有骨氣火煱專門店 (已結業)

上個星期去咗食9點後$68既任食, 好唔掂! 張任食order form 好多嘢都無, 個湯底要另計, 每樣調味又要另外收錢. 啲肥牛肥到白色多過紅色... 我一行8個人個煲又細, 啲火又唔夠猛! 掃興! 好唔底! 德興好好多!

咁多人話有骨氣好食．．所以咪同屋企人食囉．．其實佢地大致上係幾好架．．野食都唔差．．而且服務態度都幾好，，特別d 肥牛．．真係幾新鮮下架．不過人地話水晶包好食．．但我本人又唔覺得真係咁食．．同平時叫既水晶包味道一樣．．不過．．個豬骨湯底又真係幾值得讚既．．．味道真係唔錯．．同時可能我又叫左個醉雞鍋．．．係對比下．．就覺得個豬骨底　～正～．．但野食方面就冇我鐘意食既蠔同蝦呀咁．但有野飲任飲．不過．．總體係唔差既．淨係只係打得２個鐘就掃興左D囉

24/8 星期五2個人去左呢間有骨氣任飲任食唯一好係湯底幾足料其他冇咩特別火鍋料唔太新鮮叫一碟丸只係比得2粒你咩丸都係...我唔知係唔係因為我地得2個人啦最可怕係佢d芝士腸一黎到見到係好似比人抽乾晒水咁成枝樹枝咁味有d怪..唔係平時食果d食物很普通如果咁既價錢第2度會食到很好的了下次唔會再去

以前呢...包湯底但飲品另計~而家呢...飲品任飲~包湯底~以前奶王包...芝士丸...都好食到不得了....而家...冇哂味道~~~~ooo no~~最緊要係...我有個朋友遲左到....到了門口想入去..個經理哥哥係咁問佢"搵姓咩"....大佬..我地都冇booking既...你都唔知我地姓咩啦......你荒佢入左黎白撞咩~~!!又冇禮貌....好似唔答你唔入得咁...最後我咪去開門接佢入去囉......不知所謂~!!!!!

HSBC信用咭做優惠，$88任飯任食火煱，於是約了一班同事去試，湯底要另外收費，點好的飲品及食物完全無漏單，食品選擇多又乾淨，招呼唔錯。訂位時酒樓已講明9點要離坐，諗住佢都係講下，點知到9點真係要我地埋單，要兩小時完成火煱真係有D吃力！其實埋單每人都$122，我去開覃x 頭食，慢慢食慢慢坐，食到好飽每人都係$160左右，所以下次都係去返果度食。http://www.yaugwathei.com/SpecialOffer1.html

上次同朋友一起有骨氣，真的是有骨氣！說是任飲任食，卻不包湯底．服務態度更加不用講了，我想加點醋，樓面個哥哥就講：要＄１０一碟哦！要加東西吃好多都沽清！點食啊！

上個星期六心血來潮想打邊爐, 見有骨氣有$88任食, 真係o岩晒.以任食來講, d 食物都算新鮮, 而且仲有啤酒汽水任飲, 不過$88任食係唔包湯底醬油, 其實都有d 取巧o家.

昨晚相約同事們一起到尖沙咀有骨氣吃火鍋, 一來可以聚一聚, 二來可以試試這裏的$88 任食火鍋(要用匯豐信用卡簽賬), 由於是任食套餐, 所以須要在入席後兩小時埋單離開, 我們因此也吃得比較急一點!說回食物方面, 我們點了不少食物, 包括: 肥牛, 鮮牛, 番茄, 豬骨, 豬肝, 四寶丸, 豆腐, 不同的菜, 仲有其他忘記了的食物. 以任食火鍋來說, 食物質素不錯, 大家都覺得幾好食. 當然有一兩種食物不夠水準. 仲有啊, 這個套餐還包括汽水, 啤酒等任飲的.湯底是要另外付款的, 我們選擇了冬瓜盅湯底, 幾有趣及美味的! 當水滾後, 侍應會為客人切開冬瓜盅, 然後分給客人飲用, 剩下的冬瓜會放在碟上. 之後便可以正式進行火鍋了! 這個冬瓜盅都幾入味, 係未食火鍋之前先清清熱氣都幾好!服務方面, 侍應雖然不是太熱情, 但都ok! 落單上菜速度都ok! 不過要在兩小時內吃一頓火鍋真的有點急趕, 好多時都要一穫熟, 未能夠好好享受, 要平就要這樣了! 建議提醒朋友一定要準時, 又或者先來的朋友要馬上落單, 以節省時間.最後是價錢了, 這頓火鍋每人$88(任食套餐) + 醬油$10(每位)

上個月先黎食完, 尋日又去食$88了~ 今次好高興,所以寫一寫...對水晶叉包和奶皇包上了隱!! 所以今次又同d中同去,好野緊要帶佢地去,佢地都好鐘意.席間,中學時代已經好迷"濱奇步"既范范,仲話步姐上個月黎hk果時去過跑馬地果間食wor~~~ 我地勁笑佢仲係0甘咪"濱奇步"lor~ 佢面都紅哂0甘話唔係唔係~~~ wakakak~~~~ 真係好多回憶呀!

叫左個visa card 折扣優惠2人餐, 都要三百幾, 加少少野食, 湯底再另計錢, 計計下真的好貴。食物份量少, 不過有特色, 手打丸好滑, 花膠係"星"的, 個豬骨湯底好得, 不停refill 豬骨湯, 唔係refill 水, 呢part 先覺得抵返少少, 總括來說係貴, 不過都幾好食, 但唔會成日來食。

作晚到此店光顧, 為什麼啤酒, 罐裝汽水, 酸梅湯等可以任飲, 而最便宜的茶水要收取這每位八元.很無奈我是不喝甜的, 啤酒也許不懂喝, 而我最倒霉的是與一群只認為最重要是吃得最便宜為目標的所謂長輩共餐而不能喝每位要收取八元的茶,當然這頓晚餐也是不能不出席的. 所以作晚我只是吃了丁點兒而沒有喝的份兒.我們14人只花了千三元, 你說便宜嗎!

比我想像中差得遠環境不是太舒服waiter不夠醒目，叫了多次都不過來食物的種類︰超級普通(除了奶皇飽這點心外)價錢︰$88任食(不計湯底、不計加一) 三個人都食了近$450 ~ 絕不便宜p.s. 下次情願去稻香

聽好多朋友講話有骨氣啲嘢差咗，而且貴夾唔飽，所以都有成年無去過。名氣，真係夠晒，名人，我响呢度其實都真係見過唔少。其中最深刻係謝賢，咁老，但係都算型，最重要係，佢拖住果個，又真係同八卦雜誌講ge一樣，仲要後生過佢個女！講返轉頭，我尋日去食，一枱四個人，計過度過，最尾都選擇咗任食，因為可以任飲，四個人，除咗我，都係男人，至愛隊Beer。我都係繼續選擇返豬骨煲（剛剛見到下面位人兄講到個骨煲好差無味．．．．我個又唔係喎！！），當然仲叫咗好多碟牛肉（埋單見到自己都嚇親，四個人叫咗廿碟！！！）同蔬菜，食到半飽，至開始吃佢哋出名的水晶系列，都每樣叫咗三round。我哋叫咗好多好多嘢食，係海鮮選擇唔多，不過其他都比街外的任食質素高好多好多，例如佢啲牛肉，唔係得個肥字，而係一層紅一層白一層紅一層白咁，幾靚架喎，而豬面青，亦唔係冧pet pet，而係好爽口彈牙，當中凌魚球就最值得推介，因為好爽好脆，真係真材實料喎。雖然我哋無叫啲特價品，但係其實佢哋啲招牌嘢，好多都做半價，扺食。只係我哋覺得，叫咁多，係咪真係食得晒圥！是日每人都係一百三十蚊，絕對唔算貴！如果你經過深水步或九龍城日帶食過地踎店，你就知，無裝

之前上網見到人地話匯豐信用卡可以$88/人任食..聽人講好似好好味咁..平時無優惠時散叫會好貴...咁就去試下啦...叫左個豬骨湯底..講真..真係麻麻地...我覺得無乜味..同埋唔多款野食揀...我平時次次打邊爐都會叫既蝦都無....真係有d失望囉...埋單時2個人加埋要$255...都係唔係好抵

2 of us went there last Sat around 9:30pm, we selected buffet $68/head by HSBC visa card promotion. Overall was fine and lot of dishes could be selected. But can't believe "肥牛" was so so bad. Too fat couldn't be eat... portion was small and need to recall again & again. Wasted lot of paper and of coz my time la....