有骨氣火煱專門店 (已結業)

一行七人，諗住開開心心食餐好嘅，點知去咗間黑店！打電話Book咗7:00p.m.枱，去到竟然話無我地Booking，但都安排我地上3/F入坐，但又只限食2小時。望吓餐牌，散叫食物貴到飛起，所有醬料全部$10/碟，飲品一樣咁貴。局住$98/人任食限定食物。坐低後第一時間入單叫嘢食，D食物都尚算新鮮，但個爐就滾極都滾唔起﹝已換1次Gas﹞。食到8:15p.m.，我地入第3張單，等到8:45.p.m.都未黎，所以再入一張。有個四眼waiter走過黎用好唔客氣既態度話：“8:30p.m.已同你地講咗話last order架喇，仲入單！唔理你地食完未，總之9:00p.m.你地就要走架喇！”聽後無明火起！今時今日仲有D咁差既服務！係你地廚房漏單、無話last order又話有，仲話D客唔啱，真吹脹！到9:00p.m.，有另一個waiter走埋黎趕客“夠鐘埋單，我地有樓下有6個客等緊張枱”。打邊爐打到成肚氣，又唔係好食過人！呢間咁既舖頭，咪使旨意我再黎幫襯你呀！

我同意其他人的評語, 有同樣的感受, 如早些看到, 絕不幫襯此間o野....上次大約6 / 7月份到的時候都唔錯, 但是上週六27號到此店, 入座講明只食兩個鐘時限, 當你叫了湯底及點火鍋配料後, 原來現在係沒有酒供應, 而所謂1酌的飲品(e.g.酸梅湯) , 好貴..約 $45...真唔底. 待應沒有好服務能度, 黑口黑面, 不會理會你的感受, 今時今日咁樣的服務就唔掂.我地大約7:15pm 入座, 在8:45pm 就是last order, 8:55pm 要你結數, 9:15pm就通知你要離開座位, 趕客人走真的好準時.整體表現比上次來的時間差了好多, 如上次有70分, 現在已扣到只有20分.相信我暫時唔會再幫襯此間o野, 又唔係得此間火鍋店, 價錢差不多還有好多商號選擇.此店令我太失望

其實打邊爐響邊度食都差不多, 楝TST梗係貪佢就腳啦。我地一行6人七點開始食, 佢要我地九點走人, 我地心諗, 打邊爐兩粒鐘乜都夠啦。點知佢地上野又上得慢, 又上唔齊, 佢8:45分叫我地LAST CALL, 我地梗係瘋狂咁CALL啦, 等到8:55先開始上LAST CALL o既野。食唔夠3分鐘就叫我地走, 話再食就當9點入座重新起錶, 我地梗係唔理佢繼續食啦,之後叫佢加水又唔加, 9:10仲強行搬走個爐, 話夠鐘, 認真過份。經濟咁差佢地都咁做生意, 又叫人last call, call完又唔比人食, 大大隻字話珍惜食物, 果頭連未食o既都掃走埋呢間咁o既野, 唔洗錢都唔會再去

相約好友食飯,朋友提議到有骨氣,用匯豐信用咭有優惠(都唔係好優惠),每位$98任食,就試下啦~~~6:30pm開始食,限時2個小時任食,不過...........點心紙上有兩個部份係唔包既,係要另外加錢,只能點某兩個部份既食物.湯底選擇豬骨鍋,食物都陸續上枱,每碟既份量好少,至失敗都係肥牛,又未完全解凍,非常堅硬,肉質超級韌,奶皇水晶飽算是較吸引之一,餡內係奶皇帶少少甜.其他食物都唔見特別出眾,食物選擇好少,沒有賣點,埋單$590-

唸住平平地滙豐咭$98任食試下啦, book咗七時, 未食完八時半己經要埋單, 都唔緊要, 咁我地六個人, 食到八時五十五分, 重有少少未食完, 有位阿姐級部長己經叫我地走, 根住九時十分叫個侍應過黎同我地, 又冇禮貌. 不獲尊重, d野又唔係特別好食, 埋單又唔係特別平過人 (重要計湯底, 茶, 芥), 以後都唔好黎呀!!!!

book 左7pm-9pm時段order左d野食成15分鐘先到8:30就last order8:45就叫你埋單, 諗住好心早d幫佢埋左張單先啦之後我地都一鑊過落哂d野食, 諗住食完走人點知有個男侍應走黎講 : 「夠9點唔可以再食, 你地要走」跟住就熄左個火, 赤手埋個煲走左 駛唔駛咁絕, 煲都走埋我見其他枱有d人仲食緊, 都係唔好做好人咁快埋單仲有好多野食已經唔係任食list要比錢

姐夫話要幫小白做生日﹐見HSBC卡可以$98/人﹐任食甘抵﹐就儘管來試下啦。坐底發現原來抵食係騙人的﹐湯底最平都要$88﹐不過坐底左就算啦。照樣點了豬骨湯底﹐菜有﹕生菜﹐菜心﹐菜都算新鮮﹐不過每份好小。點了牛肉﹐都新鮮﹐不過要叫多幾碟﹐因為每碟都好細份。點了鱔片﹐鱔片都可以﹐夠滑。不過沒有皇帝菜﹐蟹子圓﹐有點可惜。鵝腸都好乾淨﹐粉絲夠滑﹐魚頭都夠新鮮。不過選擇與其他任吃火鍋比就小好多﹐有點失望。

前一陣子舊同事約埋一齊去呢間野食火鍋 ,放工6點幾一早就到左仲攞埋位等夠鐘 , 望落樓下位置仲舒服過樓上 ,環境實在麻麻 , 剛剛有班類似本地大學生的物體也在打邊爐 ,令到本來已經唔係好大既地方更加細少更加嘈吵 .食物水準不過不失 , 同出面酒樓既味道差唔多 , 最重要既肥牛都有一定既水準 .如果你唔怕嘈又唔怕迫的話可以一試 ~

10月5日媽咪生日，因為知道有匯豐card優惠，一行4人去左打便爐，，7點食到9點，$98位。入到去，畀個位我地超迫，明明有個邊位既檯(另一張一樣大既檯得一對情侶)，問個侍應，佢話係六人檯，其實當晚又唔full，人地兩個人都可以坐，點解唔畀我地調呢？出出入入又要讓人，真係超唔舒服。到嗌野食喇，湯底另加$98，送一款料，野食冇乜選擇，肉類同丸類都ok，之後叫左碟魚雲、粟米同菇(唔記得咩菇)，真係火都黎埋，食落去臭架！點解咁大間公司，臭既野都拎出黎畀人食？？野飲方面，我地嗌左兩榨蔗汁，一榨$26，呢餐真係食到勁冇mood，以前黎都唔係咁差！以後我都係去返尖咀德興好D，有野飲，多款，又唔洗迫！

果日BOOK左7點鐘,但係去到好多位,心諗時間咁早所以冇乜人,但係食都8點幾都仲係好多吉位~果度D火鍋任點任食真係好唔抵~信用卡優惠都要98~湯底要加98蚊,又要加一,又唔包野飲,食物選擇超少,得2種顏色既LIST可以揀,肥牛超肥, 一半以上都係肥肉~每次點菜都漏單,叫4碟黎3碟,叫3碟黎2碟,全部自動幫你減一,叫左芝士腸都冇黎過,但係腐皮就好慷慨,俾到成座山咁高,好似想用D最CHEAP既野質飽你咁,未夠8點半就要LAST ORDER,好似好唔歡迎你咁~

星期二，我同朋友仔想吃火鍋，見HSBC信用咭可以$98位任食2個鐘、湯底85折加送小吃一款，好似唔錯米走左入去囉。我地7時入座，order左個花膠北菇湯底($88有85折)送小籠包一客，個湯底都好足料有數十粒北菇同6件花膠，不過花膠有點腥味。咁就入正題叫野食喇，任食選擇都幾少，上枱時份量都超少，2個人叫鱈魚豆腐得3粒仲要分開一半，實際係得1.5粒。講下d食物質素先:湯底好甜勁重北菇味唔係出面d例水小籠包雖然細左d不過都好好吃肥牛肥瘦適中有牛味炸魚皮勁香脆，係新鮮開包裝比我地既水晶包系列，我同朋友仔都唔識欣賞其實d食物都係無咩特別，不過係比出面新鮮。另加了一柞酸梅湯($28)，好濃的酸梅味，不錯。再加多柞竹蔗水($28)，好淡似飲水。唔知點解吃白鱔時，有d好酸同好痺的感覺，朋友仔話係白鱔皮未洗好，我即時放棄。當日無咩人光顧，服務員可以有時間咁不斷加湯同收碟，感覺不錯。8時半有服務員埋黎講last order，仲有無野要落單呢？ 我同朋友仔私下笑說，會否有人8時59分熄了我們的爐呢？點知8時45左右，個gas爐無gas自己熄左，最搞笑係我下面張枱都一樣，莫非他們係計算過的?準時過用人手去熄

一年半前同一年半後既昨晚, 真係差天共地, 同樣係豬骨湯底, 不過所有野都唔新鮮, 由個湯底既豬骨到生料既雞肉, 都係唔掂, d豬骨好明顯係雪到又乾又深紅色的肉, 無肉味的, 唯一都係咁好食既就只有水晶奶皇包, 其他真係唔掂, 又貴, 98位, 另加湯底錢, 真係又貴又唔好食, 唔怪得無咩人食啦, 成個場7點半都係得一半人咋.....下次唔洗錢都唔去呀.

有進步!有進步!之前嚟過食一次，為咗要另收15蚊醬油錢而有d唔忿氣，今次同KB佢哋再嚟食任食，98蚊已包埋醬油，咁我都開心d!!15蚊可以食一餐晏仔ga啦!!今次用滙豐卡好著數~98蚊任食,買湯底送點心...我心諗送嘅都唔謊好嘢啦~又唔係喎~灌湯小籠包幾精緻幾好食wor~~~~~貫徹我嘅作風~~叫咗大量水晶奶皇包!仲有星期五晚用滙豐找數有75折~啱哂我哋依d知慳識儉婆仔~~~~我成日都覺得人哋打開門做生意,賺就一定要俾人賺ga喇~問題係,俾錢你賺都要我俾得開心~~依度嘅服務態度幾好~自動波加湯主動跟單~~雖然有催我哋還枱但係都好有禮貌~~~我見有個侍仔招呼枱日本客~雖然佢講嘅日文唔鹹唔淡,但都好好態度,誠意搭夠!

22.7.2008 (二)是晚游完水後本來約左朋友食飯,點知佢尋晚3點先收工...都係遲d再約過la。於是我就叫肥豬陪我啦~佢同事話佢知用匯豐卡可以$98晌有骨氣任食打邊爐,佢咁鍾意打邊爐,梗係要試下啦~~~哩間分店晌正地鐵站隔離,夠晒就腳。本來我地坐下層,經我地要求下,調左去上層~佢地態度都好好,唔會嫌我地麻煩湯底、飲品同埋調味料(例如蒜、蔥) 都要另外俾錢,加加埋埋預百二至百五蚊一個人度就差唔多喇。我地叫左個冬菇花膠小棠菜湯底,有一款食物送,我地要左個豚肉咩咩餃子,普通啦。食物都係個d大路野~肥牛我覺得渣左d,唔太嫩滑~仲有魚片、魚旦、牛肉滑、鯇魚。。。仲有水晶奶皇包,哩個我又唔覺得有咩咁好食o番。就黎埋單個時,聽到隔離桌個亞姑晌度嘈,話頭先問個侍應可唔可以打包d野又話可以,而家又話唔得...唉,亞姐,哩度係任食黎架,點樣俾你打包呀? 唔通你點左十碟野黎跟住話"我食唔晒呀"又可以打包走呀?! 唉~d人都唔化gei~~~記住要check單呀,個jar蔗水佢收左我地原價,但其實應該係收半價架~

有骨氣 好激氣尼到食.......唉.....原本係好有期望的點知....先講食材.....唔係話佢唔新鮮....之不過d 野真係未夠好....自助就係要咁的質素??又唔係丫...佢比旺角果d 自助邊邊的料更差播....湯底....佢自命正野的湯底....不過不失....但係又係食唔到佢的特色之處講到最尾....其實最差的係佢其中一個部長的服務態冇錯...佢d 野係上得都ok...同埋都冇漏單之不過佢係用 gas 爐的...原本都冇問題但係佢又限時間...大佬....佢d gas 又唔夠力....換完都係滾唔起...叫人點食??? 都last order 我地order 左d 野....點知未食完就趕我地走....下.....唔單止趕走我地.....仲要浪費d 野.......咁點得嫁....我地諗住食多d 野...諗住唔好浪費d 野食...點知佢就係我地隔離 啤住我地....想點???要知道果時係晚上十一時半左右....跟本係冇人等台的....過分呀!!唔會再尼呀!!