景霖正宗四川麻辣米線 (已搬遷) 新店位置

今日又黎這間食米線，其實已經黎唔少，因為覺得lee到的米線好好食又夠爽，例牌叫雞肉，因為雞肉"好腍"，又夠滑，真係唔知點解可以整得咁好食，湯底雖然好味，但飲得多會好渴，可能落得太多味精，每次食完都要飲好多水。不過總括黎講，係一間好有特色的米線舖。

天氣悶熱,要找點東西來刺激一下自己.當然不是自殘,只是來一碗四川麻辣米線.家中附近的新富盈未夠刺激,唯有去遠少少,美國寶對面的景霖.自選三味米線,辣度要中辣,米線內的腐皮韭菜,例牌不收費.腩肉,竹笙,豬潤,差不多每次吃麻辣米線的必然正選.腩肉瘦肉位爽,肥位甘香,豬潤薄切,份外爽口.竹笙如海綿,將麻辣精華盡收其中,辣得不知其味.中辣的辣度,已是極限,大辣相信已經要舉手投降.不過,比起長沙灣長發街的四川米線,辣度仍然不及.

叫左個手打魚面+2餸 ($27), 豆漿($3) 同埋香草雞翼($9有3隻) 手打魚面已經有生菜, 生菜夠爽, 我見佢地將d 菜存放在冰水入面, 可能咁樣會令d 菜爽d。魚面都算特別, 幾好食。個面小辣剛剛好, 再多少少辣可能會食到出汗。份量也足夠。碟香草雞翼應該係即叫即煎, 夠熟夠熱, 味道夠香味道也很好。店員也有禮儀, 地方也算乾淨。

今日叫左個四餸麻辣米線(做完gym太肚餓0刺~~)竹笙(8): 彈牙必食!!!炸醬(7): 好味酸菜(7): 好開胃腐皮(5): ok拉本來想再幫趁隔離間芝麻糖水, 不過真係太飽. d餸好新鮮, 環境又光淨, 仲有兩位大小喬姐姐(真係幾靚架), 下次再幫趁過先

好底,但唔係好好味,講真只是一般貨色.湯底冇料,坐得好迫,如果比譚仔同隔離間會好d.

本身我唔太好食米綫，不過呢間0的米綫口感都唔錯吖，浸落0的麻辣湯度都夠入味。但係我黎呢度就首選加6蚊轉手打魚麵，好彈牙，份量十足，真係食到好鬼開心。又勁多餸俾你揀喎，若然係大食積，可以叫佢個大大碗麵，咁就乜餸都有0的，先至係33蚊咋！仲有個麻辣同埋香草雞翼，其實兩個都好好食，不過因為佢0的麵太辣，食麻辣雞翼0個陣已經俾之前碗麵0的麻辣味蓋過晒；香草雞翼就唔怕，而家真係整得好香口。哈，呢間野真出名麻辣架，本身仲持住自己食得辣，第一次黎就試個中辣。哈哈，點知中晒招，其實叫個小辣就岩岩好啦，食個中辣，辣到個口粗左一個環呀！

今日老婆又來接我放工，原本尋晚睇演唱會之前想食景霖，但係因有事要四點臨時上大陸辨點事，落返來已經好夜食唔切，今日好唔甘心決定去食。我地係第一次食，所以好多餸都想叫，最後叫了:1. 炸醬，豬潤，小辣(老婆食)2. 炸醬，竹笙，雞肉，魚腐，小辣(老公食)3. 香草，麻辣雞翼各2只4. 2杯豆漿(午市送的)炸醬幾好味，都幾辣。竹笙口感好味過譚仔，雞肉，豬潤同魚腐都不錯。湯底比譚仔清，不過都有d味精，本人覺得譚仔好食d。麻辣雞翼不是太麻，香草好食d。豆漿唔洗錢冇所謂啦，解到渴就ok了。環境真係幾迫，一圍檯坐7個人，但d阿姐都好有禮貌的。價錢好平，份量足。下次行經都會再食。

一星期總有一兩晚做完Gym黎呢度食,因為貪佢近近地,食物又少油~一大碗米線一個人食哂真係會飽死架!所以我有時會叫淨菜肉雲吞。雲吞皮夠滑夠薄,餡料無乜肥肉,味道清清地,正!間唔中都會食下香草雞亦,香料真係好惹味,不過怕肥,都係一隻起兩隻止咁咋!唯一唔滿意係座位太小太迫喇!好多時我都要攬住個枕頭咁大既袋食野.....都幾狼狽架~

店舖細細，坐到廿幾個位，同一般魚旦粉舖頭差不多。觀察所得，這店的人手全是些中年婦女，人數不少，不知是否什麼女士自助團體。我最欣賞這店的大大碗米粉，真係好大碗，好多料，甚至係太多料，嚴重抵食。味道都幾好，不過食料當中，肉類較多，所以感覺想多番些蔬菜就好，而且古靈精怪的係，一碗大大碗米線裡面會有兩塊火腿，格格不入。這店的豆漿及雞翼都很受歡迎，不妨試試。一碗大大碗只售$33

很久沒光顧這家，再之光臨似乎多了點員工。點了炸醬、竹笙、雞肉，小辣。因為自己是譚仔常客，所以少不免比較。炸醬甜而不辣，肉碎不是太碎，味道比譚仔討好。竹笙夠滑，吸了湯的精華，好吃！雞肉很嫩，不同於譚仔的一咬即散。至於湯底，就絕對是譚仔大獲全勝，因為景霖明顯沒那麼鮮美。另外也叫了麻辣雞翼，吃進嘴麻麻的，味道不錯。期間發生了一點插曲，就是同桌的女子小聲向員工說魚腐有點酸。然後在我以為會整碗換過之際，就發現只是換走了魚腐再換另一款配菜。

如果我未去過同佢同一條街既"雲貴川"米線,或者呢間野都算ok,起碼夠平,不過,食過之後,覺得真係唔係太好味,同貴佢幾蚊既雲貴川差好遠....

成日黎呢度／佐敦分店食，差唔多樣樣餸都食過，但近期就愛上--炸醬另上0既小辣米線，如果炸醬唔另上就會少左0的甜味，一啖米線+炸醬真係好好味，不過唯一就係0的米線淋左0的其實我覺得香草都幾好食，不過我次次同男朋友食都會叫駌鴦（兩隻麻辣+兩隻香草）呢度0既service都算好好，成日面露笑容，不過地方就迫左0的，食完就要拿拿林走人

又係睇開飯黎食O既, 其實平時成日行過, 但從來都無衝動走入去, 不過睇過食評又好似好得咁, 見又係下晝先食lunch, so走入去一試!! 原來Tea有雞翼+ 豆漿送, 好野^^ 叫左碗推介炸醬小辣米線+ 豬腸魚旦小辣米線+ 4隻麻辣雞翼(送o既) 推介炸醬小辣米線: d炸醬真係好正, 連細食怪唔好呢味都勁讚!! 豬腸魚旦小辣米線: 普通野, 無咩特別, 但ok 麻辣雞翼: 唔太辣, 細細隻, 岩我口胃, 幾好!! ( 其實仲有香草雞翼揀, 不過睇食評唔多好, so要哂麻辣) 豆漿: ok 埋單唔駛+1 = $4x , 抵食, 好飽!! 臨走對面黎左pair人, 佢地叫左個大大小窩米線(即係入面咩送都有d個隻, 寫明大大碗) , 仲可以叫佢將酸辣湯+ 炸醬另上, 原來呢個都有雞翼豆漿送, 如果兩個人share食, + 多杯豆漿都係$33 , 仲抵!! 反正次次都食唔哂兩碗架啦, 咁樣share食, 又多款送食, 又平d ..下次決定咁叫~

我食下午茶時間的,因為平嘛!我叫一樣餸+2只雞翼+一杯豆漿,共$18,老實講,我又唔覺佢好食喎,比起我成日食開的譚仔差好多,同貴好多!呢度D雞翼細細地,幾好味,D豆漿都OK,但個面就不太好食,湯底唔夠好飲,D面又唔太爽,我食中辣的,都OK啦!同埋位好迫下...始終我都係覺得譚仔好食D,$16就一個餸抵好多!!

中午黎開呢頭叫左過橋米線($33)同小份香草雞翼($9)同朋友仔share食過橋米線～配料種類同份量都算多,有火腿,雞肉,牛肉,豬肉,腩肉,炸醬,酸菜,竹笙,腐皮,豬潤等等,全部味道合格,但請佢另上既炸醬同酸菜最有驚喜,炸醬甜甜地唔太辣,酸菜酸度適中,好開胃,十分適合而家呢個悶熱既天氣食! 湯底清而米線又淋度適中, 米線份量應該係for一人食!香草雞翼～店家用左電爐放雞翼o係上面烤,香草味好濃,或者因為午巿時間,新鮮烤起即時上檯, 感覺上加左分午巿送豆漿但原來唔係以一人一杯計而係一碗米線計建議店家可以o係牆上既宣傳紙上寫明雖然豆漿係送既但一d都唔求其有豆味又唔太甜至重要係呢個熱天氣仍然十分凍冰冰另外亦希望店家可以加多d配料既種類服務幾好有禮貌反應又快食物又快上檯可以翻炒