會所1號 科學園 (已結業)

同朋友去科學園飲茶，這間會所1号分店在科學園內，感覺好好，因為園內環境好，飲完茶又可以行吓科學園，空氣又清新，又有單車徑。而會所1号這間分店可能要配合科學園，這分店裝修得很清新，樓底很高，檯與檯有足夠空間，同朋友可暢談又嘈不到鄰檯顧客。正! 講番食物方便先，瑤柱蛋白炒飯很好食，飯炒得剛好，不會太乾身，份量不會太細碟。雪嶺奇脆叉燒包做的皮又脆，叉燒餡味道剛好，所以值得推介。另吊燒雞又係值得推介，唔知是否店舖剛營業我就叫了半隻吊燒雞，所以燒出來的雞很新鮮，雞皮又脆，肉質又滑。店內職員服務很親切，時常幫客人斟茶。但這店舖地點感覺比人就較偏遠，其實在沙田火車站乘車只係需要10分鐘就到達科學園。所以我建議帶同小朋友去就最好，可以去科學園參觀，跟住中午就去這店舖飲茶。人頭價平均$100左右，唔貴，環境又好，不過一定要入餐飲會籍就好些，因為平日有7折，星期六﹑日及公眾假期8折，唔係正價就會貴些啦!

去朋友wedding lunch, the food and service is a bit disappointed 😔 個場夠大，又有戶外證婚。婚宴係Buffet形式，種類選擇都ok，中西合壁，但出左大約三轉食物之後就沒有再refill......燒豬當然影都唔見，主食淨返肉醬意粉同串燒，跟住侍應姐姐可能要趕住準備夜晚場，狂黎收野，都完全未食完就要黎收野🤦🏼‍♀ 主要戥朋友開心，送上祝福，（赤裸現實係唔夠飽，成班friend轉場去左隔離間foodlab 再食tea😂😂)

呢日有同事升職就來左club one飲茶慶祝。呢度好闊落，睇落乾乾淨淨，幾舒服。裝修好文藝，有d書櫃裝飾擺設。不過建議大家帶多件外套來，因為冷氣都幾大下。叫左唔少點心，蝦餃 燒賣 蝦腸 之類都好正。仲有魷魚酥另外仲叫左蛋白炒飯，都幾好食。來到呢度，入到來一定要叫肥燶叉燒，限量供應，1點上，呢個肥叉燒好滋味價錢來講，係科學園食飯，都算合理既，平均一百幾一個人。上菜速度都合理，唔會ar住我地個lunchtime，可以準時返工。

位於大埔科學園12W大樓地下S061-S066的會所一號-科學園，主打精緻粵菜和點心。除了可用作婚宴場地，午市和晚市也會提供散座。餐廳的樓底十分高，而且冷氣強勁。今次點了商務套餐，價錢比單點略高少許，整體吃完後也十分有驚喜，可以多試幾款點心。首先來到的是黑松露帶子餃，每個小蒸籠也盛載著一粒餃，賣相可愛。帶子餃熱騰騰的，口感濕潤。黑松露和帶子的味道十分夾，更能帶子的鮮甜味。而且，餃皮的厚薄適中，不會吃得整個口也是粉。雪嶺奇脆叉燒包來到了，咬一口，首先是嘗到鬆脆的曲奇表皮，接著便會吃到軟綿綿的麵包和頗鹹香的叉燒餡料，而當中也是選用較為瘦的叉燒。如果每人可以有多一個叉燒包便更好了。是日原盅滋潤燉湯為花膠節瓜魚湯，微微呷一口湯，先試到魚的鮮甜，鹹味才緊隨其後，而且一點也不頸渴。伴隨燉湯來到的還有手板般大的花膠、節瓜件和鮮甜無比的帶子粒。XO醬白玉鱈魚球也是頗特別的一款菜，XO醬的味道不是死鹹的，是有層次的。首先嘗到的是瑤柱的味道，接著蝦子的鹹味再慢慢滲出來。而豆腐滑溜得一下子便滑進胃去了。綠野襌蔬其實是炒雜菜，當中包括有百合、翠玉瓜、雞脾菇、露荀等。個人最喜愛吃當中的露荀，味道清新而且沒有渣。

在科学园裏面的一家会所一号，由于地点可能偏一些，平时会所一号，假期都是八折的这裏可以七折非常优惠。这裏地方大，装修豪华坐得非常舒服。食物方面，也是一流的。荷叶饭，料足量大，瑶柱虾仁很多，而且味道非常好。吊烧鸡，味道还算可以，皮脆，但这个价钱新鲜鸡是不可能的，冰鲜鸡就将就著吧。黑椒葱爆鸵鸟柳，鸵鸟柳味道不错，份量也很大。叫了几样点心，虾饺，烧卖，肠粉，凤爪，春卷，流沙包，叉烧包，真是水滚茶靓啊。口渴指数:3级~（口渴指数，由一级到五级，一级，是最不口喝的，五级，是最口喝的）油腻指数：二级~（指数，由一级到五级，一级，是最不油，五级，是最油腻的）

原來club one都有得飲茶 呢個雪嶺奇脆叉燒包 ($13 / 件) 好似好勁咁，但食落似雪崩多啲，唔係expect嗰種菠蘿包脆皮，同埋唔夠熱(可能因為雪山所以要凍食?) 賣得咁貴但水準不及有點失望，添好運平一倍好食好多，其他點心其實都ok嘅係呢個有點伏🗻

遠離鬧市的科技園，唔係工作都唔會去。適逢今次午宴，到了Club One 一嘗。這環境頗適合婚婚，樓頂很高，內在裝修佈置亦不錯外在更有小草地花園，夏天真係好晒😎食物一般水準，主人家安排了西式buffet，炒飯都爽口，沙律同甜品都OK。煙三文魚最可口。重點始終在環境上。

此會所1号的＂鮮蝦蒸腸粉＂也是招牌的呀！粉皮簿簿兼又彈牙的呀！虾也鮮美的！👍👍👍虾餃內的虾肉彈牙得來又是鮮嫩甜美的呀！更是好呀！👍👍👍👍👍春卷內的虾肉等餡料同是香味可口的呀！👍👍👍

一知佢新開嘅時候就已經好想嚟飲茶，闊落樓底高太吸引今晚一於同朋友嚟食晚餐先金沙四季豆，我最鍾意黃金菜式，無論黃金蝦定黃金鮮魷定係金沙四季豆都係我杯茶呢度感覺呢度係加咗蛋漿再加咸強黃炒，因為脆脆哋入口更加脆口綠野禪蔬，非常健康嘅一道菜，百合翠玉瓜露筍同黑木耳爽脆清甜雙蔥珍菌炒牛柳，小菜有兩款牛，經介紹下揀咗呢款，果然冇介紹錯牛柳口感細嫩，簡單煎香都已經好好味，款款都有蔬菜食得好健康濃湯花膠燴翅，奶白色的燴翅，味道鮮味十足口感濃郁，好滿足呀瑤柱蛋白炒飯，呢個清清哋大人小朋友都啱食飯粒炒得粒粒分明，瑤柱鮮味加埋雞蛋嘅香味好有層次環境舒服，想同朋友靜靜哋食餐飯呢度係一個好選擇

我住美食荒凉的馬鞍山!星期日想找個冇咁迫人，又有好嘢食嘅地方!又想帶阿仔可走動吓! 就突然想起科學園! 入去玩，當然順便搵嘢食! 路經都有好多寬敞的食肆! 無意中就發現咗有間Club One!咁就入左去試吓!叫左我最愛嘅瑤柱蛋白炒飯!超級好送口濃湯花膠燴翅! 黏口好濃呀! 落足材料 正!再來多一個綠野禪菜! 露筍百合翡翠瓜炒黑木耳! 健康好選擇!最正係可以舒舒服服食餐飯! 空間感超寬敞!冷氣有點大! 有小朋友的建議帶件外套呀! 

其實clubone出名係場靚野食差,但都係想去試下佢d被評為好差ge野食,由入門口開始靚就唔使講la,入到去人又唔多,靜靜地,地方乾淨,對住靚靚台,心情變靚野食就自然好食d。冇留意幾錢,花生酸薑同右邊果個原來係車厘茄,未食果時以為佢係紅棗,現成野正常味道。唔記得左個名,有帶子,蚌炒四季豆等,圍菜常見菜式,　帶子同蚌都非常彈牙同鮮甜,味道好好,個人十分喜歡。黃金四季豆的黃金不是鹹蛋黃嗎?唔知係唔係鹹蛋la,但呢個豆一食落口第一啖係有一下食到鹹蛋黃味,之後就食唔到lu,脆係好夠脆,但入面ge豆煮到好林,不過外脆內軟都幾得意ge,十分香口,係欠一份清爽感而已。蟲草花下面有小花膠,味道同質感都唔錯,但個上湯略鹹,所以扣左少少分兩個人食叫左3個餸,份份分量都係偏少,呢個要留意返,價錢偏貴,不過系科學園入面,所以價錢都算合理的,而且服務很好,有禮貌,上菜時間也不是太慢,地方整潔,如果想搵個地方靜靜坐低同屋企人食野呢個都係一個好選擇。

朋友結婚，在這裡舉行. 食lunch buffet!擺了20幾圍，但食物來來去去都係咁，好小款式，雖然有2小時食，但因為種類不多，好快就停手了，跟本不足夠。食物質數大致是一般。﹣牛角包好食，不過不失，鬆口的。﹣薯蓉軟身，好食的，不會硬，只是不明白為何這樣又作一菜﹣薯角軟身，香口的﹣意粉太軟，沒太大口感﹣田螺個殼就大，但其實很細，肉質一般

婚禮一生人一次，好多人都想揀間又平又靚。我諗平又靚係可以做到，但嚟openrice 當然係想知d 野好唔好食。Club One個名臭就上下網都知，但如果人地擺酒又邊輪到你揀。乳豬，就已經肥糕多過肉好多。仲要一人分兩舊，好明顯砌唔夠一隻豬。炸蟹鉗就好似咸水角咁上下size，未至於難食。但見到都唔知想點。瑤柱節瓜圃，兩樣野分開一舊節瓜加一pat 瑤柱汁，有少少瑤柱。瓜冇咩味，加埋汁都冇咩味，同埋有渣ge。條魚比小菜size多少少，但d waitress 根本冇心機分，分到每人都有就成碟拎走，其實仲有肉o係碟。隻雞d 皮就咬唔開ge，炸子雞suppose 係脆掛。個翅就碗大但份量少，有雞湯味咁，但搵唔到翅o係邊。個甜品就是但搵間酒樓飲茶ge甜品都好食過佢。主要係冇咩味，同埋俾人食到雪咗好耐咁。除咗野食之外，d staff 又唔夠人又生手。相信都係炒散。我見到冇人寫過食評，所以寫呢篇俾大家參考下。