月喬正宗越南湯粉 (柏樹街)

营业中

休息中

「柏樹街月喬個名同界限街月橋個名咁似既？」「係囉，人地好好生意喎⋯係咪抄架？」😂原來有好多人都問過佢哋相同問題😂柏樹街月喬原來係分店黎架，怪不得感覺有啲熟悉！呢度比總店大啲，坐得舒服啲。呢間既越南野真係好好食，名副其實既平·靚·正，態度又好🙆🏻‍♀️［招牌生熟牛肉湯檬］真係好大碗。湯底好濃牛腩超淋超入味🥹牛肉亦唔會韌，高質👍🏻［越式炸春卷湯檬］一定係食過最好食既越式炸春卷之一❗️皮好薄，入面包住粉絲，蘿蔔絲、木耳絲等，好足料。炸得非常香脆，但一定都唔覺油膩，真係好好食💛［酸辣鳳爪］鳳爪大大隻，最緊要夠酸同夠辣！啲伴碟青瓜絲、洋蔥絲都好食架！［香茅雞翼］每隻都大大隻好厚肉，真係煎到金金黃黃，仲要好入味👍🏻叫兩碗粉加配檸樂同鹹檸七都係各加$9咋😉呢度係一家人一齊打理，係越南人黎架。服務態度都👍🏻👍🏻試意推薦比大家❗️

出開旺角行過見倒哩間越南粉麵店價錢唔貴，見好耐冇食越南野就入去試下。雖然店仔細細，但佢地都係用QR Code落單，飯麵都有好多選擇，全部由$4x至$6x，加$2已經有埋熱飲。招牌生牛肉湯河($56) - 哩度嘅粉麵都比出面好多越南粉麵鋪大碗，平時食越南野都係唔太肚餓嗰日先會食，但哩度嘅麵量係真係食得飽人嘅。牛骨湯底幾濃甜，牛肉量都正常，上枱時仲有少少紅嘅，河粉都幾薄幾滑。鮮茄魚餅蟹膏湯檬($56) - 鮮茄湯檬同樣好大碗，入面有魚餅同肉餅各兩件，另外仲有一隻蝦，份量比生牛肉湯河更多。檬粉幾彈，湯底因為加左鮮茄酸酸地幾開胃。扎肉青木瓜沙律($42) - 青木瓜沙律都好大份，成座山咁高，食落少少辣，幾清爽開胃。青檸梳打 & 椰汁紅豆冰(跟餐加$9) - 青檸梳打甜度適中，梳打味唔會太重，好啱而家仲係熱熱地嘅天氣。紅豆冰椰汁味夠重，紅豆量都好多，紅豆煲得夠腍甜，飲完勁飽。總結，粉麵都好大碗抵食，我特別鍾意生牛肉湯河，價錢都係街坊價，仲要唔洗加一，幾抵食。

係太子附近行行下街，意外睇到一間新開冇幾耐既越南料理店，心諗比個機會新舖頭支持下小店，冇諗過意外發現呢間食店CP值極高極抵食😍😍而且店員們都很nice,是年輕人在打理，值得支持😆◾️香烤豬頸肉撈檬 $56一睇到已經好驚艷🫢因為好大碗，占左大半碗既豬頸肉，另外仲有青瓜絲，紅蘿蔔絲，花生🥜料多到已經見唔到檬粉🤣🤣我個人中意落多d魚露，因為想浸晒d粉比較入味。豬頸肉實在太好食😋！佢唔係果種切到好薄身，而且非常香口，混合酸酸甜甜既檬粉食，好正呀😍好開胃。◾️招牌火車頭湯粉 $60湯粉都可以揀檬粉、河粉或者金邊粉，食得越南野當然揀檬粉😎中意食牛而又貪心既就可以揀呢個火車頭喇！有齊牛肉、牛丸、牛腩、牛展。牛肉仲要係粉粉嫩嫩既顏色，一d都唔韌，牛丸亦都夠彈牙😋。仲有厚切扎肉添，非常多料！◾️越式炸春卷 $32絕對要絕介！外層夠香脆！中間係粉絲，木耳絲，紅蘿蔔絲混合，好香口，外脆內煙韌，而且夠晒大舊，基本上食呢個小食已經飽6成😆重點先係$32！好抵食呀～◾️越式法國麵包 $42呢一款係靚女店員推薦，一開頭睇到個菜名的確唔多吸引我，以為係蒜蓉包既朋友，點知來到，係好似熱狗咁夾餡。中豬間有青瓜絲、蕃茄，沙律醬，仲

好鐘意食越南粉，係openrice搵到呢間食PHO 嘅新餐廳，性價比都幾高，平時一碗PHO都講緊要七八十蚊，呢到五十幾蚊就食到，仲有埋撈檬同飯選擇，兩個人叫埋小食埋單都唔洗兩舊水，好抵食😝🌟招牌火車頭湯河 $60有齊牛肉、牛展、牛丸、牛腩、扎肉，落望好豐富🥰牛丸爽口彈牙！牛腩同牛肉份量都好多👍🏻湯底係用新鮮牛骨熬製而成，鮮甜唔會太咸，仲有蔥花、金不換、洋蔥、青檸汁調味，幾乎飲晒成碗湯😂👉🏻加$9就可以飲到特飲，都幾抵！🌟香茅豬頸肉湯河 $56豬頸肉同湯分開上，唔怕會浸到肉淋晒，豬頸肉薄切，份量都幾多，食落幾香口！😝🌟香茅雞翼 $32一份香茅雞翼有5隻，用多種香料醃成，醃得好入味，皮脆肉嫩好惹味😋🌟越式米紙卷 $30米紙包住紅蘿蔔、扎肉、生菜、檬粉、金不換，口感非常豐富，金不換嘅味道最突出，點埋酸甜醬食好開胃☺️

久唔久好想食火車頭，又好掛住越南嘅食物，朋友帶咗我嚟呢間食越南好出名嘅小店，可以滿足晒我所有嘅要求😚即刻嗌番碗招牌火車頭湯濛，越南火車頭店既招牌菜， 精髓在於甜甜的湯頭，以牛骨、 牛碎等熬十多小時而成的湯底， 味道果然濃香， 搭料有牛肉、 牛丸，鮮牛肉、 牛腩豐富材料♥️ 清甜牛肉湯，鮮嫩牛肉類組合係無得輸，配上軟滑濛粉，正呀😍朋友嗌左烤牛肉撈濛，烤得好有肉汁既牛肉，恰恰更有焦香感，味道相當好😚非常夠味，配上撈檬，清清甜甜♥️小食嗌咗香茅豬扒，香煎厚切既香茅豬扒，好厚身，外層香口，吃下啖啖肉，而且又鬆軟，超滿足的😄越式炸蝦餅，炸蝦餅幾乎是每間餐廳都有的菜式🥗經常念念不忘的炸蝦蝦餅喔，份量都算幾大塊。我哋相信落咗唔少蝦，因為非常彈牙！😚最後做嗌咗青檸梳打，成餐晚餐好滿足喔😄

看見月橋越南粉在太子再開分店，馬上就想訪談一下，吃吃看他們的分店如何。但看見這個橋跟那個橋有那麼一點的不同，就猶豫了一下最後還是進去了，問了小老闆，原來這家店的名字少了一個木，是因為風水的問題呢，雖然過程很繁複，但還是處理了，這種對細節的執着令人敬佩環境就是一間小店的模樣，算是滿「橘子」的小老闆對餐廳充滿熱誠，雀躍地敘述著自己如何製作店內的傢具設施，好厲害呢月見三寶撈樸$60雞翼，豬扒，扎肉，這三寶可說是越南粉的常見菜式，除了油香豐富之外，份量很大， 檬粉的份量也相當多，加上任添的酸辣汁，是令人非常懷念的越式味道香茅豬頸肉湯粉$56一件件的豬頸肉入口肥美甘貽， 油香四溢，同樣份量很大， 加上巨大的碗放着足量的金邊粉，只能說這家餐廳真的是性價比相當高越式法國麵包$42這份法包相當清新，外皮相當爽脆，肯定是正宗法包。體積又是巨大，兩個小女生吃這一份已經飽了！裏面夾着一塊厚厚的雞扒，還有蕃茄，醃蘿蔔，生菜，紫蘇，感覺比一般越式法包更清新，煙韌的法包更有層次更飽足！感受到他們的熱誠了，會繼續來支持！