景霖正宗四川麻辣米線 (已搬遷) 新店位置

好耐都冇去過lu, 今日獨個兒去食個雞肉墨丸米線+菜心~~~好飽好飽, 份量適中, 最想介紹係個墨丸, 夠大粒, 而且有馬碲係中間~~~雖然得三粒都已經好足夠~!　

21/10/2008 我同朋友去景霖正宗四川麻辣米線享用午餐, 點了2碗2送米線及一客6隻的雞亦....開開心心的吃完~~就去埋單,共$68元~我打開銀包,見到有3張20元,一張10元就隨手拿起來付款但我見到那老闆娘接過我的錢後,把那張10元捽開,原來是2張10元於是我對她說:我好像給了你80元!但她回覆:不是!!你給我70元!!我很氣憤,明明見到她收了錢後,把那張10元捽開是2張10元,但竟睜開眼睛說謊!!我和她理論了一會,她都不肯退回我10元!我覺得很生氣,為了10元,她將永遠失去我這個客戶貪心得很呢!!!我好肯定是付80元因為我前一天上班,因為週末身上一個仙都沒有,我於是去了提200元一整天只化了15元去買午餐,那麵檔找返85元給我,之後我一直都沒有花過,直到第天的午餐!!所以我銀包是有紙幣180元~!!

本來都幾鐘意食佢地嘅雞翼, 但經過今晚一役, 不會再去幫襯的了.叫了雲吞及香草雞翼. 雲吞端來時, 沒有一隻完好, 隻隻都破了皮, 看見內裡的餡. 雞翼竟然先叫後至, 對面遲來的客人叫的雞翼竟然比我那碟早上. 到結賬時, 又無人理, 一個顧著外賣, 另一個在房裡不知攪什麼. 待她出來時又一點悔意也沒有. 給"她"十個手指尾.

我成日食既呢間...屋企一無飯開就實叫外賣呢間.我食開:冬菇雞肉豬賜鮑魚 小spicy.冬菇豬賜同腩肉係必食推介!!冬菇好香,口感好豬腸同腩肉同時食好似太肥 我多數揀一樣算但兩者都好甘香 要肥 個quota都留俾佢鮑魚可以唔叫既.其他我知道好味既送有炸醬 竹笙同酸菜 超多人叫!!雞翼其實真係好好味 雖然有d油但真係勁香脆同惹味無可能係第二度搵返呢種味道我覺得香草好d.佢個湯底真係要講下 真係應該無味精食完唔會覺得喉嚨涸涸地如果你係食開要好好好好濃味,可能就唔太鍾意了但我覺得佢少少清又夠味 做得幾好..唔好用朝聖既心態去食就應該好難覺得難食既...

今日放工因為一個人又好想食米線就去搵一間未食過既試下 , 記得係openrice呢間野都幾多人俾good 佢 就去了..去到都幾多人下...叫左生菜羅白米線...因為無咩胃口 叫清一點...等既時候見到好多人點雞翼...而且都幾多人叫外賣...米線黎到...個湯好清,,,羅白無咩味...好失望...米線唔夠隔離好味,,早知行多步去前面個間米線係幾平既...但唔會再試了...

同老公去完TST 拎返條裙, 去左紅磡食野, 記得之前係openrice見到介紹都幾多個good~ 一心去試下......等車位都等左20分鐘....去到好彩唔洗等位。見到人地個個叫雞亦, 所以都必食.......香草雞亦..唔可以話難食, 但唔可以叫好味, 普通過普通, 我order 了豬潤、魚腐、腐竹清湯米線, 想住試下佢湯底....可惜, 湯底冇咩鮮味, 3款食物都一般。老公order 了雞肉、炸醬要小辣, 佢都話好普通, 下次一定唔會再去食。 耳聽個老闆娘不停話好多電話打來接order, 相信都係因為近附近d 居民, 所以多人去食。特登去者.......就免。 雖然一般不至於比喊樣....但我尊誠去食...攪到咁失望..咁就要比個喊樣佢

景霖既下午茶係2:30-6:00今日5:59分入到去坐低剛剛好叫到一個下午茶餐同老婆仔兩個叫左兩個餐炸醬豬潤米線(小辣),炸醬豬腩肉米線(小辣), 香草雞翼同麻辣雞翼, 同兩杯豆漿 都只不過係$48蚊炸醬豬潤米線(小辣) - 第一口試佢D豬潤好爽啊!!! 估唔到好食過譚仔 拍得住維記啊!!!好新鮮啊, 但D炸漿好甜啊...搞到小辣既米線湯底溝到無咩辣味 而且佢既辣同譚仔仍然係有距離炸醬豬腩肉米線(小辣) - 豬腩肉切得好大粒 而且好靚 靚過譚仔果D好多 好好味香草雞翼 - 比較普通 係屋企都可以輕易煮到既味道麻辣雞翼 - 有點LOAN...不好吃...雞翼始終都係譚仔既土匪雞翼最好味不過呢間野既米線材料比譚仔的來得新鮮好味 不過在麻辣方面卻差很遠 雞翼也比不上譚仔, 所以譚仔都是首選 不過如果經過都可以再試!!

龜極鍾愛景霖由最初的小小辣發展到今天的中辣久不久便癮發作上星期五終得啤相伴來頂頂癮又來一碗我的例牌'魚餃,魚餃,墨魚丸米線,中辣'愛吃魚餃的朋友一定要試大粒,皮厚度適中，餡大大舊，試過就會知道那滋味墨魚丸有三粒這次吃的和之前不同比較粉，應該轉了牌子推介香草雞翼燒得很好另外串燒亦不錯，他們的沙爹醬非常出色啤說魚腐很難吃又真是怪怪的幸好有豬腩肉滿足她感謝不吃米線的啤相伴請繼續～

每次食都會叫竹笙炸醬米線配小辣味道不錯佢D雞翼都唔錯好惹味不過鋪內比較擠迫所以通常都係外賣返屋企食

相隔一個月的時間，難得男友主動提出到景霖吃晚飯，不嫌棄那油煙味，我倆便立即特意乘車到紅磡，剛好趕得及在六點前吃下午茶，等了十分鐘便有位了，我叫了例牌炸醬牛肉米線(中辣) + 兩隻香草雞翼，而男友則叫了炸醬腩肉豬潤酸菜米線(小辣) ，看見我那碗米線的湯的色澤比以往的淺色，便以為伙計忘了我是中辣，嘗了一口湯，很香很麻辣！但不知道為甚麼色澤會淺色了，不過這也沒有大關係，只要夠辣便行了~炸醬只然是甜甜的很可吃，牛肉也很滑！嘗了男友的豬潤，由於我平常不習慣吃豬潤，所以吃了一口便吐出來了。香草雞翼依舊好味，濃濃的香草味教人一試難忘，不過男友較為喜歡麻辣雞翼多些！但這次的豆漿並不及格，由於是豆漿機最後倒出來的尾貨關係吧，豆漿淡而不甜，還輔送了豆漿衣…不過整體來說，還是會給它一個笑臉！看見樓下的食評說酸菜不好吃，但酸菜卻是男友每次必叫的，也是我光顧了這麼多次，看見最多人點的，可能是人的口味不同吧，正確來說這間的酸菜，應稱為甜菜，因為它的味道是甜的！

今日逛街後見肚餓去搵食。經過呢間店聞到好香麻辣味，忽然被它吸引走去食。兩個人叫0左個大大碗過橋米線，即係有好多料果0的，要麻辣(小) + 炸醬另上。另外叫0左碟香草+麻辣雞翼。米線送上後，見到湯入面有唔少辣椒皮已經心知不妙，即時飲一啖湯。哎呀！感覺好"流"，完全無麻辣0既感覺，似係自己叫個湯麵加辣椒牆，個湯底味道只屬一般。再講0下0的料，酸菜唔夠酸，雞肉無咩味，惟一比較好0既係0的炸醬。至於碟雞翼雖然上檯熱辣辣，但食落好油，同埋分唔到麻辣同香草有咩分別。試0左一次就夠。

高峰期時，曾經和男友一星期內光顧四次，陷入瘋迷狀態！！最喜愛的是炸醬牛肉米(小辣)，每一次也會必食炸醬，因為甜甜的很好吃~而且分量也算多！曾經貪有趣的叫了中辣試試，雖然麻辣程度能夠接受，但進食的速度明顯的比小辣慢，所以往後還是小辣好了！景霖的麻辣湯底有一種麻香和辣的味道，相對之下，譚仔雲南米線的麻辣比較遜色，只有辣，而沒有麻香...特別推介下午茶餐，一米線+兩隻雞翼+豆漿也只是$20，抵食精選，不要以為下午茶餐的份量會很小，這種想法大錯特錯了，因為景霖的下午茶餐的份量很足料，所以能稱得上抵食爽大件！！！不過去景霖要有心理準備，因為每一次吃完後，身上也會沾上一陣油煙味，久久也不能散...P.S 不過由六月十五日起，景霖要加價$1，幸好價錢相對其他食店還算便宜~

此店細細,但下午茶竟然full house,原因就係平.下午茶單款米線+2隻chicken wings+豆漿只需$20,每加一樣餸+$3.米線好大碗,已經有韮菜.芽菜.腐竹,我自己要中辣才夠辣,湯都幾咸.餸有腩肉(當日的腩肉好好好咸,有6-7件,伹我只可吃下2件),牛肉片(幾滑).我覺得各肉類都麻麻哋,但米線及配菜就好味.

和同學仔一齊食米線因為前面果間米線成日都食所以試lee間, 叫左辣大腸米線+香草雞翼好脆呀個皮,,個雞皮超多香草, 其實可以少番doverall係好食既辣大腸米線d湯底俾佢前面果間米線清淡d其實都好呀..感覺無甘多味精環境就好似普通茶餐廳甘囉無咩特別..有d迫..可能太多人去食

第二次去食其實我唔太食得辣上一次叫左小辣但我都覺得好辣~~~食到勁辛苦今次叫炸醬米線唔要辣正!!!!!!炸醬入甜甜地~不過都有小小辣但係可以接受