木屋大排檔

营业中

休息中

太和！係一個神秘又多美食嘅地方！次次行過太和中心附近 都聞到陣陣串燒味🤤今日Happy Friday終於可以收工同朋友一齊去發掘隱世美食😋原來串燒香味係由木屋大排檔傳出黎😋但係佢門面一啲都唔似平時見到嘅大排檔🤣店內牆壁畫左好多特式視覺藝術畫，裝修好chill好寫意😌仲有陣陣串燒味傳入我的鼻👃🏻彷彿好似黎左泰國渡假嘅感覺☺唔知道係星期五特別好胃口定係哩到嘅食物真係好香好吸引，我地order左個串燒拼盤、燒菠蘿串、咖喱炒大蜆再加個簿餅同埋2杯特式飲品😋大吃大喝HAPPY FRIDAY！！🤣 泰北沙嗲串燒拼盆BIG $148(2串 豬柳串&牛肉串&雞肉串 + 1片 豬頸肉)店員小心翼翼將串燒拼盆送上枱面😳哇！放低個刻我終於知道點解佢要咁小心翼翼啦！因為每串串燒都香噴噴大大串😝堆到成座“串燒山”由廚房新鮮出爐捧過黎！難怪熟手嘅店員都要小心翼翼啦😂串燒每串都燒得恰到好處🍡邊邊有啲啲微焦食落更加惹味😋我特別鍾意豬柳串燒！因為平時食豬柳好少會串燒食法，估唔到串燒豬柳口感同肉質都唔錯！帶有啲啲豬嘅油份🤤Juicy感覺 唔怕越食越口渴！而且好少地方有豬柳串燒🤔夠晒特別岩晒鐘意試新野嘅我😆👍牛魔王朋友最鐘

因為朋友極力既推薦，揀左呢間餐廳買外賣返屋企食飯。 買左$328既套餐，有2款A 同2款B 可以揀。 海南雞係必選，另外點左咖哩牛腩，鳳爪沙律同淑鹽豬扒。 等外賣果陣唔算好耐，大概10-15分鐘就齊野拎走得。 食物既份量岩岩好，唔算太多或者太少，夠3-4個人食。 個人比較中意食無骨鳳爪，所以第一個食左鳳爪先，食落酸酸甜甜，有些少辣，但真係好開胃（不過可能沙律部分辣既緣固，食晒D 鳳爪後，D 沙律最後冇食晒） 跟住我再試左個豬扒，炸得幾酥香，唔會太油膩，用黎送飯都正。 係我食緊果陣，屋企人試左個海南雞，食到嘩嘩聲，叫我一定要整舊黎食下。 我夾左舊一試，成個人呆左一呆，從來都未試過咁嫩滑既海南雞，真係冇誇張到！ 最後到達個咖哩牛腩，屋企人覺得同平時食既唔同，話有D羶味，我食落去，原來因為個牛腩椰奶味好足，應該落左單唔少奶。可能因為屋企人唔飲奶，所以覺得羶，但對於中意椰奶既我，完全係OK的。 整體黎講，呢次用餐體驗都非常好，下次會再試！

今次黎到呢間木屋大排檔，野食真係幾唔錯，佢地主打泰式野，大件又抵食，最緊要味道夠曬好味，座位又夠闊，真係岩曬一家人黎食呀。裝修都幾唔錯，好有泰國味道，唔少木系元素，食落好有氣氛，一班朋友黎慢慢食住傾，環境真係一流，絕對係聯宜之選。鮮蠔炒蛋，夠曬新鮮，有鍋氣，仲用鐵板上，上台滋滋聲，食落好有蠔既鮮味，而且蠔又夠曬大粒。泰式炒硯，硯夠大隻，炒到好香口，而且食落又無沙，唔錯。生菜包，豬肉碎肥瘦均勻，加埋d辣椒去炒，夠曬香口惹味，包住生菜食，真係一流。泰式魚，排場好勁，用酒精爐熱住黎食，點d garlic bread黎食，好有泰式風味，魚夠鮮，無乜骨啖啖肉，仲好大條，夠曬好味。泰式炒通菜，食落好惹味，炒到岩岩好斷青，食落夠曬滑同爽口。

一向都好中意食泰菜, 每次朋友一話去食泰菜我就勁興奮, 特別係而家仲未有得去旅行, 一於去食下泰菜搵番D 泰國的感覺先! 我地揀左呢間餐廳, 都真係一個明智既選擇~ 餐廳入面既位置都坐得幾舒服, 餐牌上面都有唔少菜式可以揀, 仲有好多唔同類型既, 我地叫左酸辣鳳爪沙律, 炒蜆, 炸雞軟骨同埋冬蔭公鰂魚~ 酸辣鳳爪沙律既鳳爪係無骨鳳爪, 食落口夠哂爽口, 同埋唔駛LUR骨都咪話唔過癮, 食入口啖啖肉, 好快就KO 左一碟, 因為佢酸酸辣辣既關係, 食到我地D胃口都開哂 hahah 佢既泰式奶茶都好有泰國既味道~~ 炒蜆超大粒, 又冇沙, D 肉又夠彈牙, 食落真係好正好開心! 個味道仲要好好~炸雞軟骨更加係愈食愈停唔到口, 夠哂脆口同熱辣辣! 味道又夠惹味,一次過放一堆入口真係好滿足! 冬蔭公鰂魚夠哂惹味, 食落超正! 魚肉又夠滑! 正呀!

呢日同屋企人食飯黎到大埔呢間木屋大排檔,真係幾抵食! 大約7:30 入面都差唔多坐滿哂~ 佢食物既款式都有好多~ 同埋做緊優惠, 叫指定既小食就送啤酒一杯, 啤酒仲要係藍妹既500ML~ 真係幾抵, 平時係出面叫一杯都唔平, 呢個配搭超抵, 岩哂飲酒人士, 同朋友黎chill 一chill~ 當然, 黎到泰國餐廳梗係都要食番D 地道泰國菜, 先叫個椰青黎試試佢先~ 椰青超甜, 店員附上一隻匙, 俾你刮埋D 椰肉黎食, 真係一椰青做到兩個用途! 野食方面都真係好滿意, 我地叫左蠔仔炒蛋, 蠔仔炒蛋係用鐵板上菜既, 上到黎個陣仲滋滋聲, D 蠔又夠哂飽滿, 唔係D 唔夠肥美既蠔, 食落去啖啖蠔肉再加上蛋真係一絕! 另外我地仲叫左蒜蓉包同埋生菜包! 生菜好新鮮, 蒜蓉包就夠哂蒜蓉同牛油,食落真係perfect! 講完都已經想再去食多次!!!

木屋大排檔 (大埔)大埔大埔太和路15號太和中心地下27-28號舖下雨天唔想煮飯～去附近泰式餐廳叫外賣！可能6:00時間尚早～餐廳啱啱先開晚市～仲未有其他食客～落單後10分鐘已經入晒盒拎得！夠晒高效率！等咗陣睇個餐牌～餐廳用搞笑方法教大家讀泰文XD 影咗張相俾大家有興趣嘅睇吓😂泰式板煎蠔仔蛋🍳 $88蠔仔份量十足～而且粒粒飽滿！蠔仔清洗得好乾淨～冇食到沙粒👍🏻有時喺出邊餐廳會食到啲沙粒～搞到冇晒「引」😂 驚喜地佢唔係煎到一塊塊蛋餅~而係炒滑蛋！炒蛋火候掌握得啱啱好～唔會過老～夠晒嫩滑～仲食到有D蛋汁喺度🙈另外 餐廳加咗啲蔥粒落去炒滑蛋增加口感！個底疊左芽菜仔～撈埋一齊食幾豐富！燒巨型大虎蝦🦐（2隻）$68一打開外賣盒～已經聞到一陣陣燒蝦香味！虎蝦夠晒大隻～蝦頭仲有蝦膏！蝦肉唔會「梅」身～夠晒爽口彈牙！唔洗點醬汁已經覺得夠晒味～新鮮貨係唔同啲！黑醋芒果蟹肉沙律🦀🥭 $98係新鮮蟹肉絲呀！食落去覺得同平時罐頭蟹肉係唔同啲～芒果夠晒新鮮～酸中帶甜！車厘茄同沙律菜都好新鮮！黑醋嘅甜味加上芒果嘅甜酸好配合！焦糖菠蘿🍍（$22*2）超抵食！一串焦糖菠蘿五大嚿～之前去日式串燒店食一串兩嚿都要成$30

今日同女朋友難得早放，放工就一齊去大埔食飯。行到去太和路，云云眾多既餐廳之中見到有一間門面好光鮮而且招牌又五顏六色好吸睛(寫住wooden house 大排檔)，所以我地就吸左埋去😎印象中呢個鋪位之前唔係呢間餐廳，所以我估應該都幾新下。我地再望望個餐牌原來係泰國菜又幾岩食所以就入左去😋餐廳入面既枱算幾闊落，坐得幾舒服。店內主要用啡木色為主，燈罩係用泰國風既木紋燈罩，相當有特色🤩menu裡選擇多，而且大部份食物都圖文並茂(每張圖既食物都好吸引😋)，menu內頭兩頁仲有d日常泰國用語，幾有趣。除左本Menu之外，仲有兩張餐廳推介既食物介紹，餐廳食物既款式非常多睇到我地花多眼亂，而且價錢相當優惠😆我地最後叫左一個炒飯，少少串燒，一碟咖哩哩同泰式特飲🤤傳統蛋咖喱炒大蜆😍😍咖喱汁非常好味，食落甜甜地又有好重蛋味(如果我地唔係叫咗個炒飯，都會叫埋個法包試下，相信法包點呢個咖哩汁一定係perfect match)！至於每隻蜆既size都非常大隻，食落好有咬口而且夠新鮮同埋最緊要係無沙！👍辣椒膏豬頸肉炒飯👍🏻👍🏻👍🏻炒飯炒得好香口，米飯粒粒分明而且仲落左豬頸肉，蔥粒，洋蔥同辣椒粒一齊炒，每粒飯都炒得好

第一次寫食評就係獻左比佢。因為真係好難食🙄一開頭見到openrice咁多好評就黎試下啦。叫左冬陰功，酸辣湯花甲，豬頸肉炒河同蝦餅。幫我地落單個呀姨態度差串串貢已經搞到條氣唔順，之後先後黎左冬陰功同酸辣湯花甲，兩個都叫小辣，但係冬陰功好似大辣咁，又甜，同平時啲冬陰功味好唔同。酸辣湯花甲就唔單只係唔酸唔辣，D湯直情係好似芹菜煲水咁，實在太淡😶‍🌫️就叫佢比小小豉油同指天椒啦自己調味啦，點知佢話無辣椒？？？？？？？？？？當我弱智咁hea我🤣話鋪頭policy唔比得都好D，個湯入面明明見到指天椒都同我講無🤣到豬頸肉炒河，啲肉韌到爆，又冇豬頸肉應有嗰啲炭燒味，河粉就都係好淡🤣得個油味，我地三個人每人夾左一啖試完已經放棄左蝦餅就不過不失正正常常啦！總結：態度-10分，食物-10分。 完

入夫家大埔同朋友夫婦食飯朋友話屋企附近呢間餐廳呢排都幾多人一於就試下佢咩龍料一早係Open rice book左星期六7點四位～去到門口見到有人排隊都好彩自己有訂枱入到去餐廳裝修有dd泰國風情偏暗又好有d酒吧feel~唔知前身係咪真係酒吧黎我哋嗌左7樣野加3杯啤酒～生蝦唔記得影份量有6隻，中規中矩椒鹽粟米🤔第一次食泰菜有得嗌呢個澳門名物味道ok，但唔夠椒鹽同唔夠鑊氣呢個鳳爪沙律not ok!!!個醬太甜又唔辣同平時食開既好大分別呢個酸辣湯蜆係小食list入面嗌小食list入面既野會送一杯泰生啤🍺個湯好飲，蜆肉偏細隻，好彩無沙要讚既係配料多，勁多芹菜墨魚餅 係全晚最好食既一樣😅冬陰公烏頭個冬陰公超奶。。重手左落椰奶如果配酸辣湯應該會好食d魚都大條，夠四個大人share!!臨尾嗌左個炒pat Thai我淨係試左一啖仔因為太飽了如果齋講價錢同上碟份量性價比確係高計埋味道之後就非常中等再計埋無乜招呼既招呼之下就無咩事唔會再幫襯多次🙃🙃值得一提係，餐廳上菜速度快過快餐但食物又真係熱架喎😂😂另外，要留意餐廳只收現金！

今次又去到大埔搵好嘢食，之前試過木屋船麵，咩都唔錯而且價錢非常抵食，今次見到有間叫木屋大排檔，我估應該係同一個老闆，所以性價比應該都會幾高，於是就去試一試。見到餐牌食物嘅價錢都唔算貴，而且有有啲菜式都幾特別喺出邊嘅泰國餐廳好少見。今次就叫咗一個鹽焗烏頭同埋香茅椰汁雞。鹽焗烏頭大大條，即叫即整拎上枱嘅時候新鮮滾熱辣，肉質鮮甜又唔會整得太熟。香茅椰汁雞嘅湯有濃郁嘅椰汁香味，用嚟送飯或者配上烤餅一齊食都非常一流。飲品就叫咗泰式奶茶配鮮忌廉，個杯仲係骷髏骨頭形狀好搞笑😆

前幾日同朋友去咗大埔呢間木屋大排檔食晚餐，之前都食過一次，覺得味道唔錯，所以今次特登推介朋友嚟食。不嬲都好鍾意食泰國越南野，而呢一間價錢合理，選擇多，味道又好，地理位置仲幾方便自己，所以會係食過返尋味嘅餐廳。餐牌厚厚一疊，直頭影唔晒添。我同朋友兩個人就叫咗杯泰奶、椰青、芒果蟹肉炒飯、青咖喱牛、燒菠蘿，再加咗蒜蓉包，整體質素相當唔錯。椰青鮮甜新鮮，青咖喱濃味香口，牛軟硬適中，芒果蟹肉炒飯比想像中更好味，上面鋪咗啲櫻花蝦，增加左一層口感，炒飯炒得粒粒分明，唔油膩，旁邊嘅芒果睇顏色以為會好酸，食落口其實係甜嘅。唯獨蒜蓉包如果再脆口會更出色，但調味是出色的。最後埋單兩個人322 ，價錢合理，環境都唔錯，會再嚟。

今日喺大埔呢邊收工去咗住附近嘅朋友屋企黐餐聚下舊我發現太和依附近都有好多餐廳諗住買啲外賣上去加餸最後揀咗依間木屋大排檔 因為佢哋嘅外賣自取同埋套餐價都好抵呀我哋一致認同想叫海南雞試吓而且仲想加個椒鹽粟米小食睇佢餐牌嘅圖片賣相超吸引不過好遺憾地原來套餐A款唔可以揀兩款相同嘅菜式最後我哋唯有散叫依度只係其中半份海南雞佢底下個層都有雞㗎🤩所以份量真係超級足料俾咗兩款醬汁我哋 食落兩款都係重蒜蓉味而一款偏辣雞肉超滑嫩 脂肪適中 香得來又唔會太肥膩雞皮好薄身而且係比較爽口嘅 食落唔會覺得好油膩大家都讚不絕口淨係食海南雞都試到佢哋食物嘅質素啦🤩❤️椒鹽粟米呀😆睇餐牌嗰時已經好期待但係由於外賣焗咗一陣嘅關係冇期待中咁脆口香口椒鹽唔係好出 食到辣同埋一啲香料味道可能要堂食先試到佢嘅真正質素啦另外我哋叫咗豬頸肉炒芥蘭個人略言多油但係芥蘭炒得好脆口👍🏻👍🏻豬頸肉偏厚切而大條但數量就唔多嘅成班人食唔係好夠喉🤤不過調味出色 惹味得嚟有少少焦香🤤整體來講呢度嘅食物質素我哋都好滿意有機會會堂食試吓佢唔同嘅小菜❤️

今晚同老公想食泰國嘢，就嚟咗大埔嘅木屋大排檔，因為聽朋友講過話幾好味，所以就嚟試吓，坐低咗之後睇到本Menu超級多嘢選擇，真係勁多款泰國菜任你揀，樣樣都想食嘅我哋都睇咗一陣，最終就決定咗叫一個辣椒膏肉碎炒金邊粉，一個生菜包，同埋一鍋冬陰功明爐海鮮，首先嚟嘅係辣椒膏肉碎炒金邊粉，個人覺得比較濕啲，如果炒得乾身啲就會感覺好啲，但係味道都夠，唔會太過淡，係唔差嘅，然後生菜包佢分咗一隻係炒嘅豬肉同一隻係唔炒嘅豬肉，我哋就叫咗隻炒嘅豬肉，不過個人認為呢個略嫌失色咗啲，因為期望佢炒過嘅豬肉係會好香口好惹味，但係認為麻麻地，最後一定要推介嘅最出色就係冬陰功明爐海鮮鍋，好多海鮮，包括鮮蝦，魷魚，青口，花甲，仲有粉絲薦底，最緊要嘅就係個冬陰功湯，冬陰功湯濃郁，唔好以為佢用來做左湯底會比較淡，但係係真係同冬陰功湯冇分別，鍾意飲冬陰功湯嘅我覺得好好飲，至於所有海鮮都好新鮮，花甲都好大隻，最好味嘅就係個粉絲朔左個冬陰功湯，下次真係可以再嚟試吓其他菜，因為佢本Menu真係好多好多款菜式俾你揀，樣樣都想食，值得推介👍🏻👍🏻👍🏻👍🏻

木屋大排檔，聽個名本身以為係食中式小炒，原來係食泰國菜嘅。入到餐廳，環境裝修佈置都幾特別，燈光條配比較昏暗，幾有感覺。今次簡簡單單叫咗個黃咖喱牛腩，再加$28叫咗個香酥烤餅。牛腩炆得幾冧，而且肉嘅部位救救都係腩位，每舊都有肉有少少筋位黐住，口感相當唔錯。黃咖喱味道濃郁，味道比較偏甜。用酥餅點醬汁嚟食就唔錯啦。黃咖喱牛腩價錢先係$78，但係份量都幾多，非常抵食。另外叫咗一個馬拉盞炒通菜，通菜係用瓦煲嚟上，上枱嘅時候仲有㘉㘉聲，味道唔錯。嘢飲就叫咗個泰式奶茶配忌廉。

係木屋外賣番屋企，好抵！木屋大排檔位於太和果邊，附近有好多餐廳林立。冇諗到佢平日夜晚6點多就已經有好多人，入餐廳要排隊，外賣要等成20分鐘度！證明佢咁受歡迎應該會幾好食啦入去叫外賣時，見餐廳裝修幾有氣氛點左個$258套餐 2A+1B，再追加1份小食！佢個套餐都幾多選擇又大份拎番屋企既時候，因為隻燒雞太香，個錫紙都蓋唔住佢既香味，攪到好多人望住我，我都唔好意思泰式燒雞番到屋企打開先發現係全隻雞，幾大隻下。不過食落較乾身，雞肉本身唔係好入味既，但點完佢個辣汁就覺得好好味青咖哩牛腩青咖哩係辣既，味道正常，牛腩好淋，送飯一流馬拉盞一字骨好野味，份量多，大大淡肉，簡直係食肉獸既福音小食拼盤以$32 追加既價錢黎講，有8件小食，除番開都係$4件，算幾抵食新鮮炸起，就算番到屋企都重脆口！