有料案內所 (井財街)

营业中

休息中

喺網上見到有人嚟食就黎試吓，呢間鋪頭面積細細，買嘅除咗甜品之外仲有小食同熱食！不過啊今日係主要黎食甜品，就叫左兩款甜品試！呢度座位唔算係好闊落，坐得有少少唔舒服，不過食甜品嘅話唔會食好耐都冇咩所謂！而店員服務態度就一般，有待改善。疏乎厘pancake即叫即整,上枱嘅時候仲係熱辣辣好軟熟！有入口即溶嘅感覺，唔會太甜，亦都唔會太膩！份量啱啱好，焦糖面亦都好脆。 至於個炮冰就覺得一般般，冇話好特別，食到中間好快無味，可以係呢再加多啲功夫。但就好大嚿成座山咁，都叫做幾抵食。

#炙燒焦糖布丁麻薯窩夫 #麻薯窩夫 #窩夫喱個窩夫真係好好味！一上枱既香味超濃郁😍😋🦆小編不得不獨立幫佢出一個post!!因為就連平時少食甜品同唔太好窩夫既朋友都覺得超好味！🥰先講麻薯窩夫既部份，雖然佢麻薯既份量並唔係特別多，而且存在得都唔係特別明顯🙈即係你切開個窩夫睇佢既橫切面個陣你未必會發現到佢🙊但佢嗰種煙煙韌韌既口感真係非常之好味🤩配合埋佢面頭既焦糖+特別既醬+清新既雲尼拿雪糕，一啖食曬咁多樣野真係超幸福😳♥️不過對於🦆小編黎講，佢整體有少少過甜，一個人絕對食唔曬，食三份一真心足夠喇，幸福感已填滿！💫而且伴碟既部分，可能因為d🍓唔係當造，所以就帶酸，扣左少少分🙁但佢依然都係植得一試嫁👍🏻👍🏻.#Oreo朱古力流心梳乎厘斑戟🍫 #梳乎厘斑戟喱個梳乎厘斑戟超級軟滑啊🙈一上枱個下已經超級傾斜，🦆小編個朋友仔拍完boomerang之後就掉落黎咁制，要托一托先可以影到喱張圖比大家睇嫁😂佢呈現到咁既效果就知佢食落口係軟林林唔係實的的個種口感！雖然未去到入口即溶好似食空氣咁😆但係🦆小編好鐘食喱種唔洗點咬就會開始溶起口，好易吞既感覺！😝而且佢既蛋香味都好濃！🥚入面既朱古力流心再配合埋d Oreo碎

第二次黎朝聖，都係食返好評嘅窩夫🧇。今次叫咗特別嘅珍珠奶茶窩夫，材料好豐富，唔只窩夫咁簡單，一次過滿足多個願望。首先有奶茶雪糕，味道似台式奶茶，比較甜。同上次嗰個灸燒焦糖布丁窩夫唔同，窩夫今次切開咗4件，排得靚靚仔仔。窩夫上有重茶味嘅cream，cream好細滑。由於cream唔會過份甜，食落唔會太膩，好味到每一細件窩夫都要點晒啲cream。半碟仲有紅豆蓉、珍珠同埋三色芋圓。本身對護院冇大期望因為唔係主角，但佢嘅芋圓絕對唔馬虎，分別好重地瓜、芋頭味，唔會只係好似食到一舊冇味嘅粉。紅豆蓉本身甜，所以覺得配埋窩夫食嘅話就太甜，有可有可無嘅感覺。而珍珠口感就正常發揮。一齊行山嘅同學就叫咗店舖抹茶紅豆刨冰🍧，分量大得驚人。佢有啲後悔落得唔夠多煉奶，但整體好評。

虹橋出名多嘢食，今次就帶非大西北嘅朋友嚟食甜品。我都係第一次光顧有料案內所，好彩絕對冇伏到朋友。有料案內所鋪面比較細，裝修最大嘅特色係掛係牆大大個大板嘅招牌，有少少日本感覺，岩曬我位以日本為第二個家鄉嘅朋友。雖然樓面得1個店員，但採用QR code落單，點餐幾方便、快捷。我就叫咗灸燒焦糖布甸麻薯窩夫，係窩夫嘅上面鋪滿一層脆脆嘅灸燒焦糖，太幸福。一切開，吉士布甸醬係窩夫一個窿一個窿度擁晒出嚟，將一細件窩夫點埋半溶嘅雲呢拿雪糕，係幸福嘅味道。放心，吉士布甸醬唔會過甜。話到明麻薯窩夫，對於咁麻薯喺邊，我都研究左一陣。原本以為麻薯係一粒粒嘅，但係佢應該係整窩夫嗰陣時加埋麻薯，所以令到成個窩夫都有煙煙韌韌嘅口感。呢一點加埋本身個窩夫好大件就令我即使冇食晚餐，都飽到食唔晒。朋友就點左招牌嘅焦糖疏乎厘同四季春。佢覺得四季春一般，因為唔甜。睇嚟佢同我都係鍾意食甜野多。

呢輪終於黎到呢間晚7先開既甜品鋪 😌〰️依加唔似之前咁個個都話要等位 星期六晚都只係滿一半多啲 唔多洗等位 大家有罩有精神可以比啲爭扎去幫襯下💪🏻🙎🏻‍♂️叫左個士多啤梨藍莓芝士奶蓋刨冰 冰粒好夠士多啤梨味 味道食落唔化學 冰比較粗粒有咬口 起度溫馨提示下 無牙力或唔太鐘意咬硬或者有敏感牙齒既人士 注意啦 呢款可能未必唔岩你地 可以揀佢地其他款既甜品😌當然你地想食 都可以俾啲爭扎 品嘗佢既美妙 🤤佢上面有一層濃厚既奶蓋 鹹香惹味 撈過新鮮士多啤梨同藍莓食夠曬香甜 😛睇圖唔知你地感唔感覺到 但佢既份量真係勁重量級 佢大過我個頭勁多 🤯今次第一次黎 我地兩個想食佢既刨冰 同Pancake 🤤諗住食完冰先叫Pancake唔洗溶曬啦🤣點知原來係會食唔曬 唯有留返下次再試 😛🤨佢個刨冰勁大份都只係30幾蚊 真係超乎我地既想像 下次晚餐食無咁飽 希望食到佢個Pancake 最好就夠胃食埋佢既窩夫😆搵日再戰黎過🥰〰️

每日營業時間為 7pm to 2am (1:30am 截單) 想食呢間好耐，但係佢個營業時間真係 有點難搞 咁岩今日幸運地 趕得切可以佢一現嘅時候 淺嘗一下士多啤梨藍莓芝士奶蓋刨冰 價錢: $36 $36 cp值 爆高刨冰 佢個芝士奶蓋 每一啖都食到我心花怒放 好邪惡 King Size 幾個人share 較好 意式Tiramisu 梳乎厘班戟 價錢: $86呢個同刨冰比 稍為有點遜色 另外 個班㦸 食落蛋味好重 空氣感不足 感覺似食雪芳蛋糕 Tiramisu味不重 小失望講多次店舖營業時間係 下午七點到凌晨兩點 切勿摸門釘 過左虹橋 橋低就係 好易揾

虹橋甜品都好特色食完飯都要特登過嚟食甜品佢其實有大阪嘅感覺好掛住大阪呀再加上美麗嘅甜品叫咗個芒果小丸子奶凍同埋芒果芝士奶蓋刨冰完全冇諗過佢個芒果小丸子奶凍係咁樣嘅味道唔錯而且個賣相我鍾意刨冰方面，就係一個普通嘅刨冰上面有芒果同奶蓋

今晚突然想食下甜品, 想食動L梳乎厘. 不過就真係唔係話周街有. 咁岩屯門紅橋有一間.雖然個舖位好細, D枱都迫, 但個樓底成2層半樓咁高, 所以坐落一D壓迫感都無, 反而重幾舒服. 重有佢地都幾方便, 係舖外面就可以Do 個QR code 睇餐牌. 入到去都係用QR code 自己落單.2個人叫左一個灸燒焦糖布甸梳乎厘, 加配一杯藍蝶花荔枝梳打水.灸燒焦糖布甸梳乎厘個蛋香味好出色, 配埋個焦糖面脆仆仆, 梳乎厘軟林林, 口感充滿層次. 雪糕方面就無咩特別, 但好在佢係比較軟身. 事關好多甜品舖D雪糕球都比較硬, 唔方便食. 藍蝶花荔枝梳打水 就係一杯顏色美麗既荔枝汽水, 荔枝味OK, 杯野唔會太甜. 雖然唔係咩突出精品, 但就係一個請職綠葉, 用黎配一個主甜品係一流選擇.

見係黃店又捐錢比星火先諗住支持下試下 本身都幾鐘意食soufflé waffle 不過只此一次 下不為例平日夜晚係附近食完晚餐9點幾唔洗等位坐底幾分鐘見店員未比menu 於是打算招手與此同時 唯一店員行埋黎無出聲默默放底張單 我同男朋友即刻有啲驚訝 諗住同店員講我地未嗌野食 望多兩望張單 原來有個QR code 即刻恍然大悟係用電話落單男朋友落單但唔成功 因畫面出現error 於是我嘗試落單 成功落左1個焦糖soufflé 由9:19 分落左單 等左20分鐘未有野食 覺得唔對路 怕張單無落到 於是同店員查詢 佢話幫我地睇睇但無覆翻我地 到等左35分鐘 仲未有野食 再次查詢店員係咪漏左單 店員回覆soufflé 係一批批咁整 所以要等咁耐 一路等有種無了期等待既感覺 因為餐廳細細間 十幾個座位 廚房有3個人 樓面啲客係我地入黎既時候好多都已經食緊 照道理排係我地前面既單得好少 無可能要等咁耐 於是我地諗住等到十點就走到十點零幾分 諗住最後一次查詢店員 真係無野食就走 呢個時候野食終於到！店員再次默不作聲放底野 比人感覺餐廳明文規定要等咁耐所以老奉要等呢個食評終於可以講下野食soufflé

紅橋黃店林立，呢間開業半年左右嘅有料案內所，有好多小食甜品選擇😻！—————————————————🔹炙燒焦糖布甸梳乎厘pancake ($73) 〔配雪糕、士多啤梨及藍莓〕🔹珍珠奶茶窩夫($68) 〔配奶茶雪糕、奶茶忌廉、珍珠、地瓜圓及芋圓〕🔹士多啤梨藍莓芝士奶蓋刨冰 ($36)..以為佢36蚊細細碗啦，點知臉盆咁大！幾個人share都得，奶蓋超濃芝士香，就好似茶飲店芝士系列嘅刨冰版，帶微莓香又靚，加埋煉奶鹹鹹甜甜咁，無得頂🍓.班戟勁動L 🥰 面頭有一層薄薄嘅焦糖，外層炙燒至脆身、食落好香好有蛋味，好似食緊蒸蛋咁濃🤣 班戟嗒落鬆軟微甜，帶點蓬鬆空氣感，但不至於食落一陣風，比起近期食嘅窩子更好食！.窩夫係鬆軟型，個人覺得外面再脆啲會更正，奶茶忌廉同雪糕茶味都好香濃，又唔會甜到漏，啱啱好～😍

今晚食完飯唔係好飽，所以搵間甜品店填下肚。搵食當然搵黃小店支持一下。老實講黃小店並不等於好食，但可以為憤憤不平既香港人減下壓。與此同時，呢間水準真係得，所以冇理由唔介紹下。今次試咗四樣嘢：和風唐揚雞軟骨、招牌四季春（茶）、意式Tiramisu梳乎厘班戟同埋Mojito。四季春—茶味，雞軟骨味道好，Mojito 清、香、甜，Tiramisu 梳乎厘班戟—Tiramisu 味道唔係太出，但係個梳乎厘班戟做得出色，有蛋香，口感豐富，不會太過「空氣」。身為班戟迷的我十分滿意，加上係良心舖頭，沒有不回頭的理由。😋😋😋

~~~HAPPY FRIDAY~~~約左好友去食個開心既~~排解一下返左工一星期既鬱悶平時我麻麻地甜品類, 但見呢間既款式選擇多, D甜品樣都幾靚仔,就去試試啦一坐低, 靚女侍應就放低呢個台號連QR code比我地,有別於一般甜品店, menu同落單都係自助電子化,可減低侍應落錯單/落漏單既機會, 又可省卻食客們等待侍應招待落單既時間食物既種類同款式之多, 不能一一盡錄大類分為:  梳乎厘班戟,  waffle, 班戟, 日式小食, 刨冰, 飲品, 其他甜品單單飲品類都有10幾款揀, 由濃厚既芝士奶蓋類, 到清新既水果茶類都一應俱全真係唔怕你揀唔到, 最怕你個胃唔夠大朋友點既, 飲品一上台, 我地已經"嘩~~好大杯呀"好欣賞支飲管, 係紙飲管黎, 既環保又靚我無試過味, 但見佢都差唔多成杯飲哂, 應該都唔會差呢杯我既~~落單時我15/16, 因為咩都想飲最後揀左呢杯梳打, 好靚呀!!支紙飲管仲要襯埋色, 打卡一流味道方面都唔錯, 唔係芒果藥水味, 我落單時少甜少冰左,  所以甜度方面都剛好, 好飲一間小店, 連擺盤用具都用心, 真係難得每一粒雞軟骨都熱辣辣 脆卜卜,真係"下飲品小食"既

我係比呢間個固力果招牌吸引咗，而又咁啱唔使點排隊，所以就入去食啦。間餐廳個環境都算係幾特別，好有日本特色，而落單係用qr code落。成個menu比你睇哂再點餐。 我就純粹想食下啲凍嘢，見佢幅圖個樣子都幾過癮又有奶蓋，所以就嗌咗個36蚊嘅芒果芝士奶蓋刨冰試下。諗住36蚊都唔大得去邊，點知一嚟到，先發現係勁大碗。 基本上個份量夠四個人食， 刨冰外層比純白色嘅奶蓋包圍住，再加上入面嘅煉奶，食落去 食到濃濃煉奶味同埋creamy嘅芝士奶蓋。 不過個敗筆係啲冰嗰度，啲冰唔係好夠smooth，一溶咗會成嚿冰黐埋一齊，所以佢個冰smooth啲嘅話會更加好。不過，36蚊嚟食咁大碗冰又真係好鬼抵。

呢間店名獨特，經常大排長龍。食開鄰隔嘆記決定要試下新野☺️估唔到質素超乎想像，一定要再幫襯。但所有櫈都係高身，比較唔好坐但環境都ok😏-炙燒焦糖布甸梳乎厘班戟（$82）🥞*加配Hershey’s 朱古力流心（+$10）-焦糖面頭燒脆左，非常脆身同薄，離遠已經聞到焦糖既香味🥰Pancake非常流心，好重蛋味，非常梳乎，比得上連鎖質素🥞🥞另外仲有切片士多啤梨🍓同藍莓🥰必叫🔥-❌個Hershey’s 雪糕就比較失色，之前仲以為係Pancake入面有朱古力流心原來誤會左😭睇黎可以唔洗加錢都已經好正-芒果芝士奶蓋刨冰（$36）加鍊奶🥭-一定要加鍊奶！非常大份，外面有層奶蓋非常重芝士同奶味，超級好食，相信如果係奶蓋都一定好正🥛🧀冰身不算硬，有甜味，芒果仲有5、6粒，非常甜。必叫🔥真係超級大份，食唔哂！同個杯比較可以見到有幾大🥰-內涵方面，入面有芒果雪糕一球，非常軟身非常creamy，底部仲有疑似jelly定小丸子🥰總之超級好食-關西章魚燒（4粒）- 免費-簡單手機登記會員就可以免費獲得章魚燒🐙非常足料同夠哂熱🔥完全無因為係free而hea我-凍水蜜桃靜岡烏龍（$18）-少甜少冰-味道淡淡非常適合食完

《真·黃店💛已FC》無諗過屯門都食到正正嘅梳乎厘焦糖梳乎厘上面有層脆脆嘅焦糖，上枱時仲係暖笠笠嘅，蛋味夠濃，同行朋友一致覺得好食珍珠奶茶梳乎厘呢個第一啖食落，實在驚為天人，Cream嘅奶茶味比想像中濃好多，而梳乎厘嘅蛋味冇焦糖款咁重，所以個Cream同梳乎厘一齊擺落口，個味道就啱啱好章魚燒呢個章魚燒落足料，一啲都唔空心，外面唔會濕淰淰/軟奶奶，熱到一粒章魚燒要分開兩啖嚟食醬料都畀得好足！芝士奶蓋四季春係鹹味嘅芝士奶蓋，發得都算挺身，而個茶底係正常質素，嗜甜嘅人可能會覺得呢杯嘢唔夠味，而我就覺得剛剛好再嚟嘅話會試試佢啲窩夫🎗手足們可以睇睇佢地Facebook，有罷工同捐錢畀星火