景福軒海鮮酒家 (已結業)

8月頭的某個星期日,原本打算同老公去元朗西鐵站囍x 酒樓飲茶,去到見有排等,就去咗呢間睇吓有冇位,等咗幾分鐘就有位,咨客姐姐安排我哋 坐係廚房出口嘅 2人枱,我老公見附近有張2人枱 冇人坐,又可以離廚房遠啲,就要求坐個張,但咨客姐姐話等陣可能有客來,這是什麼理由?我哋 係先到嘅 客人,係唔係應該先考慮我們嘅 要求!後來佢都有幫我哋 換枱。我哋 叫咗 幾個點心,先來咗 碟淨腸粉,未夾起已經見到腸粉厚到有成0.5cm,吃落口個種感覺真係唔識形容,好似吃塊布咁,老公忍不住叫侍應來,1個侍應懶懶散散咁行過來,即說:"點啊!"老公話:碟腸粉厚成咁,根本吃唔落口,請取消呢碟嘢,我哋 亦都唔吃其他嘢 啦,侍應話:"你叫淨腸粉就係咁架啦",老公要求見部長,過咗 幾分鐘,部長行過來,老公再講出我哋 嘅 要求並投訴剛才嘅 侍應,(係對話期間,其餘點心已到齊),部長有道歉並取消腸粉,但佢話點心已到齊,最好唔好取消,為免佢難做,我哋 繼續吃,個舊粉果,完全係一舊粉,一夾起已經散晒,個鷄 包仔,哎,都係吃唔落口,再叫部長來,佢依然叫我哋 繼續吃,一路都只係旁觀嘅我亦忍不住同部長講:"請你哋 嘅 廚師再去學吓

琴日去開屯門拜山，之係呢咗這裏飲茶，可能都係早的關係，當時大約11點到，唔駛等位一入就有位．叫咗好多點心有幾樣比較好d，其它就一般般．個腸粉嗰皮都幾滑．

十二月中同流沙包同振宇去飲茶, 黎呢度飲因為近番振宇. 呢度食物就普普通通啦, 都係飲茶果D野. 但服務就超唔掂, D阿姐真係不知所謂. 首先係我食食下野無啦啦有個阿姐成個人撞埋黎, 我以為做乜事, 原來佢係行埋黎執走食完既碟. 離晒譜, 撞到人唔好意思都無句. 跟住就係捧餐阿姐拎住個盤撞埋黎, 表示佢有野要放低黎我地呢枱, 又係唔該借借都無句, 仲要發覺原來D野都唔係我地呢枱, 不知所謂. 不如下次約振宇飲茶去第二間啦...

進去和吃的期間也覺得侍應比較懶和不太有禮貌，其中有一個中年男侍應經常裝作聽不到看不到，不做事只看著電視，但我們也不以為意。直至吃完了，一位女服務員問我們要什麼甜品，正數出五六種甜品時，這個中年男人拿來十個八個紅豆沙放在我們?上。以下是我們的對話：同事　：「不好意思，我們想要其他的甜品呢。」中年男：「只有紅豆沙。」同事　：「不是啊，剛才你的同事說有好幾種的。」中年男：「都吃完了，全都是今早吃剩的。只吃剩這一種。」同事　：（訝異中）：「那好吧。」當我們開始吃了，卻看到其他侍應把各式甜品給旁邊的客人！同事　：「為什麼其他人什麼都有呢？」中年男：「你想食咪俾你羅，咁麻煩！」

星期六日飲茶, 最好係唔洗點等位!食物算ok 唔錯,最正係個椰皇燉鮮奶, 廿幾蚊算抵食兼好食呀!

3大1小到酒樓晚飯, 由於新元朗中心一向人丁單薄, 當然不用等位, 全場亦只得小貓三數隻, 小菜並没有特價, 這亦是無客的另一個原因雀巢甜酸魚柳的雀巢都算鬆脆, 魚柳即做當然脆脆的, 炸皮都不算太厚, 甜酸味道適中, ok~~芒果京都骨煮得過時, 芒果勁酸不特止, 京都骨炸得太久, 肉面很硬, 入面的肉質也鞋得很, 不好吃荷芹炒蝦球, 蝦球新鮮, 大大隻肉地厚, 吃落啖啖肉, 十分滋味, 不過荷芹太多油而且没什味道, 扣了分數什菜煲的什菜不多, 雖加了少許鮮魷魚鬚, 但是味道太清太淡, 有點似家庭小菜, 而且係無加味精的不合格小菜......service都ok, 因為没有客人, 但場面冷清得令人感到有點不自在, 小菜没特別, 而且價錢略貴, 不會再去....

今日去景福軒飲茶, 心諗佢裝修得咁靚, d嘢食同服務都唔會衰得去邊. 點知order咗碟鳳爪, d鳳爪件數係極少, 而且又樣衰, 完全係唔可以接受, 最終果到d人都肯換果碟比我地, 換咗之后, 好明顯鳳爪係多番一半, 個賣相都靚咗好多.到咗 叫埋單,都唔知佢地有冇搞錯, 埋張單要半個鐘之餘, 我仲懷疑有人想乘机唔找錢, 因為我地比咗張$500佢找數, 點知等咗20分鐘都唔見有人找番錢, 咁我問部長, 佢話同事搞錯, 張d錢找咗去第二張枱, 果時好激氣, 邊可以咁做嘢ga. 咁都算我地再等, 點知等多10分鐘, 都仲未見人找錢, 最終要叫個經理至有人肯找番錢比我地, 所以我決定唔會再會d間嘢到飲茶.奉勸各位, 食完嘢埋單記住要自己出去比錢呀.

今日星期日同左阿媽同家姐下午去左依間酒樓飲茶,我同姐去左大排檔到ORDER 薄餐食,都幾好食WOR,又菜寶同香茜GA,好好味,之後ORDER D 點心包括有蘿蔔絲酥餅,牛肉腸,馬拉糕,蝦餃...我覺得D蘿蔔絲酥餅咸左D,搞到博命飲茶呀,都係槄香最好,D腸粉都唔係太好,但馬拉糕幾好WOR,既鬆軟,最抵既係D燒鵝瀨,雞瀨同叉燒瀨,因為都係$9.8,整體來說依餐茶我都幾滿意GE

呢間酒樓都算唔錯,價錢相宜質素都幾好;飲過兩次下午茶同一次晚飯,三次都有水準。星期六下午茶大、中、小點都係$7.8,仲有$9.9燒味瀨粉,點心即叫即蒸,我最鐘意吃即拉腸粉同春蛋燒賣yeah!!尋晚4個人晚飯,又燉湯又小炒都係四百幾蚊,最好吃係燒腩仔,脆卜卜熱辣辣都係$28;好多款湯揀,每煲都係88,尋日揀左花旗蔘燉烏雞,好清甜都好有蔘味。飯後仲送生果碟同糖水,唔知係咪因為有人擺婚宴關係, 糖水係蓮子紅豆沙,好味丫!!