木子甜品 (已結業)

星期六放工後陪了我家那位去完旺角，便要拿公司文件去油塘的分店。幸好她說陪我過來，很懂哄人呢。她跟著我來到油塘大本型，原來是想翻吃木子甜品的芋圓……在她誠意推介這裡的芋圓下，想了想便點了有數粒芋圓的鮮芒仙草。鮮芒仙草 $26店員奉來甜品後一看，除了透明狀的東西不見了，那芋圓像打完十號風球似的，東南西北各一粒。看見那鮮黃色的芒果便覺得會很酸，還好仍有一點點的甜味，但芒果香味欠奉。再試那被推介的芋圓，只是很平凡的一粒丸子，只說得上煙韌，味道就算吧。至於那仙草，口感算是滑溜。但由於沒有糖水或其他調味，只能待那疑似黑糖味的雪泥融化後一起吃，味道普通。這份鮮芒仙草雖然又仙草、又雪泥，也有芋圓及芒果，但給在下的感覺是將四種無關連的配料放在一碗，雜亂無章，如同沒有靈魂一樣。雖然餐牌上甜品的選擇很多，但原來不同甜品的芋圓也有不同，我家那位點的椰汁紫米芋圓($22)，芋圓卻是有餡的。在沒有註明的情況下，教客人有點難以辨色。

一直對台灣的芋圓念念不忘~在香港也少有好吃的   之前朋友帶我來過這家吃過覺得不錯。今次有事，所以來到油塘這邊嘛！！當然嚷著要來吃完才走吧～～本來想吃回上次來吃過凍的那種，但因為身體狀態問題只能點熱的所以點了同樣喜歡吃的 - 椰汁紫米芋圓 (熱/$22)不知道是不是熱的關係，這個愈吃愈甜...甜到膩的程度  但芋圓還是很好吃~~煙煙韌韌的口感最喜歡！其中1款內還有餡的喔  不過看來下次再吃的話，還是配豆花的那款會好吃點^^

呢個係自由配搭既甜品，所以我揀左兩樣我最鍾意既野，而且價錢又平D，最適合我。第一樣係芒果雪泥，佢既質地就係好似薯蓉狀咁，但味道就係芒果，佢呢隻芒果味有D特別，好似係用芒果干味，當然一D都唔干啦。食落都幾滑，完全無冰粒，入口即融。第二樣係黑糖小丸子，我本來以為係一碗煮好左咁上，點知原來係分開上既，小丸子配黑糖粉，咁樣都好，黑糖既多少可以靠自己點幾多黎控制。黑糖粉既味道都幾濃縮下，好重黑糖味而且偏甜，所以每粒點小小就夠。而小丸子細細粒，口感好煙韌，可以多咀嚼幾口先吞，是我最喜歡的口感。總結，簡簡單單，價錢實惠，味道又好，無得彈。

宇治仙草芋圓 $23我向來好鐘意食台灣嘅甜品，因為有好多煙煙韌韌嘅野，例如芋圓，珍珠等等。今次久違咁經過調景嶺呢邊，見到呢間係地鐵站隔離嘅台灣甜品店就即刻試左。呢間野設計走簡約路線，俾人一種清爽嘅感覺。不過不設堂食。餐牌上嘅選擇都幾多，有豆花，奶凍，刨冰，連心太軟都有。不過我就梗係揀番芋圓啦。一碗仙草入面有一球綠茶雪糕，紅豆，芋圓，蕃薯圓，個底就鋪滿仙草。綠茶雪糕感覺似冰多d，唔係好滑，不過綠茶味幾出，中和番紅豆嘅甜。芋圓同蕃薯圓都有芋頭同蕃薯味，唔會話好似咬緊擦膠咁一d味都冇。仙草好滑，不過一食嘅時侯係暖嘅，如果可以凍番d就應該唔會搞到舊雪糕咁快融。總括黎講都幾好味。

睇下個價錢先,真係平到你唔信, 兩個人先食左$51, 平時食個西米露都唔得啦~我叫左個 治金時豆花, 豆花雖然無咩味,但係D紅豆好甜,中和左幾好, 個雪糕正, 綠茶味唔算濃,但好味,D丸子都唔錯, 足料! 十分對得住個價錢:>!!我朋友叫左個綠茶麵條, 麵條係椰子汁整既,我試左啖都OK~~ 好評~~

朋友大力推介下就入去MUZI啦！ 正正平日既下午茶，所以鋪面就冇咩人，又可以坐得舒舒服服。我就叫佐碗抹茶雪泥芋圓，價錢大眾，只係$23。冇咩話有特別期望！但一泥到既時候，真心嘩佐聲。因為好似幾抵食，雪糕又幾大舊！仲有我個時先知道，原來雪泥係紅豆沙個類。另外，不得不提係啲芋圓！！！真係好好果，我指係大大粒個種（細細粒個種就同平時啲清心丸啊差唔多）因為大大粒芋圓有咬口之餘，內裡好似有啲蓉，超好食！不過得好少，完全唔夠喉！不過，我真心推介啲個比大家！

賣點手工甜品，台式方法制做，點了香滑宇治豆花芋圓和鮮雜果豆花芒果雪泥，豆腐花好滑，果然巧手^^去台灣最欣賞芋圓，這店的芋圓煙靭有咬口，有台風😜 但今次大粒芋圓沒有，只有細細粒芋圓，都係咁好咬口，大小通殺，哈哈 宇治雪泥和芒果雪泥一球，各有特色，綠茶味濃，芒果味甜酸，ok ^^這店唯一欠缺人手，所以服務不夠，改善改善😊

想食呢間甜品店好耐啦，又見到OPENRICE都好多人推介，咁岩經過就去試下啦。。。試左兩樣野食~宇治豆花芋圓(另加有餡芋圓):有餡芋圓同冇餡芋圓都係冇咩味道，可以唔使晒錢加黎試；豆腐花偏甜，雪糕都好淡味道；唯一可取的係紅豆蓉，甜度同質感適中。。椰汁紫米芋圓:甜度適中，夠熱，但同一般糖水店的冇咩分別。。。總括而言，試一次就夠，味道一般，冇太大驚喜。。

食過荃灣個間真係平靚正見就腳就同埋朋友黎10點幾黎到商場大多鋪頭都閂左門無咗中央冷氣好熱豆花３號+蘆薈 $18+$5唔甜嘅地瓜 同荃灣分店比差好遠豆腐花味雪泥就幾好友人嘅心太軟中間心凍 味道還好

不知何時起戀上了粉圓這種甜點，印象中第一次吃地瓜圓和芋圓是在台灣，之後在香港一直未能再嚐到。直至近期這款甜品忽然在臉書上的自製甜點群組走紅，看到谷友們不停放成品上網"炫耀"，更勾起我對粉圓的思念。由於我向來愛吃和坐享其成甚於親自下廚，唯有在此搜索一番，找出寥寥可數提供粉圓的數家甜品店，隨即鎖定目標，開展這"尋找久違了的粉圓"甜點之旅。這裏的粉圓配搭也真多，而且以冷吃為主，這次選了豆花一號，顧名思義是以豆腐花作主打，並以豆腐雪泥、蓮子、紅豆、椰果及少量芋圓及地瓜圓作襯托。既然此行目的是粉圓，總不能只吃那麼一丁點便滿足，故此另加上$7要來三粒三色包餡芋圓。在台灣也沒嚐過有餡的粉圓，這次可說是一大收穫，既可尋回粉圓之味，還可品嚐新品，可說得來全不費功夫。18元再加上7元，就能吃到配料那麼豐富的甜點，確是超值﹗通常豆腐花熱吃會比冷吃更美味，而粉圓和蓮子也大多是熱吃的，可是加入各種配料後，加上豆腐味極濃而又口感有如雪葩的豆腐雪泥，令這款甜品變得消暑又可口。顆粒小小的芋圓和地瓜圓煙韌而有咬勁，至於有餡的則較大件及搓成餃子狀，內裏藏著芋蓉餡，餡料令粉圓變得更甜也更飽肚，令人聯想起蓮蓉湯圓。難得的是這

初次光顧木子甜品，抱着頗大期望。點了雪泥芋圓，價錢只需$22，相當吸引，但賣相不太討好，紅豆湯底又冷又暖，而且個人認為過甜。唯一有驚喜的是大芋圓內有函料，而且有三個口味，黃/紫蕃薯和芋頭，外韌內軟，味道不錯。

是晚吃完晚飯就到了木子甜品聽聞本店以特色台灣甜品著名因此滿心期待入座時間尚早，所以唔洗等位不過都有七成滿座甜品款式多，真係眼都花今次揀呢款甜品有四樣野食，不過忘了什麼名字（$25）首先有地瓜圓，口感煙印，有蕃薯既味芋泥蓉，好香芋頭味，不過可以再壓蓉啲豆腐雪泥，入口即溶，好綿密，一啲都唔易溶，亦有牛奶同cream果種漏嘅感覺豆腐味麵條，一咬即斷，不過味道有啲假，唔係咁好味

朋友住在這附近~ 說如果我過去那邊的話一定要帶我來吃XD沒想到朋友推薦的這家真的很不錯^^我點了這個 - 宇治金時豆花芋圓紅豆雖然有點甜~不過配上豆花就剛剛好。而且這裡的芋圓也很好吃!!!朋友則點了豆花一號 ( 蓮子、紅弄、椰果)但朋友怕甜就只要蓮子~ 試過一下也不錯吃的。之後這裡好像是有會員制度(?) 朋友用積分換了這個燉木瓜。

在大本營仍未落成之前，這附近實在也沒有什麼甜品或糖水店的選擇，木子的開業，實在是愛甜品人士的天大喜訊""雖然已開業了一段時間，但仍沒有機會一到木子試試，每次經過，不是急著回家，就是晚上太多人排隊……是夜，頭有點痛，心情有點藍，在回家的路上，又再次經過木子，決定要吃點甜的…………由於只是傍晚時份，一進去就有位子了，翻了翻menu,選擇之多實在令人目不暇給，價錢也只在十多至三十之間， 可算是十分相宜， 到木子前看了許留山及spade, 價位都在4x-5x， 而且吃的東西，也沒什麼特別……但木子卻有一些很台式的甜點， 在冷面與豆沙之間，我選了不常吃到的冷面，可惜的是看到實物後，有感份量有點少， 只有4件芋圓，兩三口冷面， 一球豆腐雪巴以及兩件甜薯" 我先來了一口冷面， 與我想像中的口感，有些分別， 感覺是有點爽的， 味道是淡淡的豆腐味，又有點在喝豆漿的感覺""很有趣， 然後又來了一口豆腐雪巴， 開初我還以為那是雪糕， 入口後也是一陣的驚喜， 豆腐的淡淡甜味， 由於是雪巴，所以入口後，沒有加進了牛奶的肥膩感覺"很清爽"然後， 又試了那芋圓， 又是一陣驚喜，實在是想不到在整碟冷冷的甜品中，會放進

豆花一號加豆腐雪泥，雙層豆腐享受，都你十幾蚊碗，仲有個涼粉冰配綠茶雪泥，甜度剛好，心太軟都好味，不過要等15分鐘，最鍾意芒果撈，佢隨左西米仲有D水晶珠珠，有口感，好似食蟹子咁一粒粒在口中爆開，最美中不足係成日都要等位。