有料案內所 (井財街)

营业中

休息中

屯門日式甜品店 有料案內所主打梳乎厘班戟、麻糬窩夫等甜品 還有多款日式小食供選擇餐廳裝潢充滿日本元素 牆身掛有「歌舞伎町井財街」的牌匾 跟大阪固力果跑跑人 唯獨店面較細 較為迫夾▪️士多啤梨藍莓芝士奶蓋刨冰 $36完全無expect過個刨冰係咁大個刨冰面層淋滿芝士奶蓋 奶蓋奶香味道較重 芝士鹹香味相對比較低調內層既刨冰淋有士多啤梨醬 食落有小小似平時既士多啤梨糖 不過味道都唔會太人工 旁邊仲放有粒粒藍莓老實講刨冰味道普通 但係份量十足！36蚊性價比都幾高 消暑唔錯⠀▪️綜合涼粉 $36完全係為左芋圓而嗌 不過食落就有啲失望芋圓尚算煙韌 當中加有芋頭粒粒 但味道偏淡珍珠煙韌 但小丸子外層軟腍 入面仲未煮熟有啲硬成碗糖水 最鍾意就係舊涼粉 質地滑爽 味道濃郁▪️意式Tiramisu梳乎厘班㦸 $86梳乎厘班㦸上枱時真係會動L班㦸質地比較似蛋糕 無平時既咁fluffy 蛋香亦無想像中咁濃 (朋友就話之前食嘅質素好啲)tiramisu部分唔算太突岀 只有面層有cream同咖啡粉 旁邊附一球普通既雲呢嗱雪糕 整體食落有啲失望整體而言 甜品味道中規中矩 刨冰價錢好平 想消暑又想慳荷包 可以一試 但梳乎厘

呢間位於虹橋嘅甜品舖，裝修非常之特別，用咗大阪固力果大叔做招牌。見到就好似去咗日本咁。餐廳落單嘅方式係用qr code落單。淨係塊招牌都足夠吸引我入去食灸燒焦糖布甸疏乎厘。疏乎厘好香蛋味，但面頭嘅焦糖唔算好多。珍珠奶茶窩夫。呢度嘅窩夫外脆內軟，面頭嘅奶茶非常creamy，有好重嘅奶茶味，加埋珍珠，兩隻好夾。仲有佢嘅奶茶雪糕亦都好好味。珍珠奶茶疏厘班戟。呢款同樣係有好香嘅蛋味。面頭同樣有好重既奶茶cream。好似飲緊珍珠奶茶咁。班戟亦好好食。

有料案內所炙熱焦糖布甸梳乎厘班戟$82煙肉大板燒$50深宵食堂日式炒麵$48Time for having Soufflé pancake 🥞 呢到既梳乎厘無想像中咁彈彈下食落好有蛋味上面鋪左一層焦糖正呀有少少焦糖燉蛋既味道配埋雲喱拿雪糕真係正😋大板燒同炒麵都幾扺食有多多菜食落唔會好油膩推介大家試試留意番呢間野淨係夜晚7點先會開門好似唔優做咁所以要早少少去咁就唔洗等好耐😏

梳乎里班戟好有蛋香，絕對用足料，入面亦唔會有唔熟濕濕的感覺。配搭也很特別。珍珠奶茶味就真係好似飲緊珍珠奶茶咁，旁邊嘅芋丸都係有質素，係甜左少少，應該係上碟前撈得太多糖漿。 炙燒焦糖布甸味上面嘅脆脆焦糖個人都好鍾意，第一次食呢種配搭。可惜我今次去嘅經歷有啲不愉快，已經等位等咗15分鐘，之後叫咗食物半個鐘，要催兩次先黎。冷氣又唔夠凍，餐廳仲有一陣奶精味，好似發酵緊嘅芝士咁。好彩啲班戟係好味，如果唔係真係嬲到發🔥。

去日本旅行，每次發現到什麼 "無料案內所" 總會產生好奇心，罪惡感同神秘感。其實大概知道是什麼來的，除非真的是想找對象發洩一下，這些 "無料案內所" ，真的遠觀一笑好了。近日，香港也出現了類似的東東，隱隱蔽蔽設在屯門的井財街。可是，原本 "無料" 唔駛錢的變成了 "有料" 要錢的《有料案內所》。有點色有點黃的地方，值得去探一下，看一下。的確，這兒真的是要付費啊，俾錢，食甜品。這是一間小店，因為要盡量慳地方而令到大部份的座位都是高檯高凳。反正，這是打年青人旗幟的店，大家後生仔女，問題不大。此外，這店的簡單裝飾令人感到份外的日本。什麼 "歌舞伎町井財街"，什麼 "大阪固力果跑步人"。都令客人感覺到，我好似已經到了日本東京或者大阪。而，歌舞伎町同道頓堀，正正是 "無料案內所" 林立的地方。好，開始點餐了。我們發現到，此店是沒有餐牌的，店員亦不會用紙同你入單去廚房。我們在檯上 scan 了 QR Code，就可以用自己的手機，直接落單了。這小店，主打的是日本梳乎厘班戟。每一份都是即叫即做，所有客人都要耐心等候。如果真係時間不多，就不要等梳乎厘啦。像我，吃一個鮮哈密瓜芝士奶蓋涼粉，就唔駛等。鮮哈

自從上次同朋友食完就一直念念不忘之前特登帶男朋友黎, 點知7點半黎到都仲未開, 等左幾個字都仲準備緊, 因為好餓, 所以放棄左....今次又再去試試運氣, 終於...大門為我地打開上次都有食雞軟骨, 因為太出色喇, 所以諗都唔洗諗就翻焯份量堅多即炸又熱又脆粒骨係爽脆, 唔會好實好難咬上次同朋友食珍奶口味, 今次就食oreo口味等待時間係耐, 前後等左45分鐘但可以理解的, 製作係要時間一上檯就覺得等待係值得waffle大大件, 配料好豐富waffle雖然係朱古力口味, 但一d都唔甜, 口感仲外脆內軟 oreo碎配cream, 滑滑口感上有餅碎咬下, 好過癮waffle配雪糕...香蕉配oreo餅碎cream...雪糕配香蕉..., 所有野無論點配點食都一樣好夾今次個menu唔知點解小左好多選擇不過問題唔大, 最緊要係食物質素對比上一次黎食, 質素依然係咁高黃店經營難, 黃得黎又要好食既仲難質素要一直keep住呀!

4個人叫左三樣野食～1.焦糖布甸麻薯窩夫2. Oreo冰3. 奶蓋四季春1. 呢個真心十級推介啊！表面係有脆脆嘅焦糖，下面果層係醬既布丁，二窩夫入邊有麻薯麻薯同個布甸嗰個醬係超級match！再加表面嗰個焦糖🥰🥰🥰🥰🥰 不得了！真心係我食過咁多甜品最好食嘅一間❤️❤️❤️冇之一！2. 呢個對比起個窩夫就會比較遜色！😂😂不過佢鍾意飲朱古力嘅人應該會好鍾意呢一個！3. 奶蓋四季春佢個奶蓋下面果一層有一層好似蜜瓜嘅味嘅奶蓋～淡淡的香完全好啱食完啲好甜嘅嘢！呢個我都十級推介三樣野加埋食咗$134～～～最貴係個窩夫$64跟住另外兩樣都係30幾蚊我覺得係超級抵！物超所值啊因為真係好好食好好飲！好似好Hard sell咁樣但係完全冇呀!係真心推介!

今日嚟到屯門虹橋區，呢度冇市中心咁多人，但原來有好多唔同種類嘅美食，天氣咁熱想食下啲甜品嚟開心吓。黎到呢間舖頭，我哋叫咗朱古力窩夫，同埋pancake。朱古力窩夫食落去非常香脆，一定係即叫即整，而且賣相非常唔錯， pancake亦都1十分鬆軟好味，真材實料，係可以encore嘅一間舖頭。

屯門牛嘅happy news! 發現左間cp值高到爆燈嘅甜品舖，勁開心❤️環境真係好細，坐得有d逼，但裝修都幾俾心機。可能店成日都好full，上菜係有點慢，可能要耐心少少啦！⭐️芒果芝士奶蓋刨冰三個字，好大份！芒果份量足，係肉芒，唔係cheap cheap大陸芒。芝士奶蓋好重奶味多過芝士味，配埋芒果酸甜酸甜好解暑！⭐️oreo朱古力刨冰個人prefer朱古力好食過芒果，其實oreo夾朱古力真係冇得輸！朱古力好濃郁仲要夾埋牛乳刨冰真係絕配。⭐️士多啤利奶凍Ummmm奶凍我真係唔太推介，係一個好普通切左粒粒嘅奶凍，而且士多啤利有點酸加埋啲小丸子，又酸又霖又韌，好難講佢好食。。。我會推介大家食刨冰類嘅產品，質素唔差又大份，考慮埋價錢cp值好高，仲打得卡影相靚！

屯門虹橋呢邊真係好多好西好似試極都試唔哂之前想去食同區另一間班戟但因為疫情要預約先食到就搵到呢間同樣食梳乎厘班戟嘅甜品店！店內嘅裝修非常日式好似置身歌舞伎町街頭咁仲有個大大嘅固力果人燈牌掛左牆真係有啲料到喎餐廳主打梳乎厘班戟亦有窩夫 刨冰同其他鹹食珍珠奶茶梳乎厘班戟面頭唧左奶茶味cream 奶茶味比想像中濃厚班戟質感鬆軟有蛋香空氣感較重 食完好似冇食過咁一啲都唔覺得膩仲可以加埋Hershey’s 朱古力夾心不過流心效果一般亦都得好少有啲失望 試過一次就好

呢間甜品店已經唔係第一次嚟食，事關佢真係太高質，所以無論幾遠都要男朋友嚟試吓！而佢都點頭認同好高質！呢到既甜品都等得有啲耐，因為即叫即整佢嘅梳乎厘pancake好好食。超級鬆軟，而家蛋香味十足。上面既cream亦都好夾。配既雪糕都幾creamy同濃味。重點係好大碟，好抵食仲好飽tim😂呢個珍珠奶茶窩夫同樣高質素。窩夫外脆內軟而且有蛋香。面頭嘅台式奶茶味cream好濃味, texture都好好。加上啲珍珠好煙韌。旁邊嘅芋圓都好煙韌。呢個沙冰係超。大。個。我諗2個人先食得哂😂 奶味好香，好正。

去食個士多啤梨刨冰，見到價錢39蚊，以價錢黎估計應該都系半個人份量，睇到實物勁大座..從刨冰上既cream，入面個雪糕，同份量，絕對睇得出呢間野超級有誠意！仲要好好味！應該系香港最好食既刨冰！！！其間侍應姐姐見到我凍到震😄仲畀左杯熱水我，真系好體貼，會極力推薦畀朋友！

周六晚8點，時間尚早，餐廳即刻有位。但到我用完餐時，外頭就有6，7個人排隊。不想等位就早點到吧。之前兩次我都是叫外賣，今次第一次堂食，兩人點了朱古力麻糬窩夫和綠茶奶凍。但份量遠比想像中大，兩人食了個奶凍已經飽左7成，然後pancake成個pizza咁又大又厚，初時好擔心食不完。不過因著那外賣無的甜美賣相，以及邪惡誘人的美味，我們還是消滅了整個pancake😂大家切忌一個人點pancake，一定要多帶個朋友分享啊。

當全世界還未脫難疫情禁飛的戒備，我竟於剛過去香港五一黃金周首天的假期，去了歌舞伎町！店內「歌舞伎町井財街」閃閃發光的招牌，大阪固力果跑跑人的燈箱，還有「有料案內所」的店名，不就是發放著滿滿的日本感覺！至於味道，「有料案內所」主打日系的疏乎厘班㦸、窩夫和刨冰等甜品，更使用日本雞蛋、日本麵粉和北海道 3.6 牛奶來炮製，踏進「日本案內所」，大可平伏大家思日的愁緒！炙燒焦糖布甸梳乎厘班㦸 HK$85 是我千挑萬選的寵兒！除兩件班㦸，還伴有雲呢拿雪糕、藍莓和士多啤梨！由於即叫即製，上檯時當然擁有「震騰騰」和「脹卜卜」的可愛樣子，相機要快手行動！梳乎厘班㦸色澤淡黃，面層鋪有脆薄的焦糖，四周口感是令人滿足的空氣感，中心帶有少許滑滑溜的口感，而日本蛋突出的蛋香的確是相當迷人！「有料案內所」果然是有料，香港黃金周後當然要繼續懲罰啦！

絕對係食過返尋味嘅一間甜品舖❤️❤️❤️基本上已經試過間鋪大部份嘅甜品 而個人最鍾意係焦糖系列😂感覺上焦糖配上啲咩都特別好味唔會好膩但又好香 係飯後甜品嘅必備之選！而且佢嘅小食可以媲美日本料理餐廳 個人比較推薦章魚小丸子☺️基本上去親都會嗌嘅小食黎！超足料而且啲醬唔會少 唔會食到最後冇晒啲醬同配料而甜品黎講 焦糖布甸梳乎班戟超級推薦！！最常嗌既甜品之一☺️另外間鋪點菜由手機點 對於好少出街食嘅我黎講 好新鮮 好新穎😂最重要係咩！！黃店呀係💛