木玥巷

营业中

休息中

🍗 木玥鹽酥雞飯 + 安格斯滷肉 𝖧𝖪𝖣𝟩𝟨+𝟣𝟧鹽酥雞必點 💓 水準同上次一樣皮脆內嫩 大大件 份量又多🤤配埋酸甜柚子汁 唔會太膩太熱氣今次跟餐加配安格斯滷肉 肥肉偏多不過肉汁 𝖩𝗎𝗂𝖼𝗒 送飯一流🍱 黯然銷魂安格斯滷肉飯 𝖧𝖪𝖣𝟪𝟪安格斯牛肉充滿滷肉味～肉質嫩滑半肥瘦口感 🍖 珍珠米滲透滷肉汁果然係每次必點主食！❤️加埋一隻太陽蛋 撈飯一流🍢 台式炸物拼盤 𝖧𝖪𝖣𝟫𝟦厚切地瓜條 岩岩炸起 外脆內軟配埋酸梅粉 🍠 酸微微 好開胃鹽酥雞翼 炸到太乾身花枝丸 🍥 少少淮鹽 咬落十分彈牙仲有甜不辣 口感煙韌🍹 木玥招牌水果茶 (跟主食餐牌+$𝟥𝟤)必叫水果茶 🍎🍊🍋 🍉 西柚味主打酸酸甜甜 解渴解膩～ 食咁多油炸野都唔怕🍾 木玥黃金水果茶 (跟主食餐牌+$𝟥𝟤)相比下比較遜色 🍍 菠蘿味好淡感覺似飲咁一杯有菠蘿味既甜水🫠不過整體嚟講 食物質素都高💓而且係屯門區內真係數一數二出色既台灣菜可以令 👧🏽 再去幫襯其實佢地元朗都有分店～不妨一試 💛-𝖳𝖺𝗌𝗍𝖾 ♥︎♥︎♥︎♥︎♡𝖲𝖾𝗋𝗏𝗂𝖼𝖾 ♥︎♥︎♥︎♡♡𝖣𝖾𝖼𝗈𝗋 ♥︎♥︎♥︎♥︎♥︎♡𝖧𝗒𝗀𝗂𝖾𝗇 ♥︎♥︎♥︎♥︎♡𝖢 / 𝖯 ♥︎♥︎♥︎♥︎♡

嚟到屯門一定要試吓出名嘅台灣餐廳 - 木玥巷蒲燒饅魚飯 $78賣相唔錯，望落幾豐盛。饅魚燒汁配飯一流鍾意食饅魚嘅朋友可以一試！紅燒牛肉麵 $76咬咗啖牛肉覺得好厚好juicy係食過最好食嘅牛肉麵！就連白菜同蘿蔔都好鮮甜，雖然價錢比一般台灣餐廳貴少少，但個人覺得味道值呢個價錢，味道一定比高分木玥招牌水果茶水果茶好大杯，好彩只係嗌咗一杯同朋友share飲落覺得好清爽好fresh，大大杯又好飲!味道：9/10, 值得一試

今日入屯門搵食，黎咗好多人推介嘅木玥巷。果然無令我失望😋我哋食咗最多人推薦嘅兩款食物，真係幾出色喎！🔸紅燒牛肉麵(💰76)(8.5/10)啖湯有濃濃嘅牛肉同淡淡嘅藥材味，幾塊牛肉又厚又大塊，炆得好淋，好易咬開，仲有肉汁，好入味，紅白蘿蔔亦都好淋好多汁！唯一要挑剔係麵條有啲啲軟身，如果硬返啲會好啲。配菜有炸蒜、酸菜、青瓜，全部都好啱送麵！正！🔸 黯然銷魂安格斯滷肉飯(💰78)(8.5/10)滷肉飯真係好好味，安格斯夠淋夠入味，嗰隻醬汁雖然係滷肉飯嘅味道，但係一種出面食唔到嘅味道。真係好味道啊🤤但隻煎蛋太熟了，如果流心就更好！不過隻蛋都煎得幾脆👍🏻🔸台式焦糖咖啡(+💰28)(7.5/10)焦糖味幾香👍🏻呢度除咗食物好味，招呼仲幾好。如果我住近啲，一定會成日幫襯！🤭Overall評分: 8.5/10

好耐之前食過，忘記影相，但想紀錄下感想個次2個大人1個小朋友，叫左d小食，雞粒，芝士年糕同蕃薯條，另外2個主食，好似係叫紅燒肉飯同個一個麵既，仲有幾杯飲品，叫左咩野飲已經唔記得，但記得唔好飲，小食都算好食既，但只係炸野冇咩技術可言，蕃薯條個味淡左d，記得個紅燒肉飯（記唔清個名），唔夠入味員工唔太主動，唔醒目，好似有個男士（似係主管或老闆）就好主動醒目。食到尾有暗示我地埋單，我明白呢樣情有可原既，畢竟舖細枱少一般而言，成日見佢排隊（可能食飯時間），又唔覺得值得排，非繁忙時間黎就ok

鍾情台灣美食嘅朋友仔一定要試一試木玥巷，唔會令你失望！今日午餐同朋友食咗以下3款，全部都真係好好味👍🏻紅燒牛肉麵$82先飲淡湯，湯底有淡淡嘅藥材味，麵條好有咬口，牛肉有4大塊好足料，炆得好腍，白蘿蔔、紅蘿蔔都好香甜！黯然銷魂安格斯滷肉飯$85滷肉飯食得多，多數都係豬肉嘅，呢間嘅滷肉用咗安格斯牛肉，好特別！肉碎連蛋汁撈飯一齊食，真係無得頂！木玥鹽酥雞飯$68鹽酥雞真係好出色，炸得非常之香脆，份量俾得勁多！😋

推介指數：🍽️🍽️🍽️🍽️🍽️｜Comment｜食過咁多間台灣野呢間都算係最好食嘅其中一間值得再encore我哋四個人去都食咗好多嘢睇得出餐廳都好用心去準備|食咗咩|🍹木玥招牌水果茶🍱黯然銷魂安格斯魯肉飯🦪炸蠔🍠夜市地瓜條🍗鹽酥雞🍖台灣雙色腸🧆台式炸物拼盤 🍚櫻花蝦鰻魚炒飯🍘宜蘭三星蔥餡餅📍Location🚇相近地鐵站：屯門站...#cmhere #hkig #hkfood #hkfoodie #台灣菜 #好食推介

屯門不嬲都好多小店，今次🖤黑白配⚪️去咗一間都幾隱蔽嘅台式人氣小店，見到門口都幾多人排隊👯‍♀️餐廳設計呈木系風文青風格，價錢方面抵食💰份量亦都足料大份紅燒牛肉麵 $65牛肉麵湯底飲落有啲淡淡藥材味，飲得出唔係嗰啲味精湯🍲，麵條幼身有咬口，而佢啲牛係用咗牛肋條，份量足料，食落去啲牛好淋👍🏻 佢嘅紅蘿蔔白蘿蔔食落去都幾清甜 黯然銷魂安格斯滷肉飯 $65呢款滷肉係用安格斯牛肉整，啲牛肉肉碎炒到好香份量亦幾多，配埋珍珠米🍚撈飯真係一流🤩，另外配左隻太陽蛋撈埋啲蛋汁啖啖都惹味炸花枝丸 $40花枝丸表皮有啲椒鹽喺度，而且炸到好香脆，入口彈牙😌玫瑰可可鮮奶 $34

木玥巷🪵有少少隱世既台式食店 位於屯門虹橋地理位置小小格攝 不過喺大西北來講都算出名元朗同埋屯門各有一間分店⛳️聽講係前半島酒店大廚主理💓🤫鹽酥雞午市套餐$65呢個套餐真係滿滿嘅儀式感 連木托盤一齊上 好有日式定食嘅感覺 午市嘅價錢親民 💓分量真係十足 鹽酥雞滿滿 滿都變咗做鹽酥雞山🐥鹽酥雞酥脆香口 皮薄肉嫩 爆汁好Juice💦 再配搭佢哋嘅自家柚子汁 點又得唔點又得 都一樣咁好食 食到一半如果覺得太熱氣🔥點汁就可以中和返呢種感覺🫧波兒我 對於飯呢樣嘢 有一種飯心🫶🏻呢度嘅飯唔會轉到一pat pat ~好似係珍珠米 粒粒分明 配搭鹽酥雞真係非常之好食🥺唔知有冇人明好食嘅白飯 本身佢自身會帶一種鮮甜味🥹真係好滿足💓值得推介呀！

餐廳外觀走文青風格，入面都坐得舒服。招牌牛肉麵賣相靚，適合打咭，而且肉量多，食肉獸會喜歡；但個麵同湯感覺一般，不會有再叫的意欲。反而安格斯滷肉飯真係好食，食到牛肉塊之餘，個飯甜甜地，又有少少濕潤。想個飯再濕潤少少可以叫廚房將個熟蛋改做半熟蛋。蝦餅炸得乾身，不太油，有少許彈牙感覺。飲品方面推介他們的水果茶，大杯而且味道唔差，打咭一流。順帶一提，他們的服務是有點飄忽的，有時去到有枝水放係枱俾你自己，有時就無；有時搵侍應叫極都無人理你，有時就好熱情。

牛肉麵係招牌，但一啲都唔好食。。。。。，淡到不得了👎🏻👎🏻，牛肉都叫ok好食，湯底淡之無味。。。杯野飲得個死甜，唔叫少甜應該甜到爆，小食鹽酥雞一啲都唔鹽酥，花技丸可以，眼見出面好多人排隊，只係名氣吸引

去到3人話要等位，一路等，起碼3個字一路入左3枱2人客，佢入到第三枱客先係到扮話就快有位要再等等，之後再入去同個安排位嘅職員講話咁你其實仲洗唔洗客等位你一路入人入去，仲要係到鬧番我係佢餐廳入面話佢，係咁話得細枱，但佢其實兩張細枱係有得痴住做4人位咁。

今次同同事一齊落嚟食lunch😋我叫左超抵食嘅鹽酥雞、紅燒牛肉麵、酥炸排骨飯轉滷肉飯✨啲炸雞一個人真係食唔晒🤤🤤好正😍好酥脆，熱辣辣，一流！牛肉麵有4大舊牛，好飽肚，牛肉都好好味。酥炸排骨好抵玩，勁大塊😋又正。最重要係所有嘢都熱辣辣🤤服務一流，係一班好後生嘅年輕人，由於我唔係太飲得凍野，但又好想飲微涼嘅飲品，因為食炸雞點可以唔飲嘢😂所以服務員超級無敵貼心咁幫我放2粒冰❤️呢間嘅好服務絕對係香港地少有💯因為每次去茶餐廳叫少冰，啲冰都好似唔洗錢咁，同正常係一樣分量。如果問返佢點解唔少冰，就西面小返你: 少左架啦！所以呢間嘅服務要比120分💛環境舒適，仲有音樂聽🥳推薦推薦👏👏

木玥巷💛蟹肉明太子炒新竹米粉 $90黯然銷魂安格斯滷肉飯 $84炸花枝丸 $40木玥黃金水果茶(少冰少甜) $42另收+1服務費人均消費: $141 (2人) -蟹肉明太子炒新竹米粉🦀好大份😝個底偏油 佢唔係乾炒佢個米線顏色偏透明可能因為佢係台灣嗰邊嘅新竹米線🗾佢入邊有蛋 蟹肉 熟嘅明太子 椰菜🥬同埋有個芫荽做topping成碟嘢熱辣辣🔥佢仲有溫馨提示我 小心啲熱🥰好香炒過嘅味道 幾好味🤤佢係偏碎嘅炒米粉 唔會話成條好長嘅米粉·🐱：黯然銷魂安格斯滷肉飯🍚顏色配搭 視覺上幾正😍一望就見到好靚嘅煎蛋 白色加橙黃色🍳之後個菜係綠色🥬 再加上紅色嘅紅姜嗰隻蛋係幾正嘅 係流心蛋🥚不過個煎蛋的確係幾好味🤤佢嗰一條菜係小棠菜 幾多汁下跟住紅姜唔係太討好🥺佢嘅滷肉啲汁同埋肉碎都OK不過唔夠香 啲肉碎份量都算多👻安格斯係指入邊有幾舊牛肉 再加一條牛筋🐮個牛肉幾好食嘅 唔係話好大浸牛味嘅感覺係一大舊牛肉 好食👍🏽牛筋就係一條 不過有少少漏🥺因為佢啲肉碎已經夠晒多 可以撈晒成個飯同埋啲飯好多🍚所以最後食牛筋 就覺得佢有少少漏同埋因為撈埋佢嗰個蛋漿🥚成碗飯係比較杰撻撻所以感覺上會有啲杰撻撻 有啲漏同埋食唔晒因

又係一間人氣台式餐廳🔥🔥🔥地方都比較入少少🤏🏻佢地嘅鹽酥雞大大份，一個人食同埋細食嘅就會覺得有啲full😂野飲都係好大杯，而且都有好多選擇下🍸🍹

今日嚟到屯門，上返openrice睇我有無bookmark過屯門嘅餐廳，又真係有唯一一間而且又唔遠，所以就鎖定左木玥巷。餐廳12點開門，我12點0幾分到都已經見坐左幾枱客人，好快啲位都full晒，睇嚟都幾受歡迎。叫左個紅燒牛肉麵($65)，朝早食左野，又無特別野想飲，所以就單點算了。雖然menu寫係午市套餐，但注意飲品係要加錢的。上到枱都幾presentable，牛肉麵睇落好豐富，另外有一份配菜。牛肉麵有三大塊牛肉，數量好似好少，但每塊都好大舊，食落口鬆化，未到入口即溶，但唔韌，連埋牛肉少少肥膏，多左陣油香味。湯底好飲夠味，而且飲落無咩味精，我飲左差唔多大半碗但之後都無覺得口乾。我覺得麵煮得啱啱好，唔會覺得好稔，依然保持咬口。白蘿蔔本身自己唔夠鮮甜，但係啲湯汁已經入晒蘿蔔度，所以就算唔甜都好食。配菜其實應該淨係得最左邊嘅醃青瓜蓮藕係小菜，酸酸甜甜夠開胃。另外兩格嘅乾洋蔥碎同酸菜都係配麵食的，特別鍾意個酸菜，平時其他牛肉麵會將酸菜放埋落湯度，但而家分開上，酸菜伴麵一齊食時依然保持佢嘅酸味，令到主食有多一層層次。餐廳唔喺屯門市中心，如果真係入開嚟附近做野就不妨試試。=木玥巷//屯門井財街7