時新漢堡飽 (已結業)

一直都好鍾意保留港式風味嘅快餐店，時新係黃埔重開之後，店面樣貌無左以前個種舊式風味，但幸好食物仍然有香港懷舊特色。雙層漢堡芝士蛋飽當然要食呢度嘅招牌漢堡，牛肉嘅質感好彈牙，唔會好硬同乾真真，食落都幾juicy，再加上秘製嘅時新醬，混和於漢堡、芝士與蛋之中，牛肉味、芝士鹹味與時新醬嘅酸酸甜甜，口味豐富，食落啖啖都好正好滿足！薯條薯條係好有香港本土特色嘅波浪紋薯條，最重要佢係即叫即炸，新鮮滾熱辣，香脆好味！野飲品就叫左杯凍朱古力

今日又帶小朋友出去玩, 黎到黃埔就去左時新食漢堡包, 我地去到既時候過左下午茶時間, 又未到晚餐, 以為人客唔會特別多? 其實去到只係得返吉枱2-3張。😏去時新緊係要食佢地出名既漢堡包。見佢地有三個套餐都方便我呢d選擇困難症既人。套餐有二人餐, 親子餐同兒童餐。其實個二人餐絕對吸引我, 只係餐牌上果個雙層漢堡包令到我心大心細。結果個雙層包win✌🏻,散叫左成枱食物, 收銀姐姐仲推介左炸雞翼 😍 好滿足。- 雙層雞蛋漢堡包配時新醬- 雞扒包 配時新醬- 鹵水雞脾-炸雞粒-薯條-炸雞全翼-生果沙律佢呢既包係可以選擇要乜醬既, 知道佢地既時新醬 (沙律醬) 係特制, 緊係試下。時新醬食落去唔會有酸味, 同塊漢堡好夾,一咬溶係仲會有小小肉汁流出黎, 入面既肉好嫩滑 😋 , 又香肉味, 同M字漢堡包冇得比。雞扒包既雞係炸既, 雞肉岩岩熟好滑, 同個雞扒邊炸粉岩岩相反, 外脆肉軟 😚其他小食都好好味, 由其炸雞翼，收銀姐姐冇介紹錯👍🏻呢度絕對會再黎食過❤️

未搬新店之前 每次去紅磡都會食佢哋嘅漢堡今次係第一次去佢哋嘅新店比以前算寬敞新淨左每次都嗌嘅漢堡加蛋同芝士一咬落去嗰種回憶嘅味道返晒黎啲肉都仲係咁juicy再加埋啲醬料 同芝士 無得頂！雖然而家有好多新嘅漢堡店 但係呢種小店嘅味道 係無可取代

其實我細細個已經聽過時新漢堡包呢個名，聽問聞佢啲漢堡包非常好食。好耐以前我已經好想試，不過以前交通冇咁方便，所以一直都無食過。最近同朋友傾開原來佢同我都係一樣好想試，大家約埋一齊去黃埔食。而家交通好方便，有地鐵啦。餐廳環境都幾寬敞，坐得都舒服 ，餐牌有好多食物選擇，價錢仲好大眾化，食得飽飽都所費無幾。囡囡叫咗兒童餐，有細包維他奶，薯條，漢堡包同一個啫喱仔。我同朋友就叫咗雞翼，沙律，羅宋湯一齊分享。羅宋湯好味道，少少辣辣地好開胃。我點的是雙層芝士蛋漢堡，選了牛肉，牛肉好香濃牛肉味 ，好juicy，配時新醬酸酸甜甜，非常惹味，難怪咁多年，時新都係香港人心目中經典嘅漢堡包。

同朋友行開紅磡，唔知食咩係度閒逛既時候，突然就見到一間好sharp但又好out school既 logo😂望清係咩，就睇到係賣buger既食店，即刻唸返返學時代，係學校附近餐廳食既A,B,C餐😚。所以即刻去懷舊一下。佢既一d 餐仲有得選醫汁😋地方都好寬敞👍我點左單層漢堡+芝士要茄汁個塊漢堡好juicy😋另一個就叫左雙層漢堡+蛋要時新汁雖然我係茄控，但無可口非，呢個漢堡係真係配返佢地既時新汁係好味d😆好耐冇食過呢款曲曲薯條啦😭正👍佢既炸洋蔥圈裏面好大條新鮮洋蔥，外面好脆呢度性價比好高，絕對可以encore😁

好難得的一間快餐店👍🏾暫時我淨係喺呢度食過熱辣辣嘅漢堡包🍔！咬落去係出煙㗎～！同出面普通快餐店真係冇得比！佢啲汁出名好食唔駛講啦～佢啲牛肉都好正！係真係有牛肉味，唔係出面其他快餐店乾爭爭嗰啲柴皮漢堡扒！完全係兩碼子嘅事！佢杯檸茶都好正～我一定會再唻！

這間店本來光顧了不少次，漢堡包是不錯的，但性價比不高，有點貴，其他食品都是普普通通，有一次去光顧點了漢堡包薯條和飲品套餐，當坐下餐廳進食不久，突然天花撒下不明來歷的水，我的食物和飲品全遭殃，只有我手上的漢堡包還可以吃，其他我都不敢碰了！我走的時候向旁邊的收銀員提議她不要叫客人坐在哪裏了，上邊滴水，她答我：「係呀！我知道嗰度滴水呀！唔好意思！」我對她說，這不是好不好意思的問題，既然你知道那裏滴水，客人坐在哪裏，水滴落客人的食物，客人還可以繼續進食嗎？這樣是浪費客人的食物，他們的態度就是你有你說他有他聽，根本無心理會問題，我感到這間餐廳非常不負責任，客人付了款入內進食其他事便不理了！我可是真金白銀買了套餐的，卻因為你的冷氣機滴水便浪費了食物！以後都不會光顧！

時新漢堡,名字一點也不陌生,從前在紅街舖時已很受歡迎,而家喺黃埔家居庭更加方便！注意間舖係向街嘅地舖，不在商場入邊。店舖裝修簡潔,人流快來快去,無論食物或環境都充斥著港式味道!呢度既漢堡同平時連鎖式快餐店食到既好唔同!叫咗個雙層芝士蛋漢堡同埋雙層火腿芝士漢堡，塊漢堡好厚啊!!!一啖咬落去,充滿牛肉同濃濃洋蔥香味,漢堡鬆軟，牛肉汁同洋蔥嘅甜味加埋芝士一啖送入口，超好味！真係搵返細個屋企樓下快餐廳漢堡既味道,果然無令人失望~~另外再叫個滷水雞脾煎蛋米同洋蔥圈！滷水雞脾好入味,唔係得個咸字,最鐘意食個雞鎚位,少少筋加埋軟骨,YUMMY~~時代進步太快,要搵番港式味道既店舖越黎越難,去返呢d小店可以搵返童年回憶!

如果要我講香港人一定要食既餐廳, 頭幾間就會數到時新~ 搬左新鋪位之後我都仲未試過, 今次終於有機會試, 結果無失望之餘, 仲可以話不退反進, 感覺上比以前仲好食左!-漢堡飽唔洗講啦, 保持到十成水準, 無論係豬定牛都同樣美味, 一個雙層漢堡飽淨係HK$35真係抵, 真心好食過好多西餐廳賣成HK$100果啲, 所以嚟到係必食burgers~ 另外必食推介仲有炸雞脾, 水準唔錯, 比我係舊鋪食仲好食左; 羅宋湯估唔到係驚喜, 足料又好飲; 紅豆冰而家係街到買少見少, 呢度有得飲之餘仲有好好既balance, 奶味甜度同紅豆量都好好, 推介!-我見佢仲有飯餐啦, 早餐啦, 下午茶又有優惠啦, 整體嚟講絕對係性價比極高! 性價比極高! 性價比極高! (重要所以說三次)

之前帶了媽咪來這家小店，找了一段時間才找到新鋪的位置，裝修比舊舖舒服多了。我們兩人點了單層芝士牛肉漢堡，薯條，雞翼和奶茶。下午茶時段人流不算多，食物很快就有。單層芝士牛肉漢堡有驚喜，肉質鮮嫩，配上融化的芝士，味道很好。跟普通快餐店的不同。媽咪非常喜歡吃薯條，這裡是粗薯條，即叫即炸。雞翼也不錯，很入味，是醃製過再拿去新鮮炸的。熱奶茶味道一般，茶味尚可。這裡食物的價錢中規中矩，員工態度不錯。如果想重拾昔日的回憶，可以一試。

成日聽住紅磡嘅朋友都介紹食時新漢堡。今日嚟開行街，終於都有機會試啦！😋環境一般快餐店模式，座位都幾寬敞。我雖然得2個人，但勁餓。所以嗌左雙層漢堡+蛋同芝士(時新醬)😍，炸粗薯條同炸脾飯。雙層漢堡 : 厚厚嘅肉配埋時新醬好夾。加埋芝士同蛋，果然係不敗嘅組合。炸粗薯條:新鮮炸出嚟，外脆內軟。最愛就係茶記嘅粗薯條。炸雞髀飯配黑椒汁:炸雞脾脆卜卜，新鮮炸起，黑椒汁有驚喜，好惹味！下次去紅磡又多個選擇❤️！

時新漢堡飽🍔Environment: ★★★★★Service: ★★★★★Taste: ★★★★★ 位於黃埔的時新漢堡飽以港式漢堡飽聞名，其歷史亦十分悠久，深受街坊歡迎，今天就和大家分享我於時新漢堡飽的用餐經驗。雙層漢堡芝士蛋飽 $35:漢堡飽份量大，牛肉煎得十分香脆，肉汁豐富，亦很嫩滑，很好吃。牛肉配上雞蛋，芝士以及沙律醬等，非常好吃。以這個價錢來說，性價比較西式漢堡飽優勝，推薦大家一定要點漢堡飽試試。炸雞髀 $27:雞皮炸得很香脆，份量方面屬於正常。黃金脆雞粒 $15:雞粒外皮香脆，雞肉不會炸得過乾，調味亦合適，配上沙律醬，味道不錯。滷水蛋 $8:滷水蛋處理得十分入味紅豆冰 $23:紅豆冰十分大杯，價錢十分合理總結:馳名的漢堡飽整作得十分出色，如果大家想試試港式漢堡飽，一定要到時新試試。 🔛🏃‍♀️🏃‍♀️🏃‍♀️紅磡黃埔天地家居庭(第12期)地下G22-G23號舖

終於～終於～終於比我等到你啦！真係好懷念，以前以前讀書年代去到出嚟做嘢初期都係冇乜錢，辛辛苦苦儲到錢去睇演唱會，每次開始之前都係黎呢度食我嘅晚飯， 當年知道佢要結業，最後一天前我都特登去咗朝聖，終於有得食飯啦🥰🥰🥰🥰就一定要食佢嗰一個雙層漢堡包，食食係一定要加芝士加雞蛋，仲要配返個紅豆冰炸雞髀薯條咁先係回憶嚟㗎嘛！ 雖然咁耐冇食，佢個漢堡包依然咁正咁Juicy, 配合埋新鮮煎好仲有少少啫喱狀嘅蛋同埋半融狀態的芝士，成件事真係欲罷不能！

琴晚同fd行開紅磡，就諗起細個成日食既時新漢堡包， 港式既味道，真係令人回味！ 入到去人流唔多， 我簡左芝士蛋漢堡， fd 就簡左雙層芝士蛋漢堡， 另外再叫左黃金脆雞粒，同埋炸洋蔥圈， 一杯阿華田，紅豆冰！d 野食等左幾分鐘就有， 幾快手， 芝士蛋漢堡保持住個風味， 多汁， 沙律醬都幾夾， 唔錯👍🏻個黃金脆雞粒個調味唔錯， 但雞肉比較乾身左d.個炸洋蔥圈味道較淡， 所以建議點醬食會好d！最後個紅豆冰就不過不失， 紅豆夠味！整體唔錯， 不過今次冇食到曲薯， 下次再試先🤤

香港人值得懷念的好啦當然絕對唔係得麥當勞，仲有一間值得本地以及遊客到訪嘅係時新漢堡包。曾經有個搞笑嘅笑話佢，講起屯門啲人就會諗起牛，講起紅磡美食就會諗起時新漢堡包。懷舊餐牌各款各樣套餐。食物價錢非常抵，基本上仲平過一般茶餐廳冰室嘅價錢。招牌漢堡包招牌漢堡包，加芝士同埋雞蛋，配以時薪醬汁。其中俾個特別係牛肉，蒜蓉自製手打牛肉，而且甜甜地。免治牛肉出邊煎得香脆，咬下去有少量洋蔥味。勉之牛肉漢堡嘅口感以及凝妝特別，並唔係一般西式餐廳漢堡包店見到佢。原因係用手打並且加入配料剁碎製作。漢堡包嘅麵包係鬆軟，而且係香港本地製造。 炸薯條港式炸薯條，波浪紋香脆薯條，全身炸到卜卜 脆，雖然係有啲熱氣，但係食落相當過癮。依間西餐廳嘅薯條，好少會再用波浪紋薯條款式。生炸雞髀🍗湯凍奶茶