望月軒

营业中

休息中

週末約上朋友一起吃點心，選擇了一家環境舒適恬靜的，有包廂位置、能夠俯瞰180度海景，當然不乏打卡美點☺️ 這裡除了點心外，亦提供粵菜、川菜，選擇多樣！✨雀籠點心拼盤包括六款必吃點心，賣相精緻適合打卡，推薦蝦多士同櫻花糕😚 - 啤梨咸水角 - 蝦餃 👍🏻 - 燒賣 - 望月小籠包 - 蝦多士 👍🏻 - 櫻花糕 👍🏻✨魚翅灌湯餃 鮮美的餃子，湯汁豐富，口感豐富✨酸菜魚炸春卷 創新菜式 酸菜搭配炸春卷的酥脆，又幾夾✨招牌大包 松軟美味外皮，內餡係甜蜜既叉燒粒，適合多人分享。✨剁椒魚頭巨型魚頭，用上泡椒同新鮮辣椒蒸煮，香辣惹味😋餐廳還提供自家製的手工釀造酒，讓我們的用餐體驗更添風味同樂趣😆😆🍶檸檬養顏酒清新的檸檬風味，高粱酒釀製，非常醒神！🍶梅子酒甜中帶酸，容易入口，可搭配點心～最後，我們以桂花酒釀丸子作結，清甜温暖，滋潤的口感令人感到滿足🤍

點心選擇都幾多，最特別係有個雀籠點心拼盤，有2人份或4人份，賣相好精緻，好啱打卡!雀籠點心拼盤啤梨咸水角 | 蝦餃 | 燒賣 | 望月小籠包 蝦多士 | 櫻花糕雀籠一共3層，分別擺放6款咸、甜點心，個人幾喜歡小籠包，肉餡幾多汁，另外咸水角賣相好可愛，炸得幾脆身，整體點心餡料幾足料，nice!另外仲點咗幾款招牌點心：🥢酸菜魚炸春卷🥢招牌大包🥢魚翅灌湯餃酸菜魚食得多，做成春卷第一次食，春卷也得好脆身，酸菜份量幾多，呢個組合幾有趣。同閨密想嘆一盅兩件又想打卡，呢個點心又幾啱feel!

退休前曾經有一段日子在港澳碼頭度過，見證了好多餐廳的更迭。其實係年前，曾經同太太光顧了望月軒，水準不錯，難怪在疫情下依然能挺得過去。今次約了朋友聊天，附近沒有好地方，就乾脆來了。星期六的中午時段，竟然都有七八成客，以家陣北上熱潮下，已是不錯。原隻鮮蝦餃很傳統風味，蝦肉爽彈，餃皮亦搓得合格，邊位用較剪修整過，望落美觀得多。蟹子燒賣皇扎扎實實，味道正常，沒多大驚喜。順德炸鮮奶畢竟不是順德菜館，奶味可以更濃，炸功反而不錯，火喉控制得好好。板燒雙椒安格斯牛柳粒牛柳粒入味又軟熟，帶少許辛香，個人覺得可以配返碗白飯。蒜香脆皮雞（半隻）想不到有驚喜，就算是冰鮮雞，都處理得宜，雞皮薄而脆，雞肉嫩，就算雞味稍差都在預期，基本上用蒜香搭夠，不過已經收貨有餘。宜威蜜汁火肪腐片炸得色澤金黃，咬落乾身，極有水準，薄切火腿帶蜜味，放在荷葉包內，一口咬落，滋味無窮。火腿高湯浸津白津白浸得夠稔，帶金華火腿的咸白，清清味蕾最好不過。酒釀丸子有些少酸度，糯米丸子有點嚼口，帶酒香，不錯。養顏銀耳羹甜度啱啱好，雪耳滑溜，天氣有點熱，如果可以凍食仲正。

.‼️❤️ 記得CLICK我PROFILE關注我呀 ❤️‼️.🔥 S̾p̾i̾c̾e̾ ̾U̾p̾ ̾Y̾o̾u̾r̾ ̾P̾a̾l̾a̾t̾e̾ @ 🌟 望月軒《👽食神大媽食中菜》.💁‍♀️ 圖片展示美食為：Sichuan Style Mandarin Fish Filet with Pickled Vegetable HKD 367Simmered Beef in Hot Chili Broth HKD 288Glutinous Rice and Lotus Root Slices HKD 68Crispy Chicken Fried with Garlic HKD 218Kung Pao Shrimp Balls HKD 218Longevity Peach Bun HKD 30.👽 朋友仔同大媽澳門返嚟，就諗住喺港澳碼頭落船之後搵啲嘢食，意外地發現呢一間寶藏中餐廳！美食先俾佢大堂一整排嘅大玻璃吸引，望海，透光度一流，令人放鬆，用餐環境舒適。.🌶️ 前菜係川椒木耳同花生，估唔到個調味好正。.🌻 夏天最鍾意叫「糯香蓮藕」，糯米唔會過硬，蓮藕切片夠爽口，仲有桂花蜜嘅香甜，真係好享受！.🤩 晚市時段有「川粵孖寶」推廣，我地就決定試下。先

去開上環就來到了信德中心呢間望月軒🌙 飲茶嘆中菜🥢 呢度裝修典雅，對正海景，環境唔錯👍🏻 我地既午餐就叫左：.🍱雀籠點心拼盤賣相十分精美🩷 三層雀籠擺放不同點心，有蒸點、炸物、甜品等，應有盡有🤩分別有🥟望月小籠包🍤蝦餃🍤燒賣🍐啤梨咸水角🍤蝦多士🍊大桔大利包蝦餃大大粒，還有一點點金箔在上面點綴，增添華麗感，皮薄，餡足，蝦肉爽👍🏻 燒賣同樣大大粒很有口感！小籠包一咬開便有肉汁！蝦多士很香脆，是已很少有的傳統點心👍🏻乂桔大利包原來係奶黃包，好香滑好好味！.🥘干炒安格斯牛河不得了，安格斯牛肉堅好食，第一次見牛肉差不多係多過粉咁！好有誠意！簡簡單單炒香就好好食！.🥟紅油抄手呢款係我本身幾鍾意食既點心，一係酒樓見到有就會點。呢度既每條紅油抄手係長形，好足料，而且加左蒜蓉，好香口！加埋醬汁好惹味。.🦐鮮百合秋葵蝦仁大大碟，每粒蝦仁都好靚，好有光澤，蝦肉好爽！加埋鮮百合同秋葵煮，好有口感！.本來仲諗住叫甜品，但實在太飽了😂 呢餐好滿足，食物質素好，環境不錯，去上環想飲茶食中菜來呢度就最好不過！

1月12日, 星期五, 清涼食團年飯, 三個人, 食左~~~炒窩筍絲 爽口, 清甜, 唔是水汪汪蔥爆安格斯牛肉 牛肉嫩滑, 配京蔥, 好味道川式香辣蝦球 虎蝦大隻, 微脆, 彈牙, 小辣又野味, 好出色蜜汁火方 金華火腿香甜, 唔硬, 炸腐皮酥脆, 夾蝴蝶包, 地道可口啫啫芥蘭煲 香噴噴, 芥蘭爽脆, 仲有蝦乾, 好野味酒釀丸子 桂花清香, 唔太甜, 小丸子煙韌海景餐廳. 擺枱唔會密質質. 野食唔錯. 

最近多吃中菜, 朋友推介去望月軒, 果然好介紹~ 三人晚餐, 點了喜歡的美食而份量也很夠.打頭陣有蜜汁火肪HK$168 , 將蜜汁火腿、青瓜片及脆皮放入夾包, 一口咬下, 香脆、甜、咸、爽共治一爐, 是一道很讚的小食.今晚我們決定不吃澱粉質, 所以來一碟份量不少的京蔥爆安格斯牛肉 HK$208, 看到京蔥, 必會想起孜然粉, 對! 真是放了孜然粉的! 意想不到, 與牛肉是如此的配匹, 安格斯牛肉軟稔之中帶少許咬口, 十分滋味~另一道也極為惹味的是麻辣蔥爆蝦球 HK$168, 麻辣程度剛剛好, 就是在口內覺麻, 脆漿薄薄的包著彈牙蝦球,  令人吃上癮啊~此時吃一吃清炒萵筍絲 HK$78, 稍為平靜一下味蕾, 重新出發~ 萵苣是有獨特的爽口及清甜, 就這樣清炒已能呈現出來.本身喜歡吃蔬菜, 所以忍不住再點一個菜. 啫啫芥蘭煲混了蝦米, 夠咸香, 芥蘭最緊要有硬度, 這點火喉掌握得很好!甜品, 朋友點了滋陰的銀耳羮 HK$28, 甜度剛好, 更有馬蹄清潤.  而我則點了桂花酒釀丸子 $HK38, 本身不喜歡桂花, 唯獨把其放在酒釀丸子, 我才會吃.  丸子Q彈, 酒釀都非常好味, 溫度是暖暖

農曆新年就到，我前幾日無意中發現呢度好適合家庭聚會或工作伙伴嘅聚餐☺️到訪當晚點左個龍蝦海鮮套餐，蒜蓉開邊蒸嘅龍蝦好新鮮，肉質爽口有彈性，好滋味😋 而上菜時「滋滋聲」嘅板燒薑蔥鮑魚，不但無我預期嘅韌，而且香口惹味👍🏻鍾意食蜜汁火肪嗎？我超鍾意🤭 呢碟火肪裡嘅金華火腿肥瘦平均，調味恰到好處，配合香脆嘅腐皮，稍有驚喜⭐我欣賞佢地連套餐附送嘅燉湯同糖水都是係足料誠意之作，同行嘅阿姨都不斷讚好❤️呢度位處海邊，環境闊落舒適，可惜當晚天氣極之大霧，如果唔係應該真係可以「望月」😆埋單時店員話佢地新春期間照常營業，咁我可以帶家中長輩來呢度啦☺️

這間僻處於上環信德中心一隅的中菜館，雖然地方看似較為隱蔽，不接近信德中心靠近中環方向的入口，其實非常鄰近另一方向的巴士總站，如果從巴士總站那邊前往，其實都非常方便。還記得在年多以前曾與太太到訪過這間中菜館，印象不錯，這一晚，兩夫妻又再到來，吃了一頓豐富的晚餐，覺得菜式水準依然，仍然甚有質素，值得一試。這晚我倆吃的是「精選海鮮二人套餐」（$688），菜式豐富，有湯有菜有肉有海鮮有甜品，雖然沒有飯麵，但我倆再加點一個「大蝦球福建炒飯」（$168/例），便即時把唯一欠缺的一塊拼圖也填滿了。「時令燉湯」最先送上，是材料十足的「姬松茸螺頭瘦肉湯」，材料除了有不少的姬松茸、螺頭和瘦肉外，還有瑤柱和雞腳，湯味清甜可喜，火候老到，先行給予客人一個良好的印象。用上了雲南宣威火腿製作的「宣威蜜汁火方」是浙江一帶的名菜，前次到來，也有一試，這天再嚐再口感力樣，鹹甜俱備，層次豐富的菜式，仍然十分喜歡。「清蒸沙巴龍躉仔」和「蒜茸開邊蒸波士頓龍蝦」是二選一的套餐主打海鮮菜式，這晚我們就揀了「清蒸沙巴龍躉仔」佐餐。雖說是龍躉仔，其實都幾大條，即撈即製的魚蒸得火候恰可，魚肉軟滑，蘸以蒸魚豉油，滋味倍添。我特別喜歡的是

新年前總是有一大堆工作，太累了！這晚放工跟朋友到上環望月軒喝杯茶靜心一下，再來川粵菜系小菜，為自己充充電！即使最近消化不良，這晚我也吃了不少呢﹗先來有我愛的蜜汁火肪配夾包，金華火腿肥瘦得宜，把鹹甜的金華火腿、脆炸腐皮、青瓜夾在軟熟包內同吃，口感豐富，絕對是一試會愛上的。甜蜜過後，有川式香辣蝦球，蝦球大隻爽彈，加上料頭及醬料爆炒，微辣且惹味，回味中。清炒萵筍絲，加上少許紅蘿蔔絲簡單快炒，爽脆細嫩又鮮甜。京蔥爆安格斯牛肉，好大塊的牛肉，而且份量也不少，跟平時吃的京蔥爆牛肉有點不一樣，這裡加入了孜然粉，加上香甜京蔥，有驚喜。啫啫芥蘭煲，芥蘭幼嫩爽甜，搭配大量蝦乾、薑、蒜放煲中炒焗，好惹味，建議不要放太久，不然，芥蘭會過於腍身了。最後，來個滋潤的銀耳羹降降火，多謝朋友為我們安排這頓晚飯。

在求學時期十多年及在家裏，從未聽過學過「儀式感」這個名詞，直至三數年前，在社交媒體才認識及了解，其實父母輩並不重視甚至漠視甚麼生日或結婚週年，所以為人子時，到了生日，莫說是生日蛋糕，連烚雞蛋也沒有，然而，時代變遷，為人夫為人父後，在家人生日或紀念日，生日蛋糕、禮物，吃餐好一點等等，我總不會遺忘，雖然做了，但不知這就是儀式感。若干年前，小弟是在這商場這個位置，為了人生大事而大排筵席，就儀式感而言，今晚是要慶祝的，舊地重遊，想懐緬嘉賓滿堂，觥籌交錯等情景，然而桃花依舊，人面全非，大酒樓變成小菜軒，為免望門興嘆，望月軒也一試無妨！小軒有好幾間廳房，據說已訂滿，而散座約有三、四檯左右，檯的分隔不密，舒適怡人。細閱菜譜一遍，種類繁多，多省會的菜式也有，惟我倆都鍾情於二人套餐。先來時令燉湯，以小湯盅盛著，甫入口是燙口的，還會黏黏嘴唇，湯最重要是夠熱，縱使有什麼珍貴材料，若湯是不熱或是和暖的，那些材料真是「泡湯」了。這盅燉湯的材料很豐富，有螺頭，瑤柱，赤肉，雞腳和很珍貴的羊肚菌，湯色清澈，味道甘甜，我一滴也喝光。宣威蜜汁火肪，伴着蝴蝶餅來，火腿給蜜汁餞得通透，用蝴蝶餅夾着，加上青瓜和炸得脆脆的腐皮，

「海上生明月，天涯共此時，情人怨遙夜，竟夕起相思」。這間鄰近上環碼頭的望月軒，以海為鄰，以月為伴，以家鄉的味道撫慰遊子思念之情。精選海鮮二人餐 $688🍀時令燉湯是日燉湯乃雲南鮮天麻汽鍋雞，材料十足，滋潤養生，暖心暖胃。🍀宣威蜜汁火肪必點推介的經典菜式，雲南的宣威火腿，肉質細緻，鹽分較輕，師傅以蜜汁調配比例非常恰當，不太甜膩且不減火腿的咸香，同時增芳添鮮。以軟熟的刈包夾著火腿及脆片同吃，口感豐富，人間極品。🍀板燒薑蔥鮮鮑魚鮑魚在鐵板端上，縷縷輕煙，滋滋作響，香氣撲鼻，令人食慾大增。師傅刀法一流，鮑魚片切得超薄，爽口彈牙，惹味到極。🍀蒜蓉開邊蒸波士頓龍蝦相當足稱的波士頓龍蝦，食材新鮮，龍蝦肉質結實彈牙，海量的蒜蓉配搭粉絲，增添無限風味。🍀翡翠時蔬🍀養顏冰糖銀耳羹或水果🍀茶位 $25

望月軒格調優雅，座位舒適，環境比一般酒樓寧靜，透過落地大玻璃，無敵海景盡收眼底，令人食慾大開。雀籠點心拼盤 168🌸啤梨咸水角（2件）🌸蝦餃(2隻）🌸望月小籠包（2件） 🌸燒賣(2隻）🌸大桔大利包(2件）🌸蝦多士(2件)點心以三層鳥籠盛著，啤梨型咸水角可愛又圓碌碌，內裡填滿豬肉碎、韭菜和蝦米，帶濃濃肉汁香。蝦餃皮薄熱燙，包著滿滿的鮮蝦，爽口彈牙。小籠包很誘人，大口咬下去，肉湯洶湧而出，鮮香美味。蝦多士甘香酥化，配上彈牙蝦肉，十分惹味。大桔大利包鬆化包皮，裏面滑溜的奶黃，甜度適中，令人百吃不厭。海鮮套餐（2人餐）688是日燉湯天麻氣鍋雞是滋補的藥膳美食，加入雞件、天麻、枸杞、大棗及薑絲，蒸氣慢慢凝聚成湯水，食材保持原汁原味，味道鮮甜，十分暖胃。入口充滿雞汁精華，加上綿軟的雞件，薑絲提鮮，微微香辣，滋補暖身。蜜汁火肪蜜汁火肪是傳統江浙菜，質感變得鬆化。以火腿加入蜜汁慢熬，把金華火腿的咸香精華，與冰糖融合，色澤赤紅的火腿，切成薄片，夾在蒸軟的饅頭中享用，集鹹香、蜜甜及鬆軟於一身，令人再三回味。板燒薑蔥鮮鮑魚鮮鮑魚拆殼切片板燒，浸没在濃郁的薑蔥蒜油之中，味道香濃，呈現另一份風味。鮑魚肉感紮實，

她, 要與閨蜜BOBO餞別, 換言之又有朋友移民, 無奈.她叫苦榮找地方. 主角要求好簡單, 川菜和點心, 因為怕在外地吃不到正宗味道. 苦榮想到了早前與她食過, 念念不忘的望月軒. 蝦餃燒賣做到傳統口味, 啤梨咸水角外型吸引, 味道唔錯. 酸菜魚好大份, 桂花魚片好多, 好嫩滑, 酸得黎小小辣, 開胃, 苦榮追住黎食. 甜燒白苦榮第一見聽, 原來係四川傳統野, 是糯米飯蓋住五花肉和豆沙, 上面有埋砂糖, 當咸食又得, 當甜品又得, 有趣.  叫多份真正甜品, 雷沙湯丸, 好熱, 好香芝麻味, 軟熟好食.苦榮與她, 祝BOBO在外地生活愉快.

近來多咗同老婆出街食飯，其實無咩原因，當喺支持吓香港餐飲業，亦可以話喺想試吓唔同嘢。今晚佢要過嚟港島區攞證書，而食友推介，就嚟咗信德中心嘅「望月軒」，因為信德呢度好似進行大翻新，所以，都要兜兩兜先搵到餐廳。踏進餐廳，環境真喺幾雅致，雖然都有啲傳統中菜館嘅格局，但一來枱櫈排得唔密，二來侍應都好醒目，安排啲客人坐疏啲，隔住枱咁坐，咁大家傾偈都自在啲。入門口左邊有幾張二人座嘅馬蹄位，其實功能就等同卡位，當然，依家設計成咁就顯得優雅好多啦；仲有，抬頭一睇，啲吊燈都好靚架。此外，近門口位放咗個魚缸，擺咗好多活海鮮，因此，我哋今晚都揀咗個套餐食，因為品嚐到其中兩款海鮮。再行入啲，見到幾大罌酒，好奇望兩眼，原來喺自家手工釀造嘅酒，由左至右：有機檸檬養顏酒、天山瑪咖養身酒、梅子酒、野生蟲草松茸酒，每壺定價$68-$108，不過，我哋就唔好酒，否則都可能叫一壺試試。 主餐牌內有好多選擇，主打喺川菜同粵菜，亦有唔少秋冬推廣嘅精選菜式，甚至盆菜都有做。而我哋就睇啱店家嘅套餐，分別有2人、4人套餐，前者為$688，後者就$1,588，另收茶位$25及加一服務費。睇過散點嘅價錢，好似燉湯都要近百元一客，一份例牌