晉皇山西刀削麵館

营业中

休息中

同胃民傾開計，講起細個有段時間刀削麵喺香港興起，想食嘅我地，無論係排隊嘅耐力定係財力，當時未有能力去食，而家大個咗想食就即刻食呢間除咗刀削麵，大胃想特別推介吓佢地嘅雲吞，炸得非常出色，酥脆咬口，餡料香濃，唔食真係唔得無論係炸定烚，雲吞本質仍然純良。呢碗刀削麵，大揀配上海雲吞同魚腐，湯雲吞更食得出其餡料嘅美味，魚腐亦幾彈牙，魚香十足當然作為主腳嘅刀削麵，煙韌不失霸氣，食到我地𠽌𠽌𠽌最得意嘅係，第一次見到刀削麵有涼拌消暑版，配青瓜絲同燻蹄絲撈起，撈到你風生水起，食到你舔舔脷，如果唔食得辣，記得叫姐姐走醬跟餐加錢嗌返杯嘢飲，以備解辣之需

呢間餐廳主打刀削麵，位置都幾近地鐵站食物選擇都幾多，有飯、麵同埋餃子仲有各款小食試咗溫泉蛋木耳上海水餃麵，木耳好爽口上海水餃皮薄餡多，係韭菜餡，味道幾好另外碗麵嘅餸係上海雲吞同魚腐魚腐幾彈牙上海雲吞係豬肉餡，都幾足料不過自己鍾意上海水餃多啲刀削麵煙煙銀銀，不過有少少碎，比較難夾湯底相對比較清淡，重口味就未必啱但係幾健康麻辣牛展好多蒜蓉，味道濃郁，有少少麻，但唔算好辣加落啲麵度好惹味生菜夠爽口，好食另外加$6有埋豆漿豆漿唔會好甜，解辣一流整體唔錯，價錢合理環境唔算特別大，但係都幾衛生有機會會試吓佢其他嘢食

平時食車仔麵、拉麵食得多, 丫妹話今日想食D平時少食嘅麵, 即時令我諗起刀削麵。天后地鐵站附近有間專食刀削麵嘅餐廳, 今日去完中央圖書館, 梗係行去食返碗啦!餐廳環境整齊又乾淨企理, 多款配料選擇, 亦可揀雙併, 有辣有唔辣, 除左刀判麵, 仲有菜飯, 同埋大量小食供應我就揀左【麻辣手撕雞刀削麵 HK$53】再加$10雙併鴨腎 手撕雞+鴨腎 跟刀削麵分開上, 上湯湯底清清地, 刀削麵滑滑的, 刀削麵熟透, 帶點點厚度, 中心不是煙韌粉團果種; 手撕雞辣中帶麻香, 夾集了青瓜絲食, 增潻些少清新感。鴨腎爽口彈牙, 沾了麻辣汁, 更加惹味。可額外要多蔥, 跟刀削麵一齊食, 更加香口~~【水金錢肚刀削麵 HK$53】再加$10雙併雲吞水金錢夠林, 索左清湯湯底, 清清地, 唔錯~ 雲吞內就有肉碎同埋菜做餡料 套餐 +$6 追加凍豆漿有微微豆香, 甜度岩岩好, 飲豆漿可一解口中麻辣 【蒜泥豬頸肉】HK$55豬頸肉有些少彈性, 蒜泥甘香, 夾埋一齊食, 多一份香口。

唔知大家平時鍾唔鍾意食刀削麵～但其實我自己係超鍾意🤣因為佢煙煙銀韌韌！勁有口感😍🔥熱拌刀削麵-東坡肉 hkd 55👾港島區來講價錢都算係咁～嚟到佢嗰醬係有啲少，諗住會唔夠撈，點知又岩岩好🤣仲要係夠辣夠味😂😂佢嘅東坡肉煮到好腍，難得我食到佢啲肥膏味🥺確實真係幾香嘅！兩舊已經好夠🤣🔥麻辣豬耳刀削麵 hkd 48 👾湯麵嘅話可以揀返普通款～佢哋嘅湯底相對來講比較清～鍾意淡味嘅要試！豬肉另外分開上，分量好足！不過食落好似唔夠濃味😂一定要沾滿啲醬汁先有味～🔥紅油抄手 hkd 38👾之前去點魚識佢哋嘅紅油抄手覺得好正，但呢間嚟到嘅抄手一啲都唔紅油😂唔辣嘅～入面嘅餡有啲肥膏，我自己覺得麻麻～不過熱拌刀削麵可以一試！

🍜 晉皇冷刀削麵 配豬肚絲 ($60) 現場即削麵條 汋後散發著特別的口感 極富彈性 沾上自家製醬料和沙律醬 味道互相配合 冷吃爽口 別有一番風味🍗 口水雞 ($55) 雞肉嫩滑不柴 調味料足 味道不錯 賣相可以改善 更為完美🥖 越式春卷 ($38) 即炸春卷 香脆可口 愉悦地吃 樂趣無窮🍖 蒜泥牛展刀削麵 ($53) 蒜泥辛辣 湧上心頭 胃口大開 配上牛展 混和熱湯刀削麵 美味出色

有沒有人都超愛吃刀削麵！刀削麵最重要的是即食即削，還要夠煙韌彈牙才是皇道。位於天后的這間都目前吃過最好吃的，主打的更有麻辣菜式及多款上海小食。先說說刀削麵，點了麻辣手撕雞刀削麵和紅油豬肚刀削麵，刀削麵每條都厚薄適中，刀工厲害，還要是即食即削的。麻辣手撕雞應該有中辣，配上青瓜很開胃。另外點了廚師推介的紅燒豬手，肥瘦適中，豬肉很嫩滑惹味，份量一個人也可以清掉！還有我最喜歡的越式春卷，春卷皮不是一般的厚身脆皮，炸得薄薄的超級酥脆，配上泰式甜辣醬，絕對值得一試。

位於天后電氣道的「晉皇山西刀削麵館」，係一間主打山西刀削麵嘅小店。店舖以簡約木枱櫈為主，供應各式各樣的小食、菜飯、冷或熱刀削麵等等，定價適中親民上海淨雲吞一客有十隻，每粒都大大隻！雲吞外皮好滑溜，內裏係菜肉餡料，鮮甜味美，滿有豬肉及蔬菜香溫泉蛋木耳刀削麵配五香牛𦟌湯底清甜不油膩～五香牛𦟌頗鬆軟，半筋半肉，好香濃的牛肉味呢！木耳夠爽脆，溫泉蛋半熟流心，好好食！刀削麵好Q彈，煙韌有嚼勁，帶有麵粉香熱奶茶及熱檸茶茶味香濃而不澀

同朋友响維園打完網球，行去電氣道搵嘢食醫肚，見到有間晉皇山西刀削麵館，而且招牌註明係「即叫即削」，門口地上投射一幅好可愛大頭公仔捧住碗麵，非常吸引，於是行入去坐低試下先。 店內環境夠乾淨，空間夠大。望向廚房，真係見到大廚收到單才捧住大大嚿白色麵團，用刀削出一碗麵嘅份量，給客人泡製一碗熱騰騰真正嘅刀削麵。朋友同我都一樣唔食得辣，佢叫了一碗牛腩、上海雲吞雙併刀削麵，牛腩好入味，夠腍又大嚿，好正；雲吞皮薄，餡料十足。 我自己就叫了碗蒜泥燻蹄刀削麵，燻蹄好爽又唔肥膩。 小食就叫了三樣，第一樣係花雕醉雞，花雕酒香噴噴，雞肉又滑又嫰。 第二樣係越式春卷，有六大條，春卷夠熱、夠脆，唔油膩，加埋泰式酸甜醬，好開胃，簡直食唔停口。 第三樣係涼伴海蜇，海蜇夠彈牙，節瓜一絲絲，兩樣夾埋一齊食，清甜得嚟又有口感。 只需加多$8就可以有杯凍飲，我地分別叫了一杯凍檸樂，一杯凍柚子蜜。

晉皇 - 山西刀削麵館今日黎到天后一間山西菜，主打手工的刀削麵，有冷熱兩食選擇，亦有提供上海菜飯和特色小食。酥炸雲吞 外皮香脆金黃色的炸雲吞；鬆化香口又多餡料，又唔會太油膩，再配上甜辣醬。口水肥牛刀削麵 無牛不歡的當然要點牛魔王刀削麵，佈滿辣油蒜蓉的醬汁伴著油脂豐盈的肥牛片，而且份量都多，而刀削麵麵條Q彈，不會一團麵團的感覺。最欣賞是肥牛片和刀削麵是分開上的，可以食到兩者的原汁原味。豆漿 刀削麵配上冰凍豆漿，很夾！

刀削麵專門店真係比較少去，今日就試下係米唔同啲係入面你會見到師傅親自削麵架⚔️刀削麵有好多選擇，有上湯、冷拌、熱拌...招牌冷刀削麵 配燻蹄絲$60沙律醬幾特別，想試下，配料好足，不過比想像辣少少，無咁濕身，人手削麵，因此厚薄不一但有咬勁，燻蹄絲唔會好咸，整體配搭唔錯，份量多到一個人應該食唔晒😂紅油抄手 $38/ 6隻每粒大大粒，同川菜做法唔同，唔會好重油、調味，反而大粒多肉菜，裏面已有少少花椒味，麻油香味上海口水肥牛菜飯 $53菜飯啲菜比較大顆，口水肥牛則比想像中少辣，我朋友覺得幾好因為佢唔係食得好辣，但表示好適合拌飯醋椒黑木耳 $35食到香菜、蔥蒜、醋...酸酸地，木耳亦做得爽脆，所以呢味好香好開胃跟餐以優惠價叫左熱杏仁霜及凍豆漿，杏仁霜唔濃郁但香，豆漿就正常味道總體黎講，呢度雖門面簡單，但裏面乾淨寬敞，食物份量合理，調味、辣味唔係大衆味，比較有特色同多選擇☺️

今日黎到天后食個正宗麻辣刀削麵🤤晉皇山西刀削麵館！中意食辣的就啱晒啦 呢度每款小食都有口水或麻辣刀削麵有湯有撈有熱有凍 一年四季都啱食我就要左麻辣豬軟骨刀削麵🤤朋友要左口水豬脷上海菜飯🍚另外加左麻辣燻蹄同花雕醉雞#刀削麵 份量大 條條彈牙有咬口小食其實四款都好食🙈不過個人最中意麻辣燻蹄同醉雞整體好大份抵食 其實一人一個套餐已經夠食不過貪心的小狗見到menu咁夠選擇又想試不過最後都成功KO（成就+1）

附近返工嘅朋友介紹呢間晉皇山西刀削麵🍜話好抵食又好食，老闆又好有人情味，我當然要撐下呢啲小店啦首先點左兩個麵餐再加個小食🥟⭐️麻辣東坡肉刀削麵$45東坡肉有兩大塊食落去都幾淋身，刀削麵麵質好煙韌👍🏻湯底好味！仲大大碗，呢個性價比好高⭐️麻辣手撕雞刀削麵$50手撕雞記得要同啲汁撈埋一齊食，咁樣會比較入味，默得好過癮，又唔會太鹹，又或者一味得個辣字，估唔到麻辣都好出色，推介！仲叫左杯即磨豆漿，幾濃，唔特別但可以試酥炸雲吞🥟非常香口！！入面係韭菜餡，好juicy ,食完仲想要多幾隻！題外話，店員態度真係幾好，主動問我要唔要水同紙巾，見我第一次嚟食，都會主動介紹吓佢哋啲嘢食。

我都好鍾意食刀削麵，但可以食到正宗味道嘅地方唔多，而天后就有山西刀削麵店，要去😋😋小店主打刀削麵，有湯麵、冷麵及熱拌，亦有多麵餸、小食、上海菜飯等，選擇好多好莊揀😝溫泉♨️蛋木耳刀削麵+上海餃子🥟（$55）呢款套餐好獨特，有蛋及木耳，好似日式拉麵咁，而且幾健康，一定要試吓😆 清湯湯底好易入口，刀削麵中間厚，沿邊薄，入口滑溜，食落夠煙韌有嚼勁。蛋黃半熟流心，夠哂順滑。木耳味道清淡爽口。上海餃子🥟好大隻，勁多餡脹卜卜咁，外皮煙韌，豬肉蔬菜餡料味道調得好香。紅燒豬手（$48）豬手外皮彈牙，肉質軟腍，炆得好香好入味，令人垂涎，我一個人竟然差唔多清哂成碟🤤🤤薑母茶（+$8）當日落雨天☔️涼涼地，最啱有杯暖胃香甜嘅熱飲🔥

喺天后，距離地鐵出口只有一分鐘路程有呢間山西刀削麵見到好多食客都係單拖食飯但係店員阿姐非常親切勁有禮貌又勁主動傾計好多仲要係熟客，都會同佢吹水非常impressed口水肥牛刀削麵 加四川擔擔醬 $53 (+$10)刀削麵麵質煙韌，有麵粉香味粗幼不一，係確實人手刀削聽阿姐講係每日人手鮮製呢擔擔醬嘅肉碎都非常入味就算食哂個麵都想逐粒夾番啲肉碎食口水肥牛都好正，牛味甚濃仲痴住啲辣油入口麻麻辣辣，非常過癮口水肥牛連擔擔醬一齊食仲更食到兩個唔同辣嘅層次花雕醉雞 $55呢個超大碟喎雖然唔係全部都係靚位背脊位都算嫩，唔會話某部份鞋花雕味都算入味，不錯整體食物質素不錯店員態度非常加分Encore機會亦好大呢度嘅辣野都幾出色鐘意食辣嘅朋友仔一定唔可以錯過！

一開始見到得幾枱食，真心驚伏，但因為附近啲餐廳都要等好耐，太肚餓就入嚟試吓，點知太令人驚喜，呢啲小店真係要好好推薦下大家。之前食過荃灣某間刀削麵， 一塊厚一塊薄，湯底好重味精，令到我好耐都冇食刀削麵，但呢間啲麵厚薄好一致，望住師傅一塊塊削落嚟，好刀工，令我好想試吓削，哈哈叫咗個上海水餃刀削麵，首先份量好多，有成四隻大水餃，水餃嘅皮唔會好厚，餡料又好足，非常唔錯。而刀削麵煮得剛剛好，好彈牙，湯底相對比較清淡，但因為我加咗口水雞啲汁落去，立即覺得配合得超好，大家都可以一試，真心正。朋友就叫咗個口水肥牛加上海菜飯，賣相一般，但味道超好，一樣大大碗飯，啲肥牛唔會煮得太老，仲索晒啲汁，唔算好辣，撈埋飯食好開胃。見小菜價錢唔貴，叫咗個口水雞同紅油抄手，前者係成隻雞髀，啲肉好滑，最重要嘅係個調味好出色，唔會一味得個辣字。後者相比剛才嘅水餃會細隻啲，因為抄手其實係雲吞，所以個皮更薄，同時亦都更加能夠索晒啲汁，不過就略嫌冇咩紅油，不過都好食既。見佢仲有涼拌刀削麵同熱拌刀削麵，都想試吓，但實在太飽了，唯有下次啦，呢間我就一定會回頭。呢啲家庭式經營嘅小店，要係天后區生存真係好難。