時代豆業

营业中

休息中

近年愛上了豆漿，因含豐富鈣質對骨骼好，所以早上經常喝一杯豆漿才出門。尤其是黑豆漿，簡直令我瘋狂，昨日經過這兒，又被雪櫃內的黑豆漿吸引著。買了兩樽黑豆漿（$15兩樽），一樽有糖一樽無糖，今早試了有糖的黑豆漿，但有些兒失望，因為味道十分普通，跟維記十字牌的豆漿差唔多，反而十字牌的黑豆漿味道更濃郁。下次應該不會再來買豆漿喝了，不過都想試一試這裡既糕點，因為每次經過都見到有人排隊購買。

豬皮蘿蔔?西多士?喳喳?蛋撻?pizza? 統統唔岩！今期既下午茶係時代豆業的糕點。買了砵仔糕同埋馬蹄卷回來。砵仔糕偏甜，算多豆，豆也幾鬆化，不會死實實的，味道合本人口胃；反而，馬蹄卷就認真一般，完全冇清新既味道，馬蹄粒雖多，但談不上爽口，總之配搭起上來是怪怪的。我吃了幾啖，也要放棄。馬蹄卷不合口味，下次試試佢既白糖糕同埋芝麻卷，希望唔會令人失望。

去開始遊食4站前, 先0黎呢度熱個身, 其實只因上完日文覺餓, 求其路經此地要個糕板頂住先個糕板OK喎, 唔太甜, 煙煙韌韌有D口感, 唔錯~

平時一向都只會選擇馬蹄糕的,因為鐘意那份爽口及清甜,食完唔會個口好"lub"咁．上次試其他口味點知就大失所望，買了一個砵仔糕，白糖糕，同埋眉豆茶果，個砵仔糕沒有那種黃糖味道，白糖糕太”爛”整件糕面都沾住個膠袋，最差係個茶果，可能係用膠袋獨立包裝，有一陣酸味同埋”滑散散”咁，認真核突．另外某些店員態度麻麻，有次更見到有隻蒼蠅係個糕點櫃裡面．自從加價之後，由本來＄１０／４件－－＞３件，連糕厚度都薄，咁即係又加價又減份量，所以幫襯次數隨著這些原因都愈來愈少了．

或者我慣/喜歡食得清淡一點...今次幫襯了的3樣糕點對我0黎講都偏甜...!綠豆糯米:因為綠豆的"綠"字, 這糯米便被染成綠色...我還是喜歡佢平實一點, 白雪雪的賣相配上綠豆蓉便足夠了.講返件, 個糯米皮的TEXTURE都做得OK 0既, 唔黏牙, 唔RUBBER, 是中規中矩之作~不過我認為太厚了...再薄點會更好! 豆蓉餡好甜(個人意見)!!不過有點點的流沙狀, 雖然佢係涼的.紅豆糕:好奇怪的面和底...為什麼也是綠色的?? 看落去...請恕我的形容倒人胃口...顏色像史力加的鼻涕...食落粒粒紅豆的, 這點倒不錯, 但整體口感很有一種明顯下了魚膠粉的感覺, 這我不太喜歡, 還是喜歡從前在長洲吃到的紅豆糕, 感覺是很實在的紅豆和紅豆蓉的混合, 沒有用魚膠粉黏合的感覺.椰汁糕:是班蘭吧. 煙的口感是存在的! 不過...班蘭味倒是不太吃得到...相反我只吃到很多糖...因為好甜...(個人意見)我想我不會再惠顧他們的糕品了...真係好甜>.<

食完蛋白卷飽0左7成, 但又想繼續咬下0野, 見平時行經此小店都未幫襯過, 於是買件糕試下~眉豆糕:都煙0既~仲有點黏tim. 眉豆好夠~! 唔太甜呀, 我鍾意! 不過4蚊一件...貴0左d...下次個肚有位就10蚊3件試下先XD

杯豆漿幾有豆味唔會好甜見到好多人買一樽樽豆漿$8 樽$15 2樽但d紅豆勁硬完全唔淋個胃唔好ge人食完好有可能胃痛好失望呀!

阿M行經幾次都未買過黎食，今次再度經過，見ｄ糕糕咁吸引，於是就買左三件黎試下：－千層糕，唔太甜，好煙靭；馬蹄糕，好多馬蹄，有口感；眉豆茶粿，鹹鹹地，好味．我下次經過，再買過其他黎試下先．

$10/3 唔算平，要左雞屎籐，雲片糕，糯米糍．雞屎籐完全無雞屎籐味好似食緊糯米粉團／湯圓皮咁......唔得．雲片糕味道好怪又實，以前食過雲片糕，好似唔係咁喎......唔得．糯米糍唔難食囉．$10買左一件糯米粉團／湯圓皮，一件怪味粉糕，一件唔難食糯米糍，都幾貴............

短短兩個星期, 我已經再買多兩次了.愛上了呢到的紅豆豆漿同紅豆糕, 好香紅豆味, 尤其是豆漿, 飲哂成杯都仲有好多紅豆響底. 細細粒好有咬口同埋好甜. 杯豆醬就好細杯耶可唔可以加大ga其實, 啜左兩啜就冇哂喇.芝麻卷真係超級大條呀, 芝麻味唔係好濃不過幾香.因為兩次都太飽所以冇食到眉豆糕, 不過朋友食左佢話仲好食過紅豆糕喎!

朋友買左一盒糕點，有砵仔糕同白糖糕，無可否認兩樣都甜左d，啡色砵仔糕完全唔香片糖味，依個麻麻地。不過我覺得白糖糕幾好呀，唔會酸，口感軟熟。我自己經過幾次見到好多糕點選擇，朋友仲話好多人買茶果，有機會都買個來試下先

星期日臨回家時買左d糕點回家食...$10有3件我就選擇左馬豆西米糕; 花生茶果同埋芝麻糯米滋...點知回家食十分之失望...其實上次買過回家食覺得好好味今次先再買來食..點知無一樣糕點係好味...唉...bad list

妹妹同事請她食砵仔糕,我強行搶左白色試下,點知勁甜,唔我口味啊

屯門新墟有一間都係叫「時代荳業」，我係俾呢間分店(suppose係)評語。試o左雲片糕($3)~每次經過望見都覺得佢個texture會似椰汁馬豆糕：2片白色o既糕夾住一層薄薄地黃色o既糕層。食落先知原來係好有口感！外面白色o既好似乾o左o既棉花糖，甜甜地，中間就應該係一般甜糕饀。唔難食，不過就無令人一食想再食o既衝動，所以我食o左半個就掉o左lu~仲食o左綠豆糯米糍($3)，so far食o左幾間糯米糍，覺得係有2種唔同style：一種就真係煙煙un un，一種就好似奇趣o既香蕉糕咁，一食唔痴牙，咬落去淋身甜到爆。我覺得2種無話邊隻好d，好睇個人口味。呢間係後者，咬開綠色o既糕身見到o既係好靚仔o既綠豆蓉。正~$5/2件，不算貴但我又唔覺要用「抵食」形容。

食完晚飯經過呢度就順便貪得意係到買d糕試吓。買左砵仔糕，雲片糕&泰式九層糕。砵仔糕ok,起碼夠豆豆。雲片糕就第一次食，但係唔係咁喜歡。質地咬落幾硬，好似食緊紙皮咁，又有d似厚穀殼麥片咁。泰式九層糕食頭嗰幾ロ都幾好，yin yin un un 咁。但係越食越甜，最尾食左半舊就甜到食唔落。本人覺得如果佢地d糕點可以唔好咁甜就好好多。亦見到有蚊zi係個糕屜裏面免費咁品嘗D糕點.