木子甜品 (已結業)

其實好耐之前都有食過木子甜品😂耐到好掛住佢啲芋圓忍唔住要去食啦！👉🏿✨芒果露 Hkd 20 💸 加左椰子雪泥同白玉，每款配料加3蚊：）📌佢個芒果露超級好食！芒果味十分之濃郁👍🏿佢啲白玉係我食過最煙un同埋有味道，唔會好似食面粉咁✨📌芒果露係一粒粒白珍珠，如果佢可以爆埋珠就更加正了！椰子雪泥係雪糕黎，整體都好夾，好食🤤👉🏿✨腐竹雞蛋糖水 Hkd 14 加芋圓加3蚊💸📌本身佢啲腐竹雞蛋糖水都幾入味嘅,雖然食食吓會食到有少少苦🤔不過接受到嘅同埋真係有一粒大雞蛋喺度唔係散左既蛋絲，加埋啲薏米係好食架~😊📌佢啲芋圓一份份量都算多，超級煙un有口感，啖啖芋頭同地瓜味架！抵食😍

第二次食木子甜品，都係衝住佢既芋圓而黎今次食左黑白芋圓，雖然冇上次食既宇治仙草芋圓咁大份同飽肚，但係都幾好食哩間芋圓口感煙韌，係我最中意既口感。難得既係，芋圓同蕃薯圓好易就食得出芋頭同蕃薯既味道，煙韌得黎又有内涵，唔錯黑白芋圓個糖水底係紫米露，唔會過甜。黑呢，就係黑糯米，好大舊，有咬口，少少甜白呢，就係雲尼拿雪糕。成個甜品都好match，甜度啱啱好，可以再encore

十號風球的日子，當風球一落波便去油塘食晚餐然後食甜品木子甜品出名是芋丸，有紫薯芋丸，蕃薯芋丸甜品也是中式甜品 款式也圍繞住芋丸，水果因為十號風球......有些產品停賣 但芋丸份量原來也比較少 價錢也比較平糖不甩小丸子煙煙韌韌 痴上花生粒粒朱古力奶凍 不會太甜 也很滑身 但食成個奶凍比較Dry 如果有水果配更好朱古力布朗尼蛋糕 暖暖的 食落似餅 內軟軟的蛋糕椰子雪泥，聽聞所有雪泥都是自家製的 不含防腐劑 所以不快溶，食落似起沙的冰 味道 賣相 衞生 服務 抵食 推介

商場搵到抵食甜品店，推介推介，洗左$42蚊同個朋友坐左成晚，傾左成晚😂😂。呢間食店以甜品為主，中丶西丶台式甜品都有，亦有少量飽肚主食，全面價錢都好實惠。我地分別叫左豆花1號及仙草1號，裏面各有紅豆丶椰果丶蓮子丶芋圓及雪糕配料，分別在於一碗以豆腐花做底，一碗以涼粉做底。咁平嘅一碗甜品，真係冇諗過會有咁多配料，咁有份量，仲要咁有味道質素，呢D就叫做良心食店。店舖地方簡潔舒服，好啱飯後同知己朋友吹吹水💦，叫多D嘢食，成晚消費都唔高。老實講，坐多幾個站去寶琳都有好多甜品店，但收費貴一倍，質素就唔係高一倍。

木子甜品 油塘既滋補又美味假日大夥兒在大本營吃晚飯，聚一下。但餐廳不能讓我們談那麼久，唯有轉場，到別處吃甜品，繼續未完的話題。雖然是星期日，但七時多對吃甜品而言可能尚算太早，我們雖然有七人同行，但一走進餐廳便有座位了。我們坐下來，發現甜品都有些特別，很多都有芋圓，很有台灣特色。打開餐牌，看到燉糖水那一部分，太太就雙眼放光。她要了一碗無花果蓮子雪耳薏米湯，而我則要了木瓜蘋果燉海底椰。無花果蓮子雪耳薏米湯$27此糖水非常滋潤，無花果細細粒，賣相可愛，薏米不淋身，很煙韌，雪耳爽脆，很有燉湯那種滑口的感覺，太太吃完全身暖笠笠，她讚口不絕木瓜蘋果雪耳燉海底椰$27跟太太吃的那個比較，我要的這個比較清新，木瓜及蘋果非常清香，雪耳清爽，海底椰也是甚有咬口的。這些糖水吃下去頓覺身心舒暢，很欣賞木子甜品這系列用心足料的燉糖水 。

平時黎lee度只係食佢個1，2或3號豆花因為真係好食又抵食今次食貴少少食左個38蚊的榴槤甜品名字已忘記了（不專業的食野blogger)）但成個餐牌得一款榴槤同芝士蛋糕一齊的lee個甜品比平時食豆花要等的時間為多但值不值得呢。。。由我好期待的榴槤開始。。。食一啖就知。。。中伏了佢吾係新鮮的榴槤，我也不知是榴槤還是扮榴槤的東東了。。味道同質感都比我一個“好假“的感覺另外一位主角係芝士蛋糕同樣都係一個好假0既感覺反而其他陪襯品味道正常。。。好失敗的一次eat out經歷。。

這個下午有點肚餓，所以就到附近的木子甜品吃碗甜湯。因為小女孩喜歡，平日多數會買奶凍回家給她吃，今天我們就走到店舖裡吃吧！這店有很多選擇，豆花、仙草、紅豆湯、布丁等等，賣相也很吸引。本身喜愛吃芋圓及涼粉，天氣這麼熱所以選了仙草1號，小女生就選了一份可可小丸子。小丸子其實是一些小湯丸， 煙煙靭靭的，小女生特別喜愛。仙草一号 除了有涼粉外，也有蓮子、紅豆、椰果、芋圓及仙草雪泥。份量很大，但只得四粒芋圓，實在太少。 紅豆和蓮子煮得夠稔，甜味也足夠， 相反仙草欠缺味道，而且甜了少許，仙草雪泥其實是冰來的，不要误會是雪糕呢！總括來說，味道只屬一般，下次也不會再試吧。

星期日晚上8點幾黎到, 一行多人叫左唔同款既糖水, 簡單介紹下其中幾款。雞蛋布甸($17), 本身覺得價錢略高, 不過隻蛋可以帶走番去整啫喱既, 不過布甸味道麻麻, 無乜雞蛋味, 質地又太實, 所以唔推介。西瓜仙草, 一如既往, 份量大碗, 同埋好抵食, 只係$21, 仙草夠凍, 味道好, 想叫多一碗已經話仙草售罄, 但當時只係9點鐘.....芋圓海底椰仙草($31), 算係MENU上比較貴既糖水, 不過海底椰夠淋, 芋圓夠Q, 呢個組合相當不錯不過想提一提, 當晚未夠9點, 好多樣野已經售罄, 但店員每次都隔左一段時間/直至我地催單先告知賣晒, 希望可以改善一下呢一點

食開木子甜嘅朋友都知足料又抵食，今次實在大跌眼鏡嬲到爆。由於今日夜歸關係，唔想食太多，就打算叫個外賣糖水返屋企當一餐就算。叫左個紅豆湯蓮子芋圓，都好快有得拎。返到屋企一打開諗住食下紅豆先，誰不知?! 咦?!係咪比錯糖水我呢？點解舀勁都有冇紅豆嘅?! 成碗糖水數埋五粒紅豆都冇心即時打去問，個店員竟然話: 「係呀～因為個糖水係寫明紅豆“湯”，台式嘅紅豆湯係會稀啲架!」唔係啩?!紅豆糖水冇紅豆都正常????!!! 咁樣做生意都得嘅?!望住碗“水”，我真係唔覺得似湯囉，飲湯起碼都會有湯渣啦，你連渣都隔埋咁仲點叫“湯”呀？頂多都係叫“水”啫!一碗冇紅豆加上甜到涸喉嘅水，以木子既往嘅質素而論實在唔值$27，在下實在無福消受。只可以講: 一定唔會再有下次

唔知係咪臨收工，夜晚10點幾去到叫左個黑糯米芋圓，賣相一般(不過全部芋圓都應該賣相一樣) 糖水同芋圓都冇味，仲有一個係紅豆湯芋圓，個所謂紅豆湯浠到好似水咁！加上職員態度超差，黑面！一行入去就同我地講要盡快落單(但明明間野收12點！)之後摧趕我地走我全程只係食左10分鐘! 非常bad experience!

之前一直都好中意食木子，因為佢d 芋圓好煙韌而且味道濃郁不過今日同朋友再次去食，發現失色不少，雖然口感仲係好煙韌，不過芋圓完全冇味道，好似食緊一舊冇味既面粉，好失望😭

路過油塘，突然間甜品癮發作，好想食甜野，就黎左木子食個甜嘅下午茶啦。黎到呢度就不能不試佢嘅名品：芋圓系列喇。我叫嘅係芋治豆腐花芋圓，賣相一般但好好味又抵食。唯一不足嘅係，我唔係好鍾意食雪糕， 試過問店員有冇得換其他嘢，加錢換都得，佢哋都話冇， 唔好話換其他嘢丫， 連轉其他口味嘅雪糕都唔得呀。唔鍾意都冇辦法，但唔食又好晒，於是我就被迫食晒成個綠茶雪糕。芋圓真係值得一讚，䁔䁔地又唔硬，口感非常QQ，有時我為食起上嚟，會加錢加多份芋圓食添！

飯後甜品必選地點✨木子！無幾耐前經朋友介紹食左一次就愛上左佢既芋圓呢幾日突然諗返起又好想食，二話不說即刻去！由於天氣太凍又撞正生理期只好吃熱的，如果唔係一定要食佢既抹茶芋圓，只好下次再黎啦....今次要左椰汁紫米芋圓（熱）落單時店員通知話熱既要等5-10分鐘 不過過一陣就好快有得食今次第一次堂食，以往都外賣但堂食呢次略失望🤢..碗野上到黎係暖既...我諗等5-10分鐘既原因係因為要將凍既整返熱？搞到冇上次外賣咁好食...不過芋圓水準依然好好但如果再熱返好好會更好食😌紫米露方面就普通街到都食到既味道😬24$好足料，食完飽哂，最鍾意佢有大大粒入面有包番薯涵同紅豆涵既芋圓（？）令成碗野大大提升吸引力！！

位于油塘地铁上盖的商场里面。店面很小。据说主打台湾芋圆。曾去过台湾九份吃过最出名地道芋圆，甚是怀念。点了一份：宇治豆花芋圆+外加三色包馅芋圆。芋圆不够E韧，少点弹性，三色包馅芋圆还好一点。豆花有点散，滑感差一点。店面空间限制，适宜吃完就走，闲聊就有点吵了。

食完晚飯，整番個糖水，木子甜品地方雖然細細，但芋圓係我喜愛嘅食品，一於去食番碗。~抹茶雪泥芋圓~有4粒大芋圓和8粒小芋圓冰凍嘅抹茶雪泥要做到入口味道濃郁，抹茶份量一定要多啲，至於呢個抹茶雪泥應該夠味，可惜因為好凍，令到入口味道比較淡，如果在雪泥上灑些少抹茶粉，賣相和味道更吸引。紅豆湯底幼滑，如果加番啲紅豆肉，口感豐富好多，唔會好似現在咁又稀又水汪汪。至於大芋圓有咬口，但我較喜歡小芋圓，因為比大芋圓更加煙韌。~豆腐一號~蓮子唔夠粉豆腐花豆味足，夠滑紅豆夠大粒，不會太甜老實講，豆腐雪泥無咩味，凍野，要加重豆味，否則甜味冰塊咁囉！呢度芋圓係出色嘅👍🏻，價錢唔算太貴，但整碗糖水有好多要改進，否則好快流失熟客。至於服務態度，架眼鏡較年紀長果位店員就真係麻麻，無笑容，我正在想緊1001 定 1004 號甜品，佢好粗魯咁問: 1001? 1004? 我話: 1001, 佢話: 係1001丫嘛? 跟住黑面行去落單😡，幾無禮貌！註:今日年初二要收加一😓