時代豆業

营业中

休息中

早前，在銅鑼灣的一個飯局，“超級女” 食友送上購自銅鑼灣堅拿道東 <時代豆業> 的菠蘿餅，多謝她的小心意！菠蘿餅打開包裝袋，香甜的菠蘿香氣即時湧出來，令我也忍不住要拿塊來食！一包 20塊，個子的骰，花花的圖案外型， 中間的菠蘿醬餡料很飽滿！ 入口餅身鬆脆，菠蘿醬則酸甜有致而煙韌！作為早餐或下午茶也不錯！

友人在時代豆業，送了一包傳統懷舊小食菠蘿夾心餅給小妹。透明塑膠包裝袋設有密封口，挺方便存放。花型的菠蘿夾心餅迷你的骰，一口一粒，香脆餅乾內，夾著甜美煙韌且微帶酸香的菠蘿蓉，頗有鳳梨酥的影子，好吃!

每次經過銅鑼灣都會對呢間時代豆業望多兩望，一來佢哋開到好夜，二來佢哋櫥櫃入邊嘅糕點好吸引。見到佢哋賣＄15 3件中式糕點(任意選),^_^ 心諗乜原來而家係時代廣場附近嘅鋪頭，仲有得賣的咁平架咩。旁邊嗰度魚蛋檔都可以賣到＄20。我行左過去同老闆娘傾左兩句，当老板娘指他們只用菲律賓芒果，和每天人手新鮮差糯米皮嘅同時，我買咗三件充滿人情味的糕點。我要介紹嘅係佢個芒果糯米糍！老闆娘經過改良後^_^，整咗size 較大嘅芒果糯米糍, 滿足一班鍾意食糯米糍嘅粉絲。新改良嘅糯米糍除咗體型較大之外，芒果亦較多！但我最欣賞嘅係佢個糯米皮！ 果種糯米口感十分QQ , 糯米皮亦加左芒果嘅成份 ！ 好味！唯一我以為老板娘可以改進嘅地方係個芒果可以用全塊芒果，增加口感！一想到香港已經越來越少這一些良心經營嘅獨立小店，就開始懷念從前的香港，那個充滿地區特色的香港。

又黎到銅鑼灣，當然要食下時代豆業既糕啦。 呢次買左三件糕，用左15蚊。 泰式千層糕有蔗糖味，又有咬感又凍凍地，透心涼呀! 白糖糕就甜既，唔會酸，同埋係軟既，證明係質量好既白糖糕。 抹茶千層糕都係又軟又彈，好有口感，但係今次既抹茶味就太濃喇，所以失色左d 。

係行去地鐵站既期間，見到呢間店，即刻買左幾件黎食。 15蚊3件，我買左千層糕，抹茶千層糕，同埋紅棗糕。 拎上手，手感好得意。 三隻糕都好彈口，又凍既，口感好正!! 千層糕就有種焦糖既甜味，抹菜千層糕就有淡淡既抹茶味，紅棗糕就好香紅棗味，好似食緊紅棗咁香，讚!!!!

今日經過銅鑼灣看到這毫不起眼但有特色的傳統糕點小食立刻試試！糯米糍外皮好軟，但料太少，不過也算好味道！雞屎滕咸的，本人不太喜歡，芋頭糕冇味道的茶粿及其它糕點味道也普通，沒有什麼大驚喜！

無意間在上堂間隔看到這間小店，為圖方便買了幾塊糕點，不想真是很驚艷👍🏻👍🏻👍🏻😋所有糕點都是自然清甜，估計沒什麼添加劑～傳統芝麻卷味濃而有嚼勁～齋菜腐皮卷回味十足～菊花糕也是用足原料～再來一瓶無糖薏米水，簡單快捷一餐真是大滿足

呢間中式甜點店我都鍾意幫襯！因為款式多，味道都唔錯，呢間店只可以外賣自取，因為只係一個櫃枱闊嘅小店！個櫃枱超高，買嘢好似塊搵「二叔公」咁！而中式甜點中，我最鍾意紅豆同芝麻！今次買芝麻卷，細個塊酒樓一定叫呢款甜點，我們叫佢做「菲林」因為黑媽媽一卷！不過唔知點解，而家去酒樓已經無呢款甜點！返屋企打開個袋，兩條芝麻卷尺碼差成1/3，好似比人偷食咁！$8一卷，比以前酒樓嘅大卷好多，食兩卷都應該食唔落飯，味道就唔錯，我哋喜歡將個卷攤開成一塊咁慢慢食，好似食紫菜咁！不過係彈牙嘅紫菜！唔會過甜，中間仲夾雜住啲芝麻碎！帶芝麻香，食完成棚牙一點點！唯一一個女店員，負責收錢同袋食物！好爽手！

沿著小路正打算轉右走到midtown一睹人氣意大利名廚之小店之時，經過一完全不起眼的糕點小店門前只有一個小雪櫃，內裏整齊地放著一件件小糕點，例如：砵仔糕、芝麻卷、西米糕、砵仔糕、香葉千層糕、馬蹄糕、黃/白糖糕，還有多款不同口味的糯米糍及茶果等，大部份價格$15/1件，$15/3件，以今時今日銅鑼灣租金高昂的地段下，還有這種小店，實屬難得而雪櫃旁邊就擺放着一些懷舊小吃，較特別的是薏米餅，菠蘿餅及雲片糕等～於市面少見～不過還是糕點類較為吸引我，這次還是主力買糕點吧～泰式九層糕（$15/3）、杞子桂花糕（$15/3）、芝麻卷（$8）泰式九層糕口感煙韌，椰汁味不算濃郁，甜到適中，但有強烈香葉味，本人不太喜歡這種香料，所以對這個一般. . .杞子桂花糕杞子很少，只在糕邊位置剛好有一粒粘著，還帶點苦味，顏色亦頗為沉色，完全沒有晶瑩剔透的感覺，而且桂花味不算香濃，細嚼時，質感較為硬身，質素真是一般. . .還是比較喜歡入口即溶，味帶清甜的杞花糕～芝麻卷圓圓的一卷卷賣相吸引，不算太甜，口感軟滑但重要的芝麻味卻欠奉，而且口感層次感不夠分明，所以有點失望奶皇糯米糍 （$15/3）可能由於天氣太熱既關係，試

隨著年代的改變，為了迎合及吸引更多的人，食物也不斷推陳出新，一些舊有的特色小吃也就此逐漸被摒棄掉，那是一件令人十分惋惜的事。位於銅鑼灣的時代豆業，店子小小，賣的全部都是一堆糕點還有幾款餅乾，而它賣的卻不是現在外表精美恰人的蛋糕，餅乾也不是些花巧味道造型有趣的餅乾，它所賣的，全部都是一些舊年代的小吃。這裡的糕點大部份現今都比較難找到，例如茶果等等，即使有也難以做得好吃。芝麻卷 $8/1卷Sesame roll8元一卷厚厚的份量不少，黑芝麻香氣充足用料充實，用手輕觸指尖盡是芝麻粉末，而且也沒有討人厭的超級黏手，便宜又好吃，趟若再經過此店定必會再購買呢。

自己都鍾意買中或甜品食！因為唔涷，原料又好像健康啲，肥髀都好鍾意食！好多時都在呢間賣，首先因為地點最近我搭車，第二因為款式好多選擇，食過幾款都唔錯！店面好細，只有一個玻璃櫃，只可以外賣，而且櫃位好高，每次都有去當舖嘅感覺今次買糯米糍，$15三件，可以唔同味道，我揀咗芒果、紅豆、芝麻，我自己食紅豆，外皮好薄，裡面有軟綿綿嘅糯米糍同紅豆餡，味道唔會過甜，好鬆軟，如果紅豆餡可以多點仲好。其他甜品以芝麻卷都係「賣飛佛」平時成日排長龍，今日難得無人排！個店員服務正常（都係袋好收錢）

是晚去睇戲，想起久未去幫襯的時代豆業，就繞道前去。不愧是人氣名店，門口大排長龍，有本地客，也有內地遊客，大家均每款件數件數件的買。除了鎮店名物芝麻卷和豆漿外，還有各款西米糕、砵仔糕、茶果、糯米糍、千層糕、菊花糕、馬蹄糕和白糖糕等，糕點均一價，一件六元，十五元有三件。芝麻糯米糍$6/件是小妹吃過最讚的，也是最新鮮的﹗薄薄一層的糯米皮是超級的煙韌且軟糯微黏，啖啖麵粉的香味，配合內層炒得甚香且濃味的芝麻餡，煞是滋味﹗吃罷，齒頰留香。相比下，千層糕$6/件顯得較為遜色了。咬下雖是煙韌非常，嚼勁十足，但味道一般，未夠突出，幸不太甜膩。早知要泰式九層糕好了……以透明膠袋獨立包裝的豆莎燒餅 $6/件成為了第二日的早餐，咬下仍香糯煙韌非常，豆莎餡也幼滑香甜，再加上芝麻香，水準可媲美旺角傳統老餅店之作

經過銅鑼灣時代，再光顧時代豆業。我最愛的糕板售罄，不想空手而歸，所以買了一件芝麻卷。芝麻一顆一顆平均分佈整件糕點，每一啖都吃到淡淡的芝麻香。芝麻卷那種微甜和軟滑的口感，暫時想不到有什麼東西可以替代。芝麻卷　．．．　下一次再搵你

光顧了時代豆業無數次，這是我第一次為它寫的食評。是次買了以下三款糕點 ($15/3件)：1. 糕板糕板是我的最愛，每次經過時代豆業我都會買幾件回家品賞。糕板是客家人常吃的糕點，又稱為喜板。它的主要材料是糯米粉，所以口感十分烟韌。它雖然外表平平無奇，但是那種甜甜的感覺真叫人再三回味。 2. 雞屎藤茶果茶果也是客家人的糕點，有咸有甜，而時代豆業賣的是微咸的雞屎藤味道。雞屎藤是一種藤草植物，風味獨特，相信不是人人喜愛。與糕板一樣，茶果也是以糯米粉為主要材料，但它比糕板更為烟韌。雖然茶果體積細小，但比較飽滿和難消化，吃一件茶果跟吃一碗白飯一樣飽肚。 3. 發糕發糕是客家過年的應節糕點，但時代豆業的發糕有點像廣式馬拉糕。味道偏甜，比馬拉糕重身。我還是比較喜歡傳統的馬拉糕。

說話呀妹話喱間既花生糯米糍好好食 於是我差5多日日放工都去買黎食有一次 買左雞屎藤 味道奇怪可能我食開大澳"隱姑茶果"既雞屎藤 小小甜幾好味點知喱間竟然係咸 完全5好食!!!再有一次收工 落大雨 我都走去買喇 其實佢D花生糯米糍甘夜多數已經賣晒不過都碰下運氣甘喇當我行到去個時 望1望平時擺花生糯米糍既盤 睇落好似冇晒喇喎(由於佢係紅豆糯米糍同花生糯米糍 擺埋同一個盤)但我都問問個女人喇仲有冇佢話有 甘我話要一個花生糯米糍 一個紅豆茶果 同 一個砵仔糕買完行到去車站 先發現佢比左紅豆糯米糍我 甘我行番去搵同佢講 諗住換番比我喇行到埋去 見到個男人 個男人話無晒喇喎 食奶重糯米糍或者花生茶果(無禮貌mode)個男人完全無覺得唔好意思同無道歉!!!!不過算喇 甘我最後要左花生茶果一食就嬲!!!!! 真係好過份 個皮竟然厚得甘緊要我而後都唔會再買喱間野 比錯野人又無誠意 其他$15 3個都唔算平嫁 人地其他店都係賣$10 3個仲好食過佢!!