時代冰室 (沙角商場)

营业中

休息中

新年流流買個常餐，豬扒豬骨湯麵，拎到上樓發現無湯，之前係太子分店，湯底係無味剩滾水，依間中過分，滾水唔落😑⋯⋯果麵無味，點食？都唔敢拎返去，容咩易加料真係無間分店係正常

自從沙角打邊爐嗰間野執咗，好耐冇打邊爐。但發現原來有一間有一人鍋打邊爐！各人可以選自己鍾意嘅湯底，一人一鍋，粒粒啱晒「台式臭臭鍋」好耐冇去台灣，見到有台式鍋，心思思點咗個臭臭鍋，份量都好大，有成三四件大大件嘅鴨肉，仲有鴨髀添，豬大腸都有四五件，又係大大塊，爽口彈牙，當然唔少得豬紅啦，味道都OK，最主要係佢都有好多蔬菜，夠晒健康，又大份「海鮮鍋」海鮮鍋粒帆立貝真係超級大粒，而且都算新鮮，仲有幾隻新鮮蝦添，爽滑彈牙，魚片都有好多塊好大塊，算係一個粥料嘅海鮮鍋

諗住食餐晏仔，叫兩個常餐姐，沙嗲牛淡到只係少少黃黃地，完全冇味，未食過咁難食。地方又污衊，啲隔板好似未層清潔過咁，好多漬。餐具痴痴粒粒咁。小店都要好食先會有客架麻。冇下次。

剛係附近做完嘢，見到時代冰室嘅下午茶餐選擇都幾多，就試一試。🔅5cm 兩層特厚西多士🔅平曰一定會落好多糖醬🫗，今次刻意落少啲糖漿，想試下原味西多嘅味道😆。中層🥜花生醬不錯，而麵包有足足5cm厚，係滿足嘅。不過蛋香味稍淡，幸好佢唔算油膩 ，所以會再回頭💛。

【秋冬季限定暖笠笠煲仔飯·一人邊爐🫕】/////呢排天氣開始涼番啲 就好掛住有焦飯粒嘅煲仔飯以及邊爐🤭🌀一行入去餐廳就聞到好香濃嘅邊爐湯底味道 餐廳食物多元化 裝修都帶點懷舊新派風格 係屬於香港嘅小店(´▽｀).👉🏻珍寶海鮮煲仔飯 ($76)海鮮有海花蝦 日本帆立貝 香煎金蠔 脆魚仔 非常豐富😼金蠔煎過後更香口以及鮮甜 脆魚仔脆卟卟 煲仔飯點少得甜豉油以及底部嘅飯焦 飯粒份量可以增加一下～.👉🏻支裝無糖可樂(+$6)好難得餐廳會有無糖可樂🤤煲仔飯配支裝可樂好清爽 性價比高🔥.👉🏻白汁芝士焗西蘭花 ($29)西蘭花爽口 份量足夠 白汁濃稠 芝士有拉絲效果 調味較清淡 可以增加芝士份量更突出菜式惹味嘅效果😗———-📍時代冰室 (沙角商場) (沙田)沙田沙角街5號沙角邨沙角商場2樓222號舖

跟同事去時代冰室食火鍋，在沙角邨分店，好近公司夠方便。有2款火鍋，可以一次過試晒。火鍋餐加$18有特盛綜合水果茶XXXL確實勁大杯，有蜜桃、菠蘿肉等，打卡一流。火鍋配料來了，有好多碟珍寶海鮮鍋：海花蝦、日本帆立貝、深海黑魚片、飛魚子鮮蝦滑、蟹捧、長洲魚蛋八寶盒：即是蔬菜盒五福臨門：油炸鬼、響鈴、獅子狗、貢丸、鴨血另外一款是有醉雞（酒味好香）、肥牛，一樣也有八寶盒、五福臨門麻辣湯底幾香，芫茜皮蛋湯適合落海鮮及蔬菜。肥牛新鮮，入口都嫩滑海鮮質素不錯，蝦滑彈牙，鴨血好滑。以價錢來說份量幾多，而且幾高質，可以encore，好似遲些會新推出雞煲、台式火鍋，可以再去試。

秋風起，食臘味，仲有係唔少得香港人鍾意嘅打邊爐，總有一間喺左近有得食。煲仔飯-臘腸豆卜排骨煲仔飯~即叫即製作，大家唔好心急，要畀啲耐性，打開蓋已經流曬口水，賣相景吸引，本身臘腸片、排骨已經好豐富，加$7有北菇，令呢個煲仔飯更上一層樓；煲仔飯餐加個腐乳油麥菜，都只係$15。醉雞肥牛鍋~採用滋補醉雞湯湯底，大家記得滾起之後飲頭啖湯，試真啲個味道，正！醉雞大大件啖啖肉肥牛水準都唔錯八寶盒包括粟米、白蘿蔔、蕃茄、生菜、娃娃菜、鮮冬菇 、金菇及冰烏冬；五福臨門有貢丸、花膠釀油炸鬼、響鈴、鴨血及獅子狗卷。另外加咗肥牛、鴨血及超巨大長洲魚蛋，十分爽口彈牙。龍鳳大檸樂~呢個係加加加加大size, 咁大隻杯有兩支樽裝可樂，超爽。檸樂一樣都係咁大杯！

好耐冇食過時代冰室啦～呢排有新嘢食，所以就去試吓😎今次就試咗新出嘅流心窩蛋芫荽滑牛煲仔飯 $62 🤩芫荽加埋落牛肉嗰度好特別，又香又好食☺️加左$7有2粒冬菇，再加$15有腐乳油菜，呢個一定要加，因為大份又好食，呢個煲仔飯冇得輸，芫荽控一定唔可以錯過！另外再試左個美國重量級爵士西冷 $98，牛扒整得幾滑，咬口十足😽配埋個意色茄汁真係冇得彈，我老豆一定好鍾意食😝如果唔夠飽可以叫多個和風·爆芝玉子燒 $46，呢個每口都有芝士，淡淡芝士加埋滑蛋，不得了，呢個下次一定encore🧡🙌🏻食呢啲加$16配埋個黑牛冰就最爽！唔知係咩唔緊要㗎，黎到試吓就知👁️總括而言 (5個💚係最高)好味指數 : 💚💚💚💚🤍服務態度 : 💚💚💚💚🤍環境打卡 : 💚💚💚🤍🤍回頭指數 : 💚💚💚💚🤍📍時代冰室🏢沙田沙角街5號沙角邨沙角商場2樓222號舖🕗星期一至日 07:00 - 22:30#沙田美食 #沙田必食 #茶餐廳 #食好西 #美食

❤️皇牌咖喱慢煮牛腩飯 $69咖喱用左不同香料 好香濃 慢煮過既牛腩 好入味 好淋 加上白飯 辣辣地好開胃 ❤️龍凰大檸樂 $32好淨誇呀！ 用成兩枝懷舊支裝可樂 檸檬 加咸檸檬呢個配搭已經無得輸 再加埋加冰底 真係爽❤️時代黑牛冰 32童年回憶 朱古力雪糕加可樂 一啖雪糕 一口可樂 正呀❤️窩蛋 芫茜滑牛 煲仔飯 $62煲仔飯一定要食 牛肉勁爽滑 芫茜味重 芜茜控一定要食 食底一粒粒 層次分明 仲有好香既蕉香 同惹味既飯蕉 加埋個煲仔飯䜴油 絕 我私心加左潤腸 豐富哂✅風沙椒鹽豬扒 $58呢個小菜跟白飯同老火例湯 豬扒特登整到一啖一塊 炸完 同用乾蒜 乾蔥頭去爆炒 上碟時好香 勁野味 豬扒好淋 入味可以食到一碗飯鐘意呢到好似去左另一個年代禁 待應招呼好好 晚飯小菜抵食 我見好多人打邊爐添 下次再食埋其他嘢 時代冰室 (沙角商場) (沙田)沙田沙角街5號沙角邨沙角商場2樓222號舖

早餐份牛奶麥皮得半碗，係30幾蚊餐個份牛奶麥皮，唔係早餐另外加幾蚊個碗，正常都expect應該份量多少少個餐得半碗仔麥皮加半份所謂的巨人蛋治另外嗰魚柳餐就正常好多，雖然貴啲，但多好多樣野，份量參差

呢間係位於沙角邨(沙田圍站) 嘅黃店冰室🍴，之前係其他區都去過。餐廳提供多元化同性價比幾高嘅新派菜式。另外裝潢風格懷舊復古🕝，有懷舊電影嘅 poster同擺設。食物方面，有最特色嘅：時代煲仔飯系列！🍲 包括：招牌珍寶海鮮、流心蛋芫茜牛肉煲仔飯等等。仲有新推出嘅秋季限定之人火鍋系列：珍寶海鮮鍋丶醉雞肥牛鍋等等，呢排天氣又凍咗💨💦，食完暖笠笠🔥啱晒。.《珍寶海鮮鍋》 $88有海花蝦、日本帆立貝、深海黑魚片、蟹棒飛魚子•粒粒鮮蝦滑、長洲魚蛋。海鮮嘅種類同數量都唔少，每樣都有啲，最欣賞嘅係有大大粒嘅帆立貝🤤 黑魚片好新鮮同滑，完全冇骨，薄切入口即溶😍 仲有好彈牙嘅鮮蝦滑，伴有飛魚子粒，口感好豐富！「八寶盒」：有生菜、番茄仔、娃娃菜、金菇、粟米、蘿白、冬菇、鳥冬。食完海鮮同肉之後食返啲蔬果中和下😙 不得不讚蔬果新鮮，仲有成個烏冬！包保食得飽🫃🏽「五福臨門」：有鬼馬油炸鬼、貢丸、脆炸響鈴卷、鴨血、獅子狗卷。平時打邊爐都會食嘅，都係每樣有啲🤩樣樣都食到，夠晒豐富。《特盛綜合水果茶XXXL》+$18一拎上枱嘅時候嚇親😅 估唔到咁大Jar…🍹 入面有百香果茶，好多水果粒，包括菠蘿、桃片、檸檬片，又有得飲

又到星期日上堂時候，食個早餐先上堂啦沙田新開左時代都應該一段時間，之前食過長沙灣嗰間覺得都唔錯，又唔想幫襯連鎖店本地冰室依家通常價錢都唔平嫁喇，貴係貴少少，但真係俾返足料，唔似得屋企樓下間垃圾連鎖快餐店，價就識加，但啲野食就愈黎愈偷工減料個炒蛋炒得唔錯但條腸同個牛角包都唔係太熱，豬扒黎講就都係時代招牌唔會太差嫁喇，不過都係嫌過左火少少，反而值得讚嘅位係杯餐飲有得揀後上，唔使一早黎攤凍晒，同埋奶茶有得揀濃啲，岩晒我依啲重口味人士，下次可能揀多奶+濃茶底😋不過個早餐真係好飽，下次可以同埋丫媽一齊share一個餐，唔使去麥當當食個珍寶餐黎share了

前排黎食過下午餐，覺得好求其，就停左一排無黎幫襯。初期新開張都唔差，宜家愈做愈差，地方污糟，坐位邊封晒塵，啲吊燈就跌就跌咁，唔知想點？今日去食早餐，叫左太陽蛋配多士+口水鷄米粉，無可否認，出面茶記早餐係少有雞食既，所以要求都唔會高，抵讚既竟然有加莞茜，其他正正常常，但賣相就⋯⋯另一個餐，滑蛋牛角面+蕃茄湯肥牛。茄湯是甜，肥牛是韌。完總括黎講，應該唔會再黎，直入backlist。老實講，要人支持黃店，店舖自己都要爭氣吧。又一間令人失望既黃店。

可能新年關係 個日下午茶都要排下隊 不過等左10分鐘左右就入得公司三文治🥪$42 都幾大份 賣相唔錯 夾得好整齊✨餡料有火腿、炒蛋、午餐肉、芝士、蕃茄、生菜 午餐肉好厚 所以即使冇沙律醬都好夠味 麵包烘得好脆👍🏼呢個價錢包埋野飲好抵食🤪⭐️沙律跟餐+$7 沙律醬係胡麻醬 不過我走左醬😛沙律好乾淨新鮮沙嗲牛肉通粉 $36估唔到幾出色😋😋沙嗲好香 亦都食到花生味 個湯好濃 幾中意呢個味☺️但係牛肉就有啲韌😮‍💨希望下次食唔會啦😛熱奶茶都唔錯幾好飲 好滑 如果茶味再出啲就好啦😆

Geo條👅評分：⭐️⭐️⭐️⭐️(5⭐️最高）兩個小菜套餐 $128鮑魚花膠蒸肉餅韭菜叉燒炒蛋喺屋企附近食晚飯，想食吓小菜就走咗去時代冰室💛見啲學生食大大碗飯，鐵板多，我就食小菜，唔通呢啲就係年齡差距😂嚟到第一個餸係韭菜叉燒炒蛋，個炒蛋炒得好滑比我預期正好多，加埋甜甜哋嘅豉油🤤同埋叉燒一啲都唔肥，因為我唔鍾意食肥膏所以啱晒我，但叉燒一啲都唔會鞋口，加埋韭菜超好送飯，呢個餸都送咗一大半嘅飯🤤之後鮑魚花膠蒸肉餅，鮑魚就係平平罐頭頭魚仔，都係咁啦幾十蚊，想點🤣花膠就似魚肚多啲，但係個肉餅幾好食，似屋企媽咪蒸嘅肉餅，肉餅幾厚身，啖啖肉餅，又係超好送飯👍🏻喺我隔離枱見到啲一支公嘅阿叔食煲仔飯，好鬼香，等我下次又去試吓先😜