景記咖啡 (已結業)

好普通啦! 我去食早餐, 佢地d 野好似係晚市用淨的. d味好似炒小菜用的味道.

好耐無去上環熟食度搵食喇，今次同老婆行開海味街順便去呢度開餐，揀左景記做試點，我要左個星洲炒米，老婆要焗鴛鴦扒飯，個星洲米炒得幾好，做到唔油膩同埋都算有鑊氣，依家都好小食到又乾身又香的炒米，幾唔錯，老婆的焗飯份量十足，豬扒和雞扒調味得相當好，本身肉質唔鞋口，個飯面D汁教得好香和岩岩好，我地食完都讚口不絕，等食期間見到廚房出左好多個扒餐，見到份量都唔野小，仲有個焗薯送添，下次再來扒餐一定係我不二之選呢

下晝同媽咪0係度食午餐,12點半去到已經好多人,好難先搵到位坐.我要普通午餐$22(蒜溶牛扒火腿煎蛋飯),媽咪要涼瓜肉片炒河$27,我另外叫杯9蚊0既熱鴛鴦.我個飯好大碟,牛扒係普通凍肉扒,但22蚊材料都算係咁,係多0左d油囉.隻蛋都整得唔錯,半生熟我鐘意,個汁好香,不過我嫌少0左d,因為個飯好硬,所以多d汁會好少少.媽咪個河粉都好大碟,涼瓜新鮮,唔會太苦,肉片唔韌都ok,不過媽咪覺得河粉炒得油0左dd.個鴛鴦好飲~咖啡味香得黎唔會遮0左奶茶味~唔錯~人多自然咩人都有,今次食完成身都係煙味...佢0個度0既抽風系統又做得麻麻地,所以環境仲有好多改善空間...

前日四點零已經完成一日的工作，同兩個客離開上環的分色工場，提議不如去「體驗」一下我們的茶檔﹝其實我想蛇一蛇﹞，呢類建議當然無人會拒絕。唔知搞咩又曬又熱，所以近近地就同佢地幫襯了熟食中心，順手仲可以參觀下的們的街市。仲係午間落場時段，成間熟食中心只有三數間食肆開檔，選了這裡因為最多人幫襯。叫了一支大生力、炸鹵水雞翼一人兩隻用來送酒、熱奶茶咖啡各一、奶油多同西多。生力呢度全日15蚊一支，抵飲，瞄過佢地在汽水櫃用冰雪住，所以一定夠晒涷；如果叫雞翼的話，個姐姐會問要鹵水的還是炸的，我在這裡的習慣要炸鹵水的雞翼，咁就夠味又夠香口，送啤酒一流，價錢都係6蚊一隻。客人食過當然滿意，亦驚訝怎麼可以賣得咁平，味道亦不比他們的鹽燒雞翼遜色；奶油多及西多士香口又甜味，都合佢地口味，但港式的絲襪奶茶及咖啡仍是受不了，已經是走糖但他們渴了幾口都先後放棄，唔知係唔係飲左啤酒的關係。飲飽食醉，三個人都只係八十幾蚊，埋左單我地再去參觀街市。

細個媽咪去街市成日帶我去食早餐,檔檔唔食就係食景記每次都係豬排麵或雞扒麵,而家諗起都想食自從街市裝修完,景記都大左好多,不過d凍奶茶依然好飲~正!

呢度位處電梯口，舖位又夠大，午市都唔少人幫襯的。叫了午餐的西班牙串燒牛肉飯，串燒牛肉其實同西班牙無關，甚至同串燒都無關，因為係炸的，有三大串，味道一般。跟例湯，轉熱咖啡就加一蚊，埋單27蚊，唔算貴但已經係成個熟食中心最貴果間。

呢喥d炒粉麵飯好掂!! 好味、夠鑊氣之餘，仲大大碟添~~ 價錢合理，真係非常抵食。本人最欣賞呢喥d炒飯囉，真係幾有水準架!!