景記咖啡 (已結業)

專程搵個星期六來試，星期六才有的鐵板餐來到市政大廈，找到位，原來都有唔少 choice。既然專誠試鐵板，揀份雜扖，一次過配周打魚湯，$50，不包凍熱飲先來個湯，預了街市飲西湯，不可過高要求，但夠大碗。入面都有幾多舊魚，不吝嗇。若然加個包配湯就好正飲完湯，主菜好快上枱，一句講晒，夠晒什，腸仔、豬、牛、雞各一件。料夠足，當然都預左唔會高質素，一般中式茶記扖飯質素，唔會難以咀嚼 type驚喜處是配一整個焗薯，絕對是坊間絕無僅有而這個焗薯亦不錯，簡簡單單，少少蔥蒜，少少沙律醬，已經提昇不少層次。綜合而言，要食高質，這裡絕不適合你。若果你平時食慣快餐店，則不如試試，幫襯小店，支持。另要提醒，平日是沒有供應的。

大隱隱於市，景記一向係上環人其中一個竇，因為景記藏身喺上環街市，要幫襯就要經過街市，靚女未必肯去。不過景記質素好，街錢又大眾化，所以都好受歡迎。上到去，個環境係一般熟食中心格局，無垃圾，地板很乾爽，不會濕淋淋的，一桌桌十人大枱，搭台就預咗嘅。當然唔會expect坐得好舒服，但係鬆動唔需要逼。要留意食完常常會沾上油煙味。星期六OT完，一於同同事食埋先散水！醒起星期六的景記有特別鐵板餐單，咁有緣份，即刻衝過去！因為想同同事share,所以請老闆唔使用鐵板上，而且可以請老闆幫我地切埋，更加方便！先嚟個湯除咗羅宋湯，好驚喜地仲有周打魚湯！仲要好精緻地於塊餅喺上面，湯入面真係有魚柳！飲落好creamy,街市內有呢個堅持同水準都想當難得!羅宋湯方面，同事堅稱好！我信，因為我見佢食到標眼淚！!!!!牛柳係招牌菜，煎得香噴噴的，好味無筋唔會韌！正！另外仲有豬扒雞扒同腸仔呢！配菜係焗薯，新鮮蕃茄及西蘭花。個焗薯入面有沙律醬，暖暖的超好吃！仲要叫咗啤酒飲，13元一支，大杯酒大塊肉，好滿足的一餐！

第一次試景記嘅早餐，叫咗份沙嗲牛肉米配凍檸茶。檸茶入口香濃，不太甜，充滿茶餐廳色彩。沙嗲牛肉米，佢用滑牛，無雪味兼有口感，但我個人偏愛一片片薄切牛肉。最值得一讚係有條菜襯托，感覺健康一點。食完唔覺飽，見人家個多士唔錯，就點多件醬多，包身軟，外皮脆，不錯。早餐連凍飲$26蚊，叫份醬多$8蚊，價錢幾平。

由細到大都好鐘意去街市熟食中心食野，覺得價錢平﹑食物選擇多又好味。去完同樣被英國統治過﹑一樣勁多熟食中心既新加坡，好多出名美食都發源於此，令我回港後更愛到熟食中心揾食。是以今日喺中環處理完事務，就算見中環街市摺左，都要行去上環街市食早餐呢！到了上環街市熟食中心，人唔多，食早餐既兩家茶檔都係得幾個人打躉，其他做午市的就忙著準備，行了一圈，決定去第一檔經過的景記。早餐有4款，分別係魚柳﹑牛扒﹑雞扒牛油麵包餐同麵餐，另有三文治餐。我選了雞扒，除了牛油麵包，還有芝士腸蛋供吃，由於不吃蛋，店員讓我轉了火腿，最欣賞呢啲靈活呀！老公則選了沙爹牛肉麵，另外，我對奶油多尤其鍾愛，去親未去過又有供應此物既食肆都會整番件食下，呢度都唔例外呀！等左一陣所有食物先後上齊，芝士腸﹑火腿同雞扒雖然有點油，但跟牛油麵包同吃感覺冇咁肥膩，雞扒煎得好靚，金黃色的皮又脆，唔駛加蒜蓉汁都好味。沙爹牛肉麵既公仔麵煮得剛好，夠彈牙，沙爹牛肉調味唔錯，亦唔係梳打粉喪醃既變種牛，又係好味！最後食我至愛既奶油多，厚多士喎，意外呀！唔駛我多講，望落去就知對味啦！

作日相約十數友人到景記食飯,依舊由老闆作主。 (因用餐太盡興, 忘記了拍照)燒鵝: 皮脆肉嫩, 鮮嫩的鵝肉上面有一層薄薄的脂肪,加上熱騰騰的肉汁,實在令人垂涎三尺。羊架: 毫無羶味, 脂肪及瘦肉比例尚算平均。雖然帶有一點肥肉, 但絕對是精華所在, 入口即化, 濃濃的羊味立即充滿口腔之中。牛柳: 本是鐵板牛柳餐, 但因人數較多, 老闆貼心的改用碟上。五成熟, 粉紅的嫩肉尚帶有一點點血汁, 沒有半點脂肪依然鮮嫩而且不韌。令人回味無窮。薑蔥叉燒片頭撈麵: 薑蔥絲拌料十足, 加上叉燒拌勻, 每一口都充滿香氣。不知名多士: 老闆力薦,由多種醬拌合而成,香脆的多士加上甜道適中的醬。 友人不惜一切快手搶下最後一件, 吸引力可見一斑。總結來說, 食物是水準之上, 但因為是熟食市場難免有油煙, 如非重要日子, 可以一試。

在上環返工咁耐，都係第一次去上環街市食午飯, 估唔到有咁多食市同事帶我來呢間景記，話夠多選擇同夠獲氣洋葱豬排飯加蛋，好大碟,豬排都幾淋，唔錯焗海鮮飯，有係大大碟,有魷魚蝦青口等面仲有芝士，好食西班牙海鮮炒飯，一D都唔西班牙，餸有蝦蟹柳炒得幾干身, 夠獲氣凍奶茶正常比起上環D茶餐廳, 呢度真係好食太多喇

本以為茶檔早餐千篇一律，都差不多，但景記卻有這一點點的心思，微小處貼心。點了雪菜肉絲米粉，看那堆得滿滿的雪菜肉絲！不單量足，味更棒，肉醃得入味、爽口，雪菜不太鹹，剛好。最貼心的是那些菜芯！絕不敷衍，值得一讚！

朋友係上個月已經介紹呢間餐廳，琴日我哋終於有機會試下，食完覺得應該推薦俾大家。1：45去到，5使等位即刻有得坐。老細行過來同我哋講話好多嘢都已經賣曬，於是懶得諗，直接叫老細推薦佐幾道菜落單。我覺得以下呢幾款大家可以去試下。燒鵝，食落去無油膩嘅感覺，而且皮好脆。老細話賣剩最後呢半隻，信不信由你，反正我係相信的，因為跟住落來呢款食物：東方三文治，本來係夾住燒鵝，但由於最後半隻我哋決定佐斬件食，所以老細話可以轉做叉燒。雖然係山寨版，但食落發現一樣咁好食，麵包烤到少少脆，叉燒亦好香。下次會再來試埋正宗嘅燒鵝東方三文治燒羊架，呢個重點推薦。無蘇味，而且熟的啱啱好，咬落5會韌而且有汁，正。加上老細睇我哋人多，特登將d蒜蓉汁分開裝俾我哋自己加。呢個真係一級棒。其他d嘢食都ok，而且果日我哋去個陣已經過佐lunch hour，人無咁多，總體來講滿意架係。

素聞上環街市熟食檔食肆不錯，特意約齊一班友人到來尋找美食。先說說環境，難得這個街市熟食檔衛生頗好，地板很乾爽，也沒有太多垃圾，唯油煙較多，出入後身上較易沾上陣陣油煙味，不過整體衛生環境頗令人滿意。這次選擇了景記燒臘咖啡，由於是星期六關係，是日有鐵板餐提供，與友人商量，點了牛扒，羊扒，西多士及公司三文治。牛扒點了六成熟的，吃來剛剛好，不太韌也不會太血淋淋，啖啖肉得來不算肥膩，推介之選。羊扒味道也不錯，頗有羊肉味又不太騒，唯略嫌油太多，扒身也略肥，較為heavy。牛扒羊扒也配上了薯蓉，蕃茄同西蘭花，份量不少，西蘭花跟蕃茄是白烚，相當健康。西多士是配煉奶的，由於之前多配糖漿食用，感覺頗為新鮮，也不會太滯。公司三文治用上了叉燒，比一般茶餐廰的有特色，叉燒燒得很夠火喉，配搭起來感覺很新鮮。餐飲點了凍奶茶走甜，茶與奶的比例大概為6:4，由於小弟較喜歡茶味較重的奶茶，這個比例剛剛好。埋單計數，每人為盛恵65蚊。

星期六中午，與一班好友同事相約於景記飯敍。因為一些特別原因，這個飯局令人十分期待。一時左右到達，枱已經準備好。食物方面，是次餐單由景記老闆發辦，點了一些店子的招牌食物。首先出場的是燒鵝，是我十分喜歡的食物，剛剛出爐的燒鵝，除了皮脆之外，肉汁也很豐富。主菜還有牛柳餐，原本是用鐵板來上的，但我們人數較多，老闆細心地分咐把牛柳切件，另外配菜薯條，蒜蓉黑椒汁也分開上枱，方便大家share來吃。牛柳果然是店子的招牌菜，份量很夠之餘，生熟程度也很令人滿意。除此了主菜之外，我們也試了不同款式的多士，有夾心，有厚切，多士烘得很脆之餘，麵包也沒有很乾的感覺，難怪有朋友每天都必定會吃一份做早餐。吃過不同款式的招牌食物之後，大家覺得意猶未盡，老闆給我們再點了一碟撈麵，材料有叉燒和魚片頭，撈面上面鋪了滿滿的薑葱，賣相十分吸引。麵是粗麵來的，據說醬料用了高級的頭抽及秘制配方來調校，吃起來果然好味，除了多了一點油，真的很perfect。價錢方面，12 人也是只是吃了約 700 元，十分抵食。大家在輕鬆的環境下，快快樂樂地吃了一頓豐富的午餐。特別嗚謝店子熱情的招呼，我們一定會再來的！下次要試一下傳說中的食物：東方s

早上到上環的熟食中心吃早餐,經過對正門口的景記時,眇到有客人在吃一塊看來不錯的厚多士. 反正瑞記的多士是薄的版本,不太合我口味,就決定一會兒到這兒飛單一份奶醬多燶底去瑞記吃.在瑞記settle好後就到景記落單;但當我想問問可否用碟上而非用紙袋裝多士時,卻得到寸過碼頭咕里的回答以下為真實對話)我:我想問可唔可以用碟載份多士,陣間囉番過尼比你?景:無分別架喎.我:下?點會無分別?環保啲喎,我陣間囉番過呢比你.景:總之無分必囉,用碟上同用紙袋上!(寸嘴口吻)我:...老實說,用碟上或用紙袋上又有甚麼大不了,但她的態度真的令人不順相信同一樣的說話有許多種方式表達,不一定要這樣說的吧,聽說我是特意來幫趁你的客人,不是欠你錢所以要受你氣的債仔!!!其實多士是真的相當有水準,第一夠厚,第二烘得夠香夠脆,麵包質地幾好不會太乾或摻口,第三奶醬都下得慷慨,雖然不是粗粒花生醬,但已經很香很好吃,和澳牛的不相佰仲.但麵包質地好,套何賭王一句:人質地不好,多士多好吃多抵食(只是六蚊塊,抵絕全港),也不夠再吸引我去多一次,受多一次寸嘴阿姐的氣.景記有這樣的伙記,遲早趕走晒啲客.更多相片和更新: facebook.

有時食嘢都要講吓緣份,特別這間的西式飯. 今日見到一對麻甩佬為何在分食一碟碟頭意粉？睇真啲,人家有實際需要...因好鬼大碟吓... 講咁耐都無話比看官知這是什麼..這是,鹹豬手意粉是也. 嘩,隻肘子成隻男人膝頭咁大好有看頭...當然是現成嘢佢話自己搞你都唔會信. 但烹調得宜就唔係講笑,先把豬手炸過,猛油迫出豬手油脂,使之不見肥膩. 一切下去脆脆的卡了一聲 餘下的皮下肥肉往下方的意粉裡鑽你想話唔好食都難. 瘦肉中有鹹香鬆化無''痴''牙...越食越想食...得返舊骨之際...不理一切不理儀容..出動五爪金龍骨,刨骨與骨之間的筋...最後大半意粉要''由佢'' 咁,幾錢？ 貴喎,要你三十五個大洋;重無餐跟''亞啦卡'' 飲埋冬T 成四十六蚊. 但係食唔食到就唔敢包. 以前 在其專欄中說周六有限定鉄板tim . 我都唔知典解打到好似鱔稿咁

18-11-2009食完蛇羹成身暖晒, 但當然未夠飽, 近近哋到上環街市搵個茶檔食份三文治, 嚟到最近門口的呢檔. 簡單叫了熱奶茶 ($10), 加份蛋牛治 ($10).熱奶茶色水幾「茶」, 飲落唔算滑溜, 奶味 vs 茶味比例約 3:7, 係幾香茶味, 幾喜歡. 蛋牛治 (又唔記得叫烘底喇, 唉... ) 純為填肚, 又估唔到幾好食 -- 蛋炒得好滑, 鹹牛亦當然滑, 食落鹹得來香, 而鹹牛 vs 蛋比例係 50:50, 滿足. 熟食中心阿叔阿姐們快手快腳又幾友善, 不過環境就當然唔好 expect 太多, 呢度無九龍城 / 跑馬地咁乾淨的.放低 $20, 可以一試, 有機會再食公仔麵吧.

今天又来到上湾街市试试别的店，都有一段时间没吃过烧味，所以就选了景记。看看餐牌，除了烧腊还有一般茶餐厅的特价午餐（＄30左右包饮料）。想了半天还是点了叉鹅饭，加个油菜和冻奶茶。碟饭挺大的，白饭还可以，不会太软。叉烧就差点，肉不新鲜，有点硬，加上颜色看起来就像昨天剩下似的！不行！烧鹅没什么肉可吃的，而且味道一般。碟油菜就大到有d shocking! 足够两三个人share! 最后这个大大的午餐是四十几蚊左右。在上湾来说不算便宜。还是同一句，想有位坐就最好一点前来到。这里不太好吃价钱也不算便宜，这里还有很多别的选择！

2008-11-10之前o黎過食福建炒飯($32 連例水)，今次就$32 + $1 有熱杏霜，食梅菜扣肉飯，因為好耐無食過個阿姐話o的扣肉唔係好肥，通常o的阿姐講o既o野我都唔多信，但今次我錯了。o的扣肉的確唔係好肥，又夠腍，梅菜亦唔係鹹到死o個o的多數人鍾意肥到洩油o既扣肉，但我buy 唔太肥o既好！