍檸茶 $56淨係睇上面個名都feel到呢個特餐真係特別多野食，食完真係會飽到傻🤣食物方面，雞翼都算醃得入味，撈麵有配啲蔥油，好香好惹味。火腿奄列好足料，有好多火腿。味道😋：7.5/10價錢💰：7.5/10服務💁🏻‍♂️：7.5/10環境🪑：7.5/10

好耐之前去過，記得態度親切的招呼，野食又夠味同即煮，果份誠意完全超精采，可惜風光不再。因為上次的經驗令我推薦埋俾朋友一齊去。 有時經驗會成為歷史，而且仲會成為了記憶，今次的體驗證明了保特質素先係最難的事。價錢都算係好合理，九龍灣三十零蚊已成為正位價格，內容都係大同小異。當然都係離不開煎蛋炒蛋之類啦。今次叫瑞士汁雞翼撈公仔麵配煎太陽蛋加餐包連啡走一杯。包是凍的。煎蛋叫做仲有流心，有分加。瑞士汁尚可，雞翼凍而且偏咸。撈麵完全是油撈出來。杯啡無啡走，只係奶水。。。。48蚊囉

時代冰室聽過很多次，但一直都未有機會試到。今天在九龍灣終於有機會試試下午茶。餐廳在轉角位，也很容易找到。餐廳裡面的格局為新式茶餐廳，眼看也是光猛、乾淨的。即使是下午茶，餐牌上的選擇十分多，都要讓我的選擇困難症爆發了，思考了一段時間才想到食甚麼好。熱奶茶是正常茶餐廳水平，茶底不澀。巨人漢堡·厚切沙律豬扒包($37)，大大份樣子幾吸引。包面有很多芝麻，而豬扒是帶有骨的。由於漢堡有一定的厚度，我都弄了一會才用到紙巾完全包著拿著食。看看切面就知道有幾豐富。豬扒如餐牌所說是厚切的，幸好只有很少脂肪，不會太肥膩；然後其他配料有芝士、蕃茄、煎蛋和生菜；值得一提的是那隻煎蛋，我是沒有預計到的，還要煎得半熟，吃著吃著蛋汁都流出來了，同時也滲進其他食材用料當然不是上乘，就沒有特別蛋香味，但配合的材料和這個留心效果，這個價錢幾有驚喜。然而，麵包是室溫，所以溫度略為偏凍，也不香，所以如果餐廳能夠先烘熱麵包，相信會更吸引、好食。看餐牌的時候覺得有點困惑，打算問問菜式「沙律」二字等於甚麼；可是我的位置四周都有很高的半透明板圍著，令店員看不到我，也下不到單。不過附近有些員工在用餐，一位叔叔見到當值的店員見不到我，即

平日食lunch慣咗一大班同事一齊出去自從限聚之後就好少可以去細餐廳食近排時代裝修完嗰鋪面大左所以終於有機會食🤩✩🌟蔥油厚切豬扒 伴三眼煎蛋飯（$56）塊厚切豬扒仲大塊過手板🤤厚得黎唔會韌同煎到乾晒汁而且啲蔥油勁多又夠香啱晒重口味嘅我至於嗰三眼蛋 半生熟用黎撈飯就最啱加埋啲蔥油一齊撈真係無得輸✩🌟古早·肉燥飯 伴特大鹽酥豬扒（$59）肉燥飯意外地有少少辣🌶幾惹味不過本身唔食得辣所以覺得麻麻地鹽酥豬扒好貼心切晒條方便share之餘舊豬扒又多啲鹽酥脆皮非常香口滷水豆腐係另一亮點✨用蜂巢豆腐整所以索晒啲滷水汁不過嗰滷水汁偏淡✩份量真係十足😂我同另一個女同事share2個餐都叫左少飯都食唔晒好難得少飯有得減$1而且依家鋪位大左坐都坐得舒服啲以後返工食lunch又多個選擇☺️

好難得係九龍灣返工，當然要周圍搵嘢食。放工想買個外賣返屋企，剛好行過，決定買好嘢獎勵下自己（好耐無返過公司，不過可以係九龍灣又更多好嘢食）見到五香肉丁炒飯真係好吸引，其實都幾多嘢揀，每次去茶記樣樣都好想食。內部仍然有聖誕裝飾，晚市職員都繼續清潔，感覺良好。係過黎做嘢先知轉左店，之前呢個鋪位係唔睇。乾炒牛河，味道還可，豉油味偏濃，份量都剛剛好。例湯一般，正常味道。咖啡都係。（晚市有折，唔係好記得最後幾多）

雪糕紅豆多士 $33蔥油豬扒三眼仔飯 $46今次食時代下午茶 😂同朋友叫咗個雪糕多士同豬扒三眼仔飯，呢個份量夠晒兩個人食！雪糕紅豆西多一件幾咁邪惡嘅事😂一食就停唔到口，雪糕係綠茶味唔會溜加上紅豆同超厚西多，成件事即刻日本crossover香港咁🤤西多超厚，雪糕加紅豆已經甜，唔洗再落糖漿！之於蔥油豬扒飯，你唔食塊豬扒，剩食蔥油加蛋已經可以清晒啲飯，佢個蔥油真係正到不得了，加埋三眼仔蛋，食唔停口🤤豬扒都正，熱辣辣，幾香口！食完咁邪惡嘅兩樣嘢，飲返杯凍檸茶走甜，即刻自我感覺良好晒😂😂

街坊系列 – 時代冰室燒山燈力💡非同小可😆今次就試試佢飲食界既威力啦🧐------------------------------環境: 裝修圍繞復古風,大約似70-80年代💃🏻🕺🏻掛上左好多有蕭生負責既電影海報🖼️環境清潔,無異味,地面亦無油漬💯------------------------------食物: 皇牌焗豬扒意粉🍝份量驚人😱😱一個男仔都未必食得哂如果係女仔真係要SHARE(唔好做大哂鬼)焗既火喉差小小🔥芝士🧀只係岩岩溶未到焦香意粉好好味🍝有先用茄蓉炒過🍅軟硬適中豬扒都非常厚切🍖同好入味，果然係皇牌👑美中不足就係菠蘿太小，得２粒😰同埋蕃茄太生，有一陣陣既草青味😥------------------------------服務: 店員好勤力，晚市咁忙,一舉手就有回應✋🏻整個感覺管理得好好，服務感度非常好💪🏾------------------------------環境: 7/10食物: 5.5/10服務: 6.5/10地址: 九龍灣常悅道20號環球工商大廈地下1B號舖人均消費: $50 - $100

午市時間黎到九龍灣，野食選擇都幾多，想食間大份抵食既茶記，就揀咗食時代。其實餐牌仲有好多選擇嫁，不過我自己就揀咗個特餐。真係大食既男士都夠食呀，有個牛角包同火腿奄列，奄列又滑又好味。瑞士汁撈麵除咗有瑞士汁味之外，仲有啲葱油味，撈得好香好惹味。瑞士雞全翼就麻煩啲，要用刀切，其實如果係雞翼就仲方便。除此之外，仲有粒蛋，食埋真係飽到上心口。九龍灣好多office，唔想等位既記住早小小黎拎位喇。我一點到，等咗10分鐘有位。下次我會想試下其他扒餐，我見隔離枱食都幾大份，望落都好吸引。

又係午餐推介嘅時候，九龍灣放飯，有好多選擇，點樣先可以突圍而出？好似時代冰室咁推出三眼蛋系列就可以成功吸睛👁❗中午12點前好去啦，遲左就要排隊架啦❗食午餐嘅可以攞碗老火湯飲下蔥油厚切豬扒伴三眼煎蛋飯($60)三眼蛋係三隻太陽蛋，蓋喺白飯上面，又要浪下浪下，又唔可以穿，其實都唔容易架。食左三隻蛋加埋大大塊厚切豬扒，蔥油，甜豉油，真係絕配，好滿足。蔥油自家叉燒伴三眼煎蛋飯($60)當豬扒換成叉燒，感覺冇咁熱氣，不過就略甜，因為叉燒都係甜甜地，賣相當然冇厚切豬扒咁震撼，不過都係好食嘅。

次次行開九龍灣都見到大渣哥嗰邊排晒長龍，超級誇張，就算曬住都勁多人排隊，今次咁岩經過見到有時代冰室，人唔算多，排咗一陣就可以入，就一試成個環境係模仿懷舊嘅香港特色，好特別，好多五顏六色嘅燈，有種懷舊嘅聖誕氣氛，餐牌方面有超多嘢食，飲品就以懷舊特色嘅嘢飲為主叫咗一個全日嘅魚柳set, 上菜嗰陣時仲熱辣辣，魚柳好好味唔會好乾身，食物係唔錯嘅，唯一嘅問題係冷氣開得有點大，好快就吹凍左啲嘢食所以真係要食快少少！見到人哋食扒餐都好似不錯，下次試一試佢哋其他嘅嘢食

今日放lunch同事提議去食時代冰室，我平時好少去食，因為每次lunch人都好多。既然有同事自願先去拎位，我當然舉腳贊成。同事早到左10分鐘拎位，點知去到依然要等，同事建議轉做外賣可以拎返公司食。我見到有口水雞即時叫咗，因為我係口水雞嘅fans不過喺公司附近食咗幾間，都覺得唔太啱心水。拎返公司一打開聞到陣味都幾香覺得應該冇伏。食第一舊雞覺得個汁幾麻幾香。相當唔錯而且你睇得出佢落足料有辣椒花椒等等俾你見到。但啲雞就唔算滑。不過食口水雞重點都係果汁我個人覺得幾辣可能唔食得辣嘅人就要同店家講少啲辣汁。個油飯就普通到不能再普通。如果搵啲汁去撈飯都幾好食。少有地我可以食晒成個飯。依個飯外賣自取都只係需要$50多蚊有嘢飲。我覺得係依區算好好食， 至少要排隊黎講， 我覺得抵過對面間大渣x。至少唔係俾啲頭頭尾尾你。所以如果九龍灣區嘅朋友想食口水雞我會建議黎呢一間食