時代冰室 (沙角商場)

营业中

休息中

上次在馬鞍山故意去頌安商場，專程找，不太找到時代冰室😩這次有空，走着走着路過沙角邨反而又見到另一間時代冰室，拿票等了幾分鐘。以前很不喜歡坐在餐廳桌與桌之間的位置，感覺既擠迫又老尷，現在疫情下用圍板檔隔着，其實也多了私人空間，疫情過去之後其實可以考慮保留此等措施。近來經常吃飯，因此即使看到麻辣口水雞飯、吉列魚柳蛋包飯或者蔥油豬扒三眼仔煎蛋飯，都不為動容，因為叫這些日子都吃得多飯，因此點了個蔥油脆炸雞髀配瑞士汁撈麵。小碗例湯是有雪梨在內的，雖然看似沒有什麼湯渣，但是味道都夠濃香，不像是混入了太多水去溝淡。雞髀有點蔥油在面頭，但內裏的瑞士汁不算太過入味，因此就只有淡淡的蔥油未以及輕微甜味；反而撈麵，質地彈牙啊，又有點瑞士汁以及蔥油拌起來一起吃，味道較為惹味，而且份量不像只有一個公仔麵，夠多夠飽的。不過細心品嚐，就咁焗雞髀，雞皮煎得夠香脆，但是內裏的雞肉有點兒偏乾，而且不算太過入味，還是要靠其他碟上的豉油汁或是蔥油去配合調味。畢竟都叫做收你50多元，這個份量才夠飽才合理。鴛鴦走的味道亦都相當不錯，奶茶與及咖啡的味道配合在一起，沒有一款比較搶，煉奶亦都不見得太過甜。

Shopping 🛍 Shopping 🛍 差不多9點，突然好肚餓，立即揸車由東涌飛去沙田...「時代冰室」👍🏻一入到餐廳姐姐即刻問要唔要飲湯，真係warm到不得了,老闆蕭生話飲湯好緊要㗎😆老公order 三眼仔豬排飯，超正呀，睇到都流晒口水，豬排厚厚的，三隻流心蛋.....不得了👍🏻由於我正在進行減糖飯，所以選擇了all day breakfast 🍳 有芝麻沙律醬的沙律菜，司華力腸，厚厚豬扒，牛乳炒蛋，薯餅，仲有熱辣辣的牛角包，加埋一杯最愛嘅熱奶茶👍🏻

中午1:30pm左右首次光顧，見全篇幅的餐牌介紹厚切豬扒系列，點了一份厚切豬扒 伴三眼煎蛋飯（這款還有雙拇指及No.1獎牌，如圖），發現豬扒完全沒有厚切的感覺（如圖），而且豬扒太乾及硬，於是找了一位店員問他：’這真的是餐牌推的厚切豬扒嗎？‘ 店員很有禮貎地回覆：’可能廚房出品有點差異‘，我再問他是否覺得這是厚切，感覺他也有點不好意思，他回答：不算是。其後店員很有誠意地說給我多做一塊，但本人對於廚部被要求重做的食物實在不敢恭維，而且對於那附有雙拇指和奬牌的圖示感覺被誤導，幸好這還是第一次、亦是最後一次光顧。😔

是咁的 夜晚同屋企人興起出去食飯 咁就去試吓黃店 我本身嗌完等上菜都好期待 點知個服務質素係我期待以下都幾多下😹 我地2個人嗌左三個樣野食 最先嚟係個沙律 個menu就係寫住有紫薯仔嘅 嚟到發現係冇紫薯仔嘅 咁算啦 就問佢要番啲紫薯仔啦 到塊扒 話左跟意粉 嚟到個陣係得塊扒冇意粉 咁我又舉手問啦 個類似經理都話咩事啊佢地咁樣 咁過左幾分鐘就嚟左意粉 係得啲色冇番茄味嘅意粉 咁都算啦 到個雞湯 又落單計起九個字都未上 咁呢樣我都會體諒下嘅可能佢地要啲時間去處理啦 我唔知😹 如果佢燉雞湯太快就上到都會覺得奇怪 不過奇就奇在我問完個雞湯係邊個類似經理就即刻上左比我 食緊個雞湯嘅時候又上多一個雞湯比我 同屋企人真係笑左 我自己都做飲食業 都會係上菜前quality check一下 睇都漏咩即刻同廚房講總比上左菜之後比個客發現好 呢樣應該係基本🥴 我自己好想黃店多啲人幫襯 但係而家有唔少黃店嘅服務同食物質素都真人未盡人意 覺得可惜☹️

呢間💛冰室屋企人話好食仲經常特登去幫襯，而早排因為wfh終於試到佢🤩雖然疫情關係會少左人出街食飯，但每次幫襯呢間冰室都總會有好多人係門口等位👩🏻‍🤝‍👨🏼👭 好彩佢可以用排隊app，咁樣大家就可以預返時間拎飛唔洗係門口聚集啦🙆🏻‍♀️.冰室餐牌有唔少選擇，大部分配搭比較少見而且大件夾抵食，搞到我近排食上癮每星期要食返1-2餐先夠喉🤣******************************✨傷風感冒餐🍴($48包飲品)叫得做傷風感冒餐，自然會顧及病人既營養需要💁🏻‍♀️ 粉麵係特濃蕃茄意式雜菜通粉🍲，可以揀火腿/滑雞，飲品就係驅寒之選既熱黑糖薑檸蜜☕️ 滑雞🐔係一隻雞髀🍗既切件，肉質幾滑有d似海南雞；蕃茄湯底🍅 並非用茄醬/茄膏煮成而係用鮮茄熬製，但因為滑雞本身帶有油，湯底難免會油左少少🤏西蘭花、紅蘿蔔粒同蕃茄份量都幾多，比起平時茶餐廳既粉麵餐完全無蔬菜，呢碗通粉絕對夠晒健康💪🏻套餐有跟火腿奄列🍳+牛角包🥐/3.6牛乳炒蛋🥚+牛角包🥐，奄列正正常常無特別；牛角包口感就偏淋唔夠香脆，普通食ok但如果用西式麵包店出品既牛角包黎比佢就差左d🙈-✨全日歐陸早餐🍴($53包飲品)主角可揀板煎蜜糖雞扒

其實已經係第三次過嚟食，之前兩次冇乜特別，我都唔會出聲。但係今次真係完全超越左我可以接受嘅範圍。呢個韓國豬肉泡飯，落單嘅時候根本冇同我講要行20分鐘以上。咁算啦。 我問咗佢三次終於出嚟，總共等咗35分鐘， 咁味道係點樣？我可以用災難级形容可能其實我叫錯咗，係一碗韓國「豬食用嘅泡飯」白米，鬆散冇力貧弱，我都好耐都冇試過食啲咁垃圾嘅米飯🍚。所有豬肉一坺嘢，原本一一片一片嘅豬肉，因為over cooked, 變成一團鼻涕紙巾, 口感就好似牛皮紙咁樣。蘿蔔，細細塊，而且我真係未試過可以食到一個冇蘿蔔味冇甜味嘅蘿蔔。豆腐，可以用豆腐渣去形容。湯底，不知所謂，只係覺得紅色嘅湯。冇韓國豆瓣醬冇辣椒乜嘢都冇，我唔知點樣形容俾你聽呢間舖頭居然排隊排到出門口，真係侮辱咗黃色經濟圈。真係比狗都唔會食，買單$62。唔信嘅話你哋自己試吓

係新冠肺炎祈福間每日煮三餐已經三個半月接近四個月了，所以決定今個星期買外賣食休息下，今日試吓時代冰室其他菜式👇1. 楊州炒飯，$56，我鍾意佢有啲翠玉瓜粒粒，仲有火腿絲雞蛋絲和蝦仁、小小叉燒，雖然蝦仁係用急凍處理過的點樣煮都會好彈口的蝦仁，但係材料組合很好，炒飯炒得好靚，粒粒分明，煮飯用的米質素也不差。每人分了一半都有¾個飯碗。跟埋嗰個麗湯好好飲，撇去肥油，只有半碗。凍檸茶少甜好飲，好過大快活及大家樂的。2. 瑞士汁雞中翼（有兩隻），$28，講到味道都OK，但係當然唔及太平館，而且有啲過稔，顏色也偏暗啞。

尋日第一次幫襯左食咗一個非常之美味的早餐之後，今日忍唔住再嚟食一次，我自己嗰份喺餐廳食，爸爸食嗰份係外賣嘅👇1. 蕃茄雞扒湯烏冬拼炒滑蛋牛油多士及凍檸茶少甜套餐 $44，抵！雞扒好大塊而且剝了皮，蕃茄湯好特別因為有埋薯仔粒及紅蘿蔔粒，而呢啲粒粒唔會太稔，幸好沒有西式香草，所以唔會有陣怪味，因為要烏冬所以加了$5才$44，這個很好味！但係炒滑蛋牛油多士啲炒滑蛋就不及大快活快餐店同埋百份百茶餐廳及翠華餐廳，牛油多士麵包的邊緣位置是乾的，我寧願好似尋日咁叫餐包煎燶邊太陽蛋。今日我想試吓佢嘅凍奶茶少甜，味道都唔錯但係有少少苦澀，所以不及百份百餐廳，但係又好味過大家樂同大快活！2. 外賣蔥油滑雞雞湯公仔麵拼窿邊煎太陽蛋牛油餐包仔，$32，阿爸話啲蔥油滑雞太多骨冇乜肉，而且件數不多，都係尋日嗰個厚切豬扒湯麵$38抵好多同好食好多。好彩我試咗炒滑蛋麻麻所以叫咗燶邊煎太陽蛋牛油餐包仔俾阿爸。因為爸爸鍾意呢度啲凍檸茶少甜所以我叫了這個給他，不過好飲得來又不及百份百餐廳部份分店最近推出嗰隻味道好，不過又好飲過大家樂同大快活！

今日父親節原先諗住係屋企整上湯龍蝦伊面，後來改咗不如試吓呢間係沙角商場開咗冇幾耐嘅冰室的晚餐，爸爸話疫情還在所以叫外賣👇1. 鰻魚炒飯 - $68，味道非常好，特別係炒飯用嗰個鰻魚汁，雖然不及沙田帝都酒店日本餐廳的鰻魚飯做得超級出色，但係同區這個質素及價錢是絕對超值的！係樓上鄰居推介叫我試吓嘅！總共有一碗半的飯。2. 半隻沙薑雞套餐，$88，廚房職員將浸熟隻雞嗰啲湯汁放在裝雞的盒入面的¼，所以啲雞唔會太乾，雞頭打橫的斬開了一半，廚師好像要話我知隻雞是完整的！😄 昨日食早餐的時候攞咗一張很大的餐牌返屋企睇，原先諗住叫一隻豬手但係到餐廳的時候收銀員話今日冇豬手，反而原來佢哋有一個每日的晚飯餐牌，其中沙薑雞有得選擇是例牌半隻還是全隻，爸爸覺得隻雞嘅肉好鮮甜，好鍾意食！呢個餐原來跟一碗白飯，變咗碗白飯要留返第日用來煲粥或者炒飯。半隻雞還跟着兩棵大的小棠菜開半，可以不用叫烚菜（原先諗住叫蟲草花上湯浸娃娃菜，但係收銀員話沒有）。兩個餐都跟一模一樣的例湯一碗（其實size只有半碗，但係變咗食埋啲餸同飯唔會太飽，啲例湯撇左油的，阿爸話好好飲！每人一杯凍檸茶少甜味道也很好！合共$156，即是每人$78，

OMG！我屋企附近沙角商場開咗間黃店叫做「時代冰室」，經常排長龍，裝修摩登，室內有很多港產電影的展板，扮到成個港式Planet Hollywood咁，今朝我喺嗰度食咗一份早餐，係沙嗲牛肉公仔麵牛油餐包仔煎太陽蛋套餐，跟杯凍檸檬茶少甜，係啲沙嗲牛肉上面有油爆香的乾蔥絲，啲沙嗲牛肉好味得來唔夠百分百餐廳的好味，因為沙嗲牛肉的味道比較濃，所以加咗用油爆香的乾蔥絲都唔多覺；煎太陽蛋係窿邊嘅好正好靚；牛油餐包仔都唔錯！$37。外賣左呢份$38嘅厚切豬扒公仔麵拼太陽蛋牛油餐包仔早餐俾老竇，阿爸食得好開心，佢平時話唔食雞蛋又話唔食雞蛋黃，今日佢隊晒兩件太陽蛋，嗰塊厚切豬扒好似我塊面膜咁大，公仔麵同豬扒跟湯分開包裝，所以拎到返屋企啲面都唔會太稔，阿爸仲話杯凍檸茶少甜好飲，而且甜度啱啱好！食完呢個餐，我哋今日嘅午餐要食輕怡的了！塊豬扒夠稔，係一般幾十年以來茶餐廳舊的煎豬扒味道，有重拾過往精彩歲月的感覺！爸爸大讚！正如店舖之內的一句口號寫着「無論時代點變，味道依然不變」。當我堂食的時候發現有很多人買外賣亦有外賣送餐手機應用程式平台網上外賣平台及網上外賣平台的外賣員取單。如果我今朝唔係咁早去食，睇怕排隊都排

嚟到沙角長期排隊嘅茶餐廳，好彩有排隊app，建議提早經app拎飛。叫咗個無骨海南雞飯，賣相非常麻麻，皮肉分離，肉質一般，一分錢一分貨啦，不過冇收加一。 宜家疫情卡位四人座兩個人要坐埋同一邊，中間隔開透明克力架板。可能有D逼，不過為咗健康著想，都好理解。

二零二零年五月十八日星期一晚上六點半黎到沙田沙角邨新開嘅"時代冰室"黎到已經有幾個客人等緊外賣今晚一個人食就易搵位 㩒左飛 無幾耐就有位晚餐餐牌款式都有好多 當然都係要先探熱後入座炒粉麵 炒飯都係$58 起是日例湯：粟米紅蘿蔔豬骨湯無乜味精 估唔到又夠熱辣辣蔥油厚切豬扒配叉燒炒蛋飯$62超厚超大豬扒係有炸過 熱到不得了質地又唔會過硬 仲有加左好多蔥油好香口啊炒蛋好滑 叉燒一絲絲 份量完全係大滿足包住有甜豉油撈埋嘅飯好熱血嘅味道暫時只收現金

住喺附近一於幫襯下咁有日下午就同屋企人去試吓食餐廳座位呢都OK餐枱有個櫃裝好晒餐具調味料都幾齊全個餐牌都好多嘢食我哋揀咗炸脾加$5通粉另外在叫咗焗豬飯同埋豬扒炒烏冬首先上咗個通粉先一見到個通粉嚇親係細到嚇親其實不如加多少少錢俾返個正常份量嘅通粉啦但個焗豬一上就見到係冇黎色水好少汁又好少芝士試吓塊豬扒淋到嚇死應該係落咗好多鬆肉粉唔使咬都冇得開個飯又唔香最後食唔落最後就上咗個豬扒炒烏冬我開頭以為有兩舊係薯仔嚟因為個面油令令得好緊要喎點知一反轉原來係一舊超級多肥膏嘅豬扒我切開係有一半都係肥膏其實成碟野切埋有一半都係肥膏炒烏冬冇問題除咗癡晒底本來以為嘢飲都好正常因為杯凍檸茶都OK但係熱飲完全唔熱餐湯係跟啲正餐嘅但係每一次上完正餐要叫先比餐湯仲要係我屋企最冇飲食要求嗰個都話好難飲黃只可以靠一時務必改善質素

夜晚阿媽唔煮飯，佢話要去時代食，成家係黃真係好🙃夜晚9點都排左10分鐘到，無傷肝，阿媽話要食麻叫左邪惡嘅焗豬扒飯，真係肥死我，但好味又俾我食晒，芝士味濃，配上番茄汁點可以咁邪惡😂阿媽叫咗鐵板肥牛飯，熱辣辣嚟到，牛肉份量都唔少，阿媽話好食，仲有少少飯焦，脆卜卜，再配上少少芝士，加多幾分環境以70，80年代電影為主題，帶你入到香港盛世嘅時代，牆上仲有舊時嘅電影海報，我諗真係我哋啲80後或以上嘅老野先識！食嘢時，見到都多學生哥，後生細仔，再望望呢個年代嘅香港俾咗啲咩我哋嘅年青人，係一個又一個嘅失望，盛世時代唔同真係一去不返？我希望唔係，只要大家努力地活著，再齊心合力，總有一日見到光明🙂

啱啱開張第二日，下午三點半來到都要等大約半個鐘先入得，好多人係門口等位😆下午茶餐都有好多選擇，有麵有飯有小食，價錢都幾平民化👍🏻揀咗招牌蔥油厚切豬扒三眼煎蛋飯，見到三隻蛋真係好誇張😂下午茶來講份量都好大，塊豬扒幾大塊，幾淋，個汁做得唔錯，甜甜地好惹味，加埋啲蛋黃食，正！鐵板牛肉炒意粉，熱辣辣出晒煙，份量好多，味道都夠既，唔會太鹹。餐廳slogan 的確係幾吸引人👍🏻叫兩個餐三個人食都夠飽，$100都唔洗👍🏻P.s.座位間頭頂盞燈太光，有啲殘眼同埋有啲熱😂🙈