會所1號 博藝會

营业中

休息中

茶記食小菜SET，宜家都要百幾蚊一個人；宜家同一個價錢，就可以買到ClubONE 3個小菜同一碟炒飯，仲唔係平過茶記？！3碟小菜都好有穫氣，而且唔細碟，拎返屋企既時候，都係熱辣辣菠蘿生炒骨酸酸甜甜，撈飯一流紅燒野菌豆腐自己喺屋企整唔到既豆腐，我的至愛干煸四季豆同川菜館出品一樣，又係撈飯好菜瑤柱蛋白炒飯唔想食白飯，所以叫左呢個飯，同堂食質素一樣，唔錯。

一般茶樓迫迫夾夾，但呢到擺位好鬆動，就算擺BB車，都唔會阻塞通道；亦都係因為呢個原因，場地唔算好噪，岩晒傾計。野食方面，呢到都唔錯，所以我地一家人成日惠顧。濃湯魚翅灌湯餃足料，魚翅又大又彈牙。蝦餃好大粒，蝦爽口彈牙。懷舊四寶扎扎得好穩陣實正，D料唔會咬一啖之後，就搖搖欲墜。 雖然呢個係好基本要求，但好多茶樓都做唔好。珍珠雞好足料，入味。蘿蔔千絲酥同平日食開既有D唔同，但味道OK。紅豆沙、蛋白杏仁茶紅豆沙有陳皮味，紅豆大大粒；蛋白杏仁茶好香杏仁味

星期六晚在黃埔花園會所一號博藝會訂了VIP房吃團年飯，一家十四人一齊亨用，VIP房間非常濶落，大枱足夠十四人坐得舒服，訂了團年夜飯套餐，今次燒豬盤很有特色，豬件可以配埋白色蒸曼頭包一齊吃，感覺沒那麼肥膩👍🏼，XO醬蔥爆蚌柳好好味，紅燒花膠雞絲翅足料，百花釀蟹鉗炸得剛好火路，清蒸龍虎斑keep到水準，脆皮燒雞皮脆肉嫩😋，過了一個很飽足又開心的一個晚上

呢晚又去博藝會食好嘢，呢到D餸好大碟，6個人食4個餸岩岩好，惜食唔好嘥。黑椒扣元蹄元蹄炆得好入味同好淋，屋企應該整唔到呢個質素，值得一試。紅燒海蔘豆腐煲幾足料，海蔘好多；海蔘同豆腐切到大細差唔多，方便用鐵匙羹盛起，做法細心。海味什菜煲好大盤，清清地，可以清下喉嚨。金沙蝦球屋企一定唔會整，事關工序繁複；呢到算整得唔錯，但一定要襯熱食。

豉汁蒸白鱔幾新鮮，真係食到魚嘅鮮味，都唔會腥。所以淨係需要豉油都夠曬味不過可以再大碟D生炒骨就有略嫌dd乾咗 但係送飯都OK嘅如果想食甜品嘅，可以埋單之後問佢哋攞紅豆沙，如果嗰日有婚宴基本上都有剩～

三點last order所以瞓得晏D去飲茶都冇問題第一次試有機蕃茄鮮竹卷，感覺都幾健康冇乜油楊州炒飯就每次都會order，因為都炒得幾乾身，又大碟，同埋啲扁豆好嫩口

食過好多地方嘅雪山叉燒包，覺得都係博藝會嘅最好味，外皮夠脆入邊啲叉燒香口個楊州炒飯入邊有啲豆角粒所以食起上嚟好有趙頭 買單嗰時要主動問攞免費泊車卡，職員未必會記得提要拿，如果唔係就會落咗去2樓停車場之後，又要上返去4樓攞返

套餐很划算，炒班球和龍蝦伊麵都係三百幾蚊。黃油蟹$90 1隻，甘甜美味。事前有電話預約，所以唔使等位，好好。夥計服務都幾OK，好友善，都快手快腳唯一就是，因為幾個大廳都擺緊婚宴，所以我哋要去董事廳細廳。

出去黃埔做野，同同事返公司前去飲茶食個晏。雙菇滑雞粥粥底綿，雞件滑珍珠雞好足料，好味酥皮蛋撻仔細細粒，容易食蟹子燒賣皇蟹夠大，啖啖爽口蟹肉生燒乳鴒同同事一人一隻，幾入味，但唔夠熱，唔似即時燒鮮竹牛肉球麻麻地，可能係我本身唔太鍾意食牛

因為上個月BB擺百日宴時有太多不必要嘅誤會，引至錯漏百出，所以博藝會為表誠意，就送多兩圍酒席俾我地，咁啱奶奶生日就係博藝會食生日飯首先博藝會好好咁包左間VIP房俾我地，環境幾好，乾淨，自成一角侍應服務態度真係好好好好，笑容可掬，奶奶封完利是，走時再封利是食物方面真係唔錯，12人一圍但好明顯有14-15個人份量，上菜時仲係熱辣辣多到要包走做午餐味道方面因為要迎合老人家口味，調味方面少鹽少油，好有心思知道老人家生日，還特意送上壽桃包，賀生日🎂作為一個大品牌，唔會做完生意之後由得你，會顧及客人意見，作出改善，值得一讚

我屋企個公主(細妹)係個百彈齋主，喺食嘢方面更係食神上身，一係話材料唔新鮮，一係話食物味道麻麻，有時仲話菜式冇厘新意 OMG....知道ClubONE旗下酒樓會周不時更改點心同菜式，呢日就一家人(當然包括埋公主)去品嚐下啦~ 脆炸海鮮燒賣公主一見到，就好似選中駙馬爺咁，話一定要試下脆炸海鮮燒賣。 好彩，冇令公主失望，佢形容呢款點心食落去嘅感覺，極似婚宴上食到嘅炸蟹鉗，但宜家一碟只係30幾蚊，性價比極高 (得到公主讚賞 奴才好滾動)。蟲草花香撈螺肉好爽，又大碟，做前菜一流。蝦餃好好好大粒，蝦既爽口又彈牙，公主同我都覺得係必點。懷舊四寶扎扎得好穩陣實正，D料唔會咬一啖之後，就搖搖欲墜。 雖然呢個係好基本要求，但好多茶樓都做唔好。香滑奶皇包奶皇好流心，好香，可以一試，公主都話OK。 牛油馬拉糕好味，但我食唔出牛油味，但公主欣賞，話一睇樣就知道鬆軟，係好味馬拉糕條件。濃湯魚翅灌湯餃足料，魚翅又大又彈牙，但個皮麻麻地，有D厚。

食奄仔蟹、乳鴿、花膠白肺湯、牛柳粒，再加個「出面未食過嘅飯」，每人只係$200左右，所以忍唔住同大家開心Share時令當造 油鹽焗奄仔蟹($88/隻)一上菜就聞到好香嘅鹽焗味，食落口更不得之了，事關勁多膏(有圖有真)，真係多膏到一個點。蟹肉都有水準，好新鮮~生燒乳鴿($16/半隻)我細細個都食唔到$16乳鴿，簡直係抗通賬價。但呢到冇將貨就價，乳鴿皮脆肉滑，連骨都入晒味，巧巧巧巧巧巧巧正。不過，至少要Order一隻。杏汁花膠白肺湯($60/位)秋天一到，皮膚就乾爭爭，所以叫咗杏汁花膠白肺湯，滋潤一下。白肺湯工序多又繁複，唔係間間酒樓有得供應；而且，呢到冇偷工減料，可以見到大大舊豬肺同花膠。仲有一點值得一讚，豬肺處理得好，冇血腥味，性價比高。蒜片牛柳粒($63/碟)唔差，好香炸蒜味，牛柳粒冇筋唔UN。不過，我掛住拆蟹同乳鴿，搞到凍晒先食，味道有啲打折(上面影蟹嘅相，已經見到牛柳粒蹤影)。建議大家喺奄仔蟹上菜之後，先Order牛柳粒。魚湯翡翠蕃茄蟹肉飯($47/位)蟹肉飯釀喺蕃茄裡面，好精緻，出面未見過，扼Like一流；仲好多菜，酸酸甜甜，好消滯。P.S.我係Clubdining會員，以上係

係博藝會幫個仔搞百日宴，擺10圍，擺到一肚氣🤬🤬🤬🤬🤬1. 3點交場，交完個場就無人理我地，無人幫手佈置2. 到5點我問經理酒樓應該會送個5磅大蛋糕，個經理先答我： 唔好意思！我地miss左個蛋糕，不如送紅豆沙俾你。 救命呀，蛋糕都可以漏嘅，你叫我同紅豆沙影相咩？唯有叫個廢物經理，由現家5點開始free全場啤酒汽水，鮮橙汁，無限量供應餐前小點，free全場parking，叫做順氣啲啦3. 到上菜，講明8:30我同先生上台開咪say thank Q，之後上乳豬，個廢物經理無啦啦8:20上乳豬，明明賓客仲影緊相未埋晒位，仲要先上乳豬最遠個圍，最尾先上主家席，完全唔識做宴會4. 好多個餸菜勁咸，啲大蝦係又霉又臭㗎咯，食完第二日好幾個親戚朋友都話肚疴，搞到我勁唔好意思5. 食到中段啲侍應趕收工，竟然同我啲賓客講:你地食快啲，如果唔食就打包啦，我一聽到嬲到爆炸，即刻鬧人係咪趕收工，點解趕人食？真心覺得不知所為😡😡😡😡😡😡嬲到爆炸

飲茶Blog好少提起「蛋撻」，唔知係因為大家少食？！定遇唔到一間「整到出色蛋撻」嘅酒樓呢？！因為住附近(行幾分鐘就去到果隻近)嘅關係，成日同屋企人走去食，但之前一直都冇Order佢嘅酥皮蛋撻仔～　一試，就知道係正嘢，蛋香而甜，唔乾實又光滑(大家睇相都會Feel到)，而且酥皮好新鮮鬆脆，厚薄均勻，好高汁呢到蝦餃一向出色，鮮蝦好爽口彈牙，每次都唔會令我失望濃湯魚翅灌湯餃嘅湯好濃，又冇味精；而且好足料雙菇滑雞粥好大碗，粥有好好胡椒味，但要慢慢食，驚梗到雞骨沙爹金錢肚都係必點之一，好有沙爹味，極惹味；金錢肚肉質厚實飽滿、口感彈牙唔知係唔係冇趁熱食，香滑奶皇包竟然唔流（之前食，次次都流～客家釀豆卜、香煎蘿蔔糕正正常常啦～

呢間酒樓唔係唔好食，不過真心覺得唔係好值，雖然可以claim公數，但係就真係唔係好抵。事情是這樣的，話說要去黃埔開會，開會後跟合作伙伴食晚飯，其中有人表示有VIP卡，全單七折，於是就決定試下呢一間酒樓，5個人點了以下幾樣野：順德生煎雞、啫啫唐生菜、涼瓜炒牛肉、梅菜肉鬆蒸豆腐，同埋粟米魚肚羹，最後仲加咗一人一碗杏仁茶。順德生煎雞，其實係炸嘅，不過油算少；啫啫唐生菜都夠香；涼瓜少牛肉嘅牛肉都算嫩；梅菜肉鬆蒸豆腐偏咸，用百福豆腐嘅；粟米魚肚羹正常味；杏仁茶似乎係即叫即做，因為等咗超耐。叫咗4碗白飯，埋單7折後都要差不多$1000，真係嚇了一跳！不過嗰度幾靜，傾計傾野算唔錯。