景記咖啡 (已結業)

炎熱星期六下午途經上環，就黎咗呢個熟食市場Tea一Tea。傳統茶檔梗係整返杯奶茶整返件多士，天氣咁熱梗係飲凍奶茶啦，熱嘅雖然香滑d，但係真係頂唔順咁熱。呢杯凍奶茶茶味都夠香，茶同奶嘅比例都幾balance，幾啱我口味。多士就揀咗花生醬多，佢係厚多士黎嘅，烘得夠乾身，味道都唔錯。

趁著天氣還有點涼，把握時間和朋友來到上環街市食煲仔飯！雖然食客不多，但都要搭枱坐大圓桌。連我倆在內，大概是三組二人客人，不會坐得好擠迫。煲仔飯的選擇不多，只有五款，豉汁白鱔飯 ($105)，其他一律 ($65)。豉汁白鱔飯，打開煲蓋就聞到那陣豆豉香。大約有5-6件白鱔，白鱔軟滑鮮嫩。雖然已有豉汁，但味道不會太鹹，即使在煲仔飯再加入豉油亦無問題！煲仔飯的重點當然是飯焦，飯焦金黃均勻，不會好硬好黏牙。公司師父飯，膶腸及臘腸切成碎粒狀，還有肉粒及土魷粒，口感豐富，帶臘味香。總算完滿了冬天食煲仔飯的慾望，一試無妨。

今日中午同屋企人去上環街市食晏，未試過哩間就坐低試試佢，叫左個時菜魚柳炒河。一送到黎就係時菜魚柳飯，我話叫左係炒河唔係飯，個店員就好差態度話我落左飯，但其實一路都係講炒河，係另一位店員下錯單，之後就不好態度下換炒河比我，不過真係唔換好過換。哩碟所謂炒河根本都冇點炒過，完全冇鑊氣，啲河粉又幼又碎，重要煮唔熟，食落生骨，舊魚又厚粉又凍，個汁又凍又油，我相信煮果個都唔會想放入口，咁都要賣成47蚊，所以個個番上去食唔好冇道理。

天氣凍本來想搵煲仔飯食，但係要晚餐先有煲仔飯。唔緊要，都嚟試返餐午餐有朋友話之前試過覺得麻麻地今次再畀機會。39蚊四寶飯，冇乜要求。但係可能講漏咗上雞胸，嚟到雞件真係冇乜肉食下次睇下夜晚煲仔飯會唔會進步先

「景記咖啡」在上環街市2樓嘅熟食中心，此層嘅價格都夠曬親民，最後就揀咗此店嘆個靚靚下午茶😌食物方面，我點選了以下：$37（星洲炒米）-比我想像中好食。鑊氣足，夠曬惹味，而且每食一啖，都有少少水份，口感幾過癮，完全食落唔怕有乾涸嘅感覺，加上放咗炒過嘅芝麻，使炒米的層次提升不少。同埋佢杯$18/凍（奶茶）都好飲，夠香夠滑，唔怕有茶澀味！喺街市上嘅熟食中心，又一種不同的風味，大家可以去感受一下打個卡😊

今次去上環市政大廈熟食中心搵食,通常街市都會隱藏左D好野食,碰下運氣上2樓先去到熟食中心,美中不足就係要行過街市先, 星期六樓下街市冇咩檔口開,環境都接受到(對環境有要求的小姐姐可以無視呢編食評)講返食物點左個鐵板鐵板豉椒排骨炒麵$40上菜~鐵板熱到一個點~正鐵板上同碟上差天共地聽到沙沙聲好治療兩張廿蚊搞掂面底脆香入味排骨好林青椒紅椒洋蔥配菜特多好彩全部香口青椒係甜椒紅椒真係辣椒黎環境就一般啦食物質素ok,值得番抄景記咖啡 地址 上環皇后大道中345號上環市政大廈2樓熟食中心CF6號舖電話號碼2545-0262營業時間: 6:30am-5:00pm#濠愛美食 #hkfood #Hkfoodblog #Food #food blog #香港美食 #香港美食指南 #相機食先 #尖沙咀美食 #午餐 #午市套餐 #性價比 #上班一族恩物  #景記咖啡 #鐵板豉椒排骨炒麵 #上環市政大廈 #熟食中心

大年初嘅日子，去咗附近嘅文武廟拜神，去完文武廟參拜之後，習慣就周圍喺附近搵嘢食，其實我覺得香港嘅街市熟食中心，係好有風味嘅，唔會係同連鎖餐廳一樣，一模一樣咁copy出嚟，大排檔亦都唔會有係大年初+1+2嘅習慣(唔似酒樓)，但價錢都會輕輕提升。今次喺呢度食嘢嘅經驗不過不失啦，而且好抵食，見係大年初，支持一下！而且叫佢嘅午餐仲包埋例湯同埋奶茶，淨係飲嘢都夠晒超值喺大排檔食嘢，仲特別有風味同埋有份人情味，呢個就要大家個別體會，大家支持多啲地道嘅飲食業！

好多年前已經來過景記咖啡品嚐過其午餐,沒想到多年後再來,水準依舊,環境依然,變的只有價錢和自己。熟食街市固然不是最理想的環境,但價錢比起其他中上環的食店絕對是便宜,因此最近沒帶飯都會來這里尋找美食。生炒牛肉飯 及凍飲  42元   4/5分1. 大約5分鐘就炒好,可能事先做好,也可能是多人叫的原因?2. 確實火侯十足,份量又多,炒得乾爽無油,飯粒分明,實在好食3. 飲品卻是難得有茶餐廳的水平,一杯正常的凍鴛鴦到底多少茶餐廳可以做得好?不過,叫了少甜少冰卻沒有,這個就算吧。暫時試了三間茶餐廳,以景記咖啡質素最高,座位又夠多,上菜夠快,味道不錯,值得推介的長期飯堂。

上環熟食中心嘅景記咖啡，每日中午嘅各款精美午餐價錢都相當大眾化，而且食品質素屬中上，我當日Order咗個黑椒腸仔雞扒飯，黑椒汁偏甜，雖然個汁係可以食到一粒粒嘅黑椒，但食唔到黑椒應該有嘅辛辣味，雞扒煎得唔夠香脆，肉質還可以，至於腸仔係用真正嘅高級廚師腸，呢度可挽回唔少嘅分數，凍奶茶水準OK👌，奶同茶嘅比例啱啱好，而且又夠凍，合格

琴日本身諗住食瑞記因為掛住佢嘅西多，點知多人到呢放棄左，行過景記諗住是但啦食啲野! 點知竟然食到一碗超高質嘅沙嗲牛麵🤤 用嘅係新鮮滑牛醬汁醃得好入味，平時叫公仔麵都會偏淋，但呢個好彈牙💯 真係好滿意! 重點係呢碗麵抵到爆HKD 23 比起好多常餐嘅沙嗲牛麵更出色😭 下次見瑞記太多人不妨試試呢間~有佬飯仲有得鋸扒😂

Big Eat lunch 好肚餓，諗左好耐去邊度食肉呢最後去咗依家係上環街市嘅景記咖啡鋸扒<鐵板豬扒 $60> （美味指數: 3.5/5) (抵食: 4.5/5)嗌左鐵板豬，有成三大塊豬扒，再加一個好大個嘅焗薯！先唔講味道，份量都已經贏人哋成條街 $60 三塊豬扒，都無咩要求質素咖喇但係食落去肉質同埋味道都算OK喎喺上環呢個鬧市中咁嘅價錢食到咁嘅質素嘅鐵板，算系咁喇大家如果想食鐵板記住星期六先去，因為鐵板餐要星期六先供應！

上環熟食中心有好多小店都是臥虎藏龍，你以為不起眼，其實在當區是一直深受歡迎，景記就是其一。之前聽得多景記係因為有同事十分鐘情其咖啡，今日同事再命紹景記另一個特色.....只有星期六才有......鐵板扒！首先講講例湯啦，睇相就知紅湯同白湯都非常足料是的，我已經很久沒有在其他店喝過這麼足料的湯，至於味道，兩者都是非常濃郁，但羅宋湯我喝到最後略嫌太酸，如果可以再加點黑椒就很好。然後，鐵板們也很快上菜，鐵板在價錢方面就十分街坊價，鐵板雜扒（$65）；鐵板西冷牛扒（$85），但味覺一點兒也不hea , 特別係西冷牛扒，好嫩，可惜汁有點多蓋過扒味，不過呢個價錢呢個質素，香港地在哪還有！

得星期六lunch time 先有既鐵板扒餐，幾巴閉！好多人專程去食，難得有好野食，當然唔放過啦～叫咗個什扒蒜蓉汁，右邊個焗薯都好高水準！加埋d汁好惹味～好快會賣曬！大家唔好錯過！🤩🤩🤩

今日同事無食早餐，所以伴佢早D食晏，一開完早會12半左右去到上環熟食中心，一入門口就俾景記招呼坐，睇完個餐牌其實已經唔係好想食，但既然坐低咗又未試過呢間， 決定同另外一位女同事share個干炒肉片烏冬， 另外兩位同事叫咗咸魚叉燒粒炒飯、涼瓜肉片飯。鹹魚叉燒粒炒飯- 冇鹹香味、冇鑊氣、似撈多過似炒、 又唔夠熱、又唔夠味，唯一可取就係唔油膩。乾炒肉片烏冬 - 烏冬碎上、唔夠熱、同佢個炒飯一樣，似撈烏冬多過似炒，但油膩過佢個炒飯， 啲肉片完全冇味，但又食得出好似畀啲梳打粉乸過龍，冇誠意得過份、非常之垃圾。涼瓜肉片飯- 我冇事到味，但啲肉睇個樣應該同碟烏冬，明明我住肚餓嘅同事都食唔曬，我冇乜意見。至於見到隔離位的雞扒飯/意，好似正常啲，不過我同我啲同事應該唔會畀多次機會去試。

難得爸媽也一起放假的星期六，決定 3 條友坐巴士來個港島遊。早餐都無食，原本打算系西營盤飲茶；但係系紅隧塞車，搞到我地餓到爆炸，決定系上環提前落車搵野食。Google 上環發現上環熟食中心有好西，甘就一於試一試。一入熟食中心發現好多街坊鋸緊扒，黑椒汁味道實在太香，所以決定就試鐵板～我同老爸一人一個鐵版餐，佢要豬扒我要雜扒，一樣 55 蚊，跟餐無餐飲但有湯飲，有羅宋湯或洋蔥湯，我地揀洋蔥湯，個湯料多到暈，甜到不得了，好飲‼ 連我呢D 吾食洋蔥既怪人都要俾個，洋蔥煲到好淋，無左果陣洋蔥既辣味，一流。不過賣相不討好，相機食先既老兄要三思。登登登登，我既雜扒餐跟茨菜到啦，上菜果陣D汁喳喳聲真系好療癒。講真果黑椒汁真系好正。總括而言，味道不過不失。但系甘既價錢有得鋸扒，大啖肉跟餐有意粉揀，環境涼爽又乾淨企理，仲要系中上環一帶，算系吾錯啦