會所1號 博藝會

营业中

休息中

超抵食！！4人份 的 “雞煲翅龍蝦餐”，只係$888；每人都只唔使$250，真係唔食唔抵得濃湯雞煲翅，真材實料一起餚配出的濃湯，加埋每人有足2両的翅(真係無花假)，已經回本了。

新年開始，人人期望萬事如意、風生水起。因2人限聚，博藝順勢推“迷你版「撈起」”，讓人少少都有齊齊撈起嘅氣氛；就最合香港人心意，有得撈，意頭好，撈起撈起撈得風生水起，愈撈愈旺。仲有2人撈起抵食套餐及鮑魚餐，都是＄398, 每人＄200都唔使，好味，好意頭

《開運點心放題🧧》———————————————-#博藝會 🫖-會所1號嘅環境係唔錯嘅，好適合搞宴會，可能市道唔好最近就做緊一個小菜點心放題任點優惠，好似好吸引，趁着新年就同屋企人一齊黎試啦～😆-每人套餐會包有開運五式，包括牛年開運鮑魚酥、花開富貴灌湯餃、龍鳳呈祥BB鴨、圓圓滿滿叉燒包同埋一項甜品，甜甜蜜蜜心太軟～個人覺得個灌湯餃都幾正，熱辣辣大大個，皮薄餡靚😚-今次我哋主打叫點心小菜～呢度嘅湯製品都唔錯，推薦鮮竹卷；小菜方面就必食黑松露元貝炒蛋，炒得好香相當出色😋-以酒樓嚟講，呢間會所一號嘅點心放題係行高檔路線，偶爾節日嚟食都唔會食窮嘅，大胃心可以一試嚟回本😜-⭐ 參考價錢︰星期六日：$198/位（另加一及茶芥）🍌 抵deal 指數：6/10

看到有Youtuber發放有關荃灣會所一號的食評影片, 真係好吸引噃,身為紅磡友, 上網查一查原來黃埔都有會所一號,今次就扮吓偽中產, 去黃埔博藝會的會所一號食呢個小菜點心放題.做開婚宴場地的會所一號真係比普通酒樓靚, 枱的距離都足夠.我們11:30到達, 仍可選擇坐在窗邊的圓枱, 外望黃埔號, 環境不錯.坐低不久就有特盛五式中的4樣美食送上來, 其中最吸睛的是椰皇灌湯餃, 味道亦很好.花膠濃湯碗仔翅: 湯料不多, 但味道ok墨魚籽原隻鮑魚酥: 凍嘅, 真嘥料, 叮番熱咪仲好食啲雪山叉燒包: 微暖, 都算好食前菜細細碟, 其中青瓜海蜇, 丹麥叉燒,沙薑豬手和口水雞好食, 所以encore了.我見其他食評的點心有3件, 但我們叫的點心上枱時每客只有2件, 真好, 我和家姐可以1人1件.  小菜方面黑松露元貝炒蛋唔錯(食咗2碟), 金沙涼瓜條用咸蛋醬包住炸, 好味但亦好油.好油水嘅仲有川味回鍋肉和荷芹炒腊味.珍菌紅燒豆腐 + 薏米濃湯浸淮山 : 清清哋幾好最令人失望的是避風塘龍躉腩, 炸得好硬, 都係一碟就夠.XO菜甫肉鬆炒飯: 算乾身唔油, 諗諗下或者炒牛河可能好食啲, 但真係食唔落了.

天寒地凍，宅在家圍爐最安全！呢星期就黎左黃埔clubone 博藝會外賣左邊爐同羊腩煲番屋企慢慢歎!當日仲有其他小菜外賣自取半價優惠，還有午市任食點心放題優惠。用wtsapp預約左準時到達就拎得外賣！尚活海鮮鍋會員價$888/4人份 選1️⃣鍋底：藥膳雞鍋 /酸菜魚鍋包以下火鍋配料澳洲龍蝦 (約1斤)：1隻大元貝：4隻活海蝦：4隻龍躉(約1斤) ：1條花膠件：4件鮮雞：半隻時令蔬菜籃 ：1份龍躉原條拼得番，勁大條。 龍蝦鮮甜啖啖肉花膠軟稔鮮味有驚喜！雙冬羊腩煲 會員價$198 +$60按金就可原煲日本砂鍋取（發還時可領回）+$30可加時令蔬菜盤羊腩大大件，炆到軟稔入味吸晒味嘅枝竹、冬荀同冬菇，都幾足料！

好味！11:00開始有火鍋吃價錢超抵食！食材夠新鮮：龍蝦(約1斤)，龍躉片，迷你象拔蚌，扇貝各4件桶蚝2隻，仲有仲有...手切牛肉、淮山、菜、烏冬。堂食HK$368/2位

這天去到黃埔吃午飯，見到ClubONE博藝會有個　天天放題　的點心小菜放題，$148起36款小食，小菜，點心，粉麵任食，價錢合理，決定去試試。放題套餐一人有一份特盛五式，包括　黑魚籽原隻鮑魚酥，椰皇灌湯餃，杏汁白肺湯或花膠濃湯碗仔翅，雪山叉燒包，和朱古力心太軟。剛下單食物很快就送上。灌湯餃，湯和碗仔翅都熱騰騰，適合最近轉冷的天氣。兩款湯都很足料，味道濃郁。鮑魚酥和叉燒包都焗得很香脆。除了特盛五式，我們還點了很多款任點任食的小食，小菜，粉麵飯和點心等等。丹麥叉燒—叉燒厚切很稔身。麻辣貢菜—貢菜很少地方可以吃到, 口感很脆四川口水雞，川味回鍋肉，避風塘龍躉腩　等等都很惹味。其他我們還點了雞絲粉皮，菠蘿咕嚕肉，金柱蛋白炒飯，蝦籽乾燒伊麵，黃金流沙包和紅油抄手。朱古力心太軟—吃完所有點心小菜，最後吃一個暖暖的流心心太軟，結束滿足的一餐。總括而言，以中式放題來說食物的味道方面很有水準。。。會所1號 博藝會ClubONE Spotlight紅磡黃埔天地螢幕圈(第8期)4樓4/F, Screen World (Site 8), The Whampoa, Hung Hom。。

午間放題🥸任點任食，點心、粉麵、小菜😋價錢$148，星期一至星期五😎星期六、日同埋公眾假期，就加多$20😏另計茶芥和加一服務費😁每位都會包一份特盛五式😉包括有黑魚籽原隻鮑魚酥😍椰皇灌湯餃、花膠濃湯碗仔翅😛雪山叉燒包同朱古力心太軟🥳以上點心，各款只提供一件😌我就超鍾意個椰皇灌湯餃🤤即叫即蒸，湯好清甜😋灌湯餃勁大件，好美味😚除咗特盛五式😉主力當然係食小食、點心同小菜😚款式都真係幾多😄小菜每一碟份量適中😋所以叫多幾款試吓都唔會怕太多😉而且仲有避風塘龍躉腩選擇😜另外黑松露元貝炒蛋，真係超好食😘我忍唔住食咗3碟🤣最後叫埋個XO菜甫肉鬆炒飯😚炒飯夠鑊氣，粒粒分明😊加上口感酥脆嘅配料😏真係好食到停唔到口🤩走嗰陣真係飽到上心口🥰會所1號 博藝會 (紅磡)紅磡黃埔天地螢幕圈(第8期)4樓

長腳蟹佛跳牆盛宴有6人及12人，因限聚令，我當晚12人分兩席座，博藝會服務員好細心分配長腳蟹給客人進食，長腳蟹很足斤兩，蟹肉質新鮮多膏，套餐佛跳牆材料足，價錢又唔貴，服務又好，所以值得推介。

今晚同朋友食晚飯, 孖寶$218包括一份翡翠炒龍躉球及半隻脆皮吊燒雞, 非常抵食五柳廈門炒米亦有優惠只收半份價錢湘西欖菜肉碎蚊豆腐煲夠惹味亦不會太油膩最後甜品叫了杏仁茶, 不會死甜幾好味

何況並唔好食一入到去，坐低，部長問飲咩茶，老人家err左5秒先講，佢頭也不回走左去，我以為佢只不過無禮貌，等左陣放下兩壺，到我拎起倒才發現兩壺都是水，即是，剛才那位員工根本無理會老人家說過要什麼茶。落單，加茶，無一個員工會回應一句，好，係等等簡單回應都唔會。埋單，無問過仲加唔加野，直接拎張單黎叫人比錢。其實我只不過想吃些好吃的東西，不是需要別人來奉誠，只不過基本禮貌，人家跟你說話，你也回應一個字吧，可能太好生意吧

見武漢肺炎好似冇甘嚴重，星期六同屋企人飲茶，雖然Book左位，但由於實在太多人，等左差唔多30分鐘至有枱，好彩我唔係好肚餓。一坐低，屋企人就一口氣order左燒賣、蝦餃、四寶扎、酥皮叉燒包、牛肉球、金錢肚，餓鬼投胎甘 XD而味道方面，就同平日一樣，維持一貫水準，所以先Keep到客人。 

10/5/2020母親節食好D，一行16位家人分了兩枱，浩浩蕩蕩到紅磡博藝會ClubOne 晚膳，訂了兩枱8位用的母親節套餐，食物豐富又好味，特別推介清蒸海星班，火路剛剛好，魚有魚味, 上湯加拿大龍蝦伊麵底，🦞蝦味鮮甜！一家人飽飽足足，歡歡喜喜渡過溫馨的晚上💝💖

最近食多左外賣，發現呢間酒樓性價比幾好，因為5折之後，價錢唔貴，最緊要係好味。兩個人點兩碟餸一碟炒飯，好夠飽。炒飯乾身多料，調味適中，而且滿滿一盒，比其他餐廳既碟頭飯大好多。至於臘味炒椰菜，椰菜爽口，除左臘腸，仲有潤腸，食完好有罪惡感。油雞肉滑，附帶蔥油好香。下次試下叉燒，朋友推介。

武漢肺炎甘厲害，加埋「做野了得」既香港正苦，同埋D唔自律既香港人，宜家緊係唔好出街食啦﹗但甘又唔代表要餐餐買餸煮飯仔，外賣就係一個好選擇。呢到宜家做緊5折外賣自取優惠，而且等外賣既地方好舒服，係甘多次外賣自取經驗中最好果個。臘味炒椰菜花足料，椰菜花爽口蜜汁叉燒份量好多，佐偏瘦杏汁花膠燉白肺豬肺洗得好乾淨，飲得出杏汁豬肺既鮮味豉油雞好滑，入味炒四季豆夠穫氣魚香茄子煲夠穫氣，好香，岩晒撈飯