有骨氣火煱專門店 (已結業)

我係幫襯任食~我同個fd都超愛牛~於是就猛order雪花牛囉!肥肉係多d~~不過落水拖一拖就食得~幾好味幾香wor又~~

較早前已經想去試下, 但次次都好多人, 又限時間要走...而且打邊爐有太多選擇...不過又好想試下用點心打邊爐...咁岩CWB既有骨氣後面有停車場同街位可以泊低架車, 所以今次就決心去試下, 去到之後發現有骨氣可以比你簡, 1)任食, 但要用DBS咭先可以, 仲要限時間, 2)散叫, 不限時,但冇折!! 所以我地最後簡左任食, 哈哈!! 坐低之後叫左豬骨湯底, 但唔係好夠味, 所以要另外加個沙嗲"張", 個"張"既味道岩岩好, 之後開始叫第一輪野食, 個人認為必叫水晶叉燒包同小籠包,仲有必食鱔片(我自己一個叫左2碟, 每碟有6片)其他野食都幾好, 冇失望!! 不過野飲就偏甜(蔗水),不過下次我會再去!!服務方面: 都幾好!! 留下既公關姐姐會講得清清楚楚收費同時間, 仲比張單你下任食有咩叫, 比你諗清楚先安排位比你, 上到去又唔會煩你, 可能安排個角落位,自成一角咁都幾好. 但係待應唔係成日見到揮手, 不過一見到我地揮手就會即刻黎問我地要咩, 又會自動走黎幫我地加湯, 就算就黎夠鐘都唔會吹你或者收晒你野, 只係會大約15分鐘前提一提你就夠鐘, 感覺唔錯!!

非常絕對地同意你的意見, 我也對此店一點兒好感也沒有, 只是朋友想嘗試才惠顧了尖沙咀及銅鑼灣鵝頸橋分店各一次, 兩次均被我們批評得體無完膚, 以這個價錢來說, 我可以享受更好食物, 環境及服務質素. 所謂特色"叉燒水晶包"及"奶黃水晶包" 自以為好有特色, 其實完全配搭錯誤, 一文不值, 其餘火鍋料只是不過不失, 以這個價錢來說已算是不合格. 反而免費赠送的壽包是最好味的.環境方面坐到幾乎與鄰枱背對背, 飲品只供應道地膠樽裝飲品,價錢比便利店貴很多"不值", 服務質素與差的大排擋無異, 而兩次等位經驗均叫我大為震怒, 我們一行12位朋友已經預先訂位, 兩次都沒有遲到, 但兩次都要我們於門外等候超過30分鐘, 每次質問接待員時都只是敷洐我們, 推說是客人結帳後還沒離去, 但我們眼見客人已離去起碼20分鐘,我們都不能入內, 總括來說, 我不但不會再回頭惠顧,而且會把我的經驗與朋友們"分享".

琴晚我o地6個人去食用o左DBS個promotion, $88任食2個鐘, 到o左8點半有個waiter話last order, 我o地就叫埋最後一round, o的食物o黎o左之後, 大概9點就有人o黎話夠鐘, 大家諗住係任食都唔係咁折墜浪費晒o的嘢食, 所以就冇理佢諗住繼續食多十零分鐘, 點知佢o地冇啦啦攞個膠o既大tray出o黎, 問都冇問, 將我o地枱上面o既嘢食丟晒落個大tray到. 係將o的食物丟晒!!!!!!!!!我o地見到, 眼都"突"埋, 真係咁大個人都冇見過... 為o左趕客丟晒o的食物!!!!! 其實大家又唔係死唔走, 點解唔有禮貌o的話好多人等緊, 叫o的客幫手讓返o的位出o黎呢? 叫唔掂幾次先用呢招係咪好o的?? (好後悔冇拍低個咁經典o既過程!!)埋完單... 係咁趕你離開張枱, 銀包都未收好, 褸都未著口就落返地面, 琴日得11'C!!! 佢o地咁又賺千幾蚊!!一人都食o左成$180, 又唔係好食, 普遍邊爐, 下次真係唔去!!!

其實幾鍾意食有骨氣D奶黃包,果日屋企話打邊爐,想話買D番去烚下啦,點知佢地話唔做外賣;真係激死人!D奶黃包真係幾正嫁~甜甜地又唔太膩!我起碼掃7至8碟!

已嚟過兩次了!兩次都係哥哥提意的,因哥哥是個無肉不歡的食肉獸.其實早幾年前媽媽患了大病,有好多食物都唔食得,而爸爸又有高血壓又高膽固醇又剩,都唔適合打邊爐.而我,亦好怕火鍋或BBQ等後的一陣味,所以都係去陪食.其實打邊爐有乜話好冇食,將啲食物淥熟去食啫!其實我地去,主要唔係食佢地既食物,而係去食啲人情味,五大一小,唔知幾時再有呢個組合呢?

早幾日黎左呢間食店到打邊爐, 全因為信用卡有優惠, 加上師傅從來都未黎過, 講就講到好好咁, 於是決定去試一試!九點後去到, 一坐底伙計即刻問你有冇DBS信用卡, 如果有就可以要任食自助餐, 一問之下原來九點後只係六十八蚊位, 好似好抵食, 於是任食就任食啦! 再同個伙計話要茶, 佢就好直接咁同你講開茶要比八蚊一位, 如果唔開就唔使比, 咁師傅見佢咁為我荷包著想, 唯有認真考慮!好決定揀個湯底先, 要左沙爹湯底, 跟住就樣樣都叫d黎試下啦, 有雪花肥牛, 牛柏葉, 四寶丸, 炸魚皮, 魚皮餃, 雲吞等等等等......樣樣都有叫, 但係咪以為佢會比好多份量你, 有幾多個人頭, 佢就比幾多你, 如果唔夠咪唯有再入單囉! 但係師傅又食唔到邊樣出色, 比較好係雪花肥牛, 因為切得好薄, 而且幾肥, 拖一拖即刻食得, 牛肉好鬆都幾香, 有牛肉味, 可以啦; 牛柏葉就好爽口, 配埋沙爹湯底就非常入味, 都可以啦; 而沙爹湯底都幾香幾濃, 但就唔算辣, 都唔唔差; 其他真係好普通!總括而言食物質素一般, 環境又係一般, 服務又係普普通通, 係就係六十八蚊位, 另加湯底, 而每位仲要加十蚊醬油, 再

天寒地凍一班人圍埋打邊爐最好都幾抵食,9:00pm後入座每人$110一行9人去左有骨氣叫左2 sets beer, 幾杓庶汁叫左個半價湯底食左成30碟肥牛@_@"值得推介o既係:水晶奶皇包o即o即魚麵(要另加入20架,不過真係唔錯!)魚腐入座計,食左2粒鐘

hai...last week went to this restaurant,wait for a while but it's quite fast when we ordered some foods, but unfortunately the 水晶叉燒包and 奶皇包is really a disaster..how could dessert put in a pot of hot soup..yuck..but averagely the service is ok，they are fast....although the place is full of 大陸老。

26號一行7人去呢間食有DBS,$88一位,湯底,醬油,野飲,茶..全部都要錢所以食得真係唔太盡興,咩都要就住但野食質素是不錯的,雖然款不多,但料是好的,衛生情況都ok佢\地今次又冇趕我地走WO...差唔多打多半個鐘時間,good~埋單每位$130

我十二月廿六日去，其實係一星期之前訂枱，訂九點，因為佢哋話會分段，唔係就要六點或者六點半，聖誕都有DBS任食的。去到好多人，我哋八點九去，因為佢哋話遲咗五分鐘都唔留枱。不過算啦，見到人山人海。今人係帶男友父母及麻麻及細妹食，訂了六個人，我筧得都坐得幾迫，同埋落單時啲侍應真係好忙好忙，其實人人都叫緊柯打，因為基本上大家都同一時間入嚟嘛。我哋就覺得ok啦，除咗細妹叫咗三次芝士腸，最後都只係比得三條佢，及麻麻叫咗三次鮑魚菇，最後係售罄無到外，其實都叫做ok啦！我個人就覺得你付出啲乜食返啲乜係好理所當然，我要食得好，要高質素的，又一定唔會揀任選任食；咁每人都係一百三十蚊，我就覺得係個超合理的價錢！^^

出黎飲飲食食都係唔想自己煮到成頭煙、想食得開開心心姐!平安夜果晚o係有骨氣食，肥牛呀蝦呀就係鐵膽黎ga勒，我問個侍仔有骨氣肥牛同雪花牛有咩分別，個侍仔好有耐性咁講我知，仲話「你地得3個人-嗌兩款丸--每盆有8粒咁多~你地食唔哂ga!」咁話。依D咪係服務囉!要令客人覺得你有為佢著想至得ga ma!

-although it is a all you can eat , the time of 1st round order should be ok later the order is very slow-the attitude of manger is so rude and impolite (always rush the customer) the worst is take out the hot pot suddenly n didn't ask the customer law- the taste of food is below average The cheapest restaurant in HK...never go there anymore ~

尋晚朋友A既飯局係揀咗有骨氣打邊爐,本身對此店沒好感的我,經過今晚後更沒好感...用DBS信用咭,火煱限時2小時,配料比上次"恒生"的多但沒特別之處,其服務態度就不太好,我們比限時的多了十分鐘,經理便走過來說要交枱,外面很多客人等待,我便跟他說我們正在努力中,很多便會交出枱,因煱中還有很多食物不想浪費,他根本沒理會我的說話還繼續說要交枱,我便問他那些食物是否可以不理,朋友A看不過眼便跟他說多給我們20分鐘,他聽了猶疑一會便說OK,但這20分鐘期間,我無意看到他在遠處盯著我們,很不滿似的......很快我們便交出枱來,下去到店舖門口根本一個客人也沒有,何來有客人等待呢?況且還有"吉"著的枱呢!!!

我同班朋友一得閒就會去烚下烚下，唔係我誇口，香港都無邊間火鍋店係我無留低過半條腳毛!食落肚野我一定唔可以求其!昨晚去左有骨氣，等左好耐好耐~本來唔想等o家o勒~我個fd係都要等~~入到去二話不說~即刻黎一個唧唧魚麵先!(因為之前o係x記度食過唧魚麵~嘩~直情似食左一口橡膠咁。)【有骨氣】唧唧魚麵~彈牙，爽口，有鮮味，肥嘟嘟的麵條有好濃魚香!(雖然依間野曾經令我失望過)，但今次再幫襯~覺得水準返番哂黎!有時，食o野~是不可流於慳吝的~一分錢一分貨!食落肚ga老友!