普賢象 (已結業)

同朋友一同去試，試咗兩間，呢間就試咗味噌味，先講肉片，未浸食都有d脆口，雞蛋咬開比較似溫泉蛋，至於拉麵都有梘水味，但因為湯底勁濃勁咸，蓋了一半，最後湯底得咸味，完全無味噌香味，越食越咸...味精勁多，都唔知邊間，食完成晚渴水

本來係半價日試完已經怕怕，點知同事話無試過要黎喎，好啦，比多個機會佢。上次普賢象沽清，今次一於揀呢間。個牌無壞啦，等左廿五分鐘終於震。香辣豚骨味噌拉麵賣相幾好，比多左誠意。湯微辣，但味噌味好濃同例牌油，甚至有點過鹹。拉麵有咬口，無鹼水味。叉燒一片，半肥瘦嘅豬腩肉。仲有少許木耳絲，荀，芽菜，同一小片紫菜咁囉。唔難食但等廿五分鐘唔值，但至少比上次經驗好。

今日番工在９龍灣落車拎左張傳單，見到呢度新開張；平時番工附近又冇日本拉麵，所以決定黎試下。一入門，個員工就每人派一張卡比我地，但因為第一次黎食，所以唔知個程序；原來呢張卡食黎去Order食物的。入面有6間不同拉麵品牌;太多選擇,我都一間一間聽員工介紹佢地的招牌拉麵,可能因為有6間競爭,所以佢地都好用心推介;最後我選擇左北海道味噌FUGENZO。當我Order左拉麵之後;佢比左呢個機我，呢個咇咇]機其實就係當佢響起的時候，代表食物準備好可以去拿了。我覺得呢個設計唔錯，等我可以坐低等又唔怕聽唔到。「特製味噌拉麵」呢個白味噌湯底超濃，亦有香蒜及薑調味，岩哂d中意食重口味既人，但我就覺得太濃了，食完仲會好口渴> <!而麵質方面都唔錯,用既係幼面, 軟硬度適中唔會太林.至於塊肉好入味,唔會話好鞋,連同呢塊很嫩肉和紫菜一起食,咁就最好味了。呢度有免費凍/熱 綠茶自助任飲，不過就要自己行去水bar果邊自己裝啦。 整體上都唔錯，但個人唔中意太濃的湯底，下次會試其他５間。

近來香港拉麵風崛起，趁Ramen Champion新開，又有半價，好開心地走去試！館内有6間日本過江龍拉麵店 ,試左普賢象“北海道味噌-豚骨特製拉麵“味噌太濃令湯底好鹹，略燒過的半肥瘦叉燒我是挺喜歡的，這碗是粗身的拉麵，掛湯程度都可以接受，不過真係只值$50貨色，如果以原價食的話，你就知道某拉麵店要排2小時先食到碗拉麵係值得架！   

普賢象的No.1 Ramen ... 豚骨特製味噌拉麵, 正宗北海道札幌味噌風味, 濃郁豬骨湯底, 湯面層已浮現出厚厚的骨膠原, 當收到柯打後, 廚師會特別將白味噌、芽菜、肉碎、香蒜和紅薑絲等加入在豬骨湯內, 湯頭特別香, 味道甜而帶甘, 更有層次。麵條彎曲, 沒有鹼水味, 麵身煙韌有嚼勁也好掛湯。叉燒是用五層分明的五花腩肉, 肥瘦適中, 而且叉燒四邊都有用火燒焦過, 帶起了肉味甘香。原隻白雪雪的溏心蛋在湯裏浮沉著, 輕輕地用筷子按按, 彈彈的質感已知道內裏的蛋黃是多麼流心；小心翼翼地用筷子把溏心蛋夾開, 其瓊漿已按捺不住的流出來。普賢象的煎餃子餡是三款之中最菜肉均衡, 啖啖菜與肉精華, 不過餃子皮比較厚。

★☆★☆★☆★☆★☆★☆★☆★☆★☆★☆★☆★Shop: FugenzoCute and colourful cutlery for kids I presume  ★☆★☆★☆★☆★☆★☆★☆★☆★☆★☆★☆★Menu:★☆★☆★☆★☆★☆★☆★☆★☆★☆★☆★☆★Tonkotsu Special Miso Ramen:This was my second favourite compared to Minami Aoyama.The broth had a really nice taste because it had a hint of garlic and ginger mixed in with the miso soup base.I liked the noodles after they were soaked in the broth for a bit because the texture was softer and absorbed the broth.If it was not that that salty, it would have been pe